Rɔmɛ̀n-anmàn-bɔ̀ 3:5 - Ɛmɛẅi ankà ankrànkràn 2003

⁵ Tɛ́n ke dú kɛ ɛgbàn léyi bɔ́ hán nɔn, n'ɛwú lɔ Ɔwɔ kɛ hán bɔ̀ ɛgbàn hô, ankà tán bɔ́ lɛ dɔ̀a? Ɔwɔ kè sɩ̀ dù ɛnyrɔnnan-wrɔn ɔmuhi nɛ hán bɔ̀ ɛgbàn nɛ́n? (Mɛ dɔ́ anwrɔnẅìemɛ̀n ankà.)

Rɔmɛ̀n-anmàn-bɔ̀ 3:5 Iomraidhean Croise

Rɔmɛ̀n-anmàn-bɔ̀ 12:19

Annyran-anvrɛn-hɔ̀n, nyɛ́n bɩ́ hán ny'edomɛ̀n ɛwɔrɛ̀-tán-ci, tɛ́n nyɛ́n teze Ɔwɔ mɛ̀nhyì ke ci nyɛ̀n ɛmrɛ̀n, ɔmuhi Owrú kɛ dɔ̀ le: “Mɛ̀n de mɛ̀n dú ɛwɔrɛ̀-tán-wrɔn nɔn, mɛ̀n de me le di ɛwɔrɛ̀-tán-wɔ̀ɛn nɔn”, ɔmu de Ɛẅɛnwrɔn kɛ dɔ̀ nɔn.

Rɔmɛ̀n-anmàn-bɔ̀ 2:5

Tɛ́n ɛ̀ ẅɛn ɛnbɔrɛ shishi, e sɩ́ ji ɛ̀ crɔn. Hɩ le kruhú de, ɛ lɛ wán ɛgbàn-wɔ̀ɛn-dì vri è sɩ́ v'ɛwú ɛnbì léyi Ɔwɔ ke le yé n'ɛmɛ̀nhyì mán n'ɛnyrɔnnan mrɛ̀ncì,

Rɔmɛ̀n-anmàn-bɔ̀ 3:19

Bɔ nyri ɔmu le ankà lɔ fɛn léyi ɛnyànmàn kɛ dɔ̀ nɔn, nɛ dɔ́ tán anwrɔn hɔ̀n léyi nyɔn ɛnyànmàn wúɛ, ô ɔwrɔn zriɛmɛ́n ke bɩ́ mrɛ́n ɔmùan ke yɩ́ n'edomɛ̀n anhyɛ́, ô ɛnhibù mumù lɔ fɛn kè nyri ɔmu le, nɛ̀n dú nwù-bɔ mɛ̀n Ɔwɔ zìwú.

Rɔmɛ̀n-anmàn-bɔ̀ 3:7

Tɛ́n ke dú kɛ m'ɛyɔ̀n lɔ kɛ hán Ɔwɔ nyrɔnnan lɔ ke dú ɛyri-kan mɛ̀n, kɩ kɛ srɔ n'eci-zrɔ, cɛci kruhú kɛ ye le vru yɛ bó mɛ̀n nwù kɛ̀ hán ɛgbàn-hán-wrɔn hɔ́ nɛ́n?

Rɔmɛ̀n-anmàn-bɔ̀ 4:1

Abrahamɛ̀n léyi dú bɔ́ nancüì nɔn, ankà tán de bɔ́ lɛ ẅɛ̀n bɔ̀ dɔ́ n'ɛwú nɛ́n? Ɔwrɔnẅì léyi dú nɛ̀n nɔn, ecitan de nɛ́n cɔ̀ nɛ́n?

Rɔmɛ̀n-anmàn-bɔ̀ 5:8

Tɛ́n Ɔwɔ yé bɔ̀ ɔmu le nɛ̀n zeze nɛ̀n cüɛn bɔ̀ nɔn: Krisì wú bɔ́ kruhú ɛnvra léyi bɔ́ vru bɔ́ dú ɛgbàn-hán-bɔ̀ nɔn.

Rɔmɛ̀n-anmàn-bɔ̀ 6:1

N'ɛwú lɔ ankà tán de bɔ́ lɛ dɔ̀ nɛ́n? Bɔ́ le dú ɛnvra lɔ fɛn ɛgbàn mɛ̀n, ô Ɔwɔ-boafɔ̀n kɛ sàn cüɛn kè dú bɔ́ tɛn hán?

Rɔmɛ̀n-anmàn-bɔ̀ 6:19

Mɛ dɔ́ anwrɔnẅìemɛ̀n ankà ɔmu lɔ, ɔmuhi ɛjɛ̀ dú ny'edùci nɔn. Ɛnkrubɔmɛ̀n lɔ, nyɛ́n dú nyɛ́n mumù lɔ fɛn anwɔ̀n-bɔ̀, kɩ nyɛ́n dú ɛnbrá mán eci-gbàngbàn hɔ̀n léyi kɛ tán nyɛ̀n ezì kɛ̀n Ɔwɔ tɛ̀sɛ̀n nɔn y'eci-bɩtan-kɔ̀hɔ́n mɛ̀n; ɔmu zri lɔ, zɛtɛ̀ lɔ, ke ji le nyɛ́n mumù lɔ fɛn nyɛ́n srɔ anwɔ̀n-bɔ̀, ô nyɛ́n dú ɛnyrɔnnan ci-bɩtan-kɔ̀hɔ́n mɛ̀n, ô nyɛ́n ẅɛn ɛwúvà prɔnprɔn.

Rɔmɛ̀n-anmàn-bɔ̀ 7:7

N'ɛwú lɔ ankà tán de bɔ́ lɛ dɔ̀ nɛ́n? Ɛnyànmàn dú ɛgbàn? Annànwɔrɛ mɛ̀n lɔ hɔ̂! Tɛ́n ɛnyànmàn hán mɛ̀n, mɛ̀n nyri eci léyi dú ɛgbàn nɔn. Annanwɔrɛ mɛ̀n lɔ, ke dú kɛ ɛnyànmàn kè sɩ̀ dɔ́ mɛ̀n hô, mɛ́n sɩ̀ nyri eci léyi dú “eci-ɛvɛ̀-cüɛ̀n nɔn”.

Rɔmɛ̀n-anmàn-bɔ̀ 8:31

Ankà tán de bɔ́ lɛ dɔ̀ kè fɛ́ ɛwú nɛ́n? Ke dú kɛ Ɔwɔ ke dú bɔ́ tɛn hô, antɔnwrɔn de kɛ lɛ kɛ́n bɔ̀ ezì nɛ́n?

Rɔmɛ̀n-anmàn-bɔ̀ 9:30

Ankà tán de yɛ lɛ dɔ́ n'ɛwú nɛ́n? Ankà ndɔ lɔ: ɛnhi wú anmàn nyàntɛn-bɔ̀ léyi ke sɩ̀ ji ɛyri ô kɛ̀ srɔ ɛnyrɔnnan-bɔ̀ Ɔwɔ zìwú nɔn, yɛ srɔ yɔ ɛnyrɔnnan-bɔ̀ n'ezìwú ankaẅì-bùtan-ẅɛn mɛ̀n;

1 Korɛntɛ̀n anmàn-bɔ̀ 15:32

Ke dú kɛ ke dú anwrɔnẅì domɛ̀n ankà kruhú de mɛ lɛ kɔ́n ovú-nɔ̀n anhà, ɛnu Efɛzɛ̀n anmàn, vɔ̀nshɛ́ tán de mɛ lɛ cɔ́ n'ɛwú nɛ́n? Ke dú kɛ owú-bɔ̀ ke sɩ́ frɔ́a, zɛtɛn, hán ɔmu le yɛ dɔ̀ nɔn, “Bɔ́ zî ɛci, ô bɔ́ mi ɛnshi, ɔmuhi ɛnɛ̀n lɔ bɔ́ le wù nɔn”.

1 Korɛntɛ̀n anmàn-bɔ̀ 9:8

Tɛ́n mɛ́n sɩ́ bɩ́ sɛnpò ɔwrɔnẅì wúvà ci-hán zri wú, ɔmuhi Mohizì nyànmàn mán kɛ dɔ́ ankà zri lɔ nɔn.

2 Korɛntɛ̀n anmàn-bɔ̀ 6:4

Tɛ́n, bɔ́ ji eci lɔ fɛn mɛ̀n bɔ́ yé bɔ́ edomɛ̀n kɛ̀ hán le bɔ̀ dú Ɔwɔ-ci-bɩ̀tan-bɔ̀ annanwɔrɛ: bɔ́ ẅɛn ɛnbɔrɛ bobrebe hɛ́n ɛgbànkan mɛ̀n, obòtò mán ankà-tro mɛ̀n.

2 Korɛntɛ̀n anmàn-bɔ̀ 7:11

Nyɛ́n nyan zɛtɛ̀ lɔ ny'obòtò lɔ nɛ́n vɔ̀nshɛ́ hɔ̀n, hán ɔmu le Ɔwɔ kɛ ji nɔn: ny'eci ɛnbɔrɛ-anvrɛnvrɛn hán mɛ̀n, ny'edomɛ̀n ankà-dɔ̀ tán ɛkpranmàn ci-hán mɛ̀n! Ny'ɔkrɔ ci-hán mɛ̀n, ny'ɛnjansù ci-hán mɛ̀n, ɛcüɛ̀n léyi nyɛ́n ẅɛn m'ɛwú, kɩ nye ji nyɛ́n kán mɛ̀n, ny'edùyì, ny'ecüì léyi nyɛ́n ẅɛn ɛgbàn-kɔrɛ̀ ci-hàn mɛ̀n nɔn! Nyɛ́n yé tán eci lɔ fɛn mɛ̀n le edòmɛ̀n fi nyɛ̀n ankà ndɔ lɔ mɛ̀n.

Galasi anmàn-bɔ̀ 2:18

Annanwɔrɛ mɛ̀n lɔ, ke dú kɛ mɛ sanhán ɛnyànmàn ci léyi mɛ̀n jrɛ́ nɔn, mɛ srɔ m'edomɛ̀n ɔwrɔn tɔ̀n léyi ke sɩ́ wá ɛnyànmàn nɔn.

Galasi anmàn-bɔ̀ 3:15

Anwrɔn-nɛ̀n-muan-ẅì hɔ̀n, me le bɩ́ sɛnpò tɔ̀n bɔ́ ɛwúvà lɔ mɛ̀n: ɛnvra léyi ɔwrɔn tɔ̀n kɛ hán n'ànja-di-wrú annanwɔrɛ mɛ̀n, ɔwrɔn zriɛmɛ́n ke sɩ̀ bɩ́ ànja-di-wrú ndɔ lɔ kɛ̀ crɔn rɔ́, kɩ nɛ́n sɩ̀ bɩ́ ankà-dɔ̀ nyantɛn nɛ̀n wá owrú lɔ mɛ̀n.

Ɔwɔ-mɛ̀n-yrikàn 15:3

Yɔ krɛ́ Mohizì cɔ̀, nɛ́n léyi nɛ̀n dú Ɔwɔ-ci-bɩtan-wrɔn nɔn, kɩ yɔ krɛ́ Ɔwɔ-Kɔ̀kɔ̀sɛ̀-ẅì cɔ̀: “Ɛẅɛnwrɔn, ɛkɔrɛsrɔn Wɔ, V'ɛkɔrɛ̀-ci hɔ̀n sevri kɩ zrɔ! Ɛnhi wú anmàn hɔ̀n nɛ̀ncüì, V'ankɔ́nda-ci-hán hɔ̀n nyrɔn kɩ dú annanwɔrɛ!

Ɔwɔ-mɛ̀n-yrikàn 18:20

Anhobɩ́, pɔpüɛ̀ kɛ̀ brá mɛ́n n'ɔgbɔ̀ngbɔ̀ lɔ wú! Ɔwɔ-fɛcüè-bɔ̀ pɔpüɛ̀ kɛ̀ brá nyɛ̀n, ɔkɔ̀hɔ̀n-wá-bɔ̀ mán Ɔwɔ-mùan-wú-ankà-dɔ́-bɔ̀! Ɔmuhi ɛgbàn léyi nɛ̀n hán nyɛ̀n nɔn, Ɔwɔ ci nɛ̀n ɛmrɛ̀n hɩ wú!