Rɔmɛ̀n-anmàn-bɔ̀ 4:21 - Ɛmɛẅi ankà ankrànkràn 2003

²¹ Nɛ̀n ẅɛn esɛ́ kpankpan le Ɔwɔ ẅɛn ɔkɔrɛ̀-srɔn kɛ lɛ hán n'ɔmùan-wá ci lɔ.

Rɔmɛ̀n-anmàn-bɔ̀ 4:21 Iomraidhean Croise

Matie 19:26

Zhezü nyan yɔ kɩ kɛ dɔ́ yɔ le: “Sɔ́ tán anwrɔnẅì, tɛ́n Ɔwɔ yri tɛn kè sɩ̀ sɔ̀a.”

Lükɛ̀n 1:1

Brɛ̀su Teofilɛ̀n, Anwrɔn bobrebe de ji ɛyri ô kè merɛ́n ɛci hɔ̀n léyi vá bɔ̀ ɛmɛ̀n nɔn y'owrú.

Lükɛ̀n 1:37

Ɔmuhi ecizriɛmɛ́n ke sɩ̀ sɔ́ kɛ̀ kà Ɔwɔ nɔn.”

Lükɛ̀n 1:45

È dú ɛnbɔrɛ-bruemɛ̀n: ɛ̀ ẅɛn ankàẅì-bùtan, ankà léyi yɛ dɔ́ mɛ́n Ɛẅɛnwrɔn bɩ́mɛ̀n nɔn, n'ɛwú lɔ, eci lɔ kɛ lɛ hán!”

Rɔmɛ̀n-anmàn-bɔ̀ 14:4

Antɔnwrɔn dú mɛ́n kɛ̂, e ci ɔwrɔn nyantɛn ci-bɩ̀tan-wrɔn ɛmrɛ̀n hàn? Ke dú kɛ ɔkɔ̀hɔ̀n anvrɛnvrɛn nɛ hán mán, kɩ ke dú kɛ ɔkɔ̀hɔ̀n gbàngbàn nɛ hán mán, ndɔ lɔ kɛ crɛ nyan n'ankà-yé-wrɔn. Kɩ nɛ lɛ nyɔn ɛshishiemɛ̀n, ɔmuhi Ɛẅɛnwrɔn ẅɛn ɛkɔrɛ̀srɔn kɛ lɛ wá nɛ̀n ɛkɔrɛ̀ nɔn.

Rɔmɛ̀n-anmàn-bɔ̀ 14:5

Ɔwrɔn tɔ̀n tɛn, ɛnbì jan hɔ̀n ẅɛn vɔ̀nshɛ́ vrán ɛnbì ndɔ hɔ̀n, kɩ ɔwrɔn nyantɛn tɛn ɛnbì hɔ̀n lɔ fɛn dú zri. Ke ji le ɔwrɔnwrɔn kɛ ẅɛn esɛ́ n'ankà-tro mɛ̀n.

Rɔmɛ̀n-anmàn-bɔ̀ 8:38

Hɛ̀ɛ̀, mɛ̀n ẅɛn esɛ́ le eci zriɛmɛ́n ke sɩ̀ ẅɛn bɔ̀ kɛ̀ sɔhɔ́ n'ɛcüɛ̀n lɔ mɛ̀n: owù mán, ɛwúvà mán, Ɔwɔ-kùyüre-bɔ̀ hɔ̀n mán, ɛkɔrɛ̀levri-bɔ̀ nyàntɛn hɔ̀n mán, anhobɩ́ kɔrɛ̀srɔn hɔ̀n lɔ mán, ɛnvra léyi bɔ̀ dú ɛmɛ̀n nɔn mán, ɛnvra léyi dú ezì kɛ và nɔn mán,

2 Korɛntɛ̀n anmàn-bɔ̀ 9:8

Kɩ Ɔwɔ ẅɛn ɛkɔrɛ̀-levri kɛ lɛ tán nyɛ̀n anvrɛn mɛ̀ntɛ mɛ̀ntɛ, ô nyɛ́n ẅɛn ɛnvra lɔ fɛn eci léyi nye ji nɔn, kɩ nye le vru nyɛ́n cɔ́ eci nyɛ́n hán ɛkɔrɛ̀-wá kɔ̀hɔ̀n anvrɛnvrɛn hɔ̀n lɔ fɛn.

Anhyrɛmɛ̀n timote 1:12

kɩ ndɔ lɔ kruhú de mɛ kán ɛgbàn ndɔ hɔ̀n lɔ nɔn. Tɛ́n ɛnjansù ke sɩ́ ẅɛn mɛ̀n, ɔmuhi mɛ̀n nyri ɔwrɔn léyi mɛ̀n ẅɛn esɛ́ n'ɛwú kɩ mɛ̀n nyri ɔmu le nɛ̀n ẅɛn ɛkɔrɛ̀srɔn nɛ lɛ hɛ́n eci léyi nɛ̀n wá mɛ̀n antamɛ̀n, hàn kɩ kɛ lɛ cɔ́ ɛmrɛ̀nci bì lɔ nɔn.

Ebre-bɔ̀ 11:13

Ankaẅìbùtan mɛ̀n de anwrɔn ndɔ hɔ̀n lɔ fɛn nwù nɔn. Yɔ sɩ̀ cɔ̀ anvrɛn léyi Ɔwɔ wá ɔmùan nɔn, tɛ́n yɔ kán anvrɛn hɔ̀n lɔ, kɩ yɔ mrɛ́n anvrɛn hɔ̀n lɔ esù she mɛ̀n. Yɔ nyri kpetee le, yɔ dú ɛmɛ̀n-nyantɛn-mɛ̀n-bɔ̀ mán anwɔn-bɔ̀ ɛnu ɛnhi.

Ebre-bɔ̀ 11:19

Tɛ́n Abrahamɛ̀n ẅɛn esɛ́ le Ɔwɔ ẅɛn ɛkɔrɛ̀srɔn ke le bɩ́ Izaakɛ̀n owú-bɔ̀ mɛ̀n ke sɩ́ ɔkɔrɛ̀-bɔ̀ mɛ̀n; hɩ le kruhú de Ɔwɔ wɔrɛ n'ɛnẅì tán nɛ̀n, kɩ eci-hán ndɔ lɔ dú sɛnpò ci léyi ẅɛn vɔ̀nshɛ nɔn.