Rɔmɛ̀n-anmàn-bɔ̀ 5:3 - Ɛmɛẅi ankà ankrànkràn 2003

³ Hɩ le zrɔ dú ɛmɛ̀n nɔn, bɔ́ brá pɔpüɛ̀ bɔ́ ɛgbànkàn hɔ̀n lɔ mɛ̀n, ɔmuhi bɔ́ nyrì le ɛgbànkàn kɛ tán ɛnbɔrɛ-ẅɛ̀n-hɛ́n,

Rɔmɛ̀n-anmàn-bɔ̀ 5:3 Iomraidhean Croise

Lükɛ̀n 21:19

Nyɛ́n ẅɛn nɛ̀n nyɛ́n hɛ́n ɛshishiemɛ̀n: ɔmu lɔ de nye le bɩ́ ny'ɛwúvà hɔ̀n lɔ nyɛ́n die nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 5:41

Ɔkɔ̀hɔ̀n-wá-bɔ̀ lɔ cɔhɔ́ ankà-dɔ̀-trɔ-bɔ̀ mrɛ̀ncì zìwú, yɔ dú pɔpüɛ̀-brá mɛ̀n, ɔmuhi Ɔwɔ ci yɔ ɛmrɛ̀n le, yɔ kán ɛgbàn Zhezü bɩmɛ̀n nɔn.

Rɔmɛ̀n-anmàn-bɔ̀ 5:11

Vru dù vrán ndɔ lɔ: bɔ́ brá pɔpüɛ̀ Ɔwɔ zìwú bɔ́ Ɛẅɛnwrɔn Zhezü Krisì bɩmɛ̀n, nɛ́n léyi n'ɛkruhú zɛtɛ̀ lɔ, bɔ́ mán Ɔwɔ mɛhi angranmɛ̀n wɔ́ bɔ̀ nɔn.

Rɔmɛ̀n-anmàn-bɔ̀ 8:23

Tɛ́n kè sɩ̀ dù Ɔwɔ kɔrɛ̀-ci zri kɩ: bɔ́ léyi bɔ́ gɔ̀ cɔ́ Ɛnhɛ́n Prɔnprɔn, dú ɛnvrakpà Wɔ cice-ci nɔn, bɔ́ mán bɔ́ srɔ́n nwàn ɛmɛ̀ntɛ̀ mɛ̀n bɔ́ hɛ́n, kɩ bɔ́ vrá, Ɔwɔ kɛ̀ hán bɔ̀, bɔ̀ srɔ n'ɛẅì hɔ̀n, ô kɛ̀ tán bɔ̀ ebɩdie léyi sá nmù nɔn.

Rɔmɛ̀n-anmàn-bɔ̀ 9:10

Kɩ kè sɩ̀ dù fɛn. Bɔ̀ tro Rebeka ankà mán: n'ɛẅì hɔ̀n anhyrɛ̀ lɔ ẅɛn yɔ zi zri dú bɔ́ nancüì Izaakɛ̀n.

2 Korɛntɛ̀n anmàn-bɔ̀ 4:17

Obòtò léyi bɔ́ cɔ́ ɛnvra ndɔ lɔ mɛ̀n nɔn, wole vrán eci-zrɔ bobrebe léyi ke sɩ́ trɔa, ɔmuhi nɛ̀n ẅɛn vɔ̀nshɛ́ vri, kɩ nɛ sán hán bɔ̀ nɔn.

2 Korɛntɛ̀n anmàn-bɔ̀ 8:19

Zɛtɛn Ɔwɔ-fɛcüè-bɔ̀ mrɛ́n nɛ̀n, ô nɛ̀n dú bɔ́ ɛyri-hɔ̀n-sɩ́-wrɔn ɛkɔrɛ̀-wá kɔ̀hɔ̀n ndɔ léyi yɛ wá bɔ̀ antamɛ̀n kè dú Ɛẅɛnwrɔn mumù ci-zrɔ, ô kè yé bɔ́ eci-hán anvrɛnvrɛn lɔ.

Efɛzɛ̀n anmàn-bɔ̀ 3:13

Hɩ kruhú de mɛ dɔ́ nyɛ̀n le, nyɛ́n bɩ́ teze ny'edomɛ̀n edùwúemɛ̀n ɛgbàn léyi mɛ kán ny'ɛkruhú: ɛgbànkàn ndɔ hɔ̀n lɔ kɛ tán nyɛ̀n vɔ̀nshɛ́ ci-zrɔ tɔ̀n.

Filipɛ̀n anmàn-bɔ̀ 1:29

Ɔmuhi Ɔwɔ tán bɔ̀ ɛcüɛ̀n léyi kɛ srɔ bɔ̀ Krisì ci-bɩ̀tan-bɔ̀, kè sɩ̀ dù hɩ le bɔ́ bú n'ankà bɔ́ tán ankaẅì nɔn kɩ, tɛ́n hɩ le bɔ́ vru bɔ́ kán ɛgbàn n'ɛkruhú nɔn.

Zhakɛ̀n 1:12

Ɛnbɔrɛbru dú tán ɔwrɔn léyi kɛ ẅɛn ecüì ɔwɔɛ̀nnyan mɛ̀n; ɔmuhi, ɛnvra léyi ne yé nɛ́n biakpa-ẅɛn lɔ nɔn, nɛ lɛ cɔ́ ɔkɔ̀nkà krusɔn-ci, ɛwúvà léyi ke sɩ́ troa hɩ Ɔwɔ wá ɔmùan tán anwrɔn hɔ̀n léyi ẅɛn n'ɛcüɛ̀n nɔn.

1 Piɛrɛ̀n 3:14

Ke dú kɛ nyɛ lɛ kán ɛgbàn mán, ɔmuhi nyɛ hán ɛnyrɔnnan-ci nɔn, nyɛ́n dú ɛnbɔrɛbruemɛ̀n. Nyɛ́n bɩ́ ẅɛn anwrɔn ndɔ hɔ̀n sù, kɩ nyɛ́n bɩ́ teze ny'edomɛ̀n gbɔ̀gbɔ̀ mɛ̀n.