Rɔmɛ̀n-anmàn-bɔ̀ 3:6 - Ɛmɛẅi ankà ankrànkràn 2003

⁶ Kè sɩ̀ dù ɔmu lɔ! Ɔmuhi ke dú ɔmu lɔ hô, anwɔntan de nɛ lɛ hán nɛ̀n ci ɛnhibù ɛmrɛ̀n nɛ́n?

Rɔmɛ̀n-anmàn-bɔ̀ 3:6 Iomraidhean Croise

Lükɛ̀n 20:16

Ɛkɛ̀tɛ̀-nɛ́n-zi kɛ lɛ và, ne le wri ɔkɔhɔ̀n-hán-bɔ̀ lɔ, kɩ ne le bɩ́ ɛkɛ̀tɛ̀ lɔ nɛ̀n wá anwrɔn nyantɛn antamɛ̀n.” Ɛnvra léyi anwrɔn yá ankà ndɔ lɔ nɔn, yɔ dɔ̀ le: “Eci ndɔ lɔ ke sɩ̀ hán rɔ́!”

Ɔkɔ̀hɔ̀n-wá-bɔ̀ kɔ̀hɔ̀n hán 17:31

Ɔmu lɔ de nɛ̀n wá ɛnbì léyi ne le ci ɛnhibù mumù lɔ fɛn ɛmrɛ̀n ɛnyrɔnnan mɛ̀n, ɔwrɔn tɔ̀n léyi nɛ̀n mrɛ́n nɛ́n bɩ nɔn n'ebɩ́mɛ̀n. Nɛ̀n hán tán anwrɔn lɔ fɛn nyrì, kɩ nɛ̀n hán ɔwrɔn ndɔ lɔ dú ɔwú-bɔ̀ mɛ̀n vá ɔkɔrɛ-bɔ̀ mɛ̀n!”

Rɔmɛ̀n-anmàn-bɔ̀ 2:16

Nyàn eci léyi kɛ lɛ wɔɛn ɛnbì léyi Ɔwɔ kɛ lɛ hán Zhezü Krisì kè ci eci-bán-ci lɔ fɛn léyi dú anwrɔnẅì wúvà lɔ mɛ̀n nɔn ɛmrɛ̀n, hán ɔmu le Ɛmɛẅi ankà Ankrànkràn lɔ kɛ dɔ̀ nɔn.

Rɔmɛ̀n-anmàn-bɔ̀ 3:31

Kɛ̂ ndɔ lɔ, n'ɛmɛ̀n kɛ dɔ̀ le ankaẅì-bùtan-ẅɛ̀n lɔ kɛ hán bɔ́ srɔ ɛnyànmàn eci woro hɛ́? Hɔ̂, tɛ́n bɔ́ tán nɛ̀n, nɛ́n vɔ̀nshɛ́ annanwɔrɛ lɔ.

Rɔmɛ̀n-anmàn-bɔ̀ 3:4

Annànwɔrɛ mɛ̀n lɔ, hɔ̂, kè sɩ̀ dù ɔmu lɔ! Ɛmɛ̀n fi cehɛ́n le, Ɔwɔ kɛ hán eci annanwɔrɛ mɛ̀n, kɩ ke dú kɛ ɔwrɔn totɔtɔ̀n kɛ hán ɛyɔ̀n-ci mán, hán ɔmu le Owrú Prɔnprɔn ndɔ̀ nɔn: “Ke ji le è dú ɛnyrɔnnan mɛ̀n v'ankà-dɔ́ mɛ̀n, ô è dú ɔkɔ̀nká-wrɔn ke dú kɛ ye sɩ́ mɛ́n ɛmrɛ̀nciemɛ̀n.”