Rɔmɛ̀n-anmàn-bɔ̀ 5:2 - Ɛmɛẅi ankà ankrànkràn 2003

² Zhezü bɩmɛ̀n, bɔ̀ cɔ́ ɛyri ankaẅì-bùtan-ẅɛn mɛ̀n, bɔ̀ cɔ́ Ɔwɔ boafɔ̀n léyi bɔ́ dú ɛmɛ̀n ɛnvra lɔ fɛn nɔn. Kɩ eci léyi kɛ brá bɔ̀ pɔpüɛ̀ nɔn, dú esɛ́ léyi kɛ lɛ hán tán bɔ̀ bɔ́ dú Ɔwɔ ci-zrɔ lɔ mɛ̀n nɔn.

Rɔmɛ̀n-anmàn-bɔ̀ 5:2 Iomraidhean Croise

Matie 25:21

N'ankà-yé-wrɔn kɛ dɔ́ nɛ̀n le: ‘Kɛ zrɔ, ɔmùan-zri-dì mán eci-bɩtan-wrɔn anvrɛnvrɛn. È di ɔmùan-zri ɛci hɔ̀n léyi kè sɩ̀ ẅɛ̀n vɔ̀nshɛ́ nɔn wú, mɛ lɛ wá mɛ́n yɔ hɔ̀n léyi ẅɛn vɔ̀nshɛ́ nɔn antamɛ̀n, và cɔ́ mɛ̀n bɔ̀ brá pɔ̀püɛ̀.’

Zhan 10:7

Zhezü vru kɛ dɔ̀ le: “Hɛ̀ɛ̀, mɛ dɔ́ nyɛ̀n annanwɔrɛ mɛ̀n le: mɛ̀n dú kɔ̀kɔ̀sɛ̀-kɔ̀ gbàtà.

Zhan 10:9

Mɛ̀n dú esù-gbàtà. Ɔwrɔn léyi ke ci m'ɛnlevri lɔ nɔn kɛ lɛ cɔ́ ebɩ̀die; ne le bru anwɔn mɛ̀n kɩ nɛ lɛ srɔ ɛntrɛ, kɩ nɛ lɛ cɔ́ n'ɛci-zî.

Zhan 14:6

Zhezü mrɛ́n nɛ̀n ɔmùan le: “Mɛ̀n dú ɛnlevri, mɛ̀n dú ankà-annanwɔrɛ, mɛ̀n dú ɛwúvà-kɔrɛ̀. Ɔwrɔn zriɛmɛ́n ke sɩ̀ hɔ́n Dade nanvrɛn ke dú kɛ nɛ̀n sɩ̀ cì m'eyri.

Zhan 5:24

“Annanwɔrɛ mɛ̀n mɛ dɔ́ nyɛ̀n le: Ɔwrɔn léyi ke die m'ankà-dɔ̀ nukùɛ, hɩ ke bú ɔwrɔn léyi wá mɛ̀n ɔkɔ̀hɔ̀n, n'ankà kɛ tán ankaẅì nɔn, ɛwúvà léyi ke sɩ́ trɔa nɔn dú nɛ tɛn. Ye sɩ̀ bɔ́ nɛ̀n nwù, tɛ́n ne le dú owú-bɔ̀ mɛ̀n, nɛ̀n wrɔ̀ vá ɔkɔrɛ-bɔ̀ mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 14:27

Ɛnvra léyi yɔ cɔ́ Antiɔshɛ̀n anmàn nɔn, yɔ bɔrɛ Krisì-fɛcüè-bɔ̀ lɔ ɛkru kɩ yɔ dɔ́ yɔ eci lɔ fɛn léyi Ɔwɔ hán yɔ, yɛ hán nɔn, mán ɔmu le Ɔwɔ srú ankaẅìbùtan levri tán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, yɔ mán.

Rɔmɛ̀n-anmàn-bɔ̀ 11:20

Dú annanwɔrɛ. Yɛ voyan yɔ ɔmuhi ankaẅì-bùtan trɔ yɔ ɛmɛ̀n, kɩ è bɩ́ y'ɛyri lɔ, ankaẅì-bùtan léyi ɛ ẅɛ̀n nɔn hɩ kruhú. Tɛ́n e bɩ́ di tùtre hɩ wú lɔ! Kɩ ke ji le ɛ̀ wá esùva anvrɛnvrɛn.

Rɔmɛ̀n-anmàn-bɔ̀ 12:12

Nyɛ́n dú pɔpüɛ̀-brá mɛ̀n, ny'esɛ́ léyi nyɛ́n ẅɛn nɔn hɩ kruhú, nyɛ́n ẅɛn ɛnbɔrɛ nyɛ́n hɛ́n ejüedì-gbànkán mɛ̀n; nyɛ́n sɛ́n Ɔwɔ ɔmùan-zri-diemɛ̀n.

Rɔmɛ̀n-anmàn-bɔ̀ 14:4

Antɔnwrɔn dú mɛ́n kɛ̂, e ci ɔwrɔn nyantɛn ci-bɩ̀tan-wrɔn ɛmrɛ̀n hàn? Ke dú kɛ ɔkɔ̀hɔ̀n anvrɛnvrɛn nɛ hán mán, kɩ ke dú kɛ ɔkɔ̀hɔ̀n gbàngbàn nɛ hán mán, ndɔ lɔ kɛ crɛ nyan n'ankà-yé-wrɔn. Kɩ nɛ lɛ nyɔn ɛshishiemɛ̀n, ɔmuhi Ɛẅɛnwrɔn ẅɛn ɛkɔrɛ̀srɔn kɛ lɛ wá nɛ̀n ɛkɔrɛ̀ nɔn.

Rɔmɛ̀n-anmàn-bɔ̀ 15:13

Ke ji le Ɔwɔ léyi dú esɛ́ shi-bɛ́ nɔn ke hán pɔpüɛ̀ mán anwɔwɔ ke dú nyɛ̀n ɛmɛ̀n, ny'ankaẅì-bùtan léyi nyɛ́n ẅɛn n'ɛwú nɔn, ô nyɛ́n di ɛnnɛ̀ncüì esɛ́ mɛ̀n, Ɛhɛ́n Prɔnprɔn kɔrɛ̀-srɔn mɛ̀n.

Rɔmɛ̀n-anmàn-bɔ̀ 2:7

Ne le bɩ́ ɛwúvà léyi ke sɩ́ trɔa nɔn nɛ̀n tán anwrɔn hɔ̀n léyi y'eci-hán-ciemɛ̀n lɔ, kɛ hán anvrɛn kɩ ke ji eci-zrɔ, ɛmrɛ́n mán ɛwúvà-kɔrɛ̀ nɔn.

Rɔmɛ̀n-anmàn-bɔ̀ 3:23

yɔ lɔ fɛn yɔ hán ɛgbàn kɩ yɔ lɔ fɛn yɔ sɩ́ kán Ɔwɔ ci-zrɔ lɔ.

Rɔmɛ̀n-anmàn-bɔ̀ 5:5

Esɛ́ ndɔ lɔ ke sɩ́ wú bɔ̀ edù, ɔmuhi Ɔwɔ tán bɔ̀ n'ɛcüɛ̀n dú bɔ́ ɛnbɔrɛ hɔ̀n lɔ mɛ̀n, Ɛhɛ́n Prɔnprɔn léyi nɛ̀n tán bɔ̀ nɔn hɩ mɛ̀n.

Rɔmɛ̀n-anmàn-bɔ̀ 8:1

Zɛtɛn zɛtɛ̀ lɔ, nwùbɔ̀ ke sɩ̀ vru dù kɛ̀ tán anwrɔn hɔ̀n léyi dú Zhezü Krisì bɔ̀sɔ̀ lɔ mɛ̀n nɔn.

Rɔmɛ̀n-anmàn-bɔ̀ 8:24

Ɔmuhi ye bɩ́ bɔ̀ ye die, tɛ́n esɛ́ mɛ̀n kɩ. Ke dú kɛ yɛ kán eci léyi ye sɛ́ nɔn, ke sɩ̀ vrù dù esɛ́: antɔnwrɔn de ke le vru kɛ ẅɛn esɛ́ eci léyi nɛ kàn nɔn wúɛ nɛ́n?

1 Korɛntɛ̀n anmàn-bɔ̀ 15:1

Anwrɔn-nɛ́n-muan-ẅì hɔ̀n, me ji mɛ̀n kore nyɛ̀n zɛtɛ̀ lɔ Ɛmɛẅi ankà Ankrankran léyi mɛ̀n tán nyɛ̀n, hɩ nyɛ́n cɔ̀, kɩ nyɛ́n ẅɛn kpankpan nyɛ́n hɛ́n nɔn.

2 Korɛntɛ̀n anmàn-bɔ̀ 3:18

Bɔ́ lɛ fɛn ezì woro, bɔ́ yé Ɛẅɛnwrɔn ci-zrɔ lɔ; ɔmu lɔ, yɛ crɔn bɔ̀, ô bɔ̀ cá Ɛẅɛnwrɔn, kɩ bɔ́ dú eci-zrɔ tɔ̀n mɛ̀n, kɩ bó vru bó ci eci-zrɔ vri tɔ̀n mɛ̀n. Annanwɔrɛ mɛ̀n lɔ, nyàn eci léyi Ɛẅɛnwrɔn kɛ hán, nɛ́n léyi nɛ̀n dú Ɛnhɛ́n nɔn.

2 Korɛntɛ̀n anmàn-bɔ̀ 4:17

Obòtò léyi bɔ́ cɔ́ ɛnvra ndɔ lɔ mɛ̀n nɔn, wole vrán eci-zrɔ bobrebe léyi ke sɩ́ trɔa, ɔmuhi nɛ̀n ẅɛn vɔ̀nshɛ́ vri, kɩ nɛ sán hán bɔ̀ nɔn.

Efɛzɛ̀n anmàn-bɔ̀ 2:18

Annanwɔrɛ mɛ̀n lɔ, Krisì mɛ̀n de bɔ lɛ fɛn, Zhüifɛ̀n-bɔ̀ mán yɔ hɔ̀n léyi kè sɩ̀ dù Zhüifɛ̀n-bɔ̀ nɔn, bɔ́ lɛ srɔ Ɔwɔ Zi ziwú tɛ̀, Ɛnhɛ́n Prɔnprɔn zri lɔ n'ecüìemɛ̀n.

Efɛzɛ̀n anmàn-bɔ̀ 3:12

Bɔ́ mán Krisì mɛhi b'ɔbɔ̀sɔ̀ lɔ mɛ̀n mán bɔ́ ankaẅì-bùtan-ẅɛ̀n n'ɛwú, bɔ̀ ẅɛn ɛkɔrɛ̀-levri bɔ́ lɛ srɔ Ɔwɔ zìwú esɛ́ vriemɛ̀n.

Efɛzɛ̀n anmàn-bɔ̀ 6:13

Hɩ le kruhú de zɛtɛ lɔ, ke ji le nyɛ́n bɩ́ Ɔwɔ anhà-kɔ́n-ci hɔ̀n lɔ fɛn! Ɔmu lɔ de, ɛnvra léyi ɛnbì gbàngbàn lɔ kɛ lɛ và nɔn, nyɛ lɛ kɛ́n egbri-wrɔn lɔ ezì, kɩ anhà-kɔ̀n trɔ mɛ̀n lɔ, nye le vru nyɛ́n nyɔn ɛshishiemɛ̀n.

2 Tesalonikɛ̀n anmàn-bɔ̀ 2:16

Bɔ́ Ɛẅɛnwrɔn Zhezü Krisì dùku mán Ɔwɔ bo Zi léyi cüɛn bɔ̀ hɩ tán bɔ̀ nɛ́n nboafɔ̀n lɔ mɛ̀n, edùsɔ tɔ̀n léyi kè sɩ̀ ẅɛ̀n ɛnkrutrɔ mán esɛ́ ankrankran nɔn,

Ebre-bɔ̀ 3:6

Tɛ́n Krisì dú ɔmùan-zri-di-wrɔn, nɛ́n léyi nɛ̀n dú ɛnkru, Ɔwɔ wɔn lɔ mɛ̀n nɔn. Kɩ bɔ̀ dú n'ɔwɔn lɔ, ke dú kɛ bɔ́ bɩ́ b'ankàẅì-bùtan mán bɔ́ esɛ́ ke dú b'ɔmùan-gbú-ci.

Ebre-bɔ̀ 6:18

Zɛtɛn eci-hán dɛ̀n anhyrɛ̀ de ndù hɩ ke sɩ́ crɛa, kɩ y'ɛmɛ̀n lɔ Ɔwɔ ke sɩ̀ ẅɛn ɛyɔ̀n rɔ́. Ɔmu lɔ, bɔ́ léyi bɔ̀ cɔ́ ɛbán-yri n'ɛmɛ̀n nɔn, bɔ̀ bɩ́ edùyì vri bɔ̀ ẅɛn ɛshishiemɛ̀n esɛ́ léyi yɛ wá yɛ hɛ́n bɔ̀a nɔn.

1 Piɛrɛ̀n 3:18

Annanwɔrɛ mɛ̀n lɔ Krisì dùku mán kán ɛgbàn ɛdɛ̀n zri brɛzri anwrɔnẅì gbàn kruhú; nɛ̀n sɩ̀ hán eci zriɛmɛ́n, kɩ nɛ̀n wú ɛgbàn-hán-bɔ̀ kruhú, ô nɛ̀n bɩ́ nyɛ̀n nɛ̀n hɔ́n sɩ́ Ɔwɔ. Ye di nɛ̀n owúemɛ̀n n'edùwrú ẅia mɛ̀n, tɛ́n ye sɩ́ nɛ̀n ɛwúvà-kɔrɛ mɛ̀n Ɛnhɛ́n Prɔnprɔn cüiemɛ̀n.

Ɔwɔ-mɛ̀n-yrikàn 21:11

dú Ɔwɔ ci-zrɔ-gbrɛ́n mɛ̀n. Anmàn lɔ n'ɛgbrɛ́n mán n'efì kɛ cá anhàn shishi bù-ẅì hɔ̀n gbrɛ́n mán y'efì.

Ɔwɔ-mɛ̀n-yrikàn 21:23

Anmàn lɔ ke sɩ́ ji ɛnbrí mán okù, ô kɛ̀ tán nɛ̀n ɛyrikàn, ɔmuhi Ɔwɔ-ci-zrɔ lɔ kɛ gbrɛ́n ku nɛ̀n ɛwú kɩ Ɔwɔ-Kɔ̀kɔ̀sɛ̀-ẅì dú nɛ́n kɛ̀niɛn nɔn.

Ɔwɔ-mɛ̀n-yrikàn 21:3

Mɛ̀n yá esùva cüìcüì tɔ̀n dú ɛgbú-tòbù wú kɛ và kɩ kɛ dɔ̀ le: “Zɛtɛ̀ lɔ Ɔwɔ-dúyri dú anwrɔnẅiemɛ̀n! Nɛ́n mán yɔ mɛhi yɔ le dù kɩ yɔ lɛ srɔ nɛ́n fɛcüè-bɔ̀. Ɔwɔ dùku mán ke le dú yɔ ɛmɛ̀n, ne le dú y'Ɔwɔ.

Ɔwɔ-mɛ̀n-yrikàn 3:21

Anwrɔn hɔ̀n léyi kɛ kɔ́nkà nɔn, mɛ lɛ tán yɔ ɛkɔrɛ̀levri yɔ le bɩ́ ɛyri m'ɛgbú-tòbù lɔ wú, hán ɔmu le ɛnvra léyi mɛ́n kɔ́nkà nɔn, mɛ́n hɔ̀n mɛ̀n yɛ́, mɛ̀n mán Dade mɛhi n'ɛgbú-tòbù lɔ wú.