Rɔmɛ̀n-anmàn-bɔ̀ 4:16 - Ɛmɛẅi ankà ankrànkràn 2003

¹⁶ Ɔmu lɔ de yɛ hán ɔmùanwá ci ankaẅì-bùtan kruhú, ô nɛ̀n dú Ɔwɔ-cice-ci tɔ̀n, kɛ̀ ẅɛn vɔ̀nshɛ́ kɛ̀ tán Abrahamɛ̀n mɛẅi-bɔ̀, kè sɩ̀ dù yɔ hɔ̀n léyi kɛ wá ɛnyànmàn nɔn zri kɩ, tɛ́n yɔ hɔ̀n léyi ẅɛn ankaẅì-bùtan hán Abrahamɛ̀n hɔ́ nɔn. Abrahamɛ̀n dú bɔ́ lɔ fɛn bo zi,

Rɔmɛ̀n-anmàn-bɔ̀ 4:16 Iomraidhean Croise

Lükɛ̀n 19:9

Zhezü mrɛ́n nɛ̀n ɔmùan le: “Ɛnyɔncì lɔ, ɛnkrukɔrɛ̀ bru ebɩ́ ndɔ lɔ mɛ̀n, ɔmuhi, ɔwrɔn ndɔ lɔ mán dú Abrahamɛ̀n mɛ̀n mɛ̀n-wrɔn nɔn.

Rɔmɛ̀n-anmàn-bɔ̀ 15:8

Ananwɔrɛ mɛ̀n lɔ, mɛ dɔ́ nyɛ̀n ankaẅì-bùtan mɛ̀n le, Krisì srɔ Zhüifɛ̀n-bɔ̀ ci-bɩ̀tan-wrɔn, ô ɔmùan léyi Ɔwɔ wá yɔ nancüì hɔ̀n nɔn kɛ̀ sá nmù, ô ɔmu lɔ, kè yé Ɔwɔ-mùan-zri-dì lɔ.

Rɔmɛ̀n-anmàn-bɔ̀ 3:22

Ɔwɔ kɛ srɔ anwrɔnẅì ɛnnyrɔnnan-bɔ̀ n'ezìwú y'ankaẅì-bùtan léyi yɔ ẅɛn Zhezü Krisì mɛ̀n nɔn hɩ wú. Nɛ hán ndɔ lɔ tán anwrɔn hɔ̀n lɔ fɛn léyi ẅɛn ankaẅì-bùtan Krisì mɛ̀n nɔn, ɔmuhi yɔ lɔ fɛn nzriɛmɛ́n kè sɩ̀ vɛ̀n hàn nɔn:

Rɔmɛ̀n-anmàn-bɔ̀ 3:30

ɔmuhi Ɔwɔ zri kɩ dù nɔn. Nɛ lɛ srɔ Zhüifɛ̀n-bɔ̀ ɛnyrɔnnan-bɔ̀ n'ezìwú ankaẅì-bùtan-ẅɛn mɛ̀n, kɩ nɛ lɛ srɔ anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, yɔ mán ɛnyrɔnnan-bɔ̀ n'ezìwú ankaẅì-bùtan-ẅɛn mɛ̀n.

Rɔmɛ̀n-anmàn-bɔ̀ 4:11

Ɛnvra sheshe vacì yakɛ ye wí Abrahamɛ̀n wúcɔ̀-domɛ̀n dú eci-woroan-ci tɔ̀n: ndɔ lɔ dú eci-woroan-ci léyi ke yé le Ɔwɔ srɔ Abrahamɛ̀n ɛnyrɔnnan-wrɔn ankaẅì-bùtan léyi nɛ̀n ẅɛ̀n nɔn kruhú, tɛ́n hɩ vra lɔ mɛ̀n, yɛ vá wí nɛ̀n wúcɔ̀-domɛ̀n. Ɔmu lɔ de Abrahamɛ̀n srɔ anwrɔnẅì lɔ fɛn léyi ke bú Ɔwɔ ankà kɛ tán ankaẅì, hɩ yɛ vá wí wúcɔ̀-domɛ̀n nɔn, yɔ zi, kɩ Ɔwɔ ke bɩ́ yɔ mán kɛ hán ɛnyrɔnnan-bɔ̀.

Rɔmɛ̀n-anmàn-bɔ̀ 5:1

Ɔmu lɔ de bɔ̀ srɔ ɛnyrɔnnan-bɔ̀ Ɔwɔ zìwú, b'ankaẅì-bùtan-ẅɛ̀n kruhú, kɩ zɛtɛ̀ lɔ bɔ́ dú anwɔwɔmɛ̀n bɔ́ mán Ɔwɔ mɛhi, bɔ́ Ɛẅɛnwrɔn Zhezü Krisì bɩmɛ̀n.

Rɔmɛ̀n-anmàn-bɔ̀ 9:8

Hɩ mɛ̀n kɛ dɔ̀ le: kè sɩ̀ dù ɛẅì hɔ̀n léyi ye bî anwrɔnẅìemɛ̀n nɔn de dú Ɔwɔ ẅì hɔ̀n nɔn; tɛ́n ɛẅì hɔ̀n léyi ye bî Ɔwɔ mùan-wá mɛ̀n nɔn, yɔ zri kɩ yɔ dú ɛmɛẅi-bɔ̀ annànwɔrɛ nɔn.

Galasi anmàn-bɔ̀ 3:14

Ɔmu lɔ de ɛnshi-fù léyi yɛ wá Abrahamɛ̀n ɔmùan nɔn, yɛ tán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn mán, Zhezü Krisì kɔrɛ̀-levri mɛ̀n, ɛnshi-fù ndɔ lɔ de bɔ́ lɔ fɛn bɔ́ cɔ́ ankaẅì-bùtan mɛ̀n, Ɛnhɛ́n léyi Ɔwɔ wá ɔmùan nɔn n'ɛmɛ̀n.

Galasi anmàn-bɔ̀ 3:16

Zɛtɛn, Ɔwɔ wá Abrahamɛ̀n mán n'ɛmɛẅi-wrɔn ɔmùan. Ɛwrú Prɔnprɔn ke sɩ́ dɔ́ le: “Mán n'ɛmɛẅi-bɔ̀”, kɛ hán tán le anwrɔn bobrebe hɔ̀n ankà de yɛ dɔ̀ nɔn; Ɛwrú kɛ dɔ̀ le: “Mán v'ɛmɛẅi-wrɔn”, ankà-dɔ̀ ndɔ lɔ mɛ̀n, ne yé ɔwrɔn zri kɩ, nɛ́n de nɛ̀n dú Krisì nɔn.

Galasi anmàn-bɔ̀ 3:22

Tɛ́n Owrú Prɔnprɔn ndɔ̀ le ɛnhibù mumù lɔ fɛn dú ɛgbàn kɔrɛ̀-srɔn wú, ô ecice léyi Ɔwɔ wá ɔmùan nɔn kè dú ankaẅì-bùtan-ẅɛn-bɔ̀ tɛn, y'ankaẅì-bùtan léyi yɔ ẅɛn Zhezü Krisì mɛ̀n nɔn hɩ wú.

Efɛzɛ̀n anmàn-bɔ̀ 2:5

kɩ ɛnvra léyi bɔ̀ wú ɛnhɛ́n mɛ̀n, bɔ̀ ɛgbàn hɔ̀n lɔ kruhú nɔn, nɛ̀n hán bɔ̀, bɔ́ dú ɔkɔrɛ mɛ̀n bɔ́ mán Krisì mɛhi. Ɔwɔ boafɔ̀n mɛ̀n de nyɛ́n cɔ́ ebɩ̀die nɔn.

Efɛzɛ̀n anmàn-bɔ̀ 2:8

Ɔmuhi Ɔwɔ boafɔ̀n mɛ̀n de nyɛ́n cɔ́ ebɩ̀die ankaẅì-bùtan-ẅɛn mɛ̀n nɔn. Ɛnkrukɔrɛ̀ ndɔ lɔ, kè sɩ̀ dù ny'eyri kɛ̀ và, nɛ̀n dú Ɔwɔ cice tɔ̀n;

Titɛ̀n 3:7

ɔmu lɔ de nɛ́n nboafɔ̀n kɛ srɔ bɔ̀ ɛnyrɔnnan-bɔ̀ n'ezìwú, ô kɛ̀ hán bɔ̀ bɔ́ cɔ́ ɛwúvà léyi ke sɩ́ trɔa hɩ bɔ̀ ẅɛn esɛ́ n'ɛwú nɔn.

2 Piɛrɛ̀n 1:10

Hɩ le kruhú de, anwrɔn-nɛ́n-muan-ẅì hɔ̀n, nyɛ́n vru nyɛ́n hán kèkrèmɛ̀n, ô Ɔwɔ bì léyi bi nyɛ̀n mán ɛmrɛ̀n léyi nɛ̀n mrɛ́n nyɛ̀n nɛ́n bɩ nɔn, ɔmuhi ke dú kɛ ny'ɛhán ɔmu lɔ hô, nyɛ́n sɩ̀ bru ɛgbàn mɛ̀n mrìmrì.