Rɔmɛ̀n-anmàn-bɔ̀ 3:4 - Ɛmɛẅi ankà ankrànkràn 2003

⁴ Annànwɔrɛ mɛ̀n lɔ, hɔ̂, kè sɩ̀ dù ɔmu lɔ! Ɛmɛ̀n fi cehɛ́n le, Ɔwɔ kɛ hán eci annanwɔrɛ mɛ̀n, kɩ ke dú kɛ ɔwrɔn totɔtɔ̀n kɛ hán ɛyɔ̀n-ci mán, hán ɔmu le Owrú Prɔnprɔn ndɔ̀ nɔn: “Ke ji le è dú ɛnyrɔnnan mɛ̀n v'ankà-dɔ́ mɛ̀n, ô è dú ɔkɔ̀nká-wrɔn ke dú kɛ ye sɩ́ mɛ́n ɛmrɛ̀nciemɛ̀n.”

Rɔmɛ̀n-anmàn-bɔ̀ 3:4 Iomraidhean Croise

Matie 11:19

Ɔwrɔnẅì Ẅì nvà, ne zî ɛci, ne mi ɛntàn kɩ yɛ dɔ̀ le: ‘Nyɛ́n nyan ɔwrɔn ndɔ léyi, ɛci-zî mán ɛntàn-mí-ankà kɩ ke tro, nɛ̀n dú anmàn-wɔɛ̀n-yrɛ-bɔ̀ mán anwrɔn hɔ̀n léyi yɛ krɛ́ ɛci-gbàngbàn-hán-bɔ̀ nɔn yɔ nyran hɔ̀n!’ Tɛ́n ankà-nyrì léyi dú Ɔwɔ mɛ̀n nɔn ke yé n'edomɛ̀n ɛnyrɔnnan ci-hán mɛ̀n.”

Lükɛ̀n 20:16

Ɛkɛ̀tɛ̀-nɛ́n-zi kɛ lɛ và, ne le wri ɔkɔhɔ̀n-hán-bɔ̀ lɔ, kɩ ne le bɩ́ ɛkɛ̀tɛ̀ lɔ nɛ̀n wá anwrɔn nyantɛn antamɛ̀n.” Ɛnvra léyi anwrɔn yá ankà ndɔ lɔ nɔn, yɔ dɔ̀ le: “Eci ndɔ lɔ ke sɩ̀ hán rɔ́!”

Zhan 3:33

Ɔwrɔn léyi ke shri nɛ́n dalɛfuɛ-dì lɔ nɔn, ke yé tán le Ɔwɔ kɛ dɔ́ ankà annanwɔrɛ.

Rɔmɛ̀n-anmàn-bɔ̀ 11:1

Zɛtɛn me yrɛ le: Ɔwɔ teze nɛ́n fɛcüè lɔa nɛ̀n? Annànwɔrɛ mɛ̀n lɔ hɔ̂! Ɔmuhi mɛ́n dùku mán mɛ̀n dú Izraɛlɛ̀n ẅì, Abrahamɛ̀n mɛẅi-wrɔn, Bɛnzhamɛn mɛ̀n mɛ̀n-wrɔn nɔn.

Rɔmɛ̀n-anmàn-bɔ̀ 11:11

Zɛtɛn me yrɛ le: ɛnvra léyi Zhüifɛ̀n-bɔ̀ bore nɔn, yɔ dú ebore lɔ mɛ̀n ɛnvra lɔ fɛn hán? Annanwɔrɛ mɛ̀n lɔ hɔ̂! Tɛ́n, y'ɛgbàn lɔ kruhú, fɛcüè ndɔ hɔ̀n cɔ́ ɛnkru-kɔrɛ̀, hán tán kɩ Zhüifɛ̀n-bɔ̀ dú ecüì-hi-kɔ́n mɛ̀n.

Rɔmɛ̀n-anmàn-bɔ̀ 3:31

Kɛ̂ ndɔ lɔ, n'ɛmɛ̀n kɛ dɔ̀ le ankaẅì-bùtan-ẅɛ̀n lɔ kɛ hán bɔ́ srɔ ɛnyànmàn eci woro hɛ́? Hɔ̂, tɛ́n bɔ́ tán nɛ̀n, nɛ́n vɔ̀nshɛ́ annanwɔrɛ lɔ.

Rɔmɛ̀n-anmàn-bɔ̀ 6:15

Tɛ́n ecitan? Bɔ́ lɛ hán ɛgbàn, ɔmuhi bɔ̀ sɩ̀ vrù dù ɛnyànmàn kɔrɛ̀-levri wú, tɛ́n bɔ̀ dú Ɔwɔ-boafɔ̀n mɛ̀n nɛ́n? Annànwɔrɛ mɛ̀n lɔ hɔ̂!

Rɔmɛ̀n-anmàn-bɔ̀ 6:2

Annanwɔrɛ mɛ̀n lɔ kè sɩ̀ dù ɔmu lɔ! Bɔ̀ dú owú-bɔ̀ ɛgbàn mɛ̀n: anwɔntan de bɔ́ lɛ hán bɔ̀ vru bɔ́ dú ɛgbàn-wúvà mɛ̀n nɛ́n?

Rɔmɛ̀n-anmàn-bɔ̀ 7:13

Eci léyi zrɔ nɔn, zɛtɛn srɔ m'owú ciɛ? Annanwɔrɛ mɛ̀n lɔ hɔ̂! Ɛgbàn de wá ndɔ lɔ sɩ́ nɔn. Ɔmu lɔ de ɛnyànmàn yé ɛgbàn dùwrú annanwɔrɛ lɔ nɔn: nɛ̀n bɩ́ eci léyi zrɔ nɔn, nɛ̀n hán m'owù. Kɩ nyàn ɔmu le ɛgbàn sán srɔ eci gbàngbàn, ɛnyànmàn kɔrɛ̀levriemɛ̀n mrìmrì nɔn.

Rɔmɛ̀n-anmàn-bɔ̀ 7:7

N'ɛwú lɔ ankà tán de bɔ́ lɛ dɔ̀ nɛ́n? Ɛnyànmàn dú ɛgbàn? Annànwɔrɛ mɛ̀n lɔ hɔ̂! Tɛ́n ɛnyànmàn hán mɛ̀n, mɛ̀n nyri eci léyi dú ɛgbàn nɔn. Annanwɔrɛ mɛ̀n lɔ, ke dú kɛ ɛnyànmàn kè sɩ̀ dɔ́ mɛ̀n hô, mɛ́n sɩ̀ nyri eci léyi dú “eci-ɛvɛ̀-cüɛ̀n nɔn”.

Rɔmɛ̀n-anmàn-bɔ̀ 9:14

Ankà tán de bɔ́ lɛ dɔ́ n'ɛwú nɛ́n? Ɔwɔ kè sɩ̀ dù ɛnyrɔnnan-wrɔn hán? Annànwɔrɛ mɛ̀n lɔ hɔ̂!

1 Korɛntɛ̀n anmàn-bɔ̀ 6:15

Nyɛ́n nyri ɔmu le ny'edùwrú hɔ̀n lɔ dú Krisì dùwrú cá tɔ̀n. Kɛ, me le bɩ́ Krisì dúwrú cá lɔ ɔtɔ̀n mɛ̀n srɔ wowie-nyɔnwrɔn dùwrú hɛ̀? Annanwɔrɛ mɛ̀n lɔ hɔ̂!

2 Korɛntɛ̀n anmàn-bɔ̀ 1:18

Ɔwɔ dú mɛ́n dalɛfuɛ-di-wrɔn, Ankà léyi mɛ̀n dɔ́ nyɛ̀n nɔn, Kè sɩ̀ dù “Hɛ̀ɛ̀” mán “Hɔ̂” ɛnvra zri lɔ mɛ̀n.

Galasi anmàn-bɔ̀ 2:17

Tɛ́n zɛtɛn, ke dú kɛ bɔ́ ji bɔ̀ srɔ ɛnyrɔnnan-bɔ̀ Krisì kɔrɛ̀-levri mɛ̀n, bɔ̀ cɔ̀ bɔ́ nyrì le bɔ́ lɛ fɛn lɔ bɔ̀ dú ɛgbàn mɛ̀n hán anwrɔn hɔ̀n léyi kè sɩ̀ dù Zhüifɛ̀n-bɔ̀, kɩ ndɔ lɔ n'ɛmɛ̀n kɛ dɔ̀ le Krisì dú ɛgbàn ci-bɩ̀tan-wrɔn hán? Annanwɔrɛ mɛ̀n lɔ hɔ̂!

Galasi anmàn-bɔ̀ 2:21

Mɛ kɔrɔ, mɛ́n sɩ̀ kɔ́n Ɔwɔ boafɔ̀n mɛ̀n ze. Annanwɔrɛ mɛ̀n lɔ, ke dú kɛ ɛnyànmàn kɔrɛ̀-levri mɛ̀n de yɛ lɛ srɔ ɛnyrɔnnan-wrɔn tɛ̀ Ɔwɔ zìwú nɔn hô, zɛtɛn Krisì wù lɔ dú owù kɔra sà.

Galasi anmàn-bɔ̀ 6:14

Mɛ tɛn tɛ́n, m'ɔmùan-gbù ke le dú bɔ́ Ɛẅɛnwrɔn Zhezü Krisì gbàn-hán-tɛ̀ wú kɩ; annanwɔrɛ mɛ̀n lɔ, n'ɛkɔrɛ̀levriemɛ̀n de ɛnhibù wú m'ɛkruhú kɩ mɛ̀n wú ɛnhibù kruhú.

Kpàkpà timote 3:16

Hɛ̀ɛ̀, ye sɩ̀ wrɔ́n anmanta rɔ́, nɛ̀n sevri ankà-bán-ankà léyi b'ankaẅì-bùtan ke yé nɔn! Krisì léyi srɔ, ndù hán ɔwrɔnẅì hɔ́ nɔn, Ɛnhɛ́n Prɔnprɔn yé le, nɛ̀n dú ɛnyrɔnnan-wrɔn kɩ Ɔwɔ-kùyüre-bɔ̀ cüe nɛ̀n ankɔrɛ̀ ezìwúɛ. Yɛ dɔ́ n'ankà ɛnhi wú anmàn hɔ̀n lɔ fɛn, bobrebe bú n'ankà tán ankaẅì ɛnhibù wú, ye sɩ́ nɛ̀n ɛwú anhobɩ́ ci-zrɔ lɔ mɛ̀n.

Titɛ̀n 1:2

ô yɔ cɔ́ ɛwúvà léyi ke sɩ́ trɔa nɔn n'esɛ́. Ɔwɔ léyi ke sɩ́ ẅɛn ɛyɔ̀n nɔn, wá bɔ̀ ɛwúvà ndɔ lɔ n'ɔmùan, yakɛ ɛnhibù bukru;

Ebre-bɔ̀ 6:18

Zɛtɛn eci-hán dɛ̀n anhyrɛ̀ de ndù hɩ ke sɩ́ crɛa, kɩ y'ɛmɛ̀n lɔ Ɔwɔ ke sɩ̀ ẅɛn ɛyɔ̀n rɔ́. Ɔmu lɔ, bɔ́ léyi bɔ̀ cɔ́ ɛbán-yri n'ɛmɛ̀n nɔn, bɔ̀ bɩ́ edùyì vri bɔ̀ ẅɛn ɛshishiemɛ̀n esɛ́ léyi yɛ wá yɛ hɛ́n bɔ̀a nɔn.

1 Zhan 5:10

Ɔmu lɔ de ɔwrɔn léyi ke bú Ɔwɔ ẅì ankà kɛ tán ankaẅì nɔn, ẅɛn dalɛfuɛ-dì ndɔ lɔ dú nɛ̀n ɛmɛ̀n; tɛ́n ɔwrɔn léyi ke sɩ́ bú Ɔwɔ ankà kɛ tán ankaẅì nɔn, nɛ srɔ Ɔwɔ ɛyɔ̀n-wrɔn tɔ̀n, ɔmuhi dalɛfuɛ léyi Ɔwɔ di n'Ɛnẅì wú nɔn, nɛ̀n sɩ̀ bù tán ankaẅì.

1 Zhan 5:20

Bɔ̀ nyri ɔmu le Ɔwɔ Ẅì nvà, kɩ nɛ̀n tán bɔ̀ ɛnkruemɛ̀n-ẅɛ̀n, ô bɔ̀ nyri Ɔwɔ annanwɔrɛ lɔ. Bɔ̀ dú Ɔwɔ annanwɔrɛ lɔ n'ɔbɔ̀sɔ̀ lɔ mɛ̀n n'Ɛnẅì Zhezü Krisì mɛ̀n. Nɛ́n de nɛ̀n dú Ɔwɔ annanwɔrɛ lɔ nɔn, nɛ́n de nɛ̀n dú ɛwúvà léyi ke sɩ́ trɔa nɔn.

Ɔwɔ-mɛ̀n-yrikàn 3:7

“È merɛ́n owrú è yüre Ɔwɔ-kuyüre-wrɔn léyi dú Filadɛlfi anmàn Ɔwɔ-fɛcüè-bɔ̀ mɛ̀n nɔn: Nyàn ankà léyi, ɔwrɔn léyi dú prɔnprɔn mán annanwɔrɛ, nɛ́n léyi nɛ̀n ẅɛn ɛnnɛncüì Davidɛ̀n safɛ̀ lɔ, nɛ́n léyi ne srú kɩ ɔwrɔn zriɛmɛ́n ke sɩ́ sɛn rɔ́a nɔn, nɛ́n léyi nɛ sɛ̀n kɩ ɔwrɔn zriɛmɛ́n ke sɩ́ srú rɔ́a nɔn, nyan ankà léyi nɛ dɔ̀ nɔn: