Rɔmɛ̀n-anmàn-bɔ̀ 6:3 - Ɛmɛẅi ankà ankrànkràn 2003

³ Nyɛ́n sɩ̀ nyrì ɔmu le bɔ́ lɔ fɛn léyi yɛ wá bɔ̀ ɛnshi ɛnkru, ô bɔ́ mán Zhezü Krisì mɛhi bɔ́ dú eci zri, kɩ bɔ́ ɛnshikru-wá lɔ hán bɔ̀ bɔ́ bru n'owù lɔ mɛ̀n hàn?

Rɔmɛ̀n-anmàn-bɔ̀ 6:3 Iomraidhean Croise

Matie 28:19

Nyɛ́n hɔ́n ɛnhibù mumù lɔ fɛn wú, nyɛ́n hɔ́n anwrɔn ɛtɛ̀sɛ̀n, ô nyɛ́n srɔ yɔ m'ɛsɛ̀nkɛn-bɔ̀; nyɛ́n wá yɔ ɛnshi ɛnkru: Ezi, Ɛnẅì mán Ɛnhɛ́n Prɔnprɔn bɩ́mɛ̀n,

Ɔkɔ̀hɔ̀n-wá-bɔ̀ kɔ̀hɔ̀n hán 19:5

Ɛnvra léyi yɔ yá ankà ndɔ hɔ̀n lɔ trɔ nɔn, yɔ hán yɛ wá yɔ ɛnshi-ɛnkru Ɛẅɛnwrɔn Zhezü bɩmɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 2:38

Piɛrɛ̀n mrɛ́n yɔ ɔmùan le: “Nyɛ́n crɔn ny'eci-hán-ci, ô ɔwrɔnwrɔn kɛ̀ hán yɛ wá nɛ̀n ɛnshi ɛnkru Zhezü Krisì bɩmɛ̀n, ô ny'ɛgbàn hɔ̀n lɔ kè bɩ ce nyɛ̀n. Zɛtɛn nyɛ lɛ cɔ́ Ɔwɔ cice-ci lɔ, Ɛnhɛ́n Prɔnprɔn.

Ɔkɔ̀hɔ̀n-wá-bɔ̀ kɔ̀hɔ̀n hán 8:16

Annanwɔrɛmɛ̀n lɔ, Ɛnhɛ́n Prɔnprɔn kɛ vá kakɛ y'ɛmɛ̀n lɔ ɔwrɔnẅì zriɛmɛ́n wúɛ; ɛnshi de yɛ wá yɔ ɛnkru Ɛẅɛnwrɔn Zhezü bɩmɛ̀n.

Rɔmɛ̀n-anmàn-bɔ̀ 6:16

Nyɛ́n nyri anvrɛnvrɛn le: ke dú kɛ nyɛ́n dú ɔwrɔn tɔ̀n kɔ̀hɔ̀n-hán mɛ̀n, ô nyɛ́n ẅɛn n'ɔwá, nyɛ srɔ ankà-yé-wrɔn léyi nye yi anhyɛ nɔn, n'anwɔ̀n-bɔ̀; ndú hán ɛgbàn léyi ke sɩ́ owúemɛ̀n, vru dú hán Ɔwɔ anhyɛyì léyi ke sɩ́ ɛwúvà-nyrɔnnan mɛ̀n nɔn.

Rɔmɛ̀n-anmàn-bɔ̀ 6:8

Ke dú kɛ bɔ́ mán krisì mɛhi bɔ́ wù hô, bɔ̀ ẅɛn esɛ́ le, bɔ́ mán nɛ́n mɛhi bɔ́ lɛ kɔrɛ̀ bɔ́ le dù.

Rɔmɛ̀n-anmàn-bɔ̀ 7:1

Anwrɔn-nɛ́n-muan-ẅì hɔ̀n, annanwɔrɛ mɛ̀n lɔ nyɛ́n nyri ankà léyi mɛ vá nyɛ̀n ɛ dɔ́ nyri nɔn. Ɔmuhi nyɛ́n nyri ɛnyànmàn nɔn: ɛnyànmàn ẅɛn ɛkɔrɛ̀-levri ɔwrɔnẅì wú hàn kɩ kɛ lɛ cɔ́ n'ɛmɛẅi trɔ vra.

1 Korɛntɛ̀n anmàn-bɔ̀ 10:2

Ɛnwì-bgú mɛ̀n mán ecüe mɛ̀n, yɔ lɛ fɛn yɔ dú ɔbɔ̀sɔ̀ shikru-wá mɛ̀n yɔ mán Mohizì mɛhi.

1 Korɛntɛ̀n anmàn-bɔ̀ 12:13

Kɩ bɔ́ lɛ fɛn lɔ, Zhüifɛ̀n-bɔ̀ hô, kè sɩ̀ dù Zhüifɛ̀n-bɔ̀ hô, anwɔ̀n-bɔ̀ hô, anwrɔn kora hɔ̀n hô, yɛ wá bɔ̀ ɛnshi ɛnkru, ô bɔ̀ dú edùwrú zri, Ɛnhɛ́n Prɔnprɔn zri lɔ mɛ̀n, kɩ bɔ́ lɛ fɛn lɔ, bɔ̀ cɔ́ Ɛnhɛ́n Prɔnprɔn zri ndɔ lɔ n'ɛnshi bò mì.

1 Korɛntɛ̀n anmàn-bɔ̀ 15:29

Nyɛ́n vru nyɛ́n tro anwrɔn hɔ̀n léyi kɛ hán yɛ wá yɔ ɛnshi ɛnkru yɔ tán owú-bɔ̀ nɔn y'ankà: esɛ́ ci tán de yɔ lɛ cɔ̀ nɛ́n? Ke dú kɛ annanwɔrɛ mɛ̀n owú-bɔ̀ ke sɩ́ frɔa, cɛci kruhú kɛ yɔ hán yɛ wá yɔ ɛnshi ɛnkru yɔ tán owú-bɔ̀ lɔa?

1 Korɛntɛ̀n anmàn-bɔ̀ 3:16

Annanwɔrɛ mɛ̀n lɔ nyɛ́n nyri ɔmu le nyɛ́n dú Ɔwɔ wɔn, kɩ Ɔwɔ Hɛ́n dú nyɛ̀n ɛmɛ̀n.

1 Korɛntɛ̀n anmàn-bɔ̀ 5:6

Ɔmùan-gbú-ankà bàdà ɛmɛ̀n! Nyɛ́n nyri ankà ndɔ lɔ anvrɛnvrɛn: “Eci-fɔ́-ci ẅiɛ kɩ kɛ hán dùdú-sɔ́n kɛ fɔ́.”

1 Korɛntɛ̀n anmàn-bɔ̀ 6:19

Nyɛ́n sɩ̀ nyrì ɔmu le ny'edùwrú lɔ dú Ɛnhɛ́n Prɔnprɔn wɔn, Ɛnhɛ́n ndɔ léyi dú nyɛ̀n ɛmɛ̀n, hɩ Ɔwɔ tán nyɛ̀n nɛ́n? Nyɛ́n sɩ̀ dù nyɛ́n dùku nyɛ tɛn:

1 Korɛntɛ̀n anmàn-bɔ̀ 6:9

Annanwɔrɛ mɛ̀n lɔ, nyɛ́n nyri ɔmu le anwrɔn hɔ̀n léyi kɛ hán eci gbangbàn nɔn, yɔ sɩ̀ cɔ́ ɛyri Anhobɩ́ Nɛ̀ncüì-dúyri. Nyɛ́n bɩ́ zɛ́n ankà ndɔ lɔ wú: ɛwúvà-gbàngbàn-ci-hán-bɔ̀, antɛ̀-buri-sɛ́n-bɔ̀, ɛncɔnwrɔn mán ɛnnyɔnwrɔn-bi gbàn-hán-bɔ̀, wúcɔ̀ hɔ̀n léyi ke yiri y'edomɛ̀n nɔn,

1 Korɛntɛ̀n anmàn-bɔ̀ 9:13

Nyɛ́n nyri annanwɔrɛ mɛ̀n le, anwrɔn hɔ̀n léyi dú ɔkɔ̀hɔn mɛ̀n ecice-wɔn lɔ mɛ̀n nɔn, kɛ cɔ́ y'ɛci-zî ɛcice-wɔn lɔ mɛ̀n, kɩ anwrɔn hɔ̀n léyi ke sɩ́ ɛcice-ci hɔ̀n lɔ Ɔwɔ tɛbrɛ̀ wú nɔn, yɔ cɔ́ y'ɛci-zî ɔkɔ̀hɔ̀n ndɔ lɔ mɛ̀n.

1 Korɛntɛ̀n anmàn-bɔ̀ 9:24

Nyɛ́n nyri annanwɔrɛ mɛ̀n le, ɛsrɛ́-bɔ̀ léyi ke dú ɛsrɛ́-kɔ̀ mɛ̀n nɔn, yɔ lɔ fɛn yɔ srɛ́, tɛ́n ɛnzri kɩ kɛ cɔ́ anjapkà. Nyɛ́n srɛ́, ô kɛ̀ hán tán nyɛ́n cɔ́ anjapkà.

2 Korɛntɛ̀n anmàn-bɔ̀ 13:5

Nyɛ́n wɔɛn ny'edomɛ̀n nyɛ́n nyan, nyɛ́n nyan nyɛ́n dùku ɔmu le nyɛ́n hán nyɛ́n dù nɔn, ke dú kɛ nyɛ́n ẅɛn ankaẅì-bùtan. Nye nyri ɔmu le Zhezü Krisì dú nyɛ̀n ɛmɛ̀n, kè sɩ̀ dù hɩɛ? Ke dú kɛ ny'edomɛ̀n crɛ́n mɛ̀n lɔ, nyɛ́n le dú ɛzɛ́n mɛ̀n.

Galasi anmàn-bɔ̀ 3:27

Nyɛ lɛ fɛn, annanwɔrɛmɛ̀n lɔ, nyɛ́n dú ɔbɔ̀sɔ mɛ̀n ɛnshikru-wá mɛ̀n nyɛ́n mán Krisì mɛhi kɩ ɔmu lɔ, eci léyi nɛ̀n tán bɔ̀ nɔn, nyɛ́n ẅɛn nɛ̀n edomɛ̀n.

Zhakɛ̀n 4:4

Anmùan-anhyrɛ̀-bɔ̀ léyi de dú nyɛ̀n nɔn! Nyɛ́n sɩ̀ nyrì ɔmu le, e dú ɛnhibù nɛ́n nyran hô, è dú Ɔwɔ gbri-wrɔn hàn? Ɔwrɔn léyi ke ji ke dú ɛnhibù nɛ́n nyran nɔn, nɛ srɔ Ɔwɔ gbri-wrɔn.

1 Piɛrɛ̀n 3:21

Ndɔ lɔ de ke yé bɔ̀ ɛnshi-kruwá picɛ̀ léyi kɛ tán bɔ̀ ebɩdie zɛtɛ̀ lɔ nɔn; ɛnshi-kru-wá ndɔ lɔ, kè sɩ̀ dù eci léyi ke jru bɔ̀ ɛnbrá edomɛ̀n nɔn, tɛ́n kɛ sán Ɔwɔ wàwúyɛ fifi. Ne bɩ́ bɔ̀ die Zhezü Krisì owúemɛ̀n-dùfrɔ́ lɔ n'ɛnboafɔ̀n mɛ̀n,