Rɔmɛ̀n-anmàn-bɔ̀ 2:9 - Ɛmɛẅi ankà ankrànkràn 2003

⁹ Gbɔ̀gbɔ̀ mán ɛnjansù vri ke le dù tán anwrɔn hɔ̀n léyi kɛ hán eci gbàngbàn, bukru Zhüifɛ̀n-bɔ̀, tɛ́n anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn mán dú ɛmɛ̀n.

Rɔmɛ̀n-anmàn-bɔ̀ 2:9 Iomraidhean Croise

Matie 16:26

Vɔ̀nshɛ́ tán de ke le dú tán ɔwrɔn léyi ke ji kɛ̀ ẅɛn ɛnhibù mumù lɔ fɛn, ke dú kɛ nɛ zrɛ́n n'ɛwúvà lɔ nɛ́n? Ecitan de nɛ lɛ tán, ô nɛ̀n wɔ́ n'ɛwúvà lɔ nɛ́n?

Lükɛ̀n 24:47

kɩ ke ji le yɛ dɔ́ n'ankà ɛnhi wù anmàn lɔ fɛn zìwú, yɔ bukru Zherüzalɛmɛ̀n, ye bi anwrɔn kɛ̀ crɔn ɛnkru, ô kɛ̀ cɔ́ ɛgbàn-bɩ-ce.

Ɔkɔ̀hɔ̀n-wá-bɔ̀ kɔ̀hɔ̀n hán 11:18

Ɛnvra léyi yɔ yá ankà ndɔ hɔ̀n lɔ trɔ nɔn, yɔ sɩ́ y'edomɛ̀n ɛnhi kɩ yɔ mrɛ́n Ɔwɔ yɔ dɔ̀ le: “Dú annanwɔrɛ, Ɔwɔ tán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, mán ɛkɔrɛ̀levri kɛ̀ crɔn ɛnkru ô kɛ̀ cɔ́ ɛwúvà annanwɔrɛ.”

Ɔkɔ̀hɔ̀n-wá-bɔ̀ kɔ̀hɔ̀n hán 13:26

Anwrɔn-nɛ́n-mùan-ẅì hɔ̀n, nyɛ́n léyi nyɛ́n dú Abrahamɛ̀n mɛẅi-bɔ̀ mán nyɛ́n léyi nyɛ́n dú ɛnu, Ɔwɔ ankɔrɛ̀ ezìwú cüemɛ̀n nɔn: bɔ́ de ɛnkrukɔrɛ̀ mɛẅi ankà lɔ, kɛ zɛ́n bɔ̀ ɛnsrì nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 20:21

Mɛ̀n bi Zhüifɛ̀n-bɔ̀, mán yɔ léyi yɔ sɩ̀ dù Zhüifɛ̀n-bɔ̀ nɔn, yɔ crɔn ɛnkru, ô yɔ bú Ɛẅɛnwrɔn Zhezü ankà yɔ tán ankaẅì.

Ɔkɔ̀hɔ̀n-wá-bɔ̀ kɔ̀hɔ̀n hán 26:20

Tɛ́n mɛ̀n bukru mɛ̀n dɔ́ Damasɛ̀n mán Zherüzalɛmɛ̀n anmàn-bɔ̀ Ɔwɔ ankà, zɛtɛn kɛ́n yɔ hɔ̀n léyi dú Zhüde kpɔsɔ wú mán ɛnhibù anmàn wú nyantɛn mɛ̀n bɔ̀; mɛ̀n bi yɔ, ô yɔ crɔn yɔ eci-hán-ci, yɔ crɛ ezì yɔ kɛ́n Ɔwɔ, ô yɔ yé tán y'eci-hán mɛ̀n le, annanwɔrɛ mɛ̀n lɔ, yɔ crɔn ɛnkruɛ.

Ɔkɔ̀hɔ̀n-wá-bɔ̀ kɔ̀hɔ̀n hán 28:17

Ɛbi anhɔ̀n vacì, Pɔlɛ̀n bi Zhüifɛ̀n-bɔ̀ cüìcüì hɔ̀n léyi dú Rɔmɛ̀n anmàn nɔn. Ɛnvra léyi yɔ borɛkru trɔ nɔn, nɛ dɔ́ yɔ le: “Anwrɔn-nɛ́n-muan-ẅì hɔ̀n, mɛ̀n sɩ̀ hàn bɔ́ fɛcüè lɔ eci gbàngbàn zriɛmɛ́n, kɩ bɔ́ nancüì hɔ̀n nyànmàn lɔ mán mɛ̀n sɩ̀ fɔndɔ̀n hàn, tɛ́n yɛ ẅɛn mɛ̀n Zherüzalɛmɛ̀n anmàn kɩ ye bɩ́ mɛ̀n yɛ tán Romɛ́n ɛnhi wú bɔ̀.

Ɔkɔ̀hɔ̀n-wá-bɔ̀ kɔ̀hɔ̀n hán 28:28

Pɔlɛ̀n vru kɛ dɔ́ yɔ le, zɛtɛn nyɛ́n nyrì le, Ɔwɔ yüre anwrɔn hɔ̀n léyi ke sì dù Zhüifɛ̀n-bɔ̀ nɔn, n'ɛnkrukɔrɛ̀ mɛẅi ankà, kɩ yɔ tɛn, yɔ lɛ die nɛ̀n nukùɛ!” [

Ɔkɔ̀hɔ̀n-wá-bɔ̀ kɔ̀hɔ̀n hán 3:26

Zɛtɛn, ɔmu lɔ de, Ɔwɔ hán n'eci-bɩ̀tan-wrɔn gɔ́ srɔ nyɛ̀n ɛmɛ̀n, nɛ̀n hán yi và, ô kè fú nyɛ̀n ɛnshi, kɛ̀ mrɛ́n Ɔwrɔn wrɔn n'eci-gbàngbàn-hán tɛ̀sɛ̀n kɛ̀ sɔhɔ́.”

Rɔmɛ̀n-anmàn-bɔ̀ 1:16

Ɛnbɔrɛ shishiemɛ̀n de mɛ dɔ́ Ɛmɛẅi ankà Ankrankran lɔ nɔn: annanwrɔrɛ mɛ̀n lɔ, nɛ̀n dú ecüì léyi Ɔwɔ ke bɩ ke bi ɔwrɔn hɔ̀n léyi ẅɛn ankaẅì-bùtan nɔn ke die, bukru Zhüifɛ̀n-bɔ̀, tɛ́n yɔ hɔ̀n léyi kè sɩ̀ dù Zhüifɛ̀n-bɔ̀ nɔn mán dú ɛmɛ̀n.

Rɔmɛ̀n-anmàn-bɔ̀ 10:12

Ɔmu lɔ de Zhüifɛ̀n-bɔ̀ mán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, angranmɛ̀n kè sɩ̀ vɛ́n yɔ: yɔ lɔ fɛn yɔ ẅɛn Ɛẅɛnwrɔn zri léyi kɛ tán yɔ, ɛnvra léyi yɔ bi nɛ̀n nɔn, n'ɛci anvrɛnvrɛn hɔ̀n lɔ.

Rɔmɛ̀n-anmàn-bɔ̀ 2:10

Zɛtɛn, Ɔwɔ kɛ lɛ tán eci-zrɔ, ɛmrɛ́n mán anwɔwɔ ke le dú anwrɔn hɔ̀n léyi kɛ hán anvrɛn nɔn tɛn, bukru Zhüifɛ̀n-bɔ̀, tɛ́n anwrɔn hɔ̀n léyi kè sɩ̀ dù Zhüifɛ̀n-bɔ̀ mán,

Rɔmɛ̀n-anmàn-bɔ̀ 8:35

Antɔnwrɔn de kɛ lɛ mrɛ́n bɔ̀ Krisì cüɛ̀n lɔ mɛ̀n kɛ̀ sɔhɔ́ nɛ́n? Ejüedì kɛ lɛ hán tɛ̀, kale ankà-tro, kale owú-gbànkàn, ɔmùanwù, ɛmìan, muzhie, owùɛ?

Rɔmɛ̀n-anmàn-bɔ̀ 9:24

Bɔ́ dú ɛmɛ̀n, bɔ́ léyi nɛ̀n bi bɔ̀, kè sɩ̀ dù Zhüifɛ̀n-bɔ̀ mɛ̀n zri kɩ, tɛ́n fɛcüè nyantɛn bɔ̀ mɛ̀n mán.

Galasi anmàn-bɔ̀ 3:28

Ke dú kɛ bɔ̀ dú Zhüifɛ̀n-wrɔn, kɩ bɔ̀ sɩ̀ dù Zhüifɛ̀n-wrɔn mán, bɔ̀ dú ɔwɔ̀n-wrɔn, kɩ bɔ̀ dú ɔwrɔn kora mán, bɔ̀ dú ɛnconwrɔn, kɩ bɔ̀ dú ɛnnyɔnwrɔn mán, vɔ̀nshɛ́-ci bàda nɛ̀n ɛmɛ̀n; annanwɔrɛ mɛ̀n lɔ, nyɛ lɛ fɛn nyɛ́n dú eci zri, Krisì mɛhi ny'ɔbɔ̀sɔ̀ lɔ mɛ̀n.

Kɔlɔsèn anmàn-bɔ̀ 3:11

Ke sɩ̀ vrù dù vɔ̀nshɛ́ ci ke dú kɛ ye dú Zhüifɛ̀n-wrɔn, kɩ ye sɩ̀ dù Zhüifɛ̀n-wrɔn, kɩ ye wi mɛ́n wúcɔ̀-domɛ̀n, kɩ ye sɩ̀ wì mɛ́n wúcɔ̀-domɛ̀n, kɩ è dú owrú-kán-wrɔn, kɩ è sɩ̀ dù owrú-kán-wrɔn, kɩ è dú ɔwɔ̀n-wrɔn, kɩ è dú ɔwrɔn kora, tɛ́n ndɔ lɔ fɛn, hɩ le ẅɛn vɔ̀nshɛ́ nɔn, dú Krisì léyi dú bɔ̀ ɛmɛ̀n eci lɔ fɛn mɛ̀n nɔn.

2 Tesalonikɛ̀n anmàn-bɔ̀ 1:6

Annanwɔrɛ mɛ̀n lɔ, Ɔwɔ dú ɛnyrɔnnan-wrɔn: ne le bɩ́ obòtò nɛ̀n di anwrɔn hɔ̀n léyi kɛ hán nyɛ̀n obòto-ci nɔn ɔwɔɛ̀n,

1 Piɛrɛ̀n 4:17

Ɛmrɛ̀nci vra lɔ ncɔ̀a, kɩ Ɔwɔ fɛcüè de yɛ gɔ́ ci ɛmrɛ̀n nɔn. Tɛ́n, ke dú kɛ ɛmrɛ̀ncì lɔ ke bukru bɔ́ yri, anhɔntan de kɛ lɛ hán kè dú ɔtrɔ mɛ̀n lɔ, ɛnvra léyi nɛ lɛ bó nwù nɛ tán anwrɔn hɔ̀n léyi ke sɩ́ ji kè bú Ɔwɔ Mɛẅi ankà Ankrankran kɛ tán ankaẅì nɛ́n?