Rɔmɛ̀n-anmàn-bɔ̀ 2:13 - Ɛmɛẅi ankà ankrànkràn 2003

¹³ Ɔmuhi, anwrɔn hɔ̀n léyi kɛ cüɛn Ɔwɔ ɛvɛ̀ nɔn, kè sɩ̀ dù yɔ léyi yɔ die ɛnyànmàn nukù kɩ, tɛ́n yɔ léyi yɔ hán ɛnyànmàn kɔrɛ̀-zì-ci nɔn.

Rɔmɛ̀n-anmàn-bɔ̀ 2:13 Iomraidhean Croise

Lükɛ̀n 18:14

Zhezü mrɛ́n ɔmùan le: “Mɛ dɔ́ nyɛ̀n le, ɔwrɔn ndɔ lɔ krɔn kpekɛ́n Ɔwɔ zìwú, ɛnvra léyi nɛ̀n vru ɛmɛẅi nɛ̀n hɔ́n ɛbemɛ̀n nɔn; tɛ́n Ɔwɔ-nyanmàn-sùva-wá-wrɔn lɔ kè sɩ̀ cɔ̀ ɛgbàn-bɩ̀-ce. Ɔmuhi, ɔwrɔn totɔtɔ̀n léyi ke le sɩ́ n'edomɛ̀n ɛwú nɔn, ye le sɩ̀ nɛ̀n ɛnhi, kɩ ɔwrɔn léyi ke sɩ́ n'edomɛ̀n ɛnhi nɔn, ye le sɩ́ nɛ̀n ɛwú.”

Lükɛ̀n 8:21

Kɩ, Zhezü kɛ dɔ́ yɔ lɔ fɛn le: “Nmàn mán nmàn-ẅì hɔ̀n, dú yɔ hɔ̀n léyi ke die Ɔwɔ ankà nukùɛ, hɩ kɛ hán n'ɛkɔrɛ̀zì-ci nɔn.”

Zhan 13:17

Zɛtɛ̀ lɔ, nyɛ́n nyri ndɔ lɔ; nyɛ́n dú ɛnbɔrɛ-bruemɛ̀n ke dú kɛ nyɛ ẅɛn nɛ̀n nyɛ hɛ́n.

Rɔmɛ̀n-anmàn-bɔ̀ 10:5

Nyàn ankà léyi Mohizì merɛ́n owrúemɛ̀n hɩ kɛ tán ɛkɔrɛ̀-levri yɛ srɔ ɛyrɔnnan-wrɔn ɛnyànmàn ẅɛn mɛ̀n nɔn: “Ɔwrɔn léyi kɛ ẅɛn Ɔwɔ nyànmàn hɔ̀n lɔ kɛ hɛ́n nɔn, kɛ lɛ cɔ́ ɔkɔrɛ̀ y'ɛmɛ̀n.”

Rɔmɛ̀n-anmàn-bɔ̀ 2:25

Ke dú kɛ ɛ wá ɛnyànmàn hô, wúcɔ̀-domɛ̀n-ẅì dú ankrankran tán mɛ́n; tɛ́n ke dú kɛ e sɩ́ wá ɛnnyànmàn, ndù hán le ye sɩ̀ wì mɛ́n wúcɔ̀-domɛ̀n.

Rɔmɛ̀n-anmàn-bɔ̀ 3:20

Ɔmuhi ɔwrɔn zriɛmɛ́n ke sɩ́ dú ɛnyrɔnnan-wrɔn Ɔwɔ-zìwú, ɔmuhi nɛ̀n hán ɛnyànmàn kɔrɛ̀-zì-ci nɔn; ɛnyànmàn kɛ wá ɛkɔrɛ̀, ô ye nyri ɛgbàn.

Rɔmɛ̀n-anmàn-bɔ̀ 3:23

yɔ lɔ fɛn yɔ hán ɛgbàn kɩ yɔ lɔ fɛn yɔ sɩ́ kán Ɔwɔ ci-zrɔ lɔ.

Rɔmɛ̀n-anmàn-bɔ̀ 3:30

ɔmuhi Ɔwɔ zri kɩ dù nɔn. Nɛ lɛ srɔ Zhüifɛ̀n-bɔ̀ ɛnyrɔnnan-bɔ̀ n'ezìwú ankaẅì-bùtan-ẅɛn mɛ̀n, kɩ nɛ lɛ srɔ anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, yɔ mán ɛnyrɔnnan-bɔ̀ n'ezìwú ankaẅì-bùtan-ẅɛn mɛ̀n.

1 Korɛntɛ̀n anmàn-bɔ̀ 4:4

Annanwɔrɛ mɛ̀n lɔ, m'ɛnbɔrɛ ke sɩ́ yerɛ mɛ̀n ankà zriɛmɛ́n, tɛ́n, hɩ mɛ̀n ke sɩ́ dɔ́ le, mɛ̀n dú ɛnyrɔnnan-wrɔn. Ɛẅɛnwrɔn dú ɔwrɔn léyi ke ci mɛ̀n ɛmrɛ̀n nɔn.

Galasi anmàn-bɔ̀ 2:16

Kɩ, bɔ́ nyri ɔmu le ɔwrɔnẅì dú ɛnyrɔnnan mɛ̀n Ɔwɔ zìwú ankaẅì-bùtan léyi nɛ̀n ẅɛn Zhezü Krisì mɛ̀n, tɛ́n kè sɩ̀ dù hɩ le nɛ wá Mohizì nyànmàn lɔ nɔn. Hɩ le kruhú de, bɔ́ mán, bɔ̀ ẅɛn ankaẅì-bùtan Zhezü Krisì mɛ̀n, ô ye nyri ɔmu le bɔ̀ dú ɛnyrɔnnan-bɔ̀ ankaẅì-bùtan léyi bɔ̀ ẅɛn Krisì mɛ̀n, tɛ́n kè sɩ̀ dù hɩ le bɔ́ wá ɛnyànmàn ndɔ lɔ nɔn. Ɔmuhi ɔwrɔn zriɛmɛ́n ke sɩ̀ dú ɛnyrɔnnan-wrɔn Ɔwɔ zìwú ɔmuhi eci lɔ fɛn mɛ̀n lɔ nɛ wá Ɔwɔ nyànmàn nɔn.

Galasi anmàn-bɔ̀ 5:4

Nyɛ́n léyi nye ji yɛ srɔ nyɛ̀n ɛnyrɔnnan-bɔ̀ Ɔwɔ zìwú ɛnyànmàn kɔrɛ̀levriemɛ̀n nɔn, nyɛ́n mán Krisì mɛhi angranmɛ̀n gbɛ́ nyɛ̀n ɔmùan; nyɛ́n sɩ̀ vrù dù Ɔwɔ bɔafɔ̀n lɔ mɛ̀n.

Zhakɛ̀n 1:27

Nyàn eci léyi Ɔwɔ Zí ke bɩ ke wotro ɔkɔ̀hɔ̀n fifi mán annanwɔrɛ nɔn: Yɔ wá ɛzhe-ẅì hɔ̀n mán ɛngrɔn-wúyɔ̀ hɔ̀n ɛkɔrɛ̀ y'ɛgbànkàn lɔ mɛ̀n, ô nyɛ́n wá ny'edomɛ̀n esùva ɛnu ɛnhibù wú ci-gbàngbàn lɔ fɛn tɛ̀sɛ̀n.

1 Zhan 2:29

Nyɛ́n nyri ɔmu le Krisì dú ɛnyrɔnnan-wrɔn; zɛtɛn ke ji le nyɛ́n vru nyɛ́n nyrì le, ɔwrɔn totɔtɔ̀n léyi kɛ hán ɛnnyrɔnnan-ci nɔn, nɛ̀n dú Ɔwɔ Ẅì.

1 Zhan 3:7

M'ɛẅì hɔ̀n, nyɛ́n bɩ́ teze ny'edomɛ̀n ɔwrɔn zriɛmɛ́n kɛ frɛ́n nyɛ̀n! Ɔwrɔn léyi kɛ hán eci léyi nyrɔn nɔn, nɛ̀n dú nɛ́n mumù mán ɛnnyrɔnnan mɛ̀n, hán ɔmu le Krisì dú ɛnnyrɔnnan-wrɔn nɔn.