Rɔmɛ̀n-anmàn-bɔ̀ 16:3 - Ɛmɛẅi ankà ankrànkràn 2003

³ Nyɛ́n tán Prisilɛ̀n mán Akilasɛ̀n m'ebinyan, yɔ léyi yɔ dú m'annyran anvrɛn hɔ̀n Zhezü Krisì ci-bɩtan-kɔ̀hɔ̀n lɔ mɛ̀n nɔn.

Rɔmɛ̀n-anmàn-bɔ̀ 16:3 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 18:26

Nɛ̀n bukru nɛ dɔ́ ankà ankaẅì-bùtan mɛ̀n Ɔwɔ-sɛ́n-wɔn lɔ mɛ̀n. Ɛnvra léyi Prisilɛ̀n mán Akilasɛ̀n yá n'ankà-dɔ̀ lɔ nɔn, yɔ bɩ́ nɛ̀n, ô yɔ yé nɛ̀n Ɔwɔ levri sùnàn anvrɛnvrɛn.

Rɔmɛ̀n-anmàn-bɔ̀ 16:10

M'ebinyan kè dú Apelɛsɛ̀n tɛn, nɛ́n léyi nɛ̀n yé n'ankaẅì-bùtan lɔ Krisì mɛ̀n nɔn. M'ebinyan kè dú anwrɔn hɔ̀n léyi dú Aristobülɛ̀n bɩ́ lɔ mɛ̀n nɔn tɛ́n.

Rɔmɛ̀n-anmàn-bɔ̀ 16:4

Yɔ vá y'ɛwúvà zrɛ́n yri, ô yɔ bɩ́ m'ɛwúvà lɔ yɔ die. Kè sɩ̀ dù mɛ́n zri kɩ mɛ̀n ẅɛ̀n y'ɔkùɛn tán, Ɔwɔ fɛcüè hɔ̀n lɔ fɛn dú ɛnhibù wú, hɩ kè sɩ̀ dù Zhüifɛ̀n-bɔ̀ mán nɔn, yɔ mán yɔ dú ɛmɛ̀n.

Rɔmɛ̀n-anmàn-bɔ̀ 16:7

M'ebinyan kè dú Androniküsɛ̀n mán Zhüniasɛ̀n tɛn, yɔ léyi yɔ dú m'ɛmɛ̀n-bɔ̀, hɩ yɔ mɛhi yɛ wá bɔ̀ anwɔn-mɛ̀n-wá-wɔn mɛ̀n nɔn. Yɔ ẅɛn ɛcüɛ̀n bobrebe ɔkɔ̀hɔ̀n-wá-bɔ̀ wanzi kɩ yɔ vru yɔ dú krisì-sɛ̀nkɛn-bɔ̀ yakɛ mɛ̀n trɔ ɛmɛẅi.

Rɔmɛ̀n-anmàn-bɔ̀ 16:9

Nyɛ́n bi Urbɛ́n nyɛ́n nyan, nɛ́n léyi nɛ̀n dú bɔ́ nyran anvrɛn Krisì ci-bɩ̀tan-kɔ̀hɔ́n mɛ̀n, kɩ ebinyan zri lɔ kè dú m'annyran anvrɛn Stashisɛ̀n tɛn.

Rɔmɛ̀n-anmàn-bɔ̀ 8:1

Zɛtɛn zɛtɛ̀ lɔ, nwùbɔ̀ ke sɩ̀ vru dù kɛ̀ tán anwrɔn hɔ̀n léyi dú Zhezü Krisì bɔ̀sɔ̀ lɔ mɛ̀n nɔn.

Rɔmɛ̀n-anmàn-bɔ̀ 8:11

Ke dú kɛ Ɔwrɔn léyi bɩ́ Zhezü owú-bɔ̀ mɛ̀n sɩ́ ɔkɔrɛ-bɔ̀ mɛ̀n nɔn, n'Ɛnhɛ́n lɔ dú nyɛ̀n ɛmɛ̀n hô, zɛtɛn Ɔwɔ léyi bɩ́ Krisì owú-bɔ̀ mɛ̀n sɩ́ ɔkɔrɛ-bɔ̀ mɛ̀n nɔn, kɛ lɛ tán ny'owú-dùwrú hɔ̀n lɔ ɛwúvà-kɔrɛ̀ n'Ɛnhɛ́n léyi dú nyɛ̀n ɛmɛ̀n nɔn n'ebɩmɛ̀n.

Rɔmɛ̀n-anmàn-bɔ̀ 8:2

Ɔmuhi Ɛnhɛ́n Prɔnprɔn nyànmàn léyi kɛ tán ɛwúvà-kɔrɛ̀ Zhezü Krisì bɩmɛ̀n nɔn, bɩ́ mɛ́n sɔhɔ́ ɛgbàn nyànmàn mán owù tamɛ̀n.

1 Korɛntɛ̀n anmàn-bɔ̀ 16:16

nyɛ́n teze ny'edomɛ̀n nyɛ́n tán anwrɔn ɔmu hɔ̀n lɔ mán yɔ hɔ̀n léyi yɔ mɛhi yɔ hán ɔkɔ̀hɔ̀n edùyiemɛ̀n nɔn, kɛ̀ nyrɔn nyɛ̀n.

1 Korɛntɛ̀n anmàn-bɔ̀ 16:19

Ɔwɔ-fɛcüè-bɔ̀ léyi dú Azi kpɔsɔ wú nɔn ke bi nyɛ̀n nyan. Akilasɛ̀n, Prisilɛ̀n mán Ɔwɔ-fɛcüè léyi yɔ mɛhi yɔ bɔrɛkru y'edúyri nɔn, ke yüre nyɛ̀n y'ɛnbɔrɛ ankrankran binyan Ɛẅɛnwrɔn mɛhi y'ɔbɔ̀sɔ̀ lɔ mɛ̀n.

2 Korɛntɛ̀n anmàn-bɔ̀ 12:2

Mɛ̀n nyri Krisì-sɛ̀nkɛn-wrɔn tɔ̀n léyi ɛnnànwàn kru ɛvà-anzɔ̀, de ye sɩ́ nɛ̀n ɛwú hàn kɩ cɔ́ anhobɩ́. (Mɛ̀n sɩ̀ nyrìɛn ke dú kɛ annanwɔrɛ mɛ̀n lɔ, ye sɩ́ nɛ̀n ɛwú kale nɛ̀n cɔ́ Ɔwɔ-mɛ̀n-yri-kàn tɔ̀n, Ɔwɔ zri kɩ nyrì.)

2 Korɛntɛ̀n anmàn-bɔ̀ 5:17

Ɛnvra léyi ɔwrɔn tɔ̀n ke dú Krisì bɔ̀sɔ̀ lɔ mɛ̀n, ne dú ɔwrɔn wrù: eci gbànvri lɔ kɛ zrɛ́n, eci wrù lɔ ke dù.

Galasi anmàn-bɔ̀ 1:22

Zhüde kpɔsɔ wú Wɔ-fɛcüè-bɔ̀ lɔ kè sɩ̀ nyri mɛ̀n antà-dùwrúemɛ̀n.

Filipɛ̀n anmàn-bɔ̀ 2:25

Mɛ̀n tro le dú eci anvrɛnvrɛn ke dú kɛ me yüre nyɛ̀n bɔ́ muan-ẅì Epafroditɛ̀n m'ɔkɔhɔ̀n mán m'ɛgbànkàn kɔrɛ̀-wá-wrɔn, nɛ́n léyi nyɛ́n wá nɛ̀n ɔkɔ̀hɔ̀n nɛ̀n bɩ́ ny'ɛkɔrɛ̀-wá-ci lɔ nɛ̀n và sɩ́ mɛ̀n nɔn.

Kɔlɔsèn anmàn-bɔ̀ 4:11

Zhezü léyi ye bi Zhüstüsɛ̀n nɔn, mán ke bi nyɛ̀n nyán. Anwrɔn anhɔ̀n ndɔ hɔ̀n lɔ, yɔ kɩ yɔ dú Zhüifɛn-bɔ̀ léyi yɔ mɛhi bɔ́ hán Anhobɩ́ Nɛ̀ncüì-dúyri kɔ̀hɔ̀n; yɔ dú m'ɛnbɔrɛ-bi-wá-bɔ̀ vri.

Anhyrɛmɛ̀n timote 4:19

Ebinyan dú Prisilɛ̀n mán Akilasɛ̀n tɛn, ɔmu zri lɔ de dú Onesifɔrɛ̀n mɛ̀n mɛ̀n bɔ̀ tɛn nɔn.