Rɔmɛ̀n-anmàn-bɔ̀ 2:8 - Ɛmɛẅi ankà ankrànkràn 2003

⁸ Tɛ́n, ne le bɩ́ n'ɛmɛ̀nhyì mán nɛ́n gbɔ̀kɔ̀ nɛ̀n yé anwrɔn hɔ̀n léyi kɛ kɛ́n nɛ̀n ezì, ke sɩ́ ji annanwɔrɛ ankà kɩ ke bɩ́ eci-gbàngbàn-hán ankà nɔn.

Rɔmɛ̀n-anmàn-bɔ̀ 2:8 Iomraidhean Croise

Rɔmɛ̀n-anmàn-bɔ̀ 1:18

Anhobɩ́ ɛwú, Ɔwɔ ke bɩ́ ɛmɛ̀nhyì ku ɛgbàn mán eci gbangbàn léyi anwrɔnẅì kɛ hán y'eci-hán gbàngbàn mɛ̀n, kɩ kɛ kɛ́n annanwɔrɛ hɛ́n.

Rɔmɛ̀n-anmàn-bɔ̀ 10:16

Tɛ́n yɔ lɛ fɛn yɔ sɩ̀ bɩ́ Ɛmɛẅi ankà Ankrankran lɔ. Annanwɔrɛ mɛ̀n lɔ Ezàhi kɛ dɔ̀ le: “Ɛẅɛnwrɔn, antɔnwrɔn de bú Ɛmɛẅi ankà Ankrankran léyi bɔ́ dɔ̀ nɔn, n'ankà tán ankaẅì nɛ́n?”

Rɔmɛ̀n-anmàn-bɔ̀ 15:18

Annanwɔrɛ mɛ̀n lɔ, ke dú kɛ mɛ dɔ́ eci tɔ̀n ankà hô, dú eci tɔ̀n léyi Krisì hán tán mɛ̀n, ô mɛ̀n hán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, kɛ̀ ẅɛn Ɔwɔ wá. Nɛ̀n hán eci lɔ ankà-dɔ́ mɛ̀n mán eci-hán mɛ̀n,

Rɔmɛ̀n-anmàn-bɔ̀ 6:17

Tɛ́n Ɔwɔ kɛ̀ cɔ́ ɛmrɛ́n: nyɛ́n léyi nyɛ́n gɔ̀ dú ɛgbàn wɔ̀n-bɔ̀ nɔn, zɛtɛ̀ lɔ nyɛ́n bɩ́ ny'ɛnbɔrɛ lɔ fɛn nyɛ́n wá ankà-yé léyi nyɛ́n cɔ̀ nɔn wú.

Rɔmɛ̀n-anmàn-bɔ̀ 9:22

Zɛtɛn, Ɔwɔ ke ji kè yé n'ɛmɛ̀nhyì-bɩ, ô kɛ̀ hán ye nyri n'ɛkɔrɛ̀-srɔn lɔ. Anwrɔn hɔ̀n léyi y'eci-gbàngbàn-hán srɔ y'edù-ci, hɩ Ɔwɔ mɛ̀nhyì-bɩ vɛ́n yɔ, ô yɛ jrɛ́ yɔ, ɔmu tɛ̀kɩ Ɔwɔ ẅɛn ɛnbɔrɛ hɛ́n y'ɛtɛ̀sɛ̀n.

1 Korɛntɛ̀n anmàn-bɔ̀ 11:16

Tɛ́n ke dú kɛ, ɔwrɔn tɔ̀n ke ji ecüìwrɔn ankà ndɔ lɔ mɛ̀n hô, nɛ̀n nyri ndɔ lɔ tɛ̀kɩ: Ɔwɔ-fɛcüe-bɔ̀ dùku mán, bɔ́ dùku mán, bɔ̀ sɩ̀ ẅɛ̀n edù-ci nyàntɛn Ɔwɔ-sɛ̀n ci-hán mɛ̀n.

2 Korɛntɛ̀n anmàn-bɔ̀ 12:20

Mɛ ẅɛn anjansù le, ɛnvra léyi me le bru ny'edúyri nɔn, mɛ́n sɩ̀ cɔ́ nyɛ̀n kɛ hán ɔmu le me ji nɔn, kɩ nyɛ́n mán nyɛ́n sɩ̀ cɔ́ mɛ̀n kɛ hán ɔmu le nye ji nɔn. Mɛ ẅɛn ɛnjansù le ɛdrɛ̀ hɔ̀n mán ecüì-hi-kɔ̀n, ɛmɛ̀nhyì mán annankran hɔ̀n, ɔwora hɔ̀n mán ɛyɔ̀n ankà-dɔ̀ hɔ̀n, tùtre mán ɛgbàzhrà ke le dú nyɛ̀n ɛmɛ̀n.

Galasi anmàn-bɔ̀ 5:20

antɛ̀-buri-wɔ-sɛ̀n mán seke-kɔhɔ̀n-hán mɛ̀n. Anwrɔnẅì ke gbri y'edomɛ̀n, ke sî y'edomɛ̀n ankà kɩ kɛ kɔ́n ecüì-hi, yɔ dú ɛmɛ̀nhyì mán annankran kɔrɛ-levri wú. Yɔ grɔ y'edomɛ̀n ɔkpɔsɔ ɔkpɔsɔ ezì-kɛ́n-mɛ̀n;

Filipɛ̀n anmàn-bɔ̀ 1:17

Anwrɔn janbɔ̀ kɛ dɔ́ Krisì ankà annan-kran mɛ̀n, y'ankà-tro ci-hán dú ɛfrɛ́n mɛ̀n; yɔ tro le yɔ lɛ hán, m'anwɔn-mɛ̀n-wá gbànkàn lɔ kɛ̀ sàn sevri.

Filipɛ̀n anmàn-bɔ̀ 2:3

Nyɛ́n bɩ́ hán eci zriɛmɛ́n annan-kran mɛ̀n, kɩ nyɛ́n bɩ́ ẅɛn ankà-tro woro ny'edomɛ̀n ɛwúsɩ́emɛ̀n, tɛ́n edomɛ̀n ɛnhisɩ́emɛ̀n lɔ, nyɛ́n tro le nyɛ́n nyran hɔ̀n dú nyɛ̀n ɛwú.

2 Tesalonikɛ̀n anmàn-bɔ̀ 1:8

nɛ lɛ vá ɛnhyà wɔnsɛ́n mɛ̀n, ô nɛ̀n hán anwrɔn hɔ̀n léyi kɛ kɔrɔ ke sɩ́ ji kè nyri Ɔwɔ, hɩ ke sɩ́ ẅɛn bɔ́ Ɛẅɛnwrɔn Zhezü Mɛẅi ankà Ankrankran lɔ kɛ hɛ́n hàn nɔn, ɛgbàn.

Titɛ̀n 3:9

Tɛ́n ke ji le è teze ɔbrɔ̀sà-cüìwrɔn mán bɔ́ nancüì hɔ̀n bɩ́ sheshe ankà-dɔ̀ mán ɛdrɛ̀-hán ɛnyànmàn wú, ankà-sɩ̀ mán anmùan-mɛ̀n-ji-kɔ̀n: eci-hán ndɔ hɔ̀n lɔ fɛn kè sɩ̀ wɛ̀n vɔ̀nshɛ́.

Ebre-bɔ̀ 10:27

Wɔrɔ bɔ̀ Ɔwɔ mrɛ̀nci shishi léyi ke ji le bɔ̀ vrá ɛnkrɛ̀ta-kuemɛ̀n, mán ɛnhyà-ẅì léyi kɛ lɛ biɛ n'egbri-bɔ̀ hɔ̀n nɔn.

Ebre-bɔ̀ 11:8

Ankaẅìbùtan de hán Abrahamɛ̀n wá Ɔwɔ ɛnvra léyi Ɔwɔ bí nɛ̀n nɔn: nɛ̀n hɔ́n ɛnhi wú anmàn tɔ̀n wú léyi Ɔwɔ kɛ tán nɛ̀n kè dú nɛ tɛn nɔn. Nɛ́n hɔ̀n, kɩ nɛ́n sɩ́ nyri ɛyri léyi nɛ hɔ̀n nɔn.

Ebre-bɔ̀ 5:9

Ɛnvra léyi ye sɩ́ nɛ̀n ɛwú n'eci-ankrànkràn-hán mɛ̀n nɔn, nɛ̀n srɔ ɛnkrukɔrɛ̀ léyi ke sɩ́ trɔa nɔn yi ɛnshibɛ́ nɛ̀n tán anwrɔn hɔ̀n léyi ẅɛn n'ɔwá nɔn.

Zhakɛ̀n 3:14

Tɛ́n, ke dú kɛ nyɛ́n ẅɛn ecüìhi-kɔ̀n drɔ ny'ɛnbɔrɛ lɔ mɛ̀n, mán ecüìwrɔn hɛ́n, nyɛ́n bɩ́ mrɛ́n ny'edomɛ̀n, ô nyɛ́n ẅɛn ɔyɔ̀n nyɛ́n ku annanwɔrɛ wú.

Zhakɛ̀n 3:16

Ɔmuhi ɛyri léyi ecüìhi-kɔ̀n mán ecüìwrɔn hɛ́n ndù nɔn, nanvrɛn lɔ sukù-sukù mán eci gbàngbàn lɔ fɛn ndù.

1 Piɛrɛ̀n 3:1

Wúyɔ nyɛ́n mán ɔmu zri lɔ, nyɛ́n sɩ́ ny'edomɛ̀n ɛnhi nyɛ́n tán nyɛ́n cüi hɔ̀n, ô ke dú kɛ ɛnjanbɔ̀ y'ɛmɛ̀n lɔ, ke sɩ́ bú Ɔwɔ ankà kɛ tán ankàẅì hô, ny'esùnàn anvrɛnvrɛn kɛ̀ hán tán yɔ cɔ́ ankaẅìbùtan. Ankà-dɔ̀ mán, ke sɩ̀ dú eci zriɛmɛ́n y'ɛwú:

1 Piɛrɛ̀n 4:17

Ɛmrɛ̀nci vra lɔ ncɔ̀a, kɩ Ɔwɔ fɛcüè de yɛ gɔ́ ci ɛmrɛ̀n nɔn. Tɛ́n, ke dú kɛ ɛmrɛ̀ncì lɔ ke bukru bɔ́ yri, anhɔntan de kɛ lɛ hán kè dú ɔtrɔ mɛ̀n lɔ, ɛnvra léyi nɛ lɛ bó nwù nɛ tán anwrɔn hɔ̀n léyi ke sɩ́ ji kè bú Ɔwɔ Mɛẅi ankà Ankrankran kɛ tán ankaẅì nɛ́n?

Ɔwɔ-mɛ̀n-yrikàn 14:10

nɛ́n dùku ne le mí ɛntàn léyi ye ku n'ɛẅì, Ɔwɔ mɛ̀nhyì grashɛ̀n lɔ mɛ̀n nɔn! Anwrɔn ɔmu hɔ̀n lɔ, yɔ le dú ɛgbànkán mɛ̀n ɛnhyà-ẅì-wosu mɛ̀n, Ɔwɔ kùyüre-bɔ̀ prɔnprɔn hɔ̀n mán Ɔwɔ Kɔ̀kɔ̀sɛ̀-ẅì zìwú.

Ɔwɔ-mɛ̀n-yrikàn 16:19

Anmàn vri lɔ vɔ́n n'edomɛ̀n anhɔ̀n kɩ ɛnhi wú anmàn hɔ̀n lɔ fɛn gbɔngbɔ̀. Ɔwɔ kè sɩ̀ tezè Babilɔnɛ̀n cüìcüì lɔ; nɛ̀n hán yi mi n'ɛntàn wɔnsɛn grashɛ̀n lɔ, n'ɛmɛ̀nhyì vri tàn wɔnsɛn lɔ.