Rɔmɛ̀n-anmàn-bɔ̀ 2:10 - Ɛmɛẅi ankà ankrànkràn 2003

¹⁰ Zɛtɛn, Ɔwɔ kɛ lɛ tán eci-zrɔ, ɛmrɛ́n mán anwɔwɔ ke le dú anwrɔn hɔ̀n léyi kɛ hán anvrɛn nɔn tɛn, bukru Zhüifɛ̀n-bɔ̀, tɛ́n anwrɔn hɔ̀n léyi kè sɩ̀ dù Zhüifɛ̀n-bɔ̀ mán,

Rɔmɛ̀n-anmàn-bɔ̀ 2:10 Iomraidhean Croise

Matie 10:13

Ke dú kɛ ebɩ́-nɛ́n-zi hɔ̀n kɛ ẅɛn nyɛ̀n nɛ̀nnyàn-bɔ̀ hô, ny'anwɔwɔ bi-nyan lɔ kè dú yɔ edomɛ̀n, tɛ́n ke dú kɛ yɔ sɩ̀ bɩ́ nyɛ̀n, nyɛ́n bɩ́ ny'anwɔwɔ bi-nyan lɔ, nyɛ́n sɔhɔ́.

Lükɛ̀n 1:79

ô kɛ̀ tán yɔ hɔ̀n léyi yɛ́ ɛyri yɔwɔmɛ̀n, mán owù-wɔ̀n mɛ̀n nɔn, ɛyri-kàn, ô kɛ̀ nyrɔn bɔ́ esùnàn anwɔwɔ levri wú.”

Lükɛ̀n 12:37

Ɛnbɔrɛbru dú eci-bɩ̀tan-bɔ̀ léyi, Ankà-yé-wrɔn vru vá mɛ̀n lɔ, ɛvɛ̀ ke le kprì! Mɛ dɔ́ nyɛ̀n annànwɔrɛ mɛ̀n le: Nɛ lɛ nyɔn nɛ́n pɛtɛ̀n ɛẅìe, nɛ lɛ hán yɔ, yɔ yɛ́, kɩ nɛ lɛ tán yɔ ɛci yɔ zî.

Lükɛ̀n 19:42

“Ke dú kɛ, ɛnyɔncì lɔ, vɛ́n mán e nyri eci léyi kɛ lɛ tán mɛ́n anwɔwɔ! Tɛ́n zɛtɛ̀ lɔ dú ankà-bán-ankà tán mɛ́n, e sɩ̀ kàn rɔ́!

Lükɛ̀n 22:14

Ɛnvra léyi ɛci-zî vra cɔ̀ nɔn, Zhezü mán n'ɔkɔhɔ̀n-wá-bɔ̀ ci tɛbrɛ̀ wú.

Lükɛ̀n 9:48

kɩ nɛ dɔ́ n'ɛsɛnkɛn-bɔ̀ lɔ le: “Ɔwrɔn léyi ke bɩ́ ɛnẅì cɛ ndɔ lɔ m'ɛkruhú nɔn, mɛ́n mumù de ne bɩ́ mɛ̀n nɔn; kɩ ɔwrɔn léyi ke bɩ́ mɛ̀n nɔn, ɔwrɔn léyi wá mɛ̀n ɔkɔhɔ̀n nɔn de ne bɩ̀ nɔn. Ɔmuhi, ɔwrɔn léyi dú ɛcɛ ny'ɛmɛ̀n lɔ nɔn, nɛ́n de nɛ̀n sevri nɛ̀n dú ecüìcüì nɔn.”

Zhan 12:26

Ke dú kɛ ɔwrɔn tɔ̀n ke ji kɛ̀ srɔ m'eci-bɩ̀tan-wrɔn hô, ke ji le nɛ̀n kɛ́n mɛ̀n ɛsɛ̀n; ɔmu lɔ de m'eci-bɩ̀tan-wrɔn ke le dú ɛyri léyi mɛ́n dù nɔn mán. Dade kɛ lɛ cüɛ́n ɔwrɔn léyi dú m'eci-bɩ̀tan-wrɔn nɔn.”

Zhan 14:27

“Anwɔwɔ de me teze nyɛ̀n hán nɔn, m'anwɔwɔ de mɛ tán nyɛ̀n nɔn. Mɛ́n sɩ́ tán nyɛ̀n anwɔwɔ kɛ hán ɔmu le ɛnhibù kɛ tán nɔn. Nyɛ́n bɩ́ dú ɛnkrɛta-kuemɛ̀n, ɛnjansù ke bɩ́ ẅɛn nyɛ̀n.

Zhan 16:33

Mɛ̀n dɔ́ nyɛ̀n ankà ndɔ lɔ fɛn, ô nyɛ́n cɔ́ anwɔwɔ nyɛ́n mɛhi b'ɔbɔ̀sɔ̀ lɔ mɛ̀n. Nyɛ lɛ kán ɛgbàn ɛnhibù wú. Tɛ́n edù kè yɩ́ nyɛ̀n! Mɛ́n kɔ̀n ká ɛnhibù!”

Ɔkɔ̀hɔ̀n-wá-bɔ̀ kɔ̀hɔ̀n hán 10:35

Ɔwrɔn totɔtɔ̀n léyi dú ɛnbrɛ̀-nyantɛn-mɛ̀n-wrɔn, hɩ kɛ ẅɛn Ɔwɔ wá, kɩ kɛ hán ɛnnyrɔnnan-ci nɔn, ɔwrɔn ndɔ lɔ, nɛ̀n dú Ɔwɔ vɛ̀-cüɛn-ci.

Rɔmɛ̀n-anmàn-bɔ̀ 14:17

Annanwɔrɛ mɛ̀n lɔ, Anhobɩ́ Nɛ̀ncüì-dúyri kè sɩ̀ dù ɛci-zî mán ɛntàn mi ankà; nɛ̀n dú ɛnyrɔnnan, anwɔwɔ mán pɔpüɛ̀-brà léyi Ɛnhɛ́n Prɔnprɔn kɛ tán nɔn.

Rɔmɛ̀n-anmàn-bɔ̀ 15:13

Ke ji le Ɔwɔ léyi dú esɛ́ shi-bɛ́ nɔn ke hán pɔpüɛ̀ mán anwɔwɔ ke dú nyɛ̀n ɛmɛ̀n, ny'ankaẅì-bùtan léyi nyɛ́n ẅɛn n'ɛwú nɔn, ô nyɛ́n di ɛnnɛ̀ncüì esɛ́ mɛ̀n, Ɛhɛ́n Prɔnprɔn kɔrɛ̀-srɔn mɛ̀n.

Rɔmɛ̀n-anmàn-bɔ̀ 2:7

Ne le bɩ́ ɛwúvà léyi ke sɩ́ trɔa nɔn nɛ̀n tán anwrɔn hɔ̀n léyi y'eci-hán-ciemɛ̀n lɔ, kɛ hán anvrɛn kɩ ke ji eci-zrɔ, ɛmrɛ́n mán ɛwúvà-kɔrɛ̀ nɔn.

Rɔmɛ̀n-anmàn-bɔ̀ 2:9

Gbɔ̀gbɔ̀ mán ɛnjansù vri ke le dù tán anwrɔn hɔ̀n léyi kɛ hán eci gbàngbàn, bukru Zhüifɛ̀n-bɔ̀, tɛ́n anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn mán dú ɛmɛ̀n.

Rɔmɛ̀n-anmàn-bɔ̀ 5:1

Ɔmu lɔ de bɔ̀ srɔ ɛnyrɔnnan-bɔ̀ Ɔwɔ zìwú, b'ankaẅì-bùtan-ẅɛ̀n kruhú, kɩ zɛtɛ̀ lɔ bɔ́ dú anwɔwɔmɛ̀n bɔ́ mán Ɔwɔ mɛhi, bɔ́ Ɛẅɛnwrɔn Zhezü Krisì bɩmɛ̀n.

Rɔmɛ̀n-anmàn-bɔ̀ 8:6

Ke dú kɛ bɔ́ hán bɔ́ ɛnbɔrɛmɛ̀n ci hɔ̀n léyi bɔ́ ji nɔn hô, bɔ́ hɔ́n owúemɛ̀n; tɛ́n ke dú kɛ bɔ́ hán Ɛnhɛ́n Prɔnprɔn ci hɔ̀n léyi ke ji nɔn hô, bɔ́ hɔ́n ɛwúvà-kɔrɛ̀ mɛ̀n mán anwɔwɔ mɛ̀n.

Rɔmɛ̀n-anmàn-bɔ̀ 9:21

Ɛnsî-hán-wrɔn ke le bɩ́ antà kɛ̀ hán eci léyi ne ji nɔn: ne le bɩ́ antà zri lɔ nɛ lɛ hán antà kpokpo léyi ẅɛn anhàn nɔn, nɛ cüɛ̀n hô, nɛ lɛ hán antà kpokpo kora.

Rɔmɛ̀n-anmàn-bɔ̀ 9:23

Tɛ́n ne ji nɛ̀n yé ɔmu lɔ le n'eci-zrɔ ẅɛn vɔ̀nshɛ́ anwrɔn nyantɛn hɔ̀n wú, anwrɔn hɔ̀n léyi nɛ̀n ẅɛn yɔ ɛnhyɔ̀bɔ̀-nyrì, anwrɔn hɔ̀n léyi nɛ́n gɔ̀ wá esùva nɛ̀n hɛ́n ô kè dú n'eci-zrɔ lɔ mɛ̀n nɔn.

Galasi anmàn-bɔ̀ 5:22

Tɛ́n eci léyi Ɛnhɛ́n Prɔnprɔn kɛ tán nɔn, dú ɛcüɛ̀n, pɔpüɛ̀, anwɔwɔ, ɛnbɔrɛ-ẅɛ̀n-hɛ́n, anvrɛn-ci-hán, ɛnbɔrɛ-wɔ-ci-hán, ɔmùan-zri-dì,

Galasi anmàn-bɔ̀ 5:6

Ɔmuhi Ɔwrɔn léyi dú ɔbɔ̀sɔ mɛ̀n nɛ́n mán Krisì mɛhi, ke dú kɛ ye wi nɛ̀n wúcɔ̀-domɛ̀n mán, kɩ ye sɩ̀ wi nɛ̀n wúcɔ̀-domɛ̀n mán, ndɔ lɔ kè sɩ̀ ẅɛ̀n vɔ̀nshɛ́ zriɛmɛ́n: eci léyi dú ɛnkrugbɔ nɔn, dú ankaẅì-bùtan léyi dú ɛcüɛ̀n mɛ̀n nɔn.

Filipɛ̀n anmàn-bɔ̀ 4:7

Kɩ anwɔwɔ léyi dú Ɔwɔ mɛ̀n, hɩ ká ankà-tro lɔ fɛn ankɔrɛ̀ nɔn, kɛ lɛ hɛ́n ny'ɛnbɔrɛ hɔ̀n lɔ mán ny'ankà-tro hɔ̀n lɔ Zhezü Krisì bɔ̀sɔ̀ lɔ mɛ̀n.

Kpàkpà timote 1:17

Ɛnnɛ̀ncüì léyi kè sɩ̀ ẅɛ̀n ɔtrɔ, ke sɩ́ wúɛ, ye sɩ́ kán kɩ dú Ɔwɔ zri nɔn, ɛmrɛ́n mán eci-zrɔ dú nɛ tɛn ɛnvra lɔ fɛn! Kè dú ɔmu lɔ.

Ebre-bɔ̀ 2:7

Ɛnvra cá mɛ̀n, ɛ̀ hán nɛ̀n, nɛ̀n dú Ɔwɔ kùyüre-bɔ̀ ɛnhi, ɛ̀ tán nɛ̀n eci-zrɔ mán ɛmrɛ́n,

Zhakɛ̀n 2:22

Ɛ kàn: n'ankaẅì-bùtan mán n'eci-hán kɛ hɔ́n owròlò zri, kɩ n'ankaẅì-bùtan srɔ eci ankrankran léyi kɛ kɛ́n nɛ̀n ɛsɛ̀n nɔn.

Zhakɛ̀n 3:13

Ny'ɛmɛ̀n lɔ ɔwrɔn tɔ̀n ke tro le nɛ̀n dú ankà-nyri-wrɔn hán? Nɛ̀n hán tán yɔ kán n'esù ankrankran nàn, n'eci-hán, n'edomɛ̀n ɛnhi-sɩ́ mán n'ankà-nyrì-ẅɛn mɛ̀n.

1 Piɛrɛ̀n 1:7

Ansìkɛ dùku léyi dú eci-jrɛ́ ci nɔn, ɔmu tɛ̀kɩ ɛnhyà kɛ fi nɛ̀n; ɔmu zri lɔ, ny'ankaẅìbùtan léyi ẅɛn vɔ̀nshɛ́ vrán ansíkɛ nɔn, dú ɔwɔ̀ɛn-nyan mɛ̀n, ô nɛ̀n yé nɛ́n vɔ̀nshɛ́ léyi nɛ́n ẅɛ̀n nɔn. Ɔmu lɔ de nyɛ lɛ cɔ́ ɛmrɛ́n, eci-zrɔ mán ezìwú-gbà ɛnvra léyi Zhezü Krisì kɛ lɛ srɔ nɔn.

1 Piɛrɛ̀n 5:4

Kɩ ɛnvra léyi annɔn-kua-bɔ̀ fra-wrɔn lɔ kɛ lɛ srɔ nɔn, nyɛ lɛ cɔ́ eci-zrɔ krusɔ́n-ci léyi n'ɛgbrɛ́n ke sɩ̀ zrɛ́n mrìmrì nɔn.