Rɔmɛ̀n-anmàn-bɔ̀ 5:4 - Ɛmɛẅi ankà ankrànkràn 2003

⁴ ɛnbɔrɛ-ẅɛ̀n-hɛ́n kɛ tán bìakpa-ẅɛ̀n ɔwɔɛ̀n-nyan mɛ̀n, kɩ bìakpa-ẅɛ̀n kɛ tán esɛ́.

Rɔmɛ̀n-anmàn-bɔ̀ 5:4 Iomraidhean Croise

Lükɛ̀n 21:19

Nyɛ́n ẅɛn nɛ̀n nyɛ́n hɛ́n ɛshishiemɛ̀n: ɔmu lɔ de nye le bɩ́ ny'ɛwúvà hɔ̀n lɔ nyɛ́n die nɔn.”

Rɔmɛ̀n-anmàn-bɔ̀ 15:4

Eci lɔ fɛn léyi bɔ́ cɔ́ Ɛwrú hɔ̀n lɔ mɛ̀n nɔn, ye merɛ́n yɔ, ɛnvra sheshe mɛ̀n, ô kè yé bɔ̀ ankà, ô ɛnbɔrɛ-ẅɛ̀n-hɛ́n, mán ɛnbɔrɛ-bi-wá léyi yɔ vá sɩ́ bɔ̀ nɔn, n'ɛwú lɔ bɔ̀ cɔ́ esɛ́.

Filipɛ̀n anmàn-bɔ̀ 2:22

Nyɛ́n dùku nyɛ́n nyri ɔmu le, Timote yé n'ɔmùan-zri-dì lɔ: hán ɛnẅì mán nɛ́n zi mɛhi, nɛ̀n yɩ́ edù nɛ́n mán mɛ̀n mɛhi Ɛmɛẅi ankà Ankrankran ci-bɩ̀tan-kɔ̀hɔ̀n lɔ mɛ̀n.

Ebre-bɔ̀ 6:19

Esɛ́ ndɔ lɔ ndù hán bɔ́ ɛwúvà ɛnhyàbrihɛ̀ bù hɔ́. Nɛ̀n dú esɛ́ annanwɔrɛ, kɩ edù sɔ́ nɛ̀n, kɩ ne bru anhobɩ́ cice-wɔn càsa lɔ mɛ̀n, hàn mán nɛ cɔ́ Ɔwɔ yri Prɔnprɔn lɔ.

Zhakɛ̀n 1:12

Ɛnbɔrɛbru dú tán ɔwrɔn léyi kɛ ẅɛn ecüì ɔwɔɛ̀nnyan mɛ̀n; ɔmuhi, ɛnvra léyi ne yé nɛ́n biakpa-ẅɛn lɔ nɔn, nɛ lɛ cɔ́ ɔkɔ̀nkà krusɔn-ci, ɛwúvà léyi ke sɩ́ troa hɩ Ɔwɔ wá ɔmùan tán anwrɔn hɔ̀n léyi ẅɛn n'ɛcüɛ̀n nɔn.

1 Piɛrɛ̀n 5:10

Nye le vru nyɛ́n kán ɛgbàn ɛnvra cá mɛ̀n. Tɛ́n Ɔwɔ léyi dú nboafɔ̀n lɔ fɛn shi-bɛ́ nɔn, bi nyɛ̀n ô nyɛ́n dú n'eci-zrɔ léyi kè sɩ̀ ẅɛ̀n ɛnkrutrɔ nɔn mɛ̀n, Zhezü Krisì mɛhi y'ɔbɔsɔ̀ lɔ mɛ̀n; nɛ́n dùku nɛ lɛ sàn hán nyɛ̀n, nɛ́n dùku nɛ lɛ hán nyɛ̀n nyɛ́n sàn zrɔ, nɛ lɛ tán nyɛ̀n ecüì kɩ nɛ lɛ hɛ́n nyɛ̀n edù kɛ̀ sɔ́ nyɛ̀n kɛ̀ hán Ɔwɔn hi-nan-bù hɔ́.