Rɔmɛ̀n-anmàn-bɔ̀ 4:2 - Ɛmɛẅi ankà ankrànkràn 2003

² Ke dú kɛ Abrahamɛ̀n ke dú ɛnyrɔnnan-wrɔn Ɔwɔ zìwú n'eci-hán mɛ̀n, nɛ lɛ mrɛ́n n'edomɛ̀n tɛ̀. Tɛ́n nɛ́n sɩ̀ mrɛ́n n'edomɛ̀n Ɔwɔ ziwú rɔ́.

Rɔmɛ̀n-anmàn-bɔ̀ 4:2 Iomraidhean Croise

Rɔmɛ̀n-anmàn-bɔ̀ 15:17

Zhezü Krisì mɛhi b'ɔbɔ̀sɔ̀ lɔ mɛ̀n, mɛ lɛ mrɛ́n m'edomɛ̀n Ɔwɔ-kɔ̀hɔ̀n-hán mɛ̀n.

1 Korɛntɛ̀n anmàn-bɔ̀ 1:29

Ɔmu lɔ de ɔwrɔnẅì zriɛmɛ́n ke sɩ̀ mrɛ́n n'edomɛ̀n Ɔwɔ zìwú rɔ́.

1 Korɛntɛ̀n anmàn-bɔ̀ 1:31

Zɛtɛn, hán ɔmu le Owrú Prɔnprɔn kɛ dɔ̀ nɔn: “Ke dú kɛ ɔwrɔn tɔ̀n ke ji kè gbú ɔmùan hô, nɛ̀n gbú ɔmùan Ɛẅɛnwrɔn kɔrɛ̀-ci-hán wú.”

1 Korɛntɛ̀n anmàn-bɔ̀ 4:7

Ɔmuhi, ecitan mɛ̀n de e tro le è sevri ɛ̀ vrán ɛnyran hɔ̀n nɛ́n? Eci lɔ fɛn léyi ɛ ẅɛ̀n nɔn, kè sɩ̀ dù Ɔwɔ yri kɛ̀ và? Ɔmuhi dú ɔmu lɔ nɔn, cɛci kruhú kɛ e gbú ɔmùan eci léyi ɛ cɔ̀ nɔn hɩ wú, hán le ye sɩ̀ tán mɛ́n eci lɔ nɛ́n?

1 Korɛntɛ̀n anmàn-bɔ̀ 9:16

Mɛ́n sɩ́ ji mɛ̀n gbú ɔmùan Ɛmɛẅi ankà Ankrànkràn dɔ́ mɛ̀n. Kɩ, dú eci-hán-ci léyi yɛ wá tán mɛ̀n, kɩ muzhie dú mɛ tɛn ke dú kɛ mɛ̀n sɩ̀ dɔ̀ Ɛmɛẅi ankà Ankrànkràn lɔ.

2 Korɛntɛ̀n anmàn-bɔ̀ 11:12

Me le dú eci lɔ n'ɛhán mɛ̀n kɛ lɛ hán zɛtɛ̀ lɔ hɔ́, ô anwrɔn hɔ̀n léyi ke ji kè gbú ɔmùan kɛ̀ dɔ̀ le yɔ mɛhi bɔ̀ krɔn nɔn, mɛ̀n mrɛ́n yɔ ankà-tro ndɔ lɔ ɛnkruemɛ̀n mɛ̀n sɔhɔ́.

2 Korɛntɛ̀n anmàn-bɔ̀ 11:30

Ke dú kɛ ke ji le mɛ̀n gbú ɔmùan, me le gbú ɔmùan m'ɛjɛ̀ lɔ wú.

2 Korɛntɛ̀n anmàn-bɔ̀ 5:12

Bɔ́ sɩ́ ji le bɔ́ dùku bɔ̀ vru bɔ̀ bɩ́ bɔ́ edomɛ̀n bɔ́ wá nyɛ̀n antamɛ̀n, tɛ́n bɔ́ cúɛn ɔmu le bɔ̀ hán tán, ô nyɛ́n gbú ɔmùan bɔ́ ɛwú; ɔmu lɔ de, nyɛ lɛ cɔ́ ankà-dɔ́-yri nyɛ́n tán anwrɔn hɔ̀n léyi ke gbú ɔmùan y'ɛntrɛ ci-hán wú, kɩ kè sɩ̀ dù hɩ le dú y'ɛnbɔrɛ lɔ mɛ̀n nɔn.

Galasi anmàn-bɔ̀ 3:22

Tɛ́n Owrú Prɔnprɔn ndɔ̀ le ɛnhibù mumù lɔ fɛn dú ɛgbàn kɔrɛ̀-srɔn wú, ô ecice léyi Ɔwɔ wá ɔmùan nɔn kè dú ankaẅì-bùtan-ẅɛn-bɔ̀ tɛn, y'ankaẅì-bùtan léyi yɔ ẅɛn Zhezü Krisì mɛ̀n nɔn hɩ wú.

Efɛzɛ̀n anmàn-bɔ̀ 2:9

nɛ̀n sɩ̀ dù ny'ɛgbànkàn vɔ̀nshɛ́ ci, kɩ ɔmu lɔ, ɔwrɔn zriɛmɛ́n ke sɩ̀ mrɛ́n n'edomɛ̀n rɔ́.

Filipɛ̀n anmàn-bɔ̀ 3:9

ô nɛ́n mɛhi bɔ́ dú ɔbɔ̀sɔ mɛ̀n kokroho. Mɛ́n sɩ́ vru ẅɛn ankà-tro le mɛ̀n dú ɛnyrɔnnan-wrɔn m'ɛnyànmàn ci-hán mɛ̀n. Krisì ankaẅì-bùtan-ẅɛn mɛ̀n de mɛ̀n dú ɛnyrɔnnan-wrɔn, ɛkɔrɛ̀levri ci-hán ndɔ lɛ́yi, Ɔwɔ hán kè dú ankàẅì-bùtan-ẅɛ̀n ci-tán nɔn.