Rɔmɛ̀n-anmàn-bɔ̀ 4:6 - Ɛmɛẅi ankà ankrànkràn 2003

⁶ Ɔmu lɔ de Davidɛ̀n kɛ dɔ́ ankà tán ɛnbɔrɛbru-wrɔn léyi Ɔwɔ kɛ srɔ ɛnyrɔnnan-wrɔn, kɩ ke sɩ́ crɛ nyan n'eci-hán-ci hɔ̀n lɔ nɔn:

Rɔmɛ̀n-anmàn-bɔ̀ 4:6 Iomraidhean Croise

Matie 25:19

Ɛnvra sheshe vacì, kɩ ɛci-bɩtan-bɔ̀ ankà-yé-wrɔn lɔ dú nɛ̀nnyànmàn vru và kɩ nɛ́n mán yɔ mɛhi yɔ krɛ́ ɛci.

Rɔmɛ̀n-anmàn-bɔ̀ 1:17

Annanwɔrɛ mɛ̀n lɔ, Ɛmɛẅi ankà Ankrankran lɔ ke yé ɔmu le Ɔwɔ kɛ tán anwrɔnẅì ɛnyrɔnnan n'ezìwú nɔn; ankaẅì-bùtan zriemɛ̀n kɩ, dú ɛnkrubɔmɛ̀n mán ɔtrɔmɛ̀n, hán ɔmu le Owrú Prɔnprɔn kɛ dɔ̀ nɔn hɔ́: “Ɔwrɔn léyi dú ɛnyrɔnnan mɛ̀n ankaẅì-bùtan-ẅɛn mɛ̀n nɔn, nɛ lɛ cɔ́ ɛwúvà.”

Rɔmɛ̀n-anmàn-bɔ̀ 3:27

Tùtre-dì ankà tɔ̀n vru dú nɛ̀n ɛmɛ̀n hàn? Hɔ̂, nzriɛmɛ́n! Ecitan kruhúɛ? Ɔmuhi ɛshishi léyi dú nɛ̀n ɛmɛ̀n nɔn, kè sɩ̀ dù ɛnyànmàn léyi ye le nyrì wá esùva nɔn, tɛ́n ke ji le ye bù tán ankaẅì.

Rɔmɛ̀n-anmàn-bɔ̀ 4:11

Ɛnvra sheshe vacì yakɛ ye wí Abrahamɛ̀n wúcɔ̀-domɛ̀n dú eci-woroan-ci tɔ̀n: ndɔ lɔ dú eci-woroan-ci léyi ke yé le Ɔwɔ srɔ Abrahamɛ̀n ɛnyrɔnnan-wrɔn ankaẅì-bùtan léyi nɛ̀n ẅɛ̀n nɔn kruhú, tɛ́n hɩ vra lɔ mɛ̀n, yɛ vá wí nɛ̀n wúcɔ̀-domɛ̀n. Ɔmu lɔ de Abrahamɛ̀n srɔ anwrɔnẅì lɔ fɛn léyi ke bú Ɔwɔ ankà kɛ tán ankaẅì, hɩ yɛ vá wí wúcɔ̀-domɛ̀n nɔn, yɔ zi, kɩ Ɔwɔ ke bɩ́ yɔ mán kɛ hán ɛnyrɔnnan-bɔ̀.

Rɔmɛ̀n-anmàn-bɔ̀ 4:24

Ye merɛ́n, dú bɔ́ mán bɔ́ tɛn, bɔ́ léyi yɛ lɛ srɔ bɔ̀ ɛnyrɔnnan-bɔ̀, kɩ bɔ́ bú Ɔwɔ léyi bɩ́ Zhezü bɔ́ Ɛẅɛnwrɔn sɩ́ ɔkɔrɛ-bɔ̀ mɛ̀n nɔn, n'ankà bɔ̀ tán ankaẅì.

Rɔmɛ̀n-anmàn-bɔ̀ 4:5

Tɛ́n ɛnvra léyi ɔwrɔn tɔ̀n ke sɩ́ hán Ɔwɔ kɔhɔ̀n, kɩ ke bú tán le Ɔwɔ ke nyri ɛgbàn-hán-wrɔn ɛnhyɔ̀bɔ̀, Ɔwɔ kɛ srɔ nɛ̀n ɛnyrɔnnan-wrɔn n'ankaẅì-bùtan-ẅɛ̀n kruhú.

Rɔmɛ̀n-anmàn-bɔ̀ 4:7

“Ɛnbɔrɛbru dú anwrɔn hɔ̀n léyi Ɔwɔ bɩ́ yɔ ngàshi-gbàn lɔ ce yɔ, hɩ juru y'ɛgbàn hɔ̀n lɔ sɔhɔ́ nɔn tɛn!

Rɔmɛ̀n-anmàn-bɔ̀ 4:9

Ɛnbɔrɛbru ndɔ lɔ dú tán anwrɔn hɔ̀n léyi ye wí wúcɔ̀-domɛ̀n kɩ, kale yɔ hɔ̀n léyi ye sɩ̀ wì wúcɔ̀-domɛ̀n nɔn mán? Hɛ̀ɛ̀, zɛtɛ̀ lɔ bɔ́ dɔ̀ le “Ɔwɔ srɔ Abrahamɛ̀n ɛnyrɔnnan-wrɔn n'ankàẅì-bùtan-ẅɛ̀n lɔ kruhú”.

1 Korɛntɛ̀n anmàn-bɔ̀ 1:30

Tɛ́n Ɔwɔ bɔsɔ nyɛ́n mán Krisì mɛhi kɩ, nɛ̀n srɔ Krisì bɔ́ ankà-nyrì: Krisì de kɛ srɔ bɔ̀ ɛnyrɔnnan-bɔ̀ Ɔwɔ zìwú kɩ kɛ mrɛ́n bɔ̀ ɛgbàn mɛ̀n kɛ sɔhɔ́.

2 Korɛntɛ̀n anmàn-bɔ̀ 5:21

Krisì dú prɔnprɔn mɛ̀n, tɛ́n Ɔwɔ bɩ́ bɔ́ ɛgbàn hɔ̀n lɔ worɔ nɛ̀n, ô n'ɛmɛ̀n lɔ, bɔ̀ cɔ́ ɛwúvà-kɔrɛ̀ léyi Ɔwɔ tán n'ɔkɔ̀hɔ̀n lɔ mɛ̀n nɔn.

Galasi anmàn-bɔ̀ 3:14

Ɔmu lɔ de ɛnshi-fù léyi yɛ wá Abrahamɛ̀n ɔmùan nɔn, yɛ tán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn mán, Zhezü Krisì kɔrɛ̀-levri mɛ̀n, ɛnshi-fù ndɔ lɔ de bɔ́ lɔ fɛn bɔ́ cɔ́ ankaẅì-bùtan mɛ̀n, Ɛnhɛ́n léyi Ɔwɔ wá ɔmùan nɔn n'ɛmɛ̀n.

Galasi anmàn-bɔ̀ 4:15

Nyɛ́n dú ɛnbɔrɛ-bruemɛ̀n anvrɛnvrɛn mɛ̀n! Ankà tán de srɔ́n nyɛ̀n esù nɛ́n? Me le dí nyɛ̀n dalɛfuɛ ndɔ lɔ tɛ̀: ke dú kɛ kè dú eci-hán-ci hô, nye le frɛ ny'anvɛ̀ hɔ̀n lɔ nyɛ́n tán mɛ̀n!

Efɛzɛ̀n anmàn-bɔ̀ 1:3

Bɔ̀ mrɛ́n Ɔwɔ léyi dú bɔ́ Ɛẅɛnwrɔn Zhezü Krisì nɛ́n Zi nɔn! Nɛ̀n fú bɔ̀ ɛnshi bɔ́ mán Krisì mɛhi b'ɔbɔ̀sɔ̀ lɔ mɛ̀n, ɛnvra léyi nɛ̀n tán bɔ̀ ɛnhɛ́n mɛ̀n shifù lɔ fɛn léyi dú anhobɩ́ nɔn.

Filipɛ̀n anmàn-bɔ̀ 3:9

ô nɛ́n mɛhi bɔ́ dú ɔbɔ̀sɔ mɛ̀n kokroho. Mɛ́n sɩ́ vru ẅɛn ankà-tro le mɛ̀n dú ɛnyrɔnnan-wrɔn m'ɛnyànmàn ci-hán mɛ̀n. Krisì ankaẅì-bùtan-ẅɛn mɛ̀n de mɛ̀n dú ɛnyrɔnnan-wrɔn, ɛkɔrɛ̀levri ci-hán ndɔ lɛ́yi, Ɔwɔ hán kè dú ankàẅì-bùtan-ẅɛ̀n ci-tán nɔn.

Anhyrɛmɛ̀n timote 1:9

Nɛ́n de nɛ̀n bɩ́ bɔ̀ nɛ̀n die kɩ nɛ̀n bi bɔ̀ bo dú nɛ́n fɛcüè, kɩ kè sɩ̀ dù bɔ́ eci anvrɛnvrɛn hán mɛ̀n, tɛ́n nɛ́n dùku n'ankɔ́nda ci-hán mán nɛ́n nboafɔ̀n kruhú. Nɛ̀n tán bɔ̀ nboafɔ̀n ndɔ lɔ Zhezü Krisì bɩmɛ̀n, yakɛ cɔ́ ɛnvra hɔ̀n lɔ fɛn y'ɛnkrubɔmɛ̀n,

Zhakɛ̀n 2:18

Ɔwrɔn tɔ̀n kɛ lɛ dɔ́ tɛ̀ le: “Anwrɔn ndù ẅɛn ankaẅì-bùtan, kɩ ndɔ hɔ̀n ẅɛn eci-hán-ci”, zɛtɛn mɛ lɛ mrɛ́n nɛ̀n ɔmùan le: “È yé mɛ̀n ɔmu le v'ankaẅì-bùtan lɔ hán dù, hɩ eci-hán ke sɩ̀ dú nɛ̀n ɛmɛ̀n! Kɩ mɛ tɛn, me le yé mɛ́n m'ankaẅì-bùtan lɔ m'eci-hán mɛ̀n.”

2 Piɛrɛ̀n 1:1

Ebinyan ndɔ lɔ dú Simɔn Piɛrɛ̀n yri kɛ và, nɛ́n léyi nɛ̀n dú Zhezü Krisì ci-bɩtan-wrɔn mán n'ɔkɔ̀hɔ̀n-wá-wrɔn nɔn. Ebinyan ndɔ lɔ dú anwrɔn léyi b'Ɔwɔ mán b'ebɩdie-wrɔn Zhezü Krisì krukɔrɛ̀ kɔrɛ̀wá mɛ̀n, ncɔ́ ankaẅìbùtan léyi ẅɛn anhàn hán bɔ́ tɛn lɔ hɔ́ nɔn: