Rɔmɛ̀n-anmàn-bɔ̀ 2:16 - Ɛmɛẅi ankà ankrànkràn 2003

¹⁶ Nyàn eci léyi kɛ lɛ wɔɛn ɛnbì léyi Ɔwɔ kɛ lɛ hán Zhezü Krisì kè ci eci-bán-ci lɔ fɛn léyi dú anwrɔnẅì wúvà lɔ mɛ̀n nɔn ɛmrɛ̀n, hán ɔmu le Ɛmɛẅi ankà Ankrànkràn lɔ kɛ dɔ̀ nɔn.

Rɔmɛ̀n-anmàn-bɔ̀ 2:16 Iomraidhean Croise

Matie 16:27

Annànwɔrɛ mɛ̀n, ɔwrɔnẅì Ẅì kɛ lɛ vá nɛ́n Zi ci-zrɔ lɔ mɛ̀n, nɛ́n mán Ɔwɔ-kùyüre-bɔ̀ mɛhi, kɩ zɛtɛn, ne le ci ɔwrɔn wrɔn ɛmrɛ̀n, n'eci léyi nɛ̀n hán nɔn yi wú.

Lükɛ̀n 8:17

Ɛci hɔ̀n léyi dú ɛyrí yɔwɔ mɛ̀n nɔn, kɛ lɛ srɔ ɛcɛ̀n pupu mɛ̀n, kɩ ankà-bán-ankà hɔ̀n lɔ fɛn kɛ lɛ srɔ ɛwú ɛyri-kan mɛ̀n.

Zhan 12:48

Ɔwrɔn léyi kɛ kɔ́n mɛ̀n die, hɩ ke sɩ́ ẅɛn m'ankà-dɔ̀ kɛ hɛ́n hán, kɛ cɔ́ nanvrɛn lɔ, nɛ́n nwù-bɔ̀: ankà-yé léyi mɛ̀n tán nɔn de kɛ lɛ bɔ́ nɛ̀n nwù ɛmɛẅi-trɔ bì lɔ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 10:42

Nɛ̀n wá tán bɔ̀, bɔ̀ dɔ́ fɛcüè Ɔwɔ ankà, ô bɔ̀ dɔ̀ le nɛ̀n dú ɔwrɔn léyi Ɔwɔ wá, ô kè ci ɔkɔrɛ-bɔ̀ mán owú-bɔ̀ ɛmrɛ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 17:31

Ɔmu lɔ de nɛ̀n wá ɛnbì léyi ne le ci ɛnhibù mumù lɔ fɛn ɛmrɛ̀n ɛnyrɔnnan mɛ̀n, ɔwrɔn tɔ̀n léyi nɛ̀n mrɛ́n nɛ́n bɩ nɔn n'ebɩ́mɛ̀n. Nɛ̀n hán tán anwrɔn lɔ fɛn nyrì, kɩ nɛ̀n hán ɔwrɔn ndɔ lɔ dú ɔwú-bɔ̀ mɛ̀n vá ɔkɔrɛ-bɔ̀ mɛ̀n!”

Rɔmɛ̀n-anmàn-bɔ̀ 16:25

Bɔ̀ mrɛ́n Ɔwɔ! Nɛ̀n ẅɛn ɛkɔrɛ̀srɔn nɛ lɛ tán bɔ̀ ecüì ankaẅì-bùtan mɛ̀n, Ɛmɛẅi ankà Ankrankran léyi mɛ dɔ̀ nɔn n'ɛwú, ɛkùyüre léyi mɛ tán Zhezü Krisì ankà wú nɔn, mán Ɔwɔ ankɔ́nda ci-hán ankà-bán-ankà léyi bɔ́ cɔ̀ bɔ́ nyrì nɔn n'ɛwú. Ankɔ́nda ci-hán ndɔ lɔ dú ɛbán mɛ̀n ɛnvra sheshe ɛnbiehɛ́n vra lɔ,

Rɔmɛ̀n-anmàn-bɔ̀ 2:5

Tɛ́n ɛ̀ ẅɛn ɛnbɔrɛ shishi, e sɩ́ ji ɛ̀ crɔn. Hɩ le kruhú de, ɛ lɛ wán ɛgbàn-wɔ̀ɛn-dì vri è sɩ́ v'ɛwú ɛnbì léyi Ɔwɔ ke le yé n'ɛmɛ̀nhyì mán n'ɛnyrɔnnan mrɛ̀ncì,

Rɔmɛ̀n-anmàn-bɔ̀ 3:6

Kè sɩ̀ dù ɔmu lɔ! Ɔmuhi ke dú ɔmu lɔ hô, anwɔntan de nɛ lɛ hán nɛ̀n ci ɛnhibù ɛmrɛ̀n nɛ́n?

1 Korɛntɛ̀n anmàn-bɔ̀ 15:1

Anwrɔn-nɛ́n-muan-ẅì hɔ̀n, me ji mɛ̀n kore nyɛ̀n zɛtɛ̀ lɔ Ɛmɛẅi ankà Ankrankran léyi mɛ̀n tán nyɛ̀n, hɩ nyɛ́n cɔ̀, kɩ nyɛ́n ẅɛn kpankpan nyɛ́n hɛ́n nɔn.

1 Korɛntɛ̀n anmàn-bɔ̀ 4:5

Hɩ le kruhú de ke sɩ́ ji le nyɛ́n ci ɔwrɔn zriɛmɛ́n ɛ̀mrɛ̀n, ke dú kɛ ɛnvra léyi yɛ wá nɔn kɛ vá cɔ̀. Nyɛ́n vrá Ɛẅɛnwrɔn kɛ̀ và: ne le sɩ́ ɛyri-kán mɛ̀n, eci léyi bán ɛyri-yɔwɔ mɛ̀n, kɩ ne le sɩ́ anwrɔnẅì ankà-tro ci-bán-ci hɔ̀n lɔ fɛn ɛntrɛ. Zɛtɛn ɔwrɔnwrɔn kɛ lɛ cɔ́ Ɔwɔ yri, ɛmrɛ́n léyi dú nɛ tɛn nɔn.

2 Korɛntɛ̀n anmàn-bɔ̀ 5:10

Ɔmuhi ke ji le bɔ́ lɔ fɛn bɔ̀ srɔ Krisì zìwú, ô nɛ̀n ci bɔ̀ ɛmrɛ̀n; zɛtɛn ɔwrɔnwrɔn kɛ lɛ cɔ́ eci léyi dú nɛ tɛn, n'ɛwúvà ankrankran mán angbàngbàn ẅɛn mɛ̀n, n'ɛnu ɛnhi wúvà lɔ mɛ̀n nɔn.

Galasi anmàn-bɔ̀ 1:11

Anwrɔn-nɛ́n-muan-ẅì hɔ̀n, mɛ dɔ́ nyɛ̀n le: Ɛmɛẅi ankà ankrankran léyi mɛ dɔ́ nyɛ̀n n'ankà nɔn, kè sɩ̀ dù ɔwrɔnẅì kruemɛ̀n ankà.

Kpàkpà timote 1:11

Ankà-yé ndɔ lɔ yɛ cɔ́ nɛ̀n Ɛmɛẅi ankà Ankrankran léyi yɛ wá mɛ̀n antamɛ̀n, hɩ dú eci-zrɔ-Wɔ yri nvà, nɛ́n léyi nɛ̀n dú ɛnbɔrɛbru-shi-bɛ́ nɔn.

Anhyrɛmɛ̀n timote 2:8

Zhezü Krisì ankà ke bru mɛ́n, nɛ́n léyi nɛ̀n dú Davidɛ̀n mɛẅi-wrɔn, kɩ dú owú bɔ̀ mɛ̀n vá ɔkɔrɛ bɔ̀ mɛ̀n, hán ɔmu le Ɛmɛẅi ankà Ankrànkràn léyi mɛ dɔ́ n'ankà ke yé nɔn.

Anhyrɛmɛ̀n timote 4:1

Mɛ sán mɛ́n eci ndɔ lɔ ɔmùan ɛwú siemɛ̀n Ɔwɔ zìwú mán Zhezü Krisì zìwú, nɛ́n léyi ne le ci ɔkɔrɛ-bɔ̀ mán owú-bɔ̀ ɛmrɛ̀n, mɛ sán mɛ́n eci lɔ Krisì và lɔ mán n'ɛnnɛ̀ncüì-dúyri bɩ́mɛ̀n:

Anhyrɛmɛ̀n timote 4:8

Kɩ zɛtɛ̀ lɔ ɛkɔ̀nkà wɔ̀ɛndi kɛ vrá mɛ̀n: ɔwɔ̀ɛndì ndɔ lɔ dú ɛnkrukɔrɛ̀ krusɔnci léyi Ɛẅɛnwrɔn, ɛnyrɔnnan mrɛ̀nci-wrɔn, kɛ lɛ tán mɛ̀n ɛmrɛ̀nci bì lɔ nɔn, kɩ kè sɩ̀ dù mɛ́n zri kɩ, tɛ́n anwrɔn lɔ fɛn léyi kɛ vrá ɛcüɛn mɛ̀n ɛnvra léyi Ɛẅɛnwrɔn kɛ lɛ srɔ nɔn.

Ebre-bɔ̀ 9:27

Ɔwrɔn totɔtɔ̀n dú eci léyi ke le wú ɛdɛ̀n zri kɩ Ɔwɔ ke le ci nɛ̀n ɛmrɛ̀n.

1 Piɛrɛ̀n 4:5

Tɛ́n yɔ ẅɛn eci krɛ̀ y'eci-hán mɛ̀n Ɔwɔ zìwú, nɛ́n léyi nɛ̀n krɔn kpehɛ́n, ne ci ɔkɔrɛ-bɔ̀ mán owú-bɔ̀ ɛmrɛ̀n nɔn.

2 Piɛrɛ̀n 2:9

Ɔmu lɔ de Ɛẅɛnwrɔn nyri eci léyi nɛ lɛ hán, ô nɛ̀n bɩ́ anwrɔn hɔ̀n léyi brɛ́ nɛ̀n ɛtɛ̀sɛ̀n yɛ́ nɔn nɛ̀n die, mán ɔmu le nɛ lɛ kɛ́n ɛgbàn hán-bɔ̀ nɛ̀n hɛ́n, ô nɛ̀n hán yɔ ɛgbàn ɛmrɛ̀nci bì lɔ nɔn;