Rɔmɛ̀n-anmàn-bɔ̀ 5:1 - Ɛmɛẅi ankà ankrànkràn 2003

¹ Ɔmu lɔ de bɔ̀ srɔ ɛnyrɔnnan-bɔ̀ Ɔwɔ zìwú, b'ankaẅì-bùtan-ẅɛ̀n kruhú, kɩ zɛtɛ̀ lɔ bɔ́ dú anwɔwɔmɛ̀n bɔ́ mán Ɔwɔ mɛhi, bɔ́ Ɛẅɛnwrɔn Zhezü Krisì bɩmɛ̀n.

Rɔmɛ̀n-anmàn-bɔ̀ 5:1 Iomraidhean Croise

Lükɛ̀n 19:38

Kɩ yɔ dɔ̀ le: “Ɔwɔ kè fú Ɛnnɛ̀ncüì léyi kɛ và nɔn ɛnshi, Ɛẅɛnwrɔn bɩ́mɛ̀n! Anwɔwɔ kè dú anhobɩ́, ô ecizrɔ kè dú Ɔwɔ tɛn!”

Lükɛ̀n 19:42

“Ke dú kɛ, ɛnyɔncì lɔ, vɛ́n mán e nyri eci léyi kɛ lɛ tán mɛ́n anwɔwɔ! Tɛ́n zɛtɛ̀ lɔ dú ankà-bán-ankà tán mɛ́n, e sɩ̀ kàn rɔ́!

Lükɛ̀n 2:14

“Eci-zrɔ dú ɛwú anhobɩ́ Wɔ tɛn, kɩ n'anwɔwɔ dú ɛnu ɛnhi anwrɔn hɔ̀n léyi nɛ cüɛ̀n nɔn tɛn!”

Zhan 14:27

“Anwɔwɔ de me teze nyɛ̀n hán nɔn, m'anwɔwɔ de mɛ tán nyɛ̀n nɔn. Mɛ́n sɩ́ tán nyɛ̀n anwɔwɔ kɛ hán ɔmu le ɛnhibù kɛ tán nɔn. Nyɛ́n bɩ́ dú ɛnkrɛta-kuemɛ̀n, ɛnjansù ke bɩ́ ẅɛn nyɛ̀n.

Zhan 16:33

Mɛ̀n dɔ́ nyɛ̀n ankà ndɔ lɔ fɛn, ô nyɛ́n cɔ́ anwɔwɔ nyɛ́n mɛhi b'ɔbɔ̀sɔ̀ lɔ mɛ̀n. Nyɛ lɛ kán ɛgbàn ɛnhibù wú. Tɛ́n edù kè yɩ́ nyɛ̀n! Mɛ́n kɔ̀n ká ɛnhibù!”

Zhan 20:31

Tɛ́n ankà léyi dú nɛ̀n ɛmɛ̀n nɔn, ye merɛ́n nɛ̀n, ô nyɛ́n bùtan ankaẅì le Zhezü dú Ebɩ̀die-wrɔn, Ɔwɔ Ẅì. Kɩ ke dú kɛ nye bú n'ankà nyɛ tán ankaẅì hô, nyɛ lɛ cɔ́ ɛkɔrɛ̀ n'ebɩ́mɛ̀n.

Zhan 5:24

“Annanwɔrɛ mɛ̀n mɛ dɔ́ nyɛ̀n le: Ɔwrɔn léyi ke die m'ankà-dɔ̀ nukùɛ, hɩ ke bú ɔwrɔn léyi wá mɛ̀n ɔkɔ̀hɔ̀n, n'ankà kɛ tán ankaẅì nɔn, ɛwúvà léyi ke sɩ́ trɔa nɔn dú nɛ tɛn. Ye sɩ̀ bɔ́ nɛ̀n nwù, tɛ́n ne le dú owú-bɔ̀ mɛ̀n, nɛ̀n wrɔ̀ vá ɔkɔrɛ-bɔ̀ mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 10:36

Nɛ̀n yüre Izraɛlɛ̀n fɛcüè Zhezü krisì mɛẅi ankà wɔwɔ, Krisì léyi dú anwrɔn lɔ fɛn Ẅɛnwrɔn nɔn.

Rɔmɛ̀n-anmàn-bɔ̀ 1:17

Annanwɔrɛ mɛ̀n lɔ, Ɛmɛẅi ankà Ankrankran lɔ ke yé ɔmu le Ɔwɔ kɛ tán anwrɔnẅì ɛnyrɔnnan n'ezìwú nɔn; ankaẅì-bùtan zriemɛ̀n kɩ, dú ɛnkrubɔmɛ̀n mán ɔtrɔmɛ̀n, hán ɔmu le Owrú Prɔnprɔn kɛ dɔ̀ nɔn hɔ́: “Ɔwrɔn léyi dú ɛnyrɔnnan mɛ̀n ankaẅì-bùtan-ẅɛn mɛ̀n nɔn, nɛ lɛ cɔ́ ɛwúvà.”

Rɔmɛ̀n-anmàn-bɔ̀ 1:7

Nyɛ́n léyi nyɛ́n dú Rɔmɛ̀n anmàn nɔn, me merɛ́n nyɛ̀n owrú, nyɛ lɛ fɛn léyi Ɔwɔ kɛ cüɛn nyɛ̀n hɩ bi nyɛ̀n, ô nyɛ́n dú ɛwúvà-kɔrɛ̀ mɛ̀n n'ɛkruhú nɔn. Ke ji le Ɔwɔ bo Zi, mán Ɛẅɛnwrɔn Zhezü Krisì kɛ̀ tán nyɛ̀n nboafɔ̀n mán anwɔwɔ.

Rɔmɛ̀n-anmàn-bɔ̀ 10:10

Annanwɔrɛ mɛ̀n lɔ, ɛnbɔrɛ mɛ̀n de ankaẅì-bùtan ke dù kɛ srɔ, kɩ ɔwrɔn léyi kɛ ẅɛn ankaẅì-bùtan nɔn, Ɔwɔ kɛ srɔ nɛ̀n ɛnyrɔnnan-wrɔn; anmùan mɛ̀n de yɛ dɔ́ ankaẅì-bùtan ankà nɔn, kɩ Ɔwɔ kɛ tán ɔwrɔn léyi kɛ dɔ́ ankaẅì-bùtan ankà nɔn, ebɩ̀die.

Rɔmɛ̀n-anmàn-bɔ̀ 10:15

Kɩ anwɔntan de yɔ lɛ hán yɔ dɔ́ n'ankà ke dú kɛ ye sɩ̀ wá anwrɔn ɔkɔ̀hɔ̀n n'ankà-dɔ́ mɛ̀n nɛ́n? Hán ɔmu le Owrú kɛ dɔ̀ nɔn: “Ɛnfì zrɔ, ɛnvra léyi yɛ kán ɛmɛẅi ankà ankrànkràn dɔ́-bɔ̀ kɛ và nɔn!”

Rɔmɛ̀n-anmàn-bɔ̀ 14:17

Annanwɔrɛ mɛ̀n lɔ, Anhobɩ́ Nɛ̀ncüì-dúyri kè sɩ̀ dù ɛci-zî mán ɛntàn mi ankà; nɛ̀n dú ɛnyrɔnnan, anwɔwɔ mán pɔpüɛ̀-brà léyi Ɛnhɛ́n Prɔnprɔn kɛ tán nɔn.

Rɔmɛ̀n-anmàn-bɔ̀ 15:13

Ke ji le Ɔwɔ léyi dú esɛ́ shi-bɛ́ nɔn ke hán pɔpüɛ̀ mán anwɔwɔ ke dú nyɛ̀n ɛmɛ̀n, ny'ankaẅì-bùtan léyi nyɛ́n ẅɛn n'ɛwú nɔn, ô nyɛ́n di ɛnnɛ̀ncüì esɛ́ mɛ̀n, Ɛhɛ́n Prɔnprɔn kɔrɛ̀-srɔn mɛ̀n.

Rɔmɛ̀n-anmàn-bɔ̀ 15:33

Ɔwɔ léyi dú anwɔwɔ shi-bɛ́ nɔn, kɛ và dú nyɛ̀n ɛmɛ̀n. Kè dú ɔmu lɔ.

Rɔmɛ̀n-anmàn-bɔ̀ 3:22

Ɔwɔ kɛ srɔ anwrɔnẅì ɛnnyrɔnnan-bɔ̀ n'ezìwú y'ankaẅì-bùtan léyi yɔ ẅɛn Zhezü Krisì mɛ̀n nɔn hɩ wú. Nɛ hán ndɔ lɔ tán anwrɔn hɔ̀n lɔ fɛn léyi ẅɛn ankaẅì-bùtan Krisì mɛ̀n nɔn, ɔmuhi yɔ lɔ fɛn nzriɛmɛ́n kè sɩ̀ vɛ̀n hàn nɔn:

Rɔmɛ̀n-anmàn-bɔ̀ 3:30

ɔmuhi Ɔwɔ zri kɩ dù nɔn. Nɛ lɛ srɔ Zhüifɛ̀n-bɔ̀ ɛnyrɔnnan-bɔ̀ n'ezìwú ankaẅì-bùtan-ẅɛn mɛ̀n, kɩ nɛ lɛ srɔ anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, yɔ mán ɛnyrɔnnan-bɔ̀ n'ezìwú ankaẅì-bùtan-ẅɛn mɛ̀n.

Rɔmɛ̀n-anmàn-bɔ̀ 4:5

Tɛ́n ɛnvra léyi ɔwrɔn tɔ̀n ke sɩ́ hán Ɔwɔ kɔhɔ̀n, kɩ ke bú tán le Ɔwɔ ke nyri ɛgbàn-hán-wrɔn ɛnhyɔ̀bɔ̀, Ɔwɔ kɛ srɔ nɛ̀n ɛnyrɔnnan-wrɔn n'ankaẅì-bùtan-ẅɛ̀n kruhú.

Rɔmɛ̀n-anmàn-bɔ̀ 5:11

Vru dù vrán ndɔ lɔ: bɔ́ brá pɔpüɛ̀ Ɔwɔ zìwú bɔ́ Ɛẅɛnwrɔn Zhezü Krisì bɩmɛ̀n, nɛ́n léyi n'ɛkruhú zɛtɛ̀ lɔ, bɔ́ mán Ɔwɔ mɛhi angranmɛ̀n wɔ́ bɔ̀ nɔn.

Rɔmɛ̀n-anmàn-bɔ̀ 5:18

Ɔmu lɔ de, ɔwrɔn zri gbàn, Adamɛ̀n, sɩ́ anwrɔnẅì lɔ fɛn owúemɛ̀n; ɔmu zri lɔ, ɔwrɔn zri nyrɔnnan-kɔhɔ̀n, Zhezü Krisì mrɛ́n anwrɔnẅì lɔ fɛn owú mrɛ̀nciemɛ̀n sɔhɔ́ kɩ tán yɔ ɛwúvà-kɔrɛ̀.

Rɔmɛ̀n-anmàn-bɔ̀ 6:23

Ɔmuhi ɛgbàn wɔ̀ɛn-dì dú owù nɔn; tɛ́n ecice-ci léyi Ɔwɔ kɛ tán ankora nɔn, dú ɛwúvà léyi ke sɩ́ trɔa, hɩ dú bɔ́ mán Zhezü Krisì bɔ́ Ɛẅɛnwrɔn mɛhi b'ɔbɔ̀sɔ̀ lɔ mɛ̀n nɔn.

Rɔmɛ̀n-anmàn-bɔ̀ 9:30

Ankà tán de yɛ lɛ dɔ́ n'ɛwú nɛ́n? Ankà ndɔ lɔ: ɛnhi wú anmàn nyàntɛn-bɔ̀ léyi ke sɩ̀ ji ɛyri ô kɛ̀ srɔ ɛnyrɔnnan-bɔ̀ Ɔwɔ zìwú nɔn, yɛ srɔ yɔ ɛnyrɔnnan-bɔ̀ n'ezìwú ankaẅì-bùtan-ẅɛn mɛ̀n;

Galasi anmàn-bɔ̀ 2:16

Kɩ, bɔ́ nyri ɔmu le ɔwrɔnẅì dú ɛnyrɔnnan mɛ̀n Ɔwɔ zìwú ankaẅì-bùtan léyi nɛ̀n ẅɛn Zhezü Krisì mɛ̀n, tɛ́n kè sɩ̀ dù hɩ le nɛ wá Mohizì nyànmàn lɔ nɔn. Hɩ le kruhú de, bɔ́ mán, bɔ̀ ẅɛn ankaẅì-bùtan Zhezü Krisì mɛ̀n, ô ye nyri ɔmu le bɔ̀ dú ɛnyrɔnnan-bɔ̀ ankaẅì-bùtan léyi bɔ̀ ẅɛn Krisì mɛ̀n, tɛ́n kè sɩ̀ dù hɩ le bɔ́ wá ɛnyànmàn ndɔ lɔ nɔn. Ɔmuhi ɔwrɔn zriɛmɛ́n ke sɩ̀ dú ɛnyrɔnnan-wrɔn Ɔwɔ zìwú ɔmuhi eci lɔ fɛn mɛ̀n lɔ nɛ wá Ɔwɔ nyànmàn nɔn.

Galasi anmàn-bɔ̀ 3:25

Zɛtɛ̀ léyi ankaẅì-bùtan vra cɔ̀ nɔn, bɔ̀ sɩ̀ vrù dù ɛnan-wrɔn ndɔ lɔ n'ɛkɔrɛ̀-levri wúɛ.

Galasi anmàn-bɔ̀ 5:22

Tɛ́n eci léyi Ɛnhɛ́n Prɔnprɔn kɛ tán nɔn, dú ɛcüɛ̀n, pɔpüɛ̀, anwɔwɔ, ɛnbɔrɛ-ẅɛ̀n-hɛ́n, anvrɛn-ci-hán, ɛnbɔrɛ-wɔ-ci-hán, ɔmùan-zri-dì,

Efɛzɛ̀n anmàn-bɔ̀ 2:7

N'ɛzrɔ léyi nɛ̀n yé bɔ̀ Zhezü Krisì bɩmɛ̀n nɔn, hɩ mɛ̀n lɔ, ne ji nɛ̀n hán tán ɛnvra hɔ̀n léyi dú ezì kɛ và nɔn, kè nyri nɛ́n boafɔ̀n nɛ̀ncüì-dì vri lɔ.

Filipɛ̀n anmàn-bɔ̀ 3:9

ô nɛ́n mɛhi bɔ́ dú ɔbɔ̀sɔ mɛ̀n kokroho. Mɛ́n sɩ́ vru ẅɛn ankà-tro le mɛ̀n dú ɛnyrɔnnan-wrɔn m'ɛnyànmàn ci-hán mɛ̀n. Krisì ankaẅì-bùtan-ẅɛn mɛ̀n de mɛ̀n dú ɛnyrɔnnan-wrɔn, ɛkɔrɛ̀levri ci-hán ndɔ lɛ́yi, Ɔwɔ hán kè dú ankàẅì-bùtan-ẅɛ̀n ci-tán nɔn.

Kɔlɔsèn anmàn-bɔ̀ 1:20

kɩ, n'Ɛnẅì mɛ̀n de ne ji nɛ̀n wɔ́ nɛ́n mán ɛnhibù mumù lɔ fɛn angranmɛ̀n nɔn. N'Ɛnẅì léyi wú ɛgbàn-hán-tɛ̀ domɛ̀n nɔn hɩ mɛ̀n de nɛ̀n wá anwɔwɔ nɛ̀n tán yɔ lɔ fɛn, ɛnhibù wú mán anhobɩ́.

Kɔlɔsèn anmàn-bɔ̀ 3:15

Krisì, n'anwɔwɔ lɔ kɛ̀ ẅɛn ɛyri ny'ɛnbɔrɛ hɔ̀n lɔ mɛ̀n; annanwɔrɛ mɛ̀n lɔ, anwɔwɔ ndɔ lɔ mɛ̀n de Ɔwɔ bi nyɛ̀n, nyɛ́n dú edùwrú zri mɛ̀n ci. Nyɛ́n hán enyrì-kùɛn-tán ci.

1 Tesalonikɛ̀n anmàn-bɔ̀ 5:23

Ɔwɔ léyi dú anwɔwɔ shi-bɛ́ kɛ̀ hán tán nyɛ́n dú nɛ tɛn kokroho; nɛ̀n bɩ́ nyɛ́n mumù lɔ fɛn, ɛnhɛ́n, wàwuyɛ mán edùwrú, kè dú ɛfifiemɛ̀n kɛ̀ vrá ɛnbì léyi bɔ́ Ɛẅɛnwrɔn Zhezü Krisì kɛ lɛ và nɔn.

2 Tesalonikɛ̀n anmàn-bɔ̀ 3:16

Ɛẅɛnwrɔn léyi dú anwɔwɔ shi-bɛ nɔn, kɛ̀ tán nyɛ̀n nɛ́n dùku anwɔwɔ ɛnvra lɔ fɛn mɛ̀n mán eci lɔ fɛn mɛ̀n. Ɛẅɛnwrɔn kè dú nyɛ̀n ɛmɛ̀n.

Ebre-bɔ̀ 13:20

Ɔwɔ leyi dú anwɔwɔ shi-bɛ, bɩ́ bɔ́ Ɛẅɛnwrɔn Zhezü owú-bɔ̀ mɛ̀n sɩ́ ɔkɔrɛ-bɔ̀ mɛ̀n, Zhezü srɔ kɔ̀kɔ̀sɛ̀ kua-wrɔn, n'ɛnkrɛ̀ cice nboafɔn mɛ̀n, ɛnkrɛ̀ cice léyi kɛ tán Ɔwɔ mìrɛ̀n léyi ke sɩ́ trɔa nɔn ecüi ɛnvra lɔ fɛn nɔn.