Rɔmɛ̀n-anmàn-bɔ̀ 4:3 - Ɛmɛẅi ankà ankrànkràn 2003

³ Annanwɔrɛ mɛ̀n lɔ, Owrú Prɔnprɔn kɛ dɔ̀ le: “Abrahamɛ̀n ẅɛn esɛ́ Ɔwɔ mɛ̀n, kɩ Ɔwɔ bɩ́ nɛ̀n srɔ ɛnyrɔnnan-wrɔn n'ankaẅì-bùtan-ẅɛn mɛ̀n.”

Rɔmɛ̀n-anmàn-bɔ̀ 4:3 Iomraidhean Croise

Matie 20:9

Anwrɔn hɔ̀n léyi ye bi ɔkɔ̀hɔ́n mɛ̀n ɔwɔɛmɛ̀n wacɛ̀n ɛnrì nɔn, nvà kɩ yɛ tán ɔwrɔn zrizri dɔlà kɔ̀prɛ̀ zri.

Markɛ̀n 12:10

Annànwɔrɛ mɛ̀n lɔ nyɛ́n krɛ́ ankà-dɔ̀ ndɔ lɔ Owrú Prɔnprɔn lɔ mɛ̀n hàn? ‘Obù léyi ɔwɔn-ku-bɔ̀ kɔ́n ze nɔn hɩ de srɔ ɔwɔn-kàvà mɛ̀n bù nɔn.

Rɔmɛ̀n-anmàn-bɔ̀ 10:11

Annanwɔrɛ mɛ̀n lɔ, Owrú kɛ dɔ̀ le: “Ɔwrɔn totɔtɔ̀n léyi kɛ ẅɛn ankaẅì-bùtan n'ɛwú nɔn, ke sɩ̀ cɔ́ anvɛvrà.”

Rɔmɛ̀n-anmàn-bɔ̀ 11:2

Ɔwɔ kè sɩ̀ teze nɛ́n fɛcüè léyi nɛ́n gɔ̀ mrɛ́n nɛ́n bɩ nɔn. Nyɛ́n nyri ankà léyi Owrú kɛ dɔ́ ɛyri léyi Eli ke bɩ́ ɛmɛ̀nhyì ku Izraɛlɛ̀n ɛwú Ɔwɔ zìwú nɔn:

Rɔmɛ̀n-anmàn-bɔ̀ 4:11

Ɛnvra sheshe vacì yakɛ ye wí Abrahamɛ̀n wúcɔ̀-domɛ̀n dú eci-woroan-ci tɔ̀n: ndɔ lɔ dú eci-woroan-ci léyi ke yé le Ɔwɔ srɔ Abrahamɛ̀n ɛnyrɔnnan-wrɔn ankaẅì-bùtan léyi nɛ̀n ẅɛ̀n nɔn kruhú, tɛ́n hɩ vra lɔ mɛ̀n, yɛ vá wí nɛ̀n wúcɔ̀-domɛ̀n. Ɔmu lɔ de Abrahamɛ̀n srɔ anwrɔnẅì lɔ fɛn léyi ke bú Ɔwɔ ankà kɛ tán ankaẅì, hɩ yɛ vá wí wúcɔ̀-domɛ̀n nɔn, yɔ zi, kɩ Ɔwɔ ke bɩ́ yɔ mán kɛ hán ɛnyrɔnnan-bɔ̀.

Rɔmɛ̀n-anmàn-bɔ̀ 4:5

Tɛ́n ɛnvra léyi ɔwrɔn tɔ̀n ke sɩ́ hán Ɔwɔ kɔhɔ̀n, kɩ ke bú tán le Ɔwɔ ke nyri ɛgbàn-hán-wrɔn ɛnhyɔ̀bɔ̀, Ɔwɔ kɛ srɔ nɛ̀n ɛnyrɔnnan-wrɔn n'ankaẅì-bùtan-ẅɛ̀n kruhú.

Rɔmɛ̀n-anmàn-bɔ̀ 4:9

Ɛnbɔrɛbru ndɔ lɔ dú tán anwrɔn hɔ̀n léyi ye wí wúcɔ̀-domɛ̀n kɩ, kale yɔ hɔ̀n léyi ye sɩ̀ wì wúcɔ̀-domɛ̀n nɔn mán? Hɛ̀ɛ̀, zɛtɛ̀ lɔ bɔ́ dɔ̀ le “Ɔwɔ srɔ Abrahamɛ̀n ɛnyrɔnnan-wrɔn n'ankàẅì-bùtan-ẅɛ̀n lɔ kruhú”.

Rɔmɛ̀n-anmàn-bɔ̀ 9:17

Owrú Prɔnprɔn lɔ mɛ̀n, Ɔwɔ kɛ dɔ́ Ezhiptɛ̀n nɛ̀ncüì lɔ le: “Mɛ̀n wá mɛ́n ɛnnɛ̀ncüì, ô v'ɛmɛ̀n lɔ, mɛ̀n yé m'ɛkɔrɛ̀srɔn lɔ, ô m'ebɩ́dì lɔ kè bonyi ɛnhi mumù lɔ fɛn wú.”

Zhakɛ̀n 2:23

Ɔmu lɔ de Owrú Prɔnprɔn ankà lɔ dɔ̀ nɔn sá nmù: “Abrahamɛ̀n ẅɛn Ɔwɔ sɛ́ kɩ Ɔwɔ bɩ́ nɛ̀n hán ɛnyrɔnnan-wrɔn n'ankaẅì-bùtan lɔ mɛ̀n.” Kɩ, Ɔwɔ ke bi nɛ̀n, nɛ́n nyran-anvrɛn.

Zhakɛ̀n 4:5

Nyɛ́n bɩ́ tro le ankora de Owrú Prɔnprɔn ndɔ̀ le: “Ɔwɔ kɛ kɔ́n ecüìhi, kɩ ne ji ɛnhɛ́n léyi nɛ́n tán bɔ̀ nɔn.”