Rɔmɛ̀n-anmàn-bɔ̀ 3:21 - Ɛmɛẅi ankà ankrànkràn 2003

²¹ Tɛ́n zɛtɛ̀ lɔ, Ɔwɔ yé bɔ̀ ɔmu le nɛ srɔ bɔ̀ ɛnyrɔnnan-bɔ̀ n'ezìwú, kɩ ndɔ lɔ kè sɩ̀ dù ɛnyànmàn wú ci-hán-mɛ̀n. Ɛnyànmàn mán Ɔwɔ-mùanwú-ankà-dɔ́-bɔ̀ wrú hɔ̀n lɔ gɔ́ di yi dalɛfuɛ lɔ:

Rɔmɛ̀n-anmàn-bɔ̀ 3:21 Iomraidhean Croise

Lükɛ̀n 24:44

Zɛtɛn nɛ dɔ́ yɔ le: “Nyàn ankà léyi mɛ̀n dɔ́ nyɛ̀n ɛnvra léyi nyɛ́n mɛhi bɔ́ dù nɔn: eci hɔ̀n léyi ye merɛ́n m'ɛwú, Mohizì nyanmàn lɔ mɛ̀n, Ɔwɔ-mùanwú-ankà-dɔ́-bɔ̀ wrú hɔ̀n lɔ mɛ̀n, mán Ɔwɔ-mrɛ́n wrú lɔ mɛ̀n nɔn, ke ji le kɛ̀ sá nmù.”

Zhan 1:45

Zɛtɛn, Filipɛ̀n mán srɔ́n Natanaɛlɛ̀n ɛsù kɩ kɛ dɔ́ nɛ̀n le: “Bɔ̀ cɔ́ ɔwrɔn léyi Mohizì dɔ́ n'ankà ɛnyanmàn-wrú lɔ mɛ̀n, hɩ Ɔwɔ-mùanwú-ankà-dɔ́-bɔ̀ mán dɔ̀ nɔn. Nɛ́n de nɛ̀n dú Zhezü nɔn, Zhozɛfɛ̀n ẅì, Nazarɛtɛ̀n anmàn wrɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 10:43

Ɔwɔ-mùanwú-ankà-dɔ́-bɔ̀ lɔ fɛn dɔ́ n'ankà le, ɔwrɔn totɔtɔ̀n léyi ke bú n'ankà kɛ tán ankaẅì nɔn, kɛ lɛ cɔ́ ɛgbàn-bɩce n'ebɩ́ kɔrɛ̀srɔn lɔ mɛ̀n.”

Ɔkɔ̀hɔ̀n-wá-bɔ̀ kɔ̀hɔ̀n hán 15:11

Tɛ́n bɔ́ nyri ɔmu le, Ɛẅɛnwrɔn Zhezü boafɔ̀n mɛ̀n de bɔ̀ cɔ́ ebɩdie zri lɔ hán yɔ hɔ́ nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 26:22

Tɛ́n Ɔwɔ tán mɛ̀n n'ɛkɔrɛ-wá hàn kɩ cɔ́ ɛnyɔncì lɔ kɩ mɛ̀n vru mɛ́n dù, ô mɛ̀n di nɛ̀n dalɛfuɛ nyɛ lɛ fɛn lɔ nyézìwì, ɛcüìcüì mán ɛcɛ. Mɛ́n sɩ́ dɔ́ ankà zriɛmɛ́n kɛ vrán hɩ le Ɔwɔ-mùanwú-ankà-dɔ́-bɔ̀ mán Mohizɛ̀n ndɔ̀ le kɛ lɛ hán nɔn:

Ɔkɔ̀hɔ̀n-wá-bɔ̀ kɔ̀hɔ̀n hán 28:23

Yɔ tán Pɔlɛ̀n ɛnbì, kɩ ɛnvra léyi ɛnbi lɔ cɔ̀ nɔn, yɔ vá bobrebe ɛyri léyi nɛ́n dù nɔn. Bukru ɛsɔ̀wrɔ̀ hàn kɩ cɔ́ ɔwɔɛmɛ̀n nɔn, Pɔlɛ̀n ke fi yɔ ankà léyi nɛ́n ẅɛ̀n nɔn: nɛ dɔ́ yɔ Anhobɩ́ Nɛ̀ncüì-dúyri ankà kɩ ne ji ɛyri nɛ̀n hán yɔ bɩ́ Zhezü ankà, kɩ nɛ dɔ́ Mohizɛ̀n nyànmàn mán Ɔwɔ-mùanwú-ankà-dɔ́-bɔ̀ wrú lɔ ankà.

Rɔmɛ̀n-anmàn-bɔ̀ 1:17

Annanwɔrɛ mɛ̀n lɔ, Ɛmɛẅi ankà Ankrankran lɔ ke yé ɔmu le Ɔwɔ kɛ tán anwrɔnẅì ɛnyrɔnnan n'ezìwú nɔn; ankaẅì-bùtan zriemɛ̀n kɩ, dú ɛnkrubɔmɛ̀n mán ɔtrɔmɛ̀n, hán ɔmu le Owrú Prɔnprɔn kɛ dɔ̀ nɔn hɔ́: “Ɔwrɔn léyi dú ɛnyrɔnnan mɛ̀n ankaẅì-bùtan-ẅɛn mɛ̀n nɔn, nɛ lɛ cɔ́ ɛwúvà.”

Rɔmɛ̀n-anmàn-bɔ̀ 1:2

Ɔwɔ-mùanwú-ankà-dɔ́-bɔ̀ mùan mɛ̀n, Ɛmɛẅi ankà Ankrankran ndɔ lɔ, Ɛwrú Prɔnprɔn hɔ̀n lɔ mɛ̀n, Ɔwɔ wá n'ɔmùan ɛnvra sheshe mɛ̀n.

Rɔmɛ̀n-anmàn-bɔ̀ 16:26

tɛ́n zɛtɛ̀ lɔ, ye sɩ́ nɛ̀n ɛyri-kán mɛ̀n, Ɔwɔ-mùanwú-ankà-dɔ́-bɔ̀ wrú hɔ̀n lɔ mɛ̀n; hán ɔmu le godogodo Wɔ wá tán nɔn, yɛ tán ɛnhi wú anmàn hɔ̀n lɔ fɛn nyrì, ô yɔ bú n'ankà yɔ tán ankaẅì, yɔ ẅɛn n'ɔwá.

Rɔmɛ̀n-anmàn-bɔ̀ 3:28

Bɔ́ tro le, annanwɔrɛ mɛ̀n lɔ, ɔwrɔnẅì kɛ srɔ ɛnyrɔnnan-wrɔn Ɔwɔ zìwú n'ankaẅì-bùtan-ẅɛ̀n kruhú, kɩ kè sɩ̀ dù ɛnyànmàn léyi nɛ wá nɔn hɩ kruhú.

Rɔmɛ̀n-anmàn-bɔ̀ 5:19

Ɔwrɔn zri fɔndɔ̀n hán anwrɔn bobrebe bore ɛgbàn mɛ̀n; ɔmu zri lɔ de ɔwrɔn zri anhyɛyì léyi ẅɛn Ɔwɔ tɛ̀sɛ̀n nɔn, anwrɔn bobrebe hɔ̀n cɔ́ ɛnyrɔnnan Ɔwɔ zìwú.

Rɔmɛ̀n-anmàn-bɔ̀ 5:21

Zɛtɛn ɔmu zri léyi ɛgbàn ke yé n'owù kɔrɛ̀-srɔ̀n lɔ nɔn, ɔmu zri lɔ de Ɔwɔ-boafɔ̀n ke yé n'ɛnkrukɔrɛ̀ kɔrɛ̀srɔn lɔ, ô nɛ̀n nyrɔn bɔ̀ nɛ̀n sɩ́ ɛwúvà léyi ke sɩ́ trɔa nɔn mɛ̀n, Zhezü Krisì, bɔ́ Ɛẅɛnwrɔn bɩ́mɛ̀n.

Rɔmɛ̀n-anmàn-bɔ̀ 9:30

Ankà tán de yɛ lɛ dɔ́ n'ɛwú nɛ́n? Ankà ndɔ lɔ: ɛnhi wú anmàn nyàntɛn-bɔ̀ léyi ke sɩ̀ ji ɛyri ô kɛ̀ srɔ ɛnyrɔnnan-bɔ̀ Ɔwɔ zìwú nɔn, yɛ srɔ yɔ ɛnyrɔnnan-bɔ̀ n'ezìwú ankaẅì-bùtan-ẅɛn mɛ̀n;

1 Korɛntɛ̀n anmàn-bɔ̀ 1:30

Tɛ́n Ɔwɔ bɔsɔ nyɛ́n mán Krisì mɛhi kɩ, nɛ̀n srɔ Krisì bɔ́ ankà-nyrì: Krisì de kɛ srɔ bɔ̀ ɛnyrɔnnan-bɔ̀ Ɔwɔ zìwú kɩ kɛ mrɛ́n bɔ̀ ɛgbàn mɛ̀n kɛ sɔhɔ́.

2 Korɛntɛ̀n anmàn-bɔ̀ 3:9

Eci-hán léyi ke sɩ́ anwrɔnẅì nwù-bɔ́ mɛ̀n dú eci-zrɔ mɛ̀n; andɛ̀n ɛbɛ de eci-hán léyi kɛ srɔ anwrɔnẅì ɛnnyrɔnnan-bɔ̀ Ɔwɔ zìwú ke sɩ̀ dú eci-zrɔ mɛ̀n!

2 Korɛntɛ̀n anmàn-bɔ̀ 5:21

Krisì dú prɔnprɔn mɛ̀n, tɛ́n Ɔwɔ bɩ́ bɔ́ ɛgbàn hɔ̀n lɔ worɔ nɛ̀n, ô n'ɛmɛ̀n lɔ, bɔ̀ cɔ́ ɛwúvà-kɔrɛ̀ léyi Ɔwɔ tán n'ɔkɔ̀hɔ̀n lɔ mɛ̀n nɔn.

Galasi anmàn-bɔ̀ 3:8

Owrú Prɔnprɔn wá le Ɔwɔ kɛ lɛ hán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn kɛ̀ srɔ ɛnyrɔnnan-bɔ̀ n'ezìwú y'ankaẅì-bùtan lɔ kruhú. Hɩ le kruhú de nɛ́n gɔ̀ dɔ́ Abrahamɛ̀n ɛmɛẅi ankà ankrankran ndɔ lɔ: “Ɔwɔ ke le fú ɛnhi wú anmàn hɔ̀n lɔ fɛn léyi dú ɛnhi wú nɔn ɛnshi v'ɛkruhú.”

Galasi anmàn-bɔ̀ 5:5

Bɔ tɛn tɛ́n, bɔ̀ ẅɛn esɛ́ Ɔwɔ mɛ̀n, nɛ́n léyi nɛ lɛ srɔ bɔ̀ ɛnyrɔnnan-bɔ̀ n'ezìwú nɔn; ndɔ lɔ de bɔ́ vrá Ɛnhɛ́n Prɔnprɔn kɔrɛ̀-srɔn mɛ̀n, nɛ́n léyi nɛ tán bɔ̀ ankaẅì-bùtan nɔn.

Filipɛ̀n anmàn-bɔ̀ 3:9

ô nɛ́n mɛhi bɔ́ dú ɔbɔ̀sɔ mɛ̀n kokroho. Mɛ́n sɩ́ vru ẅɛn ankà-tro le mɛ̀n dú ɛnyrɔnnan-wrɔn m'ɛnyànmàn ci-hán mɛ̀n. Krisì ankaẅì-bùtan-ẅɛn mɛ̀n de mɛ̀n dú ɛnyrɔnnan-wrɔn, ɛkɔrɛ̀levri ci-hán ndɔ lɛ́yi, Ɔwɔ hán kè dú ankàẅì-bùtan-ẅɛ̀n ci-tán nɔn.

1 Piɛrɛ̀n 1:10

Ɔwɔ-mùanwú-ankà-dɔ́-bɔ̀ ji ɛnkrukɔrɛ̀ ndɔ lɔ n'ɛwú ankà, kɩ yɔ dɔ́ ɛkɔrɛ̀wá léyi Ɔwɔ tán nyɛ̀n nɔn n'ɛwú ankà.

2 Piɛrɛ̀n 1:1

Ebinyan ndɔ lɔ dú Simɔn Piɛrɛ̀n yri kɛ và, nɛ́n léyi nɛ̀n dú Zhezü Krisì ci-bɩtan-wrɔn mán n'ɔkɔ̀hɔ̀n-wá-wrɔn nɔn. Ebinyan ndɔ lɔ dú anwrɔn léyi b'Ɔwɔ mán b'ebɩdie-wrɔn Zhezü Krisì krukɔrɛ̀ kɔrɛ̀wá mɛ̀n, ncɔ́ ankaẅìbùtan léyi ẅɛn anhàn hán bɔ́ tɛn lɔ hɔ́ nɔn: