Rɔmɛ̀n-anmàn-bɔ̀ 2:12 - Ɛmɛẅi ankà ankrànkràn 2003

¹² Anwrɔn hɔ̀n lɔ fɛn léyi kè sɩ̀ nyrì Mohizì nynànmàn lɔ, hɩ kɛ hán ɛgbàn nɔn, yɔ sɩ̀ ci yɔ ɛmrɛ̀n ɛnyànmàn ndɔ lɔ wú ɛnvra léyi yɔ le wù nɔn; tɛ́n anwrɔn hɔ̀n léyi nyri ɛnyànmàn lɔ hɩ kɛ hán ɛgbàn ɛnyànmàn wú nɔn, ye le ci yɔ ɛmrɛ̀n ɛnyànmàn ndɔ lɔ wú.

Rɔmɛ̀n-anmàn-bɔ̀ 2:12 Iomraidhean Croise

Matie 11:22

Hɩ le kruhú de mɛ dɔ́ nyɛ̀n le, ɛmrɛ̀nci bì lɔ, y'ɛgbàn-wɔɛ̀n-dì lɔ kɛ lɛ sɔ́ vrán Tirɛ̀n mán Sidɔn tɛn lɔ.

Matie 11:24

Hɩ le kruhú de, mɛ dɔ́ nyɛ̀n le, ɛmrɛ̀nci bì lɔ, v'ɛgbàn-wɔɛ̀n-dì kɛ lɛ sɔ́ vrán Sodɔmɛ̀n tɛn lɔ.”

Zhan 19:11

Zhezü mrɛ́n nɛ̀n ɔmùan le: “È sɩ̀ ẅɛ̀n ɛkɔrɛ̀srɔn zriɛmɛ́n m'ɛwú, ke dú kɛ kè sì dù hɩ le Ɔwɔ tán mɛ́n nɔn. Hɩ le kruhú de ɔwrɔn léyi ẅɛn mɛ̀n tán mɛ́n nɔn dú ɛgbàn mɛ̀n vrán vɛ́n.”

Ɔkɔ̀hɔ̀n-wá-bɔ̀ kɔ̀hɔ̀n hán 2:23

Ɔwrɔn ndɔ lɔ ye bɩ́ nɛ̀n yɛ tán nyɛ̀n hán ɔmu le Ɔwɔ wá tán n'ankɔnda ci-hán lɔ mɛ̀n hɩ gɔ́ tro hɛ́n nɔn. Nyɛ́n hán anwrɔn hɔ̀n léyi ke sɩ́ di ɔmùan-zri nɔn, gɔ́n nɛ̀n brɛ́ ɛgbàn-han-tɛ̀ tɔ̀n domɛ̀n, nɛ́n wù.

Rɔmɛ̀n-anmàn-bɔ̀ 1:32

Yɔ nyri Ɔwɔ mrɛ̀ncì lɔ anvrɛnvrɛn: anwrɔn hɔ̀n léyi kɛ ẅɛn esùnan ndɔ lɔ nɔn, owù dú yɔ tɛn. Ɔmu tɛ̀kɩ yɔ dú eci-hán ndɔ lɔ mɛ̀n, kɩ ɛnvra lɔ fɛn yɔ dú anwrɔn hɔ̀n léyi kɛ hán eci ndɔ lɔ nɔn ɛmɛẅi.

Rɔmɛ̀n-anmàn-bɔ̀ 4:15

Annanwɔrɛ mɛ̀n lɔ ɛnyànmàn kɛ tán Ɔwɔ ɛmɛ̀nhyì-bɩ̀; tɛ́n ɛyri léyi ɛnyànmàn bàdà nɔn, ɛnyànmàn-fɔndɔ̀n mán bàdà nanvrɛn.

Rɔmɛ̀n-anmàn-bɔ̀ 8:3

Ɔwɔ hán eci léyi Mohizì nyànmàn kè sɩ̀ hàn rɔ̀a nɔn sá nmù, ɔmuhi ɔwrɔnẅì jɛ̀ ke sɩ̀ tán nɛ̀n ɛkɔrɛ̀srɔn: ɛgbàn léyi nɛ lɛ mrɛ́n nɛ̀n sɔhɔ́ nɔn, nɛ̀n bó ɔwrɔnẅì nwù n'edùwrú-ẅia lɔ mɛ̀n, kɩ nɛ̀n hán nɛ́n dùku n'ɛnẅì vá dú ɔwrɔnẅì wúvà gbànkàn lɔ mɛ̀n.

1 Korɛntɛ̀n anmàn-bɔ̀ 9:21

Ɔmu zri lɔ, ɛnvra léyi mɛ̀n mán anwrɔn hɔ̀n léyi kè sɩ̀ nyrì Mohizì nyànmàn mɛhi bɔ́ yɛ́ nɔn, mɛ ẅɛn ɛwúvà kɛ hán yɔ hɔ́, mɛ́n sɩ́ crɛ-nyan ɛnyànmàn ndɔ lɔ, ô mɛ̀n cɔ́ yɔ. Ndɔ lɔ ke sɩ́ yé le Ɔwɔ nyànmàn ke sɩ́ hán mɛ̀n eci zriɛmɛ́n, ɔmuhi mɛ̀n dú Krisì nyànmàn kɔrɛ̀-levri wú nɔn.

Galasi anmàn-bɔ̀ 3:10

Tɛ́n, anwrɔn hɔ̀n léyi kɛ ẅɛn ɛnyànmàn-wá nɔn, yɔ cɔ́ ɛẅìɛ̀-dà tɔ̀n. Annanwɔrɛ mɛ̀n lɔ, Owrú Prɔnprɔn kɛ dɔ̀ le: “Ɔwrɔn léyi ɛnvra lɔ fɛn ke sɩ́ ẅɛn eci lɔ fɛn léyi ye merɛ́n dú ɛnyànmàn wrú lɔ mɛ̀n kɛ hɛ́n hán nɔn, ɛẅìɛ̀-dà dú nɛ tɛn.”

Galasi anmàn-bɔ̀ 3:22

Tɛ́n Owrú Prɔnprɔn ndɔ̀ le ɛnhibù mumù lɔ fɛn dú ɛgbàn kɔrɛ̀-srɔn wú, ô ecice léyi Ɔwɔ wá ɔmùan nɔn kè dú ankaẅì-bùtan-ẅɛn-bɔ̀ tɛn, y'ankaẅì-bùtan léyi yɔ ẅɛn Zhezü Krisì mɛ̀n nɔn hɩ wú.

Zhakɛ̀n 2:10

Ɔmuhi, ke dú kɛ ɔwrɔn kɛ fɔndɔn ɛnyanmàn zri hô, nwùbɔ̀ dú nɛ tɛn ɛnyanmàn lɔ fɛn zìwú.