Rɔmɛ̀n-anmàn-bɔ̀ 2:1 - Ɛmɛẅi ankà ankrànkràn 2003

¹ Vɛ́n, ɔwrɔn totɔtɔ̀n léyi dú mɛ́n, kɩ e ci ɛnyran hɔ̀n ɛmrɛ̀n nɔn, e sɩ̀ cɔ́ ɛnhyɔ̀bɔ̀-nyrì. Ɔmuhi, ɛnvra léyi e ci ɛnyran hɔ̀n ɛmrɛ̀n kɩ ɛ hán eci léyi yɔ hán nɔn, vɛ́n dùku ɛ bɔ́ v'edomɛ̀n nwù.

Rɔmɛ̀n-anmàn-bɔ̀ 2:1 Iomraidhean Croise

Lükɛ̀n 12:14

Kɩ Zhezü kɛ dɔ́ nɛ̀n le: “M'annyrán, antɔn wá mɛ̀n ny'ankà-dɔ́-wrɔn, mán ny'ɛci-dɛ́-wrɔn hán?”

Lükɛ̀n 19:22

Ɛnnɛncüì lɔ kɛ dɔ́ nɛ̀n le: ‘Eci-bɩ̀tan-wrɔn gbangbàn, me le ci mɛ̀n ɛmrɛ̀n v'ɔmùan ankà-dɔ̀ wú. È nyri ɔmu le mɛ̀n dú ɛnkru-shishi-wrɔn, me bɩ́ ɛci ɛyri léyi mɛ̀n sɩ̀ hɛ́n hán nɔn, mɛ küɛ ɛci ɛyri léyi mɛ̀n sɩ̀ tɛ̀a nɔn.

Lükɛ̀n 6:37

“Nyɛ́n bɩ́ ci nyɛ́n nyran hɔ̀n ɛmrɛ̀n, kɩ Ɔwɔ mán ke sɩ̀ ci nyɛ̀n ɛmrɛ̀n; nyɛ́n bɩ́ hán nyɛ́n nyran hɔ̀n ɛgbàn, kɩ Ɔwɔ mán ke sɩ̀ hán nyɛ̀n ɛgbàn; nyɛ́n bɩce nyɛ́n nyran hɔ̀n, kɩ Ɔwɔ mán ke le bɩce nyɛ̀n.

Rɔmɛ̀n-anmàn-bɔ̀ 14:22

Ankà ndɔ lɔ wú, vɛ́n dùku v'ɛnbɔrɛ mɛ̀n ankà-tro lɔ, è bɩ́ nɛ̀n ɛ̀ hɛ́n ke dú vɛ tɛn Ɔwɔ zìwú. Ɔwrɔn léyi ke sɩ́ dú ɔfɔ̀ndɔn mɛ̀n ɛnvra léyi nɛ mrɛ́n eci ne bɩ nɔn, ɛnbɔrɛbru dú nɛ tɛn!

Rɔmɛ̀n-anmàn-bɔ̀ 2:2

Bɔ̀ nyri ɔmu le, Ɔwɔ ke ci anwrɔn hɔ̀n léyi kɛ hán eci ndɔ hɔ̀n lɔ nɔn ɛmrɛ̀n annanwɔrɛ mɛ̀n.

Rɔmɛ̀n-anmàn-bɔ̀ 2:3

E tro le Ɔwɔ mrɛ̀ncì lɔ kɛ lɛ vɔ́n mɛ́n ɛwú, vɛ́n léyi e ci ɛnyran hɔ̀n ɛmrɛ̀n eci léyi vɛ́n mán ɛ hán nɔn hɩ wú nɛ́n?

Rɔmɛ̀n-anmàn-bɔ̀ 3:9

Tɛ́n ecitan? Bɔ́ Zhüifɛ̀n-bɔ̀ lɔ, bɔ̀ vrán bɔ́ nyran hɔ̀n hàn? Hɔ̂, kè sɩ̀ dù ɔmu lɔ! Mɛ́n gɔ̀ yé le, bɔ́ lɛ fɛn lɔ, Zhüifɛ̀n-wrɔn dú mɛ́n hô, è sɩ̀ dù Zhüifɛ̀n-wrɔn hô, bɔ̀ dú ɛgbàn kɔrɛ̀levri wú.

Rɔmɛ̀n-anmàn-bɔ̀ 9:20

Tɛ́n antɔnwrɔn dú mɛ́n, vɛ́n, ɔwrɔnẅì, ô ɛ̀ kɛ́n Ɔwɔ ezì nɛ́n? Antà-hi-sî ke le yrɛ ɔwrɔn léyi hán nɛ̀n nɔn le: “Cɛci kruhú ɛ hán mɛ̀n ɔmu lɔa?”

1 Korɛntɛ̀n anmàn-bɔ̀ 4:5

Hɩ le kruhú de ke sɩ́ ji le nyɛ́n ci ɔwrɔn zriɛmɛ́n ɛ̀mrɛ̀n, ke dú kɛ ɛnvra léyi yɛ wá nɔn kɛ vá cɔ̀. Nyɛ́n vrá Ɛẅɛnwrɔn kɛ̀ và: ne le sɩ́ ɛyri-kán mɛ̀n, eci léyi bán ɛyri-yɔwɔ mɛ̀n, kɩ ne le sɩ́ anwrɔnẅì ankà-tro ci-bán-ci hɔ̀n lɔ fɛn ɛntrɛ. Zɛtɛn ɔwrɔnwrɔn kɛ lɛ cɔ́ Ɔwɔ yri, ɛmrɛ́n léyi dú nɛ tɛn nɔn.

1 Korɛntɛ̀n anmàn-bɔ̀ 7:16

Anwɔntan ɛ lɛ hán è nyrì, vɛ́n, Krisì-sɛ̀nkɛn-hi le, e le bɩ́ ecüì è die nɛ́n? Kale, anhɔntan ɛ lɛ hán è nyrì, vɛ́n Krisì-sɛ̀nkɛn-wrɔn le, e le bɩ́ e hi è die nɛ́n?

Zhakɛ̀n 2:20

Ɔbɔrɛsà-wrɔn léyi dú mɛ́n nɔn! E ji è nyrí ɔmu le ankaẅì-bùtan léyi eci-hán bàdà ɛmɛ̀n nɔn, dú eci kora sà nɛ́n?

Zhakɛ̀n 4:11

Anwrɔn-nɛ́n-muan-ẅì hɔ̀n nyɛ́n bɩ́ dɔ́ ny'edomɛ̀n ankà gbàngbàn. Ɔwrɔn léyi kɛ dɔ́ nɛ́n muan-ẅì ankà gbàngbàn, hɩ ke ci nɛ̀n ɛmrɛ̀n nɔn, nɛ dɔ́ Ɔwɔ nyànmàn ankà-gbàn kɩ ne ci ɛnyanmàn ɛmrɛ̀n. Ke dú ɔmu lɔ hô, ɛ srɔ v'edòmɛ̀n ɛnyanmàn mrɛ̀n-ci-wrɔn, kɩ è sɩ̀ dù ɔwrɔn léyi kɛ ẅɛn ɛnyanmàn-wá nɔn.