Rɔmɛ̀n-anmàn-bɔ̀ 5:8 - Ɛmɛẅi ankà ankrànkràn 2003

⁸ Tɛ́n Ɔwɔ yé bɔ̀ ɔmu le nɛ̀n zeze nɛ̀n cüɛn bɔ̀ nɔn: Krisì wú bɔ́ kruhú ɛnvra léyi bɔ́ vru bɔ́ dú ɛgbàn-hán-bɔ̀ nɔn.

Rɔmɛ̀n-anmàn-bɔ̀ 5:8 Iomraidhean Croise

Zhan 15:13

Ɛcüɛ̀n vri léyi ɔwrɔn ke le yé nɔn, dú hɩ le ne le wú nɛ́n nyran hɔ̀n kruhú.

Zhan 3:16

Ɔmuhi Ɔwɔ zeze cüɛ́n ɛnhibù-wú-bɔ̀ kɩ nɛ̀n tán yɔ n'Ɛnẅì zri lɔ, ô ɔwrɔn totɔtɔ̀n léyi kɛ ẅɛn n'ankaẅì-bùtan nɔn ke bɩ́ wúɛ, tɛ́n nɛ̀n cɔ́ ɛwúvà léyi ke sɩ́ trɔa nɔn.

Rɔmɛ̀n-anmàn-bɔ̀ 3:5

Tɛ́n ke dú kɛ ɛgbàn léyi bɔ́ hán nɔn, n'ɛwú lɔ Ɔwɔ kɛ hán bɔ̀ ɛgbàn hô, ankà tán bɔ́ lɛ dɔ̀a? Ɔwɔ kè sɩ̀ dù ɛnyrɔnnan-wrɔn ɔmuhi nɛ hán bɔ̀ ɛgbàn nɛ́n? (Mɛ dɔ́ anwrɔnẅìemɛ̀n ankà.)

Rɔmɛ̀n-anmàn-bɔ̀ 4:25

Ɔwɔ dí nɛ̀n owúemɛ̀n bɔ́ ɛgbàn hɔ̀n lɔ kruhú kɩ nɛ̀n vru nɛ̀n sɩ́ yi ɔkɔrɛ-bɔ̀ mɛ̀n, ô nɛ̀n srɔ bɔ̀ ɛnyrɔnnan-bɔ̀ n'ezìwú.

Rɔmɛ̀n-anmàn-bɔ̀ 5:20

Ɛnyànmàn nvà kɩ zɛtɛn ɛgbàn nvà cüɛn; tɛ́n ɛyri léyi ɛgbàn cüɛn nɔn, Ɔwɔ-boafɔ̀n vru sán cüɛ́n.

Rɔmɛ̀n-anmàn-bɔ̀ 5:6

Annanwɔrɛ mɛ̀n lɔ, ɛnvra léyi bɔ́ sɩ́ nyri ɔmu le bɔ́ lɛ hán bɔ̀ dú ɛgbàn mɛ̀n bɔ̀ srɔ nɔn, Krisì wú ɛgbàn-hán-bɔ̀ kruhú ɛnvra léyi Ɔwɔ wá tán nɔn.

Rɔmɛ̀n-anmàn-bɔ̀ 5:7

Sɔ́ tán ɔwrɔn léyi dú ɛnyrɔnnan mɛ̀n nɔn, ye wú n'ɛkruhú. Ɔwrɔn tɔ̀n kɛ lɛ ẅɛn edùyì tɛ̀ kè wú anvrɛn-hán-wrɔn tɔ̀n kruhú.

Rɔmɛ̀n-anmàn-bɔ̀ 8:32

Ɔwɔ kè sɩ̀ ẅɛ̀n n'ɛnẅì kɛ̀ sɔhɔ́, tɛ́n nɛ̀n bɩ́ yi nɛ̀n tán ye wrì, bɔ́ lɛ fɛn bɔ́ ɛkruhú: anhɔntan kɛ́ nɛ́n sɩ̀ tán bɔ̀ eci lɔ fɛn mán n'ɛnẅì mɛhiɛ?

Rɔmɛ̀n-anmàn-bɔ̀ 8:39

ɛwú-cüì-hɔ̀n lɔ mán, ɛnhi tɛn hɔ̀n lɔ mán, eci nyàntɛn léyi Ɔwɔ hán nɔn mán, eci-ẅì zriɛmɛ́n ke sɩ̀ ẅɛn bɔ̀ mrìmrì kɛ̀ sɔhɔ́ ɛcüɛ̀n léyi Ɔwɔ ẅɛn bɔ́ ɛwú, Zhezü Krisì, bɔ́ Ɛẅɛnwrɔn kruhú nɔn.

Galasi anmàn-bɔ̀ 2:20

hán tán kɩ kè sɩ̀ vru dù mɛ̀n de mɛ̀n dù ɛwúvà mɛ̀n, tɛ́n Krisì de dú mɛ̀n ɛmɛ̀n nɔn. Ɔmuhi m'ɔwrɔnẅì wúvà léyi mɛ̀n dú ɛmɛ̀n zɛtɛ̀ lɔ nɔn, mɛ̀n dú nɛ̀n ɛmɛ̀n, Ɔwɔ Ẅì léyi cüɛn mɛ̀n kɩ tán mɛ̀n n'ɛwúvà nɔn, n'ankaẅì-bùtan-ẅɛn mɛ̀n.

Efɛzɛ̀n anmàn-bɔ̀ 2:7

N'ɛzrɔ léyi nɛ̀n yé bɔ̀ Zhezü Krisì bɩmɛ̀n nɔn, hɩ mɛ̀n lɔ, ne ji nɛ̀n hán tán ɛnvra hɔ̀n léyi dú ezì kɛ và nɔn, kè nyri nɛ́n boafɔ̀n nɛ̀ncüì-dì vri lɔ.

Efɛzɛ̀n anmàn-bɔ̀ 5:2

Ke ji le ny'ɛwúvà ci-hán lɔ kè dú ny'ɛcüɛ̀n ci-hán, kɛ̀ cá Krisì léyi cüɛ́n bɔ̀, kɩ tán bɔ̀ n'ɛwúvà, ndù hán ecice tɔ̀n mán ɛcɛ̀nbì-ci léyi Ɔwɔ kɛ cüɛ́n n'ɛndɔ̀ nɔn.

Kpàkpà timote 1:16

tɛ́n hɩ le kruhú de Ɔwɔ nyri mɛ̀n ɛnhyɔ̀bɔ̀ nɔn: nɛ̀n ji ɔmu le, Zhezü Krisì kè yé le mɛ̀n dú ɛgbàn-hán-wrɔn vri, hɩ le kruhú de ne yé n'ɛnbɔrɛ-ẅɛ̀n-hɛ́n kè dú sɛnpò kɛ tán anwrɔn hɔ̀n léyi ɛnbi tɔ̀n, ke le bú n'ankà kɛ̀ tán ankaẅì, kɩ kɛ lɛ cɔ́ ɛwúvà léyi ke sɩ́ trɔa nɔn.

Ebre-bɔ̀ 8:3

Ecice-wrɔn cüìcüì totɔtɔ̀n léyi yɛ́ wá nɔn, nɛ hán ɛcice kɔ̀hɔ̀n; ke ji le bɔ́ ecice-wrɔn lɔ, nɛ́n mán nɛ̀n cɔ́ eci nɛ̀n ce.

1 Piɛrɛ̀n 3:18

Annanwɔrɛ mɛ̀n lɔ Krisì dùku mán kán ɛgbàn ɛdɛ̀n zri brɛzri anwrɔnẅì gbàn kruhú; nɛ̀n sɩ̀ hán eci zriɛmɛ́n, kɩ nɛ̀n wú ɛgbàn-hán-bɔ̀ kruhú, ô nɛ̀n bɩ́ nyɛ̀n nɛ̀n hɔ́n sɩ́ Ɔwɔ. Ye di nɛ̀n owúemɛ̀n n'edùwrú ẅia mɛ̀n, tɛ́n ye sɩ́ nɛ̀n ɛwúvà-kɔrɛ mɛ̀n Ɛnhɛ́n Prɔnprɔn cüiemɛ̀n.

1 Zhan 3:16

Nyàn ɔmu le bo nyri eci léyi dú ɛcüɛ̀n nɔn: Zhezü Krisì tán n'ɛwuvà bɔ́ kruhú. Zɛtɛn, bɔ́ mán ke ji le bɔ̀ tán bɔ́ ɛwuvà, bɔ́ muan-ẅì hɔ̀n kruhú.