Rɔmɛ̀n-anmàn-bɔ̀ 4:13 - Ɛmɛẅi ankà ankrànkràn 2003

¹³ Ɔwɔ wá Abrahamɛ̀n mán n'ɛmɛẅi-bɔ̀ ɔmùan le nɛ lɛ tán yɔ ɛnhibù lɔ. Ɔmùan-wá ndɔ lɔ Ɔwɔ tán nɔn, kè sɩ̀ dù hɩ le Abrahamɛ̀n kɛ wá ɛnyànmàn nɔn kruhú, tɛ́n, ɔmuhi Ɔwɔ bɩ́ nɛ̀n srɔ ɛnyrɔnnan-wrɔn n'ankaẅì-bùtan-ẅɛn mɛ̀n nɔn.

Rɔmɛ̀n-anmàn-bɔ̀ 4:13 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 13:32

Bɔ́ mùmù, bɔ́ và bɔ̀ sɩ́ nyɛ̀n Ɛmɛẅi ankà Ankrànkràn ndɔ lɔ: ɔmùan léyi Ɔwɔ wá bɔ́ nancüì hɔ̀n nɔn,

Rɔmɛ̀n-anmàn-bɔ̀ 4:12

Nɛ̀n vru nɛ̀n dú anwrɔn hɔ̀n léyi ye wí wúcɔ̀-domɛ̀n nɔn yɔ zi, hɩ mɛ̀n kɛ dɔ̀ le, anwrɔn hɔ̀n léyi ke sɩ́ bɩ́ y'edomɛ̀n kɛ hán Abrahamɛ̀n ẅì hɔ̀n kɩ, tɛ́n kɛ nán esù Abrahamɛ̀n sɛnpɔ̀ lɔ wú ankaẅì-bùtan-ẅɛn mɛ̀n, ɛnvra léyi yɛ vá wí nɛ̀n wúcɔ̀-domɛ̀n nɔn.

Rɔmɛ̀n-anmàn-bɔ̀ 9:8

Hɩ mɛ̀n kɛ dɔ̀ le: kè sɩ̀ dù ɛẅì hɔ̀n léyi ye bî anwrɔnẅìemɛ̀n nɔn de dú Ɔwɔ ẅì hɔ̀n nɔn; tɛ́n ɛẅì hɔ̀n léyi ye bî Ɔwɔ mùan-wá mɛ̀n nɔn, yɔ zri kɩ yɔ dú ɛmɛẅi-bɔ̀ annànwɔrɛ nɔn.

Galasi anmàn-bɔ̀ 3:29

Ke dú kɛ nyɛ́n dú Krisì tɛn hô, zɛtɛn nyɛ́n dú Abrahamɛ̀n mɛẅi-bɔ̀ kɩ nyɛ lɛ cɔ́ ànja léyi Ɔwɔ wá ɔmùan nɔn.

Ebre-bɔ̀ 11:7

Ankàẅìbùtan de tán Noé ɛkɔrɛ̀levri die Ɔwɔ ankà-bi-dɔ̀ nukù eci léyi kɛ lɛ wɔ̀ɛn, hɩ yɛ vá kàn nɔn. Nɛ̀n ẅɛn Ɔwɔ sɛ́ kɩ nɛ̀n ku ebɩdie-hɛ̀ vri tɔ̀n léyi nɛ́n mán n'ɛmɛ̀n mɛ̀n-bɔ̀ mɛhi yɔ cɔ́ ɛkɔrɛ̀ ɛmɛ̀n nɔn. Ɔmu lɔ de n'ankaẅìbùtan-ẅɛ̀n kruhú lɔ nɛ̀n bó ɛnhibù nwù kɩ nɛ̀n cɔ́ ɛnyrɔnnan Ɔwɔ zìwú.

Ebre-bɔ̀ 7:6

Mɛlkisedɛkɛ̀n kè sɩ̀ dù Levi mɛẅi-wrɔn, tɛ́n nɛ̀n cɔ́ Abrahamɛ̀n tamɛ̀n, ɛvámɛ̀n-ci léyi Abrahamɛ̀n ncɔ̀ nɔn; kɩ Mɛlkisedɛkɛ̀n fú ɔwrɔn léyi cɔ́ Ɔwɔ mùan-wá-ci lɔ nɔn ɛnshi.