Rɔmɛ̀n-anmàn-bɔ̀ 2:7 - Ɛmɛẅi ankà ankrànkràn 2003

⁷ Ne le bɩ́ ɛwúvà léyi ke sɩ́ trɔa nɔn nɛ̀n tán anwrɔn hɔ̀n léyi y'eci-hán-ciemɛ̀n lɔ, kɛ hán anvrɛn kɩ ke ji eci-zrɔ, ɛmrɛ́n mán ɛwúvà-kɔrɛ̀ nɔn.

Rɔmɛ̀n-anmàn-bɔ̀ 2:7 Iomraidhean Croise

Matie 25:46

Kɩ yɔ lɛ hɔ̀n di ɛgbàn-wɔɛ̀n léyi ke sɩ́ trɔa nɔn, tɛ́n yɔ hɔ̀n léyi hán Ɔwɔ kɔrɛ̀zì-ci nɔn, kɛ lɛ hɔ́n ɛwúvà léyi ke sɩ̀ ẅɛ̀n ɛnkru-trɔ nɔn mɛ̀n.”

Lükɛ̀n 21:19

Nyɛ́n ẅɛn nɛ̀n nyɛ́n hɛ́n ɛshishiemɛ̀n: ɔmu lɔ de nye le bɩ́ ny'ɛwúvà hɔ̀n lɔ nyɛ́n die nɔn.”

Lükɛ̀n 8:15

Antɛ̀-ẅì léyi ke cüe ɛnhi ankrànkràn mɛ̀n nɔn, dú yɔ léyi yɔ die ankà-dɔ̀ lɔ nukùɛ, yɔ ẅɛn nɛ̀n yɔ hɛ́n ɛnbɔrɛ anvrɛnvrɛn mɛ̀n, yɔ di ɔmuan zri, kɩ yɔ shi ɛẅì.”

Zhan 4:36

Ɔwrɔn léyi kɛ kuɛ ɛci nɔn, nɛ cɔ́ n'ɔwɔɛ̀n-dì, kɩ nɛ bɔrɛ ɛci ɛkru ô ke dú ɛwúvà léyi ke sɩ́ trɔa nɔn tɛ́n; ɔmu lɔ de ɛci-tɛ́-wrɔn mán ɛci-kuɛ-wrɔn kɛ bɔ́sɔ̀ kɛ brá pɔpüɛ̀ nɔn.

Zhan 5:44

Nyɛ cüɛ́n ɛmrɛ́n léyi ke dú nyɛ́n dùku ny'edomɛ̀n kɛ và, kɩ nyɛ́n sɩ́ ji ɛmrɛ́n léyi ke dú Ɔwɔ yri zri kɛ và nɔn. Anwɔntan de nyɛ lɛ hán, ô nyɛ́n bùtan ankaẅì nɛ́n?

Rɔmɛ̀n-anmàn-bɔ̀ 2:10

Zɛtɛn, Ɔwɔ kɛ lɛ tán eci-zrɔ, ɛmrɛ́n mán anwɔwɔ ke le dú anwrɔn hɔ̀n léyi kɛ hán anvrɛn nɔn tɛn, bukru Zhüifɛ̀n-bɔ̀, tɛ́n anwrɔn hɔ̀n léyi kè sɩ̀ dù Zhüifɛ̀n-bɔ̀ mán,

Rɔmɛ̀n-anmàn-bɔ̀ 6:23

Ɔmuhi ɛgbàn wɔ̀ɛn-dì dú owù nɔn; tɛ́n ecice-ci léyi Ɔwɔ kɛ tán ankora nɔn, dú ɛwúvà léyi ke sɩ́ trɔa, hɩ dú bɔ́ mán Zhezü Krisì bɔ́ Ɛẅɛnwrɔn mɛhi b'ɔbɔ̀sɔ̀ lɔ mɛ̀n nɔn.

Rɔmɛ̀n-anmàn-bɔ̀ 8:18

Me tro le bɔ́ ejüe-dì hɔ̀n léyi dú ɛnvra ndɔ lɔ mɛ̀n nɔn, ke sɩ̀ krɔn eci-zrɔ léyi Ɔwɔ kɛ lɛ hán bɔ̀ bɔ̀ kàn nɔn.

Rɔmɛ̀n-anmàn-bɔ̀ 9:23

Tɛ́n ne ji nɛ̀n yé ɔmu lɔ le n'eci-zrɔ ẅɛn vɔ̀nshɛ́ anwrɔn nyantɛn hɔ̀n wú, anwrɔn hɔ̀n léyi nɛ̀n ẅɛn yɔ ɛnhyɔ̀bɔ̀-nyrì, anwrɔn hɔ̀n léyi nɛ́n gɔ̀ wá esùva nɛ̀n hɛ́n ô kè dú n'eci-zrɔ lɔ mɛ̀n nɔn.

1 Korɛntɛ̀n anmàn-bɔ̀ 15:42

Ke le dù kɛ lɛ hán ɔmu zri lɔ, ɛnvra léyi owú-bɔ̀ kɛ lɛ frɔ́ nɔn. Ɛnvra léyi yɛ wá edùwrú ɛnhibɩ́ nɔn, nɛ̀n dú owú ci; ɛnvra léyi nɛ lɛ frɔ́ nɔn, nɛ́n sɩ̀ vru wùɛ.

1 Korɛntɛ̀n anmàn-bɔ̀ 15:50

Anwrɔn-nɛ́n-muan-ẅì hɔ̀n, nyàn ankà léyi me ji mɛ̀n dɔ̀ nɔn: eci léyi ye bɩ́ anẅia mán ɛnkrɛ̀ yɛ hán nɔn, ke sɩ̀ dú Anhobɩ́ Nɛ̀ncüì-dúyri, kɩ eci léyi dú owú ci nɔn, n'ɛwúvà kɛ lɛ trɔ.

1 Korɛntɛ̀n anmàn-bɔ̀ 15:58

Ɔmu lɔ anwrɔn-nɛ́n-muan-ẅì hɔ̀n anvrɛnvrɛn, nyɛ́n yé ny'edomɛ̀n ô nyɛ́n nyɔn ɛshishiemɛ̀n mán ɔkɔ̀nka mɛ̀n. Nyɛ́n dú ɛnvra lɔ fɛn eci-hán mɛ̀n Ɛẅɛnwrɔn kɔ̀hɔ̀n lɔ mɛ̀n, ɔmuhi nyɛ́n nyri ɔmu le ɛgbànkàn léyi nyɛ tán ny'edomɛ̀n nyɛ́n mán Ɛẅɛnwrɔn mɛhi ny'ɔbɔ̀sɔ̀ lɔ mɛ̀n nɔn, ke sɩ̀ zrɛ́n mrìmrì.

Galasi anmàn-bɔ̀ 6:9

Edù ke bɩ́ ká bɔ̀ anvrɛn-hán mɛ̀n; ɔmuhi ke dú kɛ edù ke sɩ̀ wú bɔ̀ hô, bɔ́ lɛ cɔ́ bɔ́ antɛ̀-ẅì ɛnvra léyi n'ɛküɛ vra kɛ lɛ cɔ̀ nɔn.

Efɛzɛ̀n anmàn-bɔ̀ 6:24

Ɔwɔ boafɔn kè dú anwrɔn lɔ fɛn léyi kɛ cüɛn annanwɔrɛ mɛ̀n bɔ́ Ɛẅɛnwrɔn Zhezü Krisì nɔn mɛ̀n.

Kɔlɔsèn anmàn-bɔ̀ 1:27

Ɔmuhi, Ɔwɔ ke ji kɛ̀ hán tán yɔ, ye nyri ankɔ́nda-ci-hán ankà-bán-ankà ndɔ léyi ẅɛn vɔ̀nshɛ́, hɩ sevri, dú eci léyi yɛ hán, ô kè dú fɛcüè hɔ̀n lɔ fɛn ɛnkrukɔrɛ̀ nɔn. Kɩ nyàn ankà-bán-ankà ndɔ lɔ: Krisì dú nyɛ̀n ɛmɛ̀n kɩ nɛ tán nyɛ̀n esɛ́ le, nye le dú Ɔwɔ ci-zrɔ lɔ mɛ̀n.

Kpàkpà timote 1:17

Ɛnnɛ̀ncüì léyi kè sɩ̀ ẅɛ̀n ɔtrɔ, ke sɩ́ wúɛ, ye sɩ́ kán kɩ dú Ɔwɔ zri nɔn, ɛmrɛ́n mán eci-zrɔ dú nɛ tɛn ɛnvra lɔ fɛn! Kè dú ɔmu lɔ.

Anhyrɛmɛ̀n timote 1:10

tɛ́n nɛ̀n yé bɔ̀ nboafɔ̀n ndɔ lɔ zɛtɛ̀ lɔ ɛnvra léyi bɔ́ Ebɩdiewrɔn Zhezü Krisì nvà nɔn. Nɛ́n de nɛ̀n trɔ owù kɔrɛ̀srɔn lɔ kɩ, Ɛmɛẅi ankà Ankrankran bɩmɛ̀n lɔ, nɛ̀n yé ɛwúvà léyi ke sɩ́ trɔa nɔn.

Ebre-bɔ̀ 2:7

Ɛnvra cá mɛ̀n, ɛ̀ hán nɛ̀n, nɛ̀n dú Ɔwɔ kùyüre-bɔ̀ ɛnhi, ɛ̀ tán nɛ̀n eci-zrɔ mán ɛmrɛ́n,

Ebre-bɔ̀ 6:12

Nyɛ́n bɩ́ srɔ ɛjɛ́-bɔ̀, tɛ́n nyɛ́n bɩ́ anwrɔn hɔ̀n léyi kɛ ẅɛn ankaẅìbùtan edùyiemɛ̀n, kɩ kɛ cɔ́ Ɔwɔ mùan-wá ci lɔ nɔn, yɔ sɛnpò.

Ebre-bɔ̀ 6:15

Abrahamɛ̀n dú ɛvrá mɛ̀n ɛnbɔrɛ ẅɛ̀n-hɛ́n mɛ̀n, kɩ nɛ̀n cɔ́ Ɔwɔ mùan-wá ci lɔ.

1 Zhan 2:25

Kɩ nyàn eci léyi Krisì wá ɔmùan kɛ̀ tán bɔ̀ nɔn: ɛwúvà léyi ke sɩ́ trɔa nɔn.