Rɔmɛ̀n-anmàn-bɔ̀ 3:9 - Ɛmɛẅi ankà ankrànkràn 2003

⁹ Tɛ́n ecitan? Bɔ́ Zhüifɛ̀n-bɔ̀ lɔ, bɔ̀ vrán bɔ́ nyran hɔ̀n hàn? Hɔ̂, kè sɩ̀ dù ɔmu lɔ! Mɛ́n gɔ̀ yé le, bɔ́ lɛ fɛn lɔ, Zhüifɛ̀n-wrɔn dú mɛ́n hô, è sɩ̀ dù Zhüifɛ̀n-wrɔn hô, bɔ̀ dú ɛgbàn kɔrɛ̀levri wú.

Rɔmɛ̀n-anmàn-bɔ̀ 3:9 Iomraidhean Croise

Lükɛ̀n 7:39

Ɛnvra léyi Ɔwɔ-nyanmàn-súva-wá-wrɔn léyi, bi Zhezü ɛci, kán eci léyi wɔɛ̀n nɔn, nɛ dɔ́ n'edomɛ̀n le: “Ke dú kɛ ɔwrɔn ndɔ lɔ kè dú Ɔwɔ-mùanwú-ankà-dɔ́-wrɔn annànwɔrɛ dùku hô, ne le nyri eci léyi dú ɛnnyɔnwrɔn ndɔ léyi kɛ tɛ́ nɛ̀n ɛkɔrɛ̀ nɔn: ebɩ́dì-gbangbàn nyɔnwrɔn tɔ̀n.”

Rɔmɛ̀n-anmàn-bɔ̀ 1:18

Anhobɩ́ ɛwú, Ɔwɔ ke bɩ́ ɛmɛ̀nhyì ku ɛgbàn mán eci gbangbàn léyi anwrɔnẅì kɛ hán y'eci-hán gbàngbàn mɛ̀n, kɩ kɛ kɛ́n annanwɔrɛ hɛ́n.

Rɔmɛ̀n-anmàn-bɔ̀ 11:32

Ɔmuhi Ɔwɔ wá anwrɔnẅì lɔ fɛn mɛ̀n n'ezi-kɛ̀n-ci-hán, ô nɛ̀n yé yɔ lɔ fɛn n'ɛnhyɔ̀bɔ̀-nyrì lɔ nɔn.

Rɔmɛ̀n-anmàn-bɔ̀ 11:7

Ecitan de yɛ cɔ́ n'ɛmɛ̀n lɔ nɛ́n? Izraɛlɛ̀n fɛcüè kè sɩ̀ cɔ̀ eci léyi nɛ̀n dú ejiemɛ̀n nɔn; yɔ zri léyi Ɔwɔ mrɛ́n yɔ nbɩ nɔn kɩ yɔ cɔ́ eci lɔ. Anwrɔn ndɔ hɔ̀n tɛn, yɔ srɔ eci woro ankà-yá mɛ̀n,

Rɔmɛ̀n-anmàn-bɔ̀ 2:1

Vɛ́n, ɔwrɔn totɔtɔ̀n léyi dú mɛ́n, kɩ e ci ɛnyran hɔ̀n ɛmrɛ̀n nɔn, e sɩ̀ cɔ́ ɛnhyɔ̀bɔ̀-nyrì. Ɔmuhi, ɛnvra léyi e ci ɛnyran hɔ̀n ɛmrɛ̀n kɩ ɛ hán eci léyi yɔ hán nɔn, vɛ́n dùku ɛ bɔ́ v'edomɛ̀n nwù.

Rɔmɛ̀n-anmàn-bɔ̀ 3:1

Zɛtɛn vɔ̀nshɛ́ tɔ̀n tán de yɛ lɛ ẅɛ̀n ke dú kɛ ye dú Zhüifɛ̀n-wrɔn nɛ́n? Wúcɔ̀-domɛ̀n-wì dú eci-hán-ciɛ?

Rɔmɛ̀n-anmàn-bɔ̀ 3:19

Bɔ nyri ɔmu le ankà lɔ fɛn léyi ɛnyànmàn kɛ dɔ̀ nɔn, nɛ dɔ́ tán anwrɔn hɔ̀n léyi nyɔn ɛnyànmàn wúɛ, ô ɔwrɔn zriɛmɛ́n ke bɩ́ mrɛ́n ɔmùan ke yɩ́ n'edomɛ̀n anhyɛ́, ô ɛnhibù mumù lɔ fɛn kè nyri ɔmu le, nɛ̀n dú nwù-bɔ mɛ̀n Ɔwɔ zìwú.

Rɔmɛ̀n-anmàn-bɔ̀ 3:5

Tɛ́n ke dú kɛ ɛgbàn léyi bɔ́ hán nɔn, n'ɛwú lɔ Ɔwɔ kɛ hán bɔ̀ ɛgbàn hô, ankà tán bɔ́ lɛ dɔ̀a? Ɔwɔ kè sɩ̀ dù ɛnyrɔnnan-wrɔn ɔmuhi nɛ hán bɔ̀ ɛgbàn nɛ́n? (Mɛ dɔ́ anwrɔnẅìemɛ̀n ankà.)

Rɔmɛ̀n-anmàn-bɔ̀ 6:15

Tɛ́n ecitan? Bɔ́ lɛ hán ɛgbàn, ɔmuhi bɔ̀ sɩ̀ vrù dù ɛnyànmàn kɔrɛ̀-levri wú, tɛ́n bɔ̀ dú Ɔwɔ-boafɔ̀n mɛ̀n nɛ́n? Annànwɔrɛ mɛ̀n lɔ hɔ̂!

Rɔmɛ̀n-anmàn-bɔ̀ 7:14

Bɔ́ nyri ɔmu le ɛnyànmàn dú ɛnhɛ́n mɛ̀n ci; tɛ́n mɛ̀n, mɛ̀n dú ɛjɛ-wrɔn léyi yɛ hɛ́ ɛgbàn tamɛ̀n, hán ɔwɔ̀n-wrɔn hɔ́ nɔn.

1 Korɛntɛ̀n anmàn-bɔ̀ 10:19

Kɛ, ɔmu lɔ, me ji mɛ̀n dɔ̀ le antɛ̀-buri-Wɔ, kale ɔnɔ̀n-ẅia léyi ye ce nɛ̀n nɔn, yɔ vɔ̀nshɛ́ lɔ kè sɩ̀ ẅɛ̀n ɛnkru hɛ?

1 Korɛntɛ̀n anmàn-bɔ̀ 14:15

Ecitan de mɛ lɛ hán nɛ́n? Mɛ lɛ sɛ́n Ɔwɔ ɛnhɛ́n mɛ̀n, tɛ́n me le vru mɛ̀n sɛ́n Ɔwɔ ɛnkrumɛ̀n-ẅɛn mɛ̀n; mɛ lɛ krɛ́ ɛcɔ̀ ɛnhɛ́n mɛ̀n, tɛ́n me le vru mɛ̀n krɛ́ ɛcɔ̀ ɛnkruemɛ̀n-ẅɛn mɛ̀n.

1 Korɛntɛ̀n anmàn-bɔ̀ 4:7

Ɔmuhi, ecitan mɛ̀n de e tro le è sevri ɛ̀ vrán ɛnyran hɔ̀n nɛ́n? Eci lɔ fɛn léyi ɛ ẅɛ̀n nɔn, kè sɩ̀ dù Ɔwɔ yri kɛ̀ và? Ɔmuhi dú ɔmu lɔ nɔn, cɛci kruhú kɛ e gbú ɔmùan eci léyi ɛ cɔ̀ nɔn hɩ wú, hán le ye sɩ̀ tán mɛ́n eci lɔ nɛ́n?

Galasi anmàn-bɔ̀ 3:10

Tɛ́n, anwrɔn hɔ̀n léyi kɛ ẅɛn ɛnyànmàn-wá nɔn, yɔ cɔ́ ɛẅìɛ̀-dà tɔ̀n. Annanwɔrɛ mɛ̀n lɔ, Owrú Prɔnprɔn kɛ dɔ̀ le: “Ɔwrɔn léyi ɛnvra lɔ fɛn ke sɩ́ ẅɛn eci lɔ fɛn léyi ye merɛ́n dú ɛnyànmàn wrú lɔ mɛ̀n kɛ hɛ́n hán nɔn, ɛẅìɛ̀-dà dú nɛ tɛn.”

Galasi anmàn-bɔ̀ 3:22

Tɛ́n Owrú Prɔnprɔn ndɔ̀ le ɛnhibù mumù lɔ fɛn dú ɛgbàn kɔrɛ̀-srɔn wú, ô ecice léyi Ɔwɔ wá ɔmùan nɔn kè dú ankaẅì-bùtan-ẅɛn-bɔ̀ tɛn, y'ankaẅì-bùtan léyi yɔ ẅɛn Zhezü Krisì mɛ̀n nɔn hɩ wú.

Filipɛ̀n anmàn-bɔ̀ 1:18

Ke sɩ́ hán eci-zriɛmɛ́n! Y'ankà-tro dú angbàngbàn hô, dú ankrankran hô, Krisì mɛẅi ankà lɔ yɛ dɔ́a, kɩ hɩ pɔpüɛ̀ kɛ brá mɛ̀n. Me le dú pɔpüɛ̀-brà lɔ mɛ̀n,