Rɔmɛ̀n-anmàn-bɔ̀ 2:4 - Ɛmɛẅi ankà ankrànkràn 2003

⁴ Kale e gbri Ɔwɔ bɔrɛ wɔwɔ lɔ, n'ɛnbɔrɛ-ẅɛ̀n-hɛ́n mán n'ɛnhyɔ̀bɔ̀-nyrì lɔa? È sɩ̀ nyrì ɔmu le Ɔwɔ ɛnbɔrɛ wɔwɔ lɔ de kɛ lɛ hán mɛ́n ɛ̀ crɔn vɛ́n eci-hán-ci lɔ nɛ́n?

Rɔmɛ̀n-anmàn-bɔ̀ 2:4 Iomraidhean Croise

Rɔmɛ̀n-anmàn-bɔ̀ 10:12

Ɔmu lɔ de Zhüifɛ̀n-bɔ̀ mán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, angranmɛ̀n kè sɩ̀ vɛ́n yɔ: yɔ lɔ fɛn yɔ ẅɛn Ɛẅɛnwrɔn zri léyi kɛ tán yɔ, ɛnvra léyi yɔ bi nɛ̀n nɔn, n'ɛci anvrɛnvrɛn hɔ̀n lɔ.

Rɔmɛ̀n-anmàn-bɔ̀ 11:22

Ɛ̀ nyan ɔmu le Ɔwɔ ke yé n'ɛnbɔrɛ wɔwɔ kɩ ne vru nɛ ẅɛn ɛmɛ̀nhyì shishi: ne bɩ́ ɛmɛ̀nhyì shishi ku anwrɔn hɔ̀n léyi bore nɔn ɛwú, kɩ ɛnbɔrɛ wɔ́ nɛ̀n v'ɛwú. Tɛ́n ke ji le ɛnvra lɔ fɛn, ɛ̀ ẅɛn esɛ́ n'ɛnbɔrɛ-wɔ̀ lɔ ɛwú, kè sɩ̀ dù ɔmu lɔ hô, vɛ́n mán yɛ lɛ vɔ́n mɛ́n kɛ lɛ hán ɛtɛ̀-dá hɔ́.

Rɔmɛ̀n-anmàn-bɔ̀ 11:33

Nyàn ɔmuhi Ɔwɔ nɛ̀ncüì-dì lɔ sevri nɔn! Nyàn ɔmuhi n'ankà-nyrì mán n'eci-nyrì vrɛn nɔn! Antɔnwrɔn de kɛ lɛ dɔ́ n'eci-hán ankà nɛ́n? Antɔnwrɔn de ke le nyri n'ankɔnda-ci-hán ankà nɛ́n?

Rɔmɛ̀n-anmàn-bɔ̀ 3:25

Ɔwɔ bɩ́ nɛ̀n ce eci, ô n'owù lɔ mɛ̀n, Krisì kɛ̀ cɔ́ ɛgbàn-bɩ̀-ce kè dú anwrɔn hɔ̀n léyi ẅɛn ankaẅì-bùtan n'ɛwú nɔn tɛn. Ɔmu lɔ de Ɔwɔ yé ɛnvra lɔ fɛn le, nɛ̀n dú ɛnyrɔnnan-wrɔn: nɛ́n gɔ̀ dú ɛnyrɔnnan-wrɔn ɛnbìɛhɛ́n, ɛnvra léyi anwrɔnẅì dú ɛgbàn mɛ̀n, hɩ nɛ̀n sɩ̀ bɩ̀ ɛmɛ̀nhyì nɛ̀n teze yɔ, yɔ dú ɛgbàn-hán mɛ̀n; nɛ̀n dú ɔmu zri lɔ zɛtɛ̀ lɔ, ɔmuhi ne ji ɛnvra zri lɔ mɛ̀n nɛ̀n dú ɛnyrɔnnan-wrɔn, ô anwrɔn hɔ̀n léyi ẅɛn ankaẅì-bùtan Zhezü mɛ̀n nɔn, nɛ̀n srɔ yɔ ɛnyrɔnnan-bɔ̀.

Rɔmɛ̀n-anmàn-bɔ̀ 6:1

N'ɛwú lɔ ankà tán de bɔ́ lɛ dɔ̀ nɛ́n? Bɔ́ le dú ɛnvra lɔ fɛn ɛgbàn mɛ̀n, ô Ɔwɔ-boafɔ̀n kɛ sàn cüɛn kè dú bɔ́ tɛn hán?

Rɔmɛ̀n-anmàn-bɔ̀ 6:15

Tɛ́n ecitan? Bɔ́ lɛ hán ɛgbàn, ɔmuhi bɔ̀ sɩ̀ vrù dù ɛnyànmàn kɔrɛ̀-levri wú, tɛ́n bɔ̀ dú Ɔwɔ-boafɔ̀n mɛ̀n nɛ́n? Annànwɔrɛ mɛ̀n lɔ hɔ̂!

2 Korɛntɛ̀n anmàn-bɔ̀ 8:2

Ɔmùan-zri-di-bɔ̀ cɔ́ nanvrɛn lɔ obòtò shishi; tɛ́n yɔ pɔ̀püɛ̀ dú evrisɩemɛ̀n, hán tán kɩ yɔ yé ɛnbɔrɛ anvrɛnvrɛn y'eci-tán mɛ̀n, tɛ́n yɔ dú ɛmian-bɔ̀ vri.

Efɛzɛ̀n anmàn-bɔ̀ 1:18

Nɛ̀n vuru nyɛ̀n anvɛ̀ n'ɛyri-kàn lɔ mɛ̀n, ô nyɛ́n cɔ̀ nyɛ́n nyri esɛ́ léyi, hɩ kruhú, nɛ̀n bi nyɛ̀n, ô nyɛ́n nyri anvrɛn hɔ̀n léyi nɛ̀n tán anwrɔn hɔ̀n léyi dú nɛ tɛn, anvrɛn ndɔ hɔ̀n lɔ, nyɛ́n nyri n'ɛnnɛ̀ncüì-dì mán n'eci-zrɔ,

Efɛzɛ̀n anmàn-bɔ̀ 1:7

Ɔmuhi, Krisì cice léyi dú nɛ́n dùku nɔn, n'ɛmɛ̀n lɔ bɔ̀ cɔ́ esrúze, kɩ bɔ́ ɛgbàn hɔ̀n lɔ bɩ́ ce bɔ̀. Ɔmu lɔ de Ɔwɔ yé bɔ̀ n'ɛnshifù nɛncüì-dì,

Efɛzɛ̀n anmàn-bɔ̀ 2:4

Tɛ́n Ɔwɔ yɔ̀bɔ̀-nyrì lɔ sevri, ecüɛ̀n léyi nɛ̀n ẅɛn bɔ́ ɛwú nɔn, hán tán,

Efɛzɛ̀n anmàn-bɔ̀ 2:7

N'ɛzrɔ léyi nɛ̀n yé bɔ̀ Zhezü Krisì bɩmɛ̀n nɔn, hɩ mɛ̀n lɔ, ne ji nɛ̀n hán tán ɛnvra hɔ̀n léyi dú ezì kɛ và nɔn, kè nyri nɛ́n boafɔ̀n nɛ̀ncüì-dì vri lɔ.

Efɛzɛ̀n anmàn-bɔ̀ 3:16

Mɛ sán nɛ̀n, ô n'ɛnnɛ̀ncüì-dì ci-zrɔ lɔ mɛ̀n, nɛ̀n tán nyɛ̀n ecüì ɛnhɛ́n mɛ̀n, n'ɛkɔrɛ̀-srɔn Hɛ́n cüì lɔ mɛ̀n,

Efɛzɛ̀n anmàn-bɔ̀ 3:8

Ankaẅì-bùtan-ẅɛn-bɔ̀ lɔ fɛn, mɛ̀n dú y'ɛcɛ; ɔmu tɛ̀kɩ, Ɔwɔ tán mɛ̀n anvrɛn ndɔ lɔ, ô mɛ̀n dɔ́ anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, Krisì nɛ̀ncüì-dì léyi kè sɩ̀ ẅɛ̀n ɛnkrutrɔ nɔn yi ankà.

Filipɛ̀n anmàn-bɔ̀ 4:19

M'Ɔwɔ kɛ lɛ tán nyɛ̀n ɛkɔrɛ̀-wá lɔ fɛn n'ɛnnɛ̀ncüì-dì vri lɔ mɛ̀n Zhezü Krisì bɩmɛ̀n.

Kɔlɔsèn anmàn-bɔ̀ 1:27

Ɔmuhi, Ɔwɔ ke ji kɛ̀ hán tán yɔ, ye nyri ankɔ́nda-ci-hán ankà-bán-ankà ndɔ léyi ẅɛn vɔ̀nshɛ́, hɩ sevri, dú eci léyi yɛ hán, ô kè dú fɛcüè hɔ̀n lɔ fɛn ɛnkrukɔrɛ̀ nɔn. Kɩ nyàn ankà-bán-ankà ndɔ lɔ: Krisì dú nyɛ̀n ɛmɛ̀n kɩ nɛ tán nyɛ̀n esɛ́ le, nye le dú Ɔwɔ ci-zrɔ lɔ mɛ̀n.

Kɔlɔsèn anmàn-bɔ̀ 2:2

Me ji le y'ɛnbɔrɛ lɔ, edùyì kè yɩ́ ɛmɛ̀n, yɔ dú ɛcüɛ̀n-bɔ̀sɔ mɛ̀n, ô yɔ di ɛnnɛ̀ncüì esɛ́ léyi annanwɔrɛ kruemɛ̀n-ẅɛ̀n kɛ tán nɔn mɛ̀n. Ɔmu lɔ de yɔ lɛ nyri Ɔwɔ ankɔ́nda ankà-bán-ankà lɔ, hɩ mɛ̀n kɛ dɔ̀ le Krisì dùku:

Kpàkpà timote 1:16

tɛ́n hɩ le kruhú de Ɔwɔ nyri mɛ̀n ɛnhyɔ̀bɔ̀ nɔn: nɛ̀n ji ɔmu le, Zhezü Krisì kè yé le mɛ̀n dú ɛgbàn-hán-wrɔn vri, hɩ le kruhú de ne yé n'ɛnbɔrɛ-ẅɛ̀n-hɛ́n kè dú sɛnpò kɛ tán anwrɔn hɔ̀n léyi ɛnbi tɔ̀n, ke le bú n'ankà kɛ̀ tán ankaẅì, kɩ kɛ lɛ cɔ́ ɛwúvà léyi ke sɩ́ trɔa nɔn.

Kpàkpà timote 6:17

Ɛ̀ wá tán anwrɔn hɔ̀n léyi ẅɛn ɛnhibù wú nɛ̀ncüì-di-ci hɔ̀n lɔ nɔn, yɔ bɩ́ hán tùtre ci; ɛ̀ dɔ́ yɔ yɔ bɩ́ bɩ́ y'esɛ́ lɔ yɔ wá ɛnnɛ̀ncüì-di-ci ndɔ hɔ̀n léyi dú eci vàcí ci nɔn mɛ̀n, tɛ́n Ɔwɔ mɛ̀n, nɛ́n léyi nɛ tán eci lɔ fɛn kɩ nɛ́n sɩ́ wɔɛn hán nɔn, ô bɔ́ dú ɛnbɔrɛbruemɛ̀n.

1 Piɛrɛ̀n 3:20

hɩ mɛ̀n kɛ dɔ̀ le, anwrɔn hɔ̀n léyi ɛnbiɛhɛ́n kɛ́n Ɔwɔ ezì, ɛnvra léyi nɛ vrá ɛnbɔrɛ-ẅɛ̀n-hɛ́n mɛ̀n Noe bɩdie-hɛ̀ lɔ nɔn. Anwrɔn ẅiɛ kɩ, yɔ dú anwrɔn eẅirì kɩ bru anhàka lɔ mɛ̀n kɩ cɔ́ ebɩdie ɛnshiemɛ̀n.

2 Piɛrɛ̀n 1:11

Ɔmu lɔ de ɛnlevri kɛ lɛ trɛ́ nyɛ̀n Anhobɩ́ Nɛ̀ncüì-dúyri léyi ke sɩ̀ ẅɛn ɔtrɔ nɔn, n'ebruemɛ̀n, Anhobɩ́ Nɛncüì-dúyri ndɔ léyi dú bɔ́ Ɛẅɛnwrɔn mán bɔ́ Ebɩdie-wrɔn Zhezü Krisì tɛn nɔn.

2 Piɛrɛ̀n 3:15

Nyɛ́n nyri ɔmu le Ɛẅɛnwrɔn bɔrɛ-ẅɛ̀n-hɛ́n ci-hán kɛ tán nyɛ̀n ɛkɔrɛ̀levri nyɛ́n cɔ́ ebɩdie, hán ɔmu le bɔ́ muanẅì ankrankran Pɔlɛ̀n, merɛ́n nyɛ̀n n'owrú, ankanyrì léyi Ɔwɔ tán nɛ̀n nɔn hɩ mɛ̀n.

2 Piɛrɛ̀n 3:3

Eci lɔ fɛn mɛ̀n, nyɛ́n nyrì le, ɛnvra trɔ mùan mɛ̀n lɔ, anwrɔn hɔ̀n léyi ke ji kɛ̀ ẅɛn yɔ dùku y'ankàtro wúvà nɔn kɛ lɛ srɔ. Yɔ lɛ hán nyɛ̀n ɛnhyürɛ̀

2 Piɛrɛ̀n 3:9

Ɛẅɛnwrɔn ke sɩ́ mɔɛn n'ɔmùan-wá ci-hán mɛ̀n, hán ɔmu le anwrɔn janbɔ̀ ke tro nɔn. Tɛ́n nɛ ẅɛn ɛnbɔrɛ hɛ́n n'eci-hán mɛ̀n ny'ɛwú, ɔmuhi nɛ́n sɩ́ ji le ɔwrɔn totɔtɔ̀n léyi dú mɛ́n nɔn, ɛ̀ hɔ́n v'ɛzrɛ́n mɛ̀n; tɛ́n ne ji le yɔ lɛ fɛn yɔ cɔ́ ɛkɔrɛ̀levri yɔ crɛ ejüì yɔ sɔ́n ɛgbàn.

Ɔwɔ-mɛ̀n-yrikàn 2:21

Mɛ̀n tán nɛ̀n ɛnvra, ô nɛ̀n crɔn n'eci-hán-ci, tɛ́n nɛ́n sɩ́ ji nɛ̀n crɛ́ ejüi nɛ̀n sɔ́n n'eci-gbàngbàn hán lɔ.

Ɔwɔ-mɛ̀n-yrikàn 3:20

È die nukùɛ, mɛ̀n nyɔn angbàtà mùan kɩ mɛ gɔ́n esù ɛkɔrɛ̀; ke dú kɛ ɔwrɔn tɔ̀n kɛ yá m'esùva kɩ ke srú esù, me le bru nɛ̀n ɛbemɛ̀n kɩ nɛ́n mán mɛ̀n mɛhi bo le zî ɛci zri.