Rɔmɛ̀n-anmàn-bɔ̀ 2:3 - Ɛmɛẅi ankà ankrànkràn 2003

³ E tro le Ɔwɔ mrɛ̀ncì lɔ kɛ lɛ vɔ́n mɛ́n ɛwú, vɛ́n léyi e ci ɛnyran hɔ̀n ɛmrɛ̀n eci léyi vɛ́n mán ɛ hán nɔn hɩ wú nɛ́n?

Rɔmɛ̀n-anmàn-bɔ̀ 2:3 Iomraidhean Croise

Matie 23:33

Ɛnlɛbrì, andà-di-lɛ̀brì fɛcüè! Anhɔntan nyɛ hán tro, ô nyɛ́n bɩ́ cɔ́ ɛnhyà mɛ̀n gbàn-wɔɛ̀n-dì lɔ nɛ́n?

Matie 26:53

È sɩ̀ nyrì ɔmu le me le bi Dade tɛ̀, ô kɛ̀ wá mɛ̀n ɛkɔrɛ̀ kɩ kpatakpata lɔ ne le yüre mɛ̀n Ɔwɔ-kùyüre-bɔ̀ anhà-kɔ́n fɛcüè, ke le wi ɛvà-anhyrɛ̀ hà?

Lükɛ̀n 12:14

Kɩ Zhezü kɛ dɔ́ nɛ̀n le: “M'annyrán, antɔn wá mɛ̀n ny'ankà-dɔ́-wrɔn, mán ny'ɛci-dɛ́-wrɔn hán?”

Lükɛ̀n 22:58

Ɛnvra cá vacì, ɔwrɔn nyàntɛn tɔ̀n kán nɛ̀n, kɩ kɛ dɔ̀ le: “Vɛ́n mán è dú anwrɔn hɔ̀n lɔ ɔtɔ̀n!” Kɩ Piɛrɛ̀n mrɛ́n ɔwrɔn ndɔ lɔ ɔmùan le: “Hɔ̂, kè sɩ̀ dù mɛ̀n.”

Lükɛ̀n 22:60

Tɛ́n Piɛrɛ̀n mrɛ́n ɔmùan le: “Mɛ́n sɩ́ nyri ankà léyi e ji ɛ̀ dɔ̀ nɔn, vɛ́n ɔwrɔn ndɔ lɔ.” Hɩ vra zri léyi nɛ̀n dú ankà-dɔ́ mɛ̀n nɔn, ɔkɔ̀sɔ̀-cüì tɔ̀n di nkù.

Rɔmɛ̀n-anmàn-bɔ̀ 1:32

Yɔ nyri Ɔwɔ mrɛ̀ncì lɔ anvrɛnvrɛn: anwrɔn hɔ̀n léyi kɛ ẅɛn esùnan ndɔ lɔ nɔn, owù dú yɔ tɛn. Ɔmu tɛ̀kɩ yɔ dú eci-hán ndɔ lɔ mɛ̀n, kɩ ɛnvra lɔ fɛn yɔ dú anwrɔn hɔ̀n léyi kɛ hán eci ndɔ lɔ nɔn ɛmɛẅi.

Rɔmɛ̀n-anmàn-bɔ̀ 2:1

Vɛ́n, ɔwrɔn totɔtɔ̀n léyi dú mɛ́n, kɩ e ci ɛnyran hɔ̀n ɛmrɛ̀n nɔn, e sɩ̀ cɔ́ ɛnhyɔ̀bɔ̀-nyrì. Ɔmuhi, ɛnvra léyi e ci ɛnyran hɔ̀n ɛmrɛ̀n kɩ ɛ hán eci léyi yɔ hán nɔn, vɛ́n dùku ɛ bɔ́ v'edomɛ̀n nwù.

Rɔmɛ̀n-anmàn-bɔ̀ 2:2

Bɔ̀ nyri ɔmu le, Ɔwɔ ke ci anwrɔn hɔ̀n léyi kɛ hán eci ndɔ hɔ̀n lɔ nɔn ɛmrɛ̀n annanwɔrɛ mɛ̀n.

Rɔmɛ̀n-anmàn-bɔ̀ 9:20

Tɛ́n antɔnwrɔn dú mɛ́n, vɛ́n, ɔwrɔnẅì, ô ɛ̀ kɛ́n Ɔwɔ ezì nɛ́n? Antà-hi-sî ke le yrɛ ɔwrɔn léyi hán nɛ̀n nɔn le: “Cɛci kruhú ɛ hán mɛ̀n ɔmu lɔa?”

1 Tesalonikɛ̀n anmàn-bɔ̀ 5:3

Ɛnvra léyi anwrɔn kɛ lɛ dɔ̀ le: “Eci lɔ fɛn dú anwɔwɔ mɛ̀n, ɛnanmɛ̀n”, zɛtɛn hɩ vra lɔ de, kpatakpata lɔ muzhie kɛ lɛ vá yɔ ɛwú ke le dù kɛ lɛ hán ɛmɛ̀nsɩ́-hi ẅì-bî-vra hɔ́. Ɔwrɔn zriɛmɛ́n mùzhie lɔ ke sɩ̀ vɔ́n ɛwú.

Ebre-bɔ̀ 12:25

Zɛtɛn nyɛ́n wá esùva! Nyɛ́n díe ɔwrɔn léyi kɛ dɔ́ nyɛ̀n ankà nɔn nukùɛ. Anwrɔn hɔ̀n léyi krɔ kɩ kè sɩ̀ dìe ankà-bi-dɔ́-wrɔn nukù ɛnu ɛnhibù wú nɔn, ɛgbàn-wɔ̀ɛndì lɔ, kè sɩ̀ vɔ́n yɔ ɛwú. Annànnàn le, ɛgbàn-wɔ̀ɛndì n'd'o lɔ, ke sɩ̀ vɔ́n bɔ̀ ɛwú ke dú kɛ bɔ́ crɛ ejüí bɔ́ sɔ́n ɔwrɔn léyi dú anhobɩ́ kɛ dɔ́ bɔ̀ ankà nɔn.

Ebre-bɔ̀ 2:3

Zɛtɛn, anhɔntan de bɔ́ lɛ hán, ô bɔ́ bɩ́ cɔ́ ɛgbàn wɔ̀ɛn-dì, ke dú kɛ bɔ́ sɩ́ wá ɛnkrukɔrɛ̀ ndɔ lɔ n'ankà ɛnkruemɛ̀n nɛ́n? Ɛẅɛnwrɔn dùku dú ɛnvrakpà wrɔn dɔ́ n'ankà, zɛtɛn anwrɔn hɔ̀n léyi yá Ɛẅɛnwrɔn ɔmùan nɔn, dɔ́ nɛ́n vɔ̀nshɛ́-ẅɛn-ankà.