Rɔmɛ̀n-anmàn-bɔ̀ 4:1 - Ɛmɛẅi ankà ankrànkràn 2003

¹ Abrahamɛ̀n léyi dú bɔ́ nancüì nɔn, ankà tán de bɔ́ lɛ ẅɛ̀n bɔ̀ dɔ́ n'ɛwú nɛ́n? Ɔwrɔnẅì léyi dú nɛ̀n nɔn, ecitan de nɛ́n cɔ̀ nɛ́n?

Rɔmɛ̀n-anmàn-bɔ̀ 4:1 Iomraidhean Croise

Matie 3:9

kɩ nyɛ́n bɩ́ tro le: ‘Abrahamɛ̀n dú nyɛ́n nancüì.’ Ɔmuhi mɛ dɔ́ nyɛ̀n le, Ɔwɔ kɛ cüɛ̀n hô, ne le bɩ́ ɛbù ẅì ndɔ hɔ̀n lɔ, nɛ̀n srɔ Abrahamɛ̀n nɛ́n nan-ẅì hɔ̀n!

Lükɛ̀n 3:8

Nyɛ́n hán eci ke yé tán le, nyɛ́n crɔn ny'edomɛ̀n, ô nyɛ́n bɩ́ dɔ́ ny'edomɛ̀n le: ‘Abrahamɛ̀n dú bɔ́ nancüì.’ Ɔmuhi mɛ dɔ́ nyɛ̀n le Ɔwɔ ke le bɩ́ ɛbù ndɔ hɔ̀n lɔ kɛ̀ srɔ Abrahamɛ̀n nɛ́n-nán-ẅì hɔ̀n tɛ̀!

Zhan 8:33

Yɔ mrɛ́n nɛ̀n ɔmùan le: “Bɔ́ dú Abrahamɛ̀n mɛẅi bɔ̀, kɩ bɔ́ vá dú ɔwrɔn wɔ̀n-wrɔn ɛnbì zriɛmɛ́n. Anhɔntan de ɛ lɛ dɔ́ bɔ̀ tɛ̀ le: ‘Nyɛ lɛ srɔ anwrɔn kɔra hɔ̀n nɛ́n’?”

Zhan 8:53

Abrahamɛ̀n bɔ́ zí nwù: e tro le, è sevri ɛ̀ vrán nɛ́n? Ɔwɔ-mùanwú-ankà-dɔ́-bɔ̀ mán nwù. Ecitan e bú v'edomɛ̀n ɛ hán?”

Zhan 8:56

Abrahamɛ̀n, nyɛ́n zi, pɔpüɛ̀ nbrà, ɔmuhi nɛ̀n tro le nɛ lɛ kán me bî vra; nɛ̀n kán ɛnvra lɔ, kɩ nɛ̀n dú ɛnbɔrɛbruemɛ̀n.”

Ɔkɔ̀hɔ̀n-wá-bɔ̀ kɔ̀hɔ̀n hán 13:26

Anwrɔn-nɛ́n-mùan-ẅì hɔ̀n, nyɛ́n léyi nyɛ́n dú Abrahamɛ̀n mɛẅi-bɔ̀ mán nyɛ́n léyi nyɛ́n dú ɛnu, Ɔwɔ ankɔrɛ̀ ezìwú cüemɛ̀n nɔn: bɔ́ de ɛnkrukɔrɛ̀ mɛẅi ankà lɔ, kɛ zɛ́n bɔ̀ ɛnsrì nɔn.

Rɔmɛ̀n-anmàn-bɔ̀ 1:3

Ɛmɛẅi ankà ndɔ lɔ kɛ crɛ nyan n'ɛnẅì, bɔ́ Ɛẅɛnwrɔn Zhezü Krisì: anwrɔnẅiemɛ̀n lɔ, nɛ̀n dú Davidɛ̀n-mɛẅi-wrɔn;

Rɔmɛ̀n-anmàn-bɔ̀ 3:5

Tɛ́n ke dú kɛ ɛgbàn léyi bɔ́ hán nɔn, n'ɛwú lɔ Ɔwɔ kɛ hán bɔ̀ ɛgbàn hô, ankà tán bɔ́ lɛ dɔ̀a? Ɔwɔ kè sɩ̀ dù ɛnyrɔnnan-wrɔn ɔmuhi nɛ hán bɔ̀ ɛgbàn nɛ́n? (Mɛ dɔ́ anwrɔnẅìemɛ̀n ankà.)

Rɔmɛ̀n-anmàn-bɔ̀ 4:16

Ɔmu lɔ de yɛ hán ɔmùanwá ci ankaẅì-bùtan kruhú, ô nɛ̀n dú Ɔwɔ-cice-ci tɔ̀n, kɛ̀ ẅɛn vɔ̀nshɛ́ kɛ̀ tán Abrahamɛ̀n mɛẅi-bɔ̀, kè sɩ̀ dù yɔ hɔ̀n léyi kɛ wá ɛnyànmàn nɔn zri kɩ, tɛ́n yɔ hɔ̀n léyi ẅɛn ankaẅì-bùtan hán Abrahamɛ̀n hɔ́ nɔn. Abrahamɛ̀n dú bɔ́ lɔ fɛn bo zi,

Rɔmɛ̀n-anmàn-bɔ̀ 6:1

N'ɛwú lɔ ankà tán de bɔ́ lɛ dɔ̀ nɛ́n? Bɔ́ le dú ɛnvra lɔ fɛn ɛgbàn mɛ̀n, ô Ɔwɔ-boafɔ̀n kɛ sàn cüɛn kè dú bɔ́ tɛn hán?

Rɔmɛ̀n-anmàn-bɔ̀ 7:7

N'ɛwú lɔ ankà tán de bɔ́ lɛ dɔ̀ nɛ́n? Ɛnyànmàn dú ɛgbàn? Annànwɔrɛ mɛ̀n lɔ hɔ̂! Tɛ́n ɛnyànmàn hán mɛ̀n, mɛ̀n nyri eci léyi dú ɛgbàn nɔn. Annanwɔrɛ mɛ̀n lɔ, ke dú kɛ ɛnyànmàn kè sɩ̀ dɔ́ mɛ̀n hô, mɛ́n sɩ̀ nyri eci léyi dú “eci-ɛvɛ̀-cüɛ̀n nɔn”.

Rɔmɛ̀n-anmàn-bɔ̀ 8:31

Ankà tán de bɔ́ lɛ dɔ̀ kè fɛ́ ɛwú nɛ́n? Ke dú kɛ Ɔwɔ ke dú bɔ́ tɛn hô, antɔnwrɔn de kɛ lɛ kɛ́n bɔ̀ ezì nɛ́n?

2 Korɛntɛ̀n anmàn-bɔ̀ 11:22

Yɔ dú Ebre-bɔ̀a? Mɛ̀n mán. Izraɛlɛ̀n-bɔ̀a? Mɛ̀n mán. Abrahamɛ̀n mɛẅi-bɔ̀a? Mɛ̀n mán.

Ebre-bɔ̀ 12:9

Bú zi hɔ̀n léyi dú ɛnu ɛnhi nɔn, bò kro y'ankà bɔ̀ sɩ́: yɔ ẅɛn bɔ̀ nukù kɩ bɔ́ wá yɔ. Zɛtɛn ke ji le, ankanyriemɛ̀n lɔ, bɔ́ sɩ́ bɔ́ edomɛ̀n ɛnhi bɔ̀ tán bó Zi Ɔwɔ léyi dú anhobɩ́ nɔn, ô bɔ̀ cɔ́ ɛwuvà ne yri.