Biblia Todo Logo
Bìoball air-loidhne

- Sanasan -




Rɔmɛ̀n-anmàn-bɔ̀ 16:4 - Ɛmɛẅi ankà ankrànkràn 2003

4 Yɔ vá y'ɛwúvà zrɛ́n yri, ô yɔ bɩ́ m'ɛwúvà lɔ yɔ die. Kè sɩ̀ dù mɛ́n zri kɩ mɛ̀n ẅɛ̀n y'ɔkùɛn tán, Ɔwɔ fɛcüè hɔ̀n lɔ fɛn dú ɛnhibù wú, hɩ kè sɩ̀ dù Zhüifɛ̀n-bɔ̀ mán nɔn, yɔ mán yɔ dú ɛmɛ̀n.

Faic an caibideil Dèan lethbhreac




Rɔmɛ̀n-anmàn-bɔ̀ 16:4
17 Iomraidhean Croise  

Ɛcüɛ̀n vri léyi ɔwrɔn ke le yé nɔn, dú hɩ le ne le wú nɛ́n nyran hɔ̀n kruhú.


léyi vá y'ɛwúvà zrɛ́n yri, bɔ́ Ɛẅɛnwrɔn Zhezü-krisì kɔhɔ̀n hán lɔ mɛ̀n nɔn.


Yɔ ci Siri mán Silisi hi-nan wú kɩ yɔ wá Ɔwɔ-fɛcüè-bɔ̀ ecüì edù, ô ankaẅì-bùtan kɛ̀ ẅɛn yɔ ecüì.


Ɔwɔ-fɛcüè-bɔ̀ ankaẅì-bùtan kɛ sán ẅɛn ecüì kɩ yɔ sán cüɛ́n ɛnbì lɔ fɛn.


Zɛtɛn Ɔwɔ fɛcüè dú anwɔwɔmɛ̀n, Zhüde, Galile mán Samari kpɔsɔ wú; fɛcüè ndɔ lɔ kɛ ẅɛn ecüì kɩ dú edomɛ̀n ɛnhi-sɩemɛ̀n Ɛẅɛmwrɔn zìwú, nɛ sán sevri Ɛnhɛ́n Prɔnprɔn cüiemɛ̀n.


Nyɛ́n tán Prisilɛ̀n mán Akilasɛ̀n m'ebinyan, yɔ léyi yɔ dú m'annyran anvrɛn hɔ̀n Zhezü Krisì ci-bɩtan-kɔ̀hɔ̀n lɔ mɛ̀n nɔn.


M'ebinyan kè dú Ɔwɔ fɛcüè léyi kɛ borɛ y'edomɛ̀n ɛkru y'anmàn nɔn tɛn. M'ebinyan kè dú annyran anvrɛn Epahinɛtɛ̀n tɛn, nɛ́n léyi nɛ̀n dú ɛnvrakpà-wrɔn, nɛ̀n srɔ ankaẅì-bùtan-ẅɛn-wrɔn Krisì bɩmɛ̀n, Azi kpɔsɔ wú nɔn.


Sɔ́ tán ɔwrɔn léyi dú ɛnyrɔnnan mɛ̀n nɔn, ye wú n'ɛkruhú. Ɔwrɔn tɔ̀n kɛ lɛ ẅɛn edùyì tɛ̀ kè wú anvrɛn-hán-wrɔn tɔ̀n kruhú.


Eci-fɔ̀n léyi ye bɩ́ wá ankaẅì-bùtan-ẅɛn-bɔ̀ léyi dú Zherüzalɛmɛ̀n anmàn ɛkɔrɛ̀ nɔn, nyàn n'ankà-dɔ̀: Nyɛ́n hán eci kè ci ankà hɔ̀n léyi mɛ̀n dɔ́ Ɔwɔ-fɛcüè hɔ̀n léyi dú Galasi anmàn nɔn hɩ wú.


Ankà ndɔ lɔ dú ɔhɔnan, kɩ ke ji le ɔwrɔnwrɔn kè dú ɛwúvà léyi Ɛẅɛnwrɔn tán nɛ̀n ecüì nɛ̀n dú ɛmɛ̀n nɔn, ô nɛ̀n dù kɛ̀ hán ɔmu le nɛ̀n dú ɛnvra léyi Ɔwɔ bi nɛ̀n nɔn. Ndɔ lɔ de dú ɛnyànmàn léyi mɛ wá tán Ɔwɔ-fɛcüè-bɔ̀ lɔ fɛn nɔn.


ɔmuhi nɛ̀n bá owú tɛ̀sɛ̀n Krisì kɔhɔ̀n lɔ kruhú nɔn: nɛ̀n vá owú yri ɛnvra léyi nɛ̀n bɩ́ ny'ɛkɔrɛ̀-wá-ci léyi nyɛ́n dùku nyɛ́n sɩ̀ sɩ̀ɛ, hɩ nɛ́n bɩ̀ nɛ́n và sɩ́ mɛ̀n nɔn.


Anwrɔn-nɛ́n-muan-ẅì hɔ̀n, nyɛ́n ci eci-hán zri lɔ wú hán Zhüde kpɔsɔ wú Ɔwɔ-fɛcüè-bɔ̀ léyi dú Ɔwɔ tɛ́n, kɩ bú Zhezü Krisì ankà tán ankaẅì nɔn. Nyɛ́n kán ɛgbàn nyɛ́n muan-ẅì hɔ̀n anmàn-zri-bɔ̀ tamɛ̀n, hán ɔmu le yɔ mán yɔ kán ɛgbàn Zhüifɛ̀n-bɔ̀ tamɛ̀n nɔn hɔ́.


Nyàn ɔmu le bo nyri eci léyi dú ɛcüɛ̀n nɔn: Zhezü Krisì tán n'ɛwuvà bɔ́ kruhú. Zɛtɛn, bɔ́ mán ke ji le bɔ̀ tán bɔ́ ɛwuvà, bɔ́ muan-ẅì hɔ̀n kruhú.


Ebinyan ndɔ lɔ dú Zhan yri kɛ và, kè dú Ɔwɔ-fɛcüè ɔbɔ̀ɛn hɔ̀n léyi dú Azi kpɔsɔ wú nɔn tɛn: Nboafɔ̀n mán anwɔwɔ kè dú Ɔwɔ léyi ndù, ngo dù kɩ kɛ và nɔn, ne yri kɛ̀ và cɔ́ nyɛ̀n, kè dú anhɛ́n hɔ̀n ɔbɔ̀ɛn léyi nyɔn n'ɛgbú-tòbù zìwú, y'eyri kɛ̀ và cɔ́ nyɛ̀n,


Lean sinn:

Sanasan


Sanasan