Rɔmɛ̀n-anmàn-bɔ̀ 3:8 - Ɛmɛẅi ankà ankrànkràn 2003

⁸ Kɩ zɛtɛn, cɛci kruhú kɛ ye sɩ̀ dɔ̀ le: “Bɔ̀ hán ɛgbàn, ô bɔ̀ cɔ́ anvrɛn hán?” Anwrɔn janbɔ̀ léyi ke ji kɛ dɔ́ ɛyɔ̀n ankà ke ku mɛ̀n ɛwú nɔn, kɛ ẅɛn ɛshishiemɛ̀n hɛ́n le, ndɔ lɔ dú m'ɛnkruemɛ̀n ankà-dɔ̀. Anwrɔn ndɔ hɔ̀n lɔ, nwù-bɔ̀ dú yɔ tɛn, kɩ nwù-bɔ̀ ndɔ lɔ vɛ́n yɔ anvrɛnvrɛn!

Rɔmɛ̀n-anmàn-bɔ̀ 3:8 Iomraidhean Croise

Matie 5:11

Nyɛ́n dú ɛnbɔrɛbruemɛ̀n ke dú kɛ anwrɔn kɛ wɔra nyɛ̀n, kɛ hán nyɛ̀n nye di ejüe kɩ kɛ ẅɛn ɛyɔ̀n mɛ̀ntɛ mɛ̀ntɛ ke ku nyɛ̀n ɛwú, ɔmuhi nyɛ́n dú m'ɛsɛ̀nkɛn-bɔ̀ nɔn.

Rɔmɛ̀n-anmàn-bɔ̀ 5:20

Ɛnyànmàn nvà kɩ zɛtɛn ɛgbàn nvà cüɛn; tɛ́n ɛyri léyi ɛgbàn cüɛn nɔn, Ɔwɔ-boafɔ̀n vru sán cüɛ́n.

Rɔmɛ̀n-anmàn-bɔ̀ 6:1

N'ɛwú lɔ ankà tán de bɔ́ lɛ dɔ̀ nɛ́n? Bɔ́ le dú ɛnvra lɔ fɛn ɛgbàn mɛ̀n, ô Ɔwɔ-boafɔ̀n kɛ sàn cüɛn kè dú bɔ́ tɛn hán?

Rɔmɛ̀n-anmàn-bɔ̀ 6:15

Tɛ́n ecitan? Bɔ́ lɛ hán ɛgbàn, ɔmuhi bɔ̀ sɩ̀ vrù dù ɛnyànmàn kɔrɛ̀-levri wú, tɛ́n bɔ̀ dú Ɔwɔ-boafɔ̀n mɛ̀n nɛ́n? Annànwɔrɛ mɛ̀n lɔ hɔ̂!

Rɔmɛ̀n-anmàn-bɔ̀ 7:7

N'ɛwú lɔ ankà tán de bɔ́ lɛ dɔ̀ nɛ́n? Ɛnyànmàn dú ɛgbàn? Annànwɔrɛ mɛ̀n lɔ hɔ̂! Tɛ́n ɛnyànmàn hán mɛ̀n, mɛ̀n nyri eci léyi dú ɛgbàn nɔn. Annanwɔrɛ mɛ̀n lɔ, ke dú kɛ ɛnyànmàn kè sɩ̀ dɔ́ mɛ̀n hô, mɛ́n sɩ̀ nyri eci léyi dú “eci-ɛvɛ̀-cüɛ̀n nɔn”.

2 Korɛntɛ̀n anmàn-bɔ̀ 11:15

Kè sɩ̀ dù anvɛmɛ̀n-frɛ́n-ci, ke dú kɛ n'eci-bɩtan-bɔ̀ hɔ̀n mán, kɛ srɔ y'edòmɛ̀n ɛnyrɔnnan Wɔ ci-bɩtan-bɔ̀. Tɛ́n yɔ lɛ cɔ́ ɔtrɔ léyi vɛ́n y'eci-hán hɔ̀n lɔ nɔn.

2 Korɛntɛ̀n anmàn-bɔ̀ 6:8

Yɛ mrɛ́n bɔ̀, kɩ ɛnvra tɔ̀n yɛ ẅɛn bɔ́ egbrì; yɛ wora bɔ̀ kɩ ɛnvra tɔ̀n yɛ wá bɔ̀, yɛ nyan bɔ̀ kɛ hán anhyɔ̀n-bɔ̀ hɔ́, tɛ́n bɔ́ dɔ́ ankà annanwɔrɛ,

Zhüdɛ̀n 1:4

Annanwɔrɛ mɛ̀n lɔ, anwrɔn gbàngbàn ndɔ hɔ̀n bru nyɛ̀n ɛmɛ̀n anbanmɛ̀n; yɔ jrɛ́ b'Ɔwɔ nboafɔ̀n, kɩ yɔ bɩ́ nɛ̀n yɔ wá y'ɛwúvà gbàngbàn ẅɛ̀n wú, kɩ ɔmu lɔ yɔ kɔ́n Zhezü-Krisì ze, nɛ́n léyi nɛ̀n dú b'Ankà-yé-wrɔn zri mán Ɛẅɛnwrɔn nɔn. Ɛnvra sheshe mɛ̀n de Ɛwrú Prɔnprɔn hɔ̀n kɛ dɔ́ nwù-bɔ̀ léyi ke le dú yɔ ɛwú nɔn yi ankà.