11 Vru dù vrán ndɔ lɔ: bɔ́ brá pɔpüɛ̀ Ɔwɔ zìwú bɔ́ Ɛẅɛnwrɔn Zhezü Krisì bɩmɛ̀n, nɛ́n léyi n'ɛkruhú zɛtɛ̀ lɔ, bɔ́ mán Ɔwɔ mɛhi angranmɛ̀n wɔ́ bɔ̀ nɔn.
Bɔ́ dú Ɔwɔ-gbri-bɔ̀, tɛ́n Ɔwɔ wɔ́ bɔ̀ angranmɛ̀n nɛ́n mán bɔ́ mɛhi n'Ɛnẅì Zhezü Krisì wù lɔ mɛ̀n. Annanwɔrɛ mɛ̀n lɔ, zɛtɛ̀ léyi bɔ́ mán nɛ́n mɛhi angranmɛ̀n wɔ́ bɔ̀ nɔn, n'Ɛnẅì wúvà lɔ mɛ̀n de ne bɩ́ bɔ̀ nɛ̀n die nɔn.
Nyɛ́n dú ɛnvra lɔ fɛn pɔ̀püɛ̀ mɛ̀n, ô nyɛ́n dú Ɛẅɛnwrɔn tɛn. Mɛ sán dɔ̀: Nyɛ́n dú pɔ̀püɛ̀ mɛ̀n!
Tɛ́n zɛtɛ̀ léyi nyɛ́n nyri Ɔwɔ (kɩ Ɔwɔ mán nyri nyɛ̀n zɛtɛ̀ lɔ nɔn), anwɔntan kɛ hán ke cì kɛ̂ nye vru ɛmɛẅi nyɛ hɔ́n ɛjɛ̀ mán ɛmian hɛ́n cüì hɔ̀n yriɛ? Nye ji nyɛ́n vru nyɛ́n srɔ y'anwɔ̀n-bɔ̀a?
Nyɛ́n cüɛn nɛ̀n ke dú kɛ nyɛ́n sɩ́ kán nɛ̀n mán; nye bú n'ankà nyɛ tán ankaẅì kɩ nyɛ vá kán nɛ̀n; hɩ le kruhú de ecizrɔ pɔpüɛ̀ vri kɛ brá nyɛ̀n, ye sɩ́ cɔ́ n'ɛdɔ́-yri,
Ɔmu lɔ, ɔmuhi nyɛ́n shri Zhezü Krisì nyɛ́n bɩ dú ny'Ɛẅɛnwrɔn nɔn, nyɛ́n dú ɔbɔ̀sɔ mɛ̀n nyɛ́n mán nɛ́n mɛhi.
Annanwɔrɛ mɛ̀n lɔ, bɔ́ de bɔ̀ ẅɛn annanwɔrɛ ankà wúcɔ̀-dòmɛ̀n-wì ankà wú nɔn, ɔmuhi bɔ̀ dú Ɔwɔ ci-bɩtan-bɔ̀ n'Ɛnhɛ́n Prɔnprɔn mɛ̀n, bɔ́ dú ɔmùan-gbuemɛ̀n kɩ bɔ̀ dú Zhezü Krisì tɛn, kɩ bɔ́ sɩ́ wá bɔ́ esɛ́ lɔ anwrɔnẅì nyànmàn wú nɔn.
Kɩ zɛtɛ̀ lɔ, anwrɔn-nɛ́n-muan-ẅì hɔ̀n, nyɛ́n dú pɔpüɛ̀ mɛ̀n, ɔmuhi nyɛ́n dú Ɛẅɛnwrɔn bɔ̀sɔ̀ lɔ mɛ̀n nɔn. Ankà léyi mɛ́n gɔ̀ dɔ́ nyɛ̀n nɔn, n'ɛsàn merɛ́n ke sɩ́ wá mɛ̀n ejüe, kɩ nyɛ tɛn ndɔ lɔ dú eci ankrankran.
Tɛ́n eci léyi Ɛnhɛ́n Prɔnprɔn kɛ tán nɔn, dú ɛcüɛ̀n, pɔpüɛ̀, anwɔwɔ, ɛnbɔrɛ-ẅɛ̀n-hɛ́n, anvrɛn-ci-hán, ɛnbɔrɛ-wɔ-ci-hán, ɔmùan-zri-dì,
Ɛci-zî prɔnprɔn grashɛ̀n léyi n'ɛkruhú bɔ́ tán Ɔwɔ ɔkùɛn nɔn, nyɛ́n tro n'ankà: ɛnvra léyi bɔ́ mi nɛ̀n nɔn, nɛ́n sɩ́ bɔsɔ bɔ̀, bɔ́ mán Krisì krɛ̀ mɛhi hɛ? Kɩ abùtùkumɛ́n léyi bɔ́ vɔ̀n: ɛnvra léyi bɔ́ rá nɛ̀n nɔn, nɛ́n sɩ́ bɔsɔ bɔ̀, bɔ́ mán Krisì dùwrú lɔ mɛhi hɛ?
Annanwɔrɛ mɛ̀n lɔ, ɛnvra léyi yɛ kɛ́n yɔ sɩ́ ɔhɔ́nan nɔn, ɛnhibù mán Ɔwɔ mɛhi angranmɛ̀n nwɔ̀. Zɛtɛn ecitan de kɛ lɛ wɔɛ̀n ɛnvra léyi Ɔwɔ ke le vru ke bɩ́ yɔ nɛ́n? Ke le dú owú-bɔ̀ mɛ̀n mɛẅi vru và annanwɔrɛ ɔkɔrɛ-bɔ̀ mɛ̀n!
Tɛ́n vɛ́n, ɛ̀ di Zhüifɛ̀n bɩ́, ɛ nan esù ɛnyànmàn wú kɩ ɛ ẅɛn v'Ɔwɔ lɔ n'esɛ́;
Ɔmu tɛ̀kɩ, anwrɔn janbɔ̀ shri bɩ́ nɛ̀n kɩ yɔ bú n'ankà yɔ tán ankaẅì; nɛ̀n tán yɔ ɛkɔrɛ̀-levri yɔ srɔ Ɔwɔ ẅì hɔ̀n.
Zɛtɛn Mari kɛ dɔ̀ le: “M'antà-dùwru lɔ fɛn mɛ̀n, me ji mɛ̀n zrɔ Ɛẅɛnwrɔn vrisì lɔ eci,
Ɔmu lɔ de bɔ̀ srɔ ɛnyrɔnnan-bɔ̀ Ɔwɔ zìwú, b'ankaẅì-bùtan-ẅɛ̀n kruhú, kɩ zɛtɛ̀ lɔ bɔ́ dú anwɔwɔmɛ̀n bɔ́ mán Ɔwɔ mɛhi, bɔ́ Ɛẅɛnwrɔn Zhezü Krisì bɩmɛ̀n.
Hɩ le zrɔ dú ɛmɛ̀n nɔn, bɔ́ brá pɔpüɛ̀ bɔ́ ɛgbànkàn hɔ̀n lɔ mɛ̀n, ɔmuhi bɔ́ nyrì le ɛgbànkàn kɛ tán ɛnbɔrɛ-ẅɛ̀n-hɛ́n,
Tɛ́n kè sɩ̀ dù Ɔwɔ kɔrɛ̀-ci zri kɩ: bɔ́ léyi bɔ́ gɔ̀ cɔ́ Ɛnhɛ́n Prɔnprɔn, dú ɛnvrakpà Wɔ cice-ci nɔn, bɔ́ mán bɔ́ srɔ́n nwàn ɛmɛ̀ntɛ̀ mɛ̀n bɔ́ hɛ́n, kɩ bɔ́ vrá, Ɔwɔ kɛ̀ hán bɔ̀, bɔ̀ srɔ n'ɛẅì hɔ̀n, ô kɛ̀ tán bɔ̀ ebɩdie léyi sá nmù nɔn.
Kɩ kè sɩ̀ dù fɛn. Bɔ̀ tro Rebeka ankà mán: n'ɛẅì hɔ̀n anhyrɛ̀ lɔ ẅɛn yɔ zi zri dú bɔ́ nancüì Izaakɛ̀n.
Zɛtɛn Ɔwɔ-fɛcüè-bɔ̀ mrɛ́n nɛ̀n, ô nɛ̀n dú bɔ́ ɛyri-hɔ̀n-sɩ́-wrɔn ɛkɔrɛ̀-wá kɔ̀hɔ̀n ndɔ léyi yɛ wá bɔ̀ antamɛ̀n kè dú Ɛẅɛnwrɔn mumù ci-zrɔ, ô kè yé bɔ́ eci-hán anvrɛnvrɛn lɔ.