Rɔmɛ̀n-anmàn-bɔ̀ 16:2 - Ɛmɛẅi ankà ankrànkràn 2003

² Nyɛ́n ẅɛn nɛ̀n anvrɛnvrɛn Ɛẅɛnwrɔn bɩmɛ̀n, kɛ hán ɔmu le ke ji le yɛ hán ankaẅì-bùtan-ẅɛn-bɔ̀ granmɛ̀n, ô nyɛ́n wá nɛ̀n ɛkɔrɛ̀ eci lɔ fɛn mɛ̀n léyi ne ji ny'ɛkɔrɛ̀-wá nɔn. Ɔmuhi nɛ́n mumù mán, nɛ̀n wá anwrɔn bobrebe ɛkɔrɛ̀, annannan le mɛ̀n mán.

Rɔmɛ̀n-anmàn-bɔ̀ 16:2 Iomraidhean Croise

Matie 25:40

Ɛnnɛ̀ncüì lɔ kɛ lɛ mrɛ́n yɔ ɔmùan le: ‘Mɛ dɔ́ nyɛ̀n annànwɔrɛ mɛ̀n le: ɛnvra totɔtɔ̀n léyi nyɛ́n hán eci ndɔ lɔ nyɛ́n tán ɛẅì hɔ̀n léyi dú nmàn ẅì hɔ̀n, ke dú ɛnzri mán, mɛ̀n de nyɛ́n hán nyɛ́n tán mɛ̀n nɔn.’

Ɔkɔ̀hɔ̀n-wá-bɔ̀ kɔ̀hɔ̀n hán 9:13

Ananiasɛ̀n mrɛ́n ɔmùan le: “Ɛẅɛnwrɔn, anwrɔn bobrebe dɔ́ mɛ̀n ɔwrɔn ndɔ lɔ ankà kɩ dɔ́ mɛ̀n ɛgbàn lɔ fɛn léyi nɛ̀n hán v'ɛsɛ̀nkɛn-bɔ̀ Zherüzalɛmɛ̀n anmàn nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 9:15

Tɛ́n Ɛẅɛnwrɔn kɛ dɔ́ nɛ̀n le: “Ɛ̀ hɔ̀n, ɔmuhi mɛ̀n mrɛ́n ɔwrɔn ndɔ lɔ mɛ́n bɩ, kɩ nɛ lɛ hán ɛnhi wú anmàn ndɔ hɔ̀n mán y'ɛnnɛ̀ncüì hɔ̀n kè nyri m'ebɩ́, kɩ ɔmu zri lɔ de ke le dù tán Izraɛlɛ̀n fɛcüè nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 9:36

Zhafa anmàn lɔ, ankaẅì-bùtan nyɔnwrɔn tɔ̀n ndù ye bi Tabita. Ebi ndɔ lɔ grɛkɛ̀n brɛ̀ mɛ̀n lɔ, ye bi “Dorkasɛ̀n”, hɩ mɛ̀n kɛ dɔ̀ le ovú nɔ̀n léyi ye bi “esè” nɔn. Nɛ̀n dú ɛnvra lɔ fɛn anvrɛn hán mɛ̀n kɩ nɛ wá ɛmian-bɔ̀ ɛkɔrɛ̀.

Ɔkɔ̀hɔ̀n-wá-bɔ̀ kɔ̀hɔ̀n hán 9:39

Piɛrɛ̀n cɔ́ yɔ, yɔ hɔ́n ɛnvra zri lɔ mɛ̀n. Ɛnvra léyi nɛ̀n bru nɔn, ye sɩ́ nɛ̀n ɔwɔndà léyi dú anhyrɛmɛ̀n wɔn wú nɔn mɛ̀n. Ngrɔn-wúyɔ̀ lɔ fɛn sɔnba nɛ̀n ɛtɛ̀sɛ̀n eyú wúemɛ̀n; yɔ yé nɛ̀n ɛwú ceci mán kotù hɔ̀n léyi Tabita hán ɛnvra léyi nɛ̀n dú ɔkɔrɛ-bɔ̀ mɛ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 9:41

Piɛrɛ̀n ẅɛn nɛ̀n ɛkɔrɛ̀ kɩ wá nɛ̀n ɛkɔrɛ̀ nɛ̀n tɔhú. Zɛtɛn Piɛrɛ̀n bi ankaẅì-bùtan-ẅɛn-bɔ̀ mán ngrɔn-wúyɔ̀, kɩ bɩ́ Tabita yé yɔ ankɔrɛkɔrɛ mɛ̀n.

Rɔmɛ̀n-anmàn-bɔ̀ 15:7

Ɔmu lɔ, nyɛ́n bɩ́ ny'edomɛ̀n, hán ɔmu le Krisì mán bɩ́ nyɛ̀n Ɔwɔ ci-zrɔ mɛ̀n nɔn.

Rɔmɛ̀n-anmàn-bɔ̀ 16:15

M'ebinyan ke dú Filologɛ̀n mán Zhüli, Nere mán nɛ́n muan-ẅì ɛnnyɔnwrɔn, Olɛnpasɛ̀n, mán ankaẅì-bùtan-ẅɛn-bɔ̀ lɔ fɛn léyi yɔ mɛhi yɔ dù nɔn tɛn.

Rɔmɛ̀n-anmàn-bɔ̀ 16:23

Gahiüsɛ̀n, m'ebɩ-nɛ́n-zi, ke bi nyɛ̀n nyan. N'ebɩ́ lɔ mɛ̀n de Ɔwɔ fɛcüè lɔ fɛn kɛ borɛ ɛkru nɔn. Erastɛ̀n, anmàn-kùa-hɛ́n-wrɔn ke bi nyɛ̀n nyan, ɔmu zri lɔ de Kartüsɛ̀n mán ke bi nyɛ̀n nyan nɔn. [

Rɔmɛ̀n-anmàn-bɔ̀ 16:6

M'ebinyan kè dú Mari tɛn, nɛ́n léyi nɛ̀n hán ɔkɔ̀hɔ̀n bobrebe nɛ̀n tán nyɛ̀n nɔn.

Rɔmɛ̀n-anmàn-bɔ̀ 16:9

Nyɛ́n bi Urbɛ́n nyɛ́n nyan, nɛ́n léyi nɛ̀n dú bɔ́ nyran anvrɛn Krisì ci-bɩ̀tan-kɔ̀hɔ́n mɛ̀n, kɩ ebinyan zri lɔ kè dú m'annyran anvrɛn Stashisɛ̀n tɛn.

Efɛzɛ̀n anmàn-bɔ̀ 5:3

Nyɛ́n dú Ɔwɔ-fɛcüè tɛn, hɩ le Kruhú de kè sɩ̀ zrɔ̀ tàn le, eci-gbangbàn-hán mɛ̀ntɛ mɛ̀ntɛ zriɛmɛ́n, ɛnbrámɛ̀n-ci mán ɔwrɔn-ci-vɛ̀-cüɛ̀n ci-hán kè dú nyɛ̀n ɛmɛ̀n nɔn.

Filipɛ̀n anmàn-bɔ̀ 1:27

Tɛ́n, ny'esùnàn kè ci Krisì Mɛẅi ankà Ankrankran ci-hán lɔ wú. Ɔmu lɔ de, ke dú kɛ mɛ hɔ́n nyan nyɛ̀n, kɩ mɛ́n sɩ́ dú nyɛ̀n ɛmɛ̀n mán, mɛ lɛ yá le nyɛ́n dú ɔbɔ̀sɔ mɛ̀n ɛshishiemɛ̀n mán ɛnhɛ́n zriemɛ̀n, kɩ nyɛ kɔ́n anhà ɛnbɔrɛ zriemɛ̀n, ankaẅì-bùtan léyi nyɛ cɔ́ Ɛmɛẅi ankà Ankrankran lɔ wú nɔn hɩ kruhú.

Filipɛ̀n anmàn-bɔ̀ 2:29

Ɔmu lɔ, nyɛ́n ẅɛn nɛ̀n pɔpüɛ̀ vri mɛ̀n, kè dù kɛ̀ hán ɔwrɔn-nɛ́n-muan-ẅì tɔ̀n Ɛẅɛnwrɔn bɩ́mɛ̀n. Ke ji le nyɛ́n ẅɛn ɛcüɛ̀n nyɛ́n tán anwrɔn hɔ̀n léyi ndù hán nɛ́n hɔ́ nɔn,

Kɔlɔsèn anmàn-bɔ̀ 4:10

Aristarkɛ̀n léyi nɛ́n mɛhi bɔ́ dú anwɔn-mɛ̀n-wá-wɔn mɛ̀n nɔn, ke bi nyɛ̀n nyan, kɩ Markɛ̀n léyi dú Barnabasɛ̀n nɛ́n muan-ẅì nɔn mán ke bi nyɛ̀n nyan. Nyɛ́n gɔ̀ cɔ́ Markɛ̀n ankà nyɛ́n yá: ke dú kɛ nɛ vá ny'eyri hô, nyɛ́n ẅɛn nɛ̀n anvrɛnvrɛn.

Kpàkpà timote 2:10

tɛ́n y'eci-hán kè dú anvrɛnvrɛn, kɛ̀ cá wúyɔ̀ hɔ̀n léyi ẅɛn Ɔwɔ wá nɔn.

Anhyrɛmɛ̀n timote 1:18

Ɛẅɛnwrɔn kɛ̀ hán tán nɛ̀n cɔ́ Ɔwɔ yɔ̀bɔ̀-nyrì lɔ ɛmrɛ̀nci bì lɔ. È nyri anwrɛnvrɛn mɛ̀n anvrɛn hɔ̀n lɔ fɛn léyi nɛ̀n hán mɛ̀n Efɛzɛ̀n anmàn nɔn.

Titɛ̀n 2:3

Ɔmu zri lɔ, ɛ̀ dɔ́ nɛ̀ngbànvri-wúyɔ̀ hɔ̀n le, y'esùnansù kè dú prɔnprɔn mɛ̀n. Ke sɩ́ ji le ye dú ɛdrɛ̀-hán-wúyɔ̀ mán ɛntàn wɔ̀n-hi hɔ̀n. Ke ji le yɔ woro ankà ankrankran yɔ yé anwrɔn,

Filemɔn 1:12

Me bɩ́ nɛ̀n me yüre mɛ́n, zɛtɛ̀ lɔ, nɛ́n léyi nɛ́n dù nɛ̀n hán m'ɛcá hɔ́ nɔn.

Filemɔn 1:17

Ke dú kɛ e bɩ́ mɛ̀n ɛ hán ɛnyran hɔ́, è bɩ́ nɛ̀n kɛ̀ hán mɛ́n mumù hɔ́.

2 Zhan 1:10

Ke dú kɛ ɔwrɔn tɔ̀n ke ji nyɛ̀n kɛ và kɩ kɛ vá sɩ́ nyɛ̀n ankà-yé nyantɛn tɔ̀n, nyɛ́n bɩ́ sɩ́ nɛ̀n ɛbemɛ̀n, kɩ nyɛ́n bɩ́ bi nɛ̀n nyɛ́n nyan mán;