Rɔmɛ̀n-anmàn-bɔ̀ 3:2 - Ɛmɛẅi ankà ankrànkràn 2003

² Vɔ̀nshɛ́ léyi dú nɛ̀n ɛmɛ̀n nɔn, sevri eci lɔ fɛn mɛ̀n. Kɩ ɛnkrubɔmɛ̀n lɔ, Zhüifɛ̀n-bɔ̀ de Ɔwɔ wá n'ɔmùan-wá hɔ̀n lɔ antamɛ̀n nɔn.

Rɔmɛ̀n-anmàn-bɔ̀ 3:2 Iomraidhean Croise

Zhan 5:39

Nyɛ hán Ɛwrú Prɔnprɔn kɔhɔ̀n, ɔmuhi nye tro le n'ɛmɛ̀n lɔ, nyɛ lɛ cɔ́ ɛwúvà léyi ke sɩ́ trɔa nɔn: yɔde annànwɔrɛmɛ̀n lɔ yɔ dɔ́ m'ankà nɔn!

Ɔkɔ̀hɔ̀n-wá-bɔ̀ kɔ̀hɔ̀n hán 7:38

Zɛtɛn, hɩ vra léyi Izraɛlɛ̀n fɛcüè lɔ borɛkru ɛnnùwì nɔn, nɛ́n de nɛ̀n nyɔn bɔ́ nancüì hɔ̀n mán Ɔwɔ-kùyüre-wrɔn léyi dú Sinahi kpò wú kɛ dɔ́ n'ankà nɔn, angranmɛ̀n; nɛ̀n cɔ́ Ɔwɔ-mùan-kà-dɔ̀ kɔrɛkɔrɛ léyi ne bɩ nɛ̀n và sɩ́ bɔ̀ nɔn.

Rɔmɛ̀n-anmàn-bɔ̀ 1:2

Ɔwɔ-mùanwú-ankà-dɔ́-bɔ̀ mùan mɛ̀n, Ɛmɛẅi ankà Ankrankran ndɔ lɔ, Ɛwrú Prɔnprɔn hɔ̀n lɔ mɛ̀n, Ɔwɔ wá n'ɔmùan ɛnvra sheshe mɛ̀n.

Rɔmɛ̀n-anmàn-bɔ̀ 2:18

e nyri n'ɛkɔrɛ̀-zì-ci kɩ ɛnyànmàn yé mɛ́n eci anvrɛnvrɛn ɛ̀ mrɛ́n e bɩ,

Rɔmɛ̀n-anmàn-bɔ̀ 3:1

Zɛtɛn vɔ̀nshɛ́ tɔ̀n tán de yɛ lɛ ẅɛ̀n ke dú kɛ ye dú Zhüifɛ̀n-wrɔn nɛ́n? Wúcɔ̀-domɛ̀n-wì dú eci-hán-ciɛ?

Rɔmɛ̀n-anmàn-bɔ̀ 3:3

Annanwɔrɛ mɛ̀n lɔ, y'ɛmɛ̀n lɔ, ɛnjanbɔ̀ kè sɩ̀ dì ɔmùan-zri. Tɛ́n ecitan, Ɔwɔ kɛ lɛ wrɔ́ n'ɔmùan-zri-dì lɔ ɛmɛẅi, ɔmuhi yɔ tɛn yɔ sɩ̀ dì ɔmùan-zri nɛ́n?

Rɔmɛ̀n-anmàn-bɔ̀ 9:4

Yɔ dú Izraɛlɛ̀n fɛcüè mɛ̀n-bɔ̀: Ɔwɔ srɔ yɔ n'ɛẅì hɔ̀n, nɛ̀n tán yɔ n'ɛmɛ̀n-dù ci-zrɔ, nɛ́n mìrɛ̀n hɔ̀n lɔ, ɛnyànmàn, ɛcice kɔhɔ̀n-hán, ɔmùan-wá hɔ̀n.

1 Korɛntɛ̀n anmàn-bɔ̀ 9:17

Ke dú kɛ mɛ́n dùku de mɛ̀n mrɛ́n ɔkɔ̀hɔ̀n lɔ mɛ́n bɩ nɔn, mɛ lɛ ẅɛn ɔwɔ̀ɛn-dì kɔrɛ̀-levri; tɛ́n ɔmuhi, yɛ wá ɔkɔ̀hɔ̀n lɔ yɛ tán mɛ̀n nɔn, mɛ hán eci léyi yɛ wá tán mɛ̀n nɔn sɔ̀hɔ̀ mɛ̀n.

2 Korɛntɛ̀n anmàn-bɔ̀ 5:19

Ɔmuhi, Krisì mɛ̀n de, Ɔwɔ kɛ hán angranmɛ̀n-wɔ-ci kɛ tán nɛ́n mán anwrɔnẅì lɔ fɛn mɛhi, kɩ nɛ́n sɩ́ crɛ-nyan y'ɛgbàn hɔ̀n lɔ. Kɩ nɛ̀n tán bɔ̀, bɔ̀ dɔ́ angranmɛ̀n-wɔ̀ ndɔ lɔ n'ankà.

Galasi anmàn-bɔ̀ 2:7

Tɛ́n, yɔ kán ɔmu le Ɔwɔ tán mɛ̀n, mɛ̀n dɔ́ anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, Ɛmɛẅi ankà Ankrankran lɔ, hán ɔmu le nɛ̀n tán Piɛrɛ̀n kɛ̀ dɔ́ Zhüifɛ̀n-bɔ̀ nɔn.

Kpàkpà timote 6:20

Annyran anvrɛn Timote, ɛ̀ hɛ́n esùva-wá mɛ̀n, eci léyi yɛ wá mɛ́n antamɛ̀n nɔn. È teze ɛdrɛ̀ woro hɔ̀n léyi kɛ kɛ́n ankaẅìbùtan ankà ezì nɔn, e bɩ́ mrɛ́n ɔmùan ankà lɔ fɛn mɛ̀n, ɛ dɔ́ le, ɛ̀ ẅɛn ɛnkruemɛ̀n.

Ebre-bɔ̀ 5:12

Ɛnvra bobrebe vácì, ô nyɛ́n srɔ ankà yé-bɔ̀, kɩ ɔmu tɛ̀kɩ nye vru nye ji le ye yé nyɛ̀n ɛnvrakpà ci hɔ̀n léyi dú Ɔwɔ mɛẅi ankà-dɔ̀ lɔ mɛ̀n nɔn. Nyɛ́n vru nye ji ɛnyàn-shi vrán ɛcizî dùku.

1 Piɛrɛ̀n 4:11

Ɔwrɔn léyi kɛ dɔ́ ankà anvrɛnvrɛn nɔn, ke ji le nɛ̀n dɔ́ Ɔwɔ ankà; ɔwrɔn léyi ẅɛn eci-bɩtan kɔrɛ̀-wá nɔn, kè bɩ́ nɛ̀n kɛ̀ hán eci Ɔwɔ kɔrɛ̀-wá cüìemɛ̀n: ke ji le eci lɔ fɛn mɛ̀n lɔ, Ɔwɔ kɛ̀ cɔ́ eci-zrɔ Zhezü Krisì bɩmɛ̀n, nɛ́n léyi ɛkɔrɛ̀srɔn mán eci-zrɔ dú nɛ tɛn ɛnvra lɔ fɛn! Kè dú ɔmu lɔ.

Ɔwɔ-mɛ̀n-yrikàn 19:10

Mɛ̀n bore nɛ̀n annan zìwú, ô mɛ̀n cüe nɛ̀n ankɔrɛ̀ ezìwúɛ, tɛ́n nɛ dɔ́ mɛ̀n le: “E bɩ́ hán ndɔ lɔ! Mɛ̀n dú eci-bɩtan-wrɔn hán vɛ́n hɔ́, kɩ mɛ́n dù hán ɔmuan-ẅì hɔ̀n léyi di ɔmùan-zri annànwɔrɛ ankà léyi Zhezü yé nɔn wú. Ɔwɔ de ke ji le è cüe ankɔrɛ̀ ezìwúɛ nɔn!” Annanwɔrɛ ankà léyi Zhezü yé nɔn, nyàn eci léyi kɛ nyrɔn Ɔwɔ-mùanwú-ankà-dɔ́-bɔ̀ nɔn.

Ɔwɔ-mɛ̀n-yrikàn 22:6

Zɛtɛn Ɔwɔ-kùyüre-wrɔn kɛ dɔ́ mɛ̀n le: “Ankà-dɔ̀ ndɔ hɔ̀n lɔ dú annanwɔrɛ kɩ ẅɛn esɛ́. Kɩ Ɛẅɛnwrɔn Ɔwɔ léyi kɛ tán n'ɔmùan-wú-ankà-dɔ́-bɔ̀ ankà-nyrì nɔn, wá n'ɛkùyüre-wrɔn ɔkɔhɔ̀n kè yé n'eci-bɩtan-bɔ̀ eci léyi kɛ lɛ wɔɛn ɛnvra bruemɛ̀n nɔn.”