Rɔmɛ̀n-anmàn-bɔ̀ 15:3 - Ɛmɛẅi ankà ankrànkràn 2003

³ Annanwɔrɛ mɛ̀n lɔ, Krisì kè sɩ̀ jì eci léyi dú n'ɛcüɛn-ci nɔn. Tɛ́n hán ɔmu le Owrú kɛ dɔ̀ nɔn: “Ɔwrá ankà hɔ̀n lɔ fɛn léyi yɛ dɔ́ ku mɛ́n ɛwú nɔn, vá ku mɛ̀n ɛwú.”

Rɔmɛ̀n-anmàn-bɔ̀ 15:3 Iomraidhean Croise

Matie 10:25

Zrɔ tán le owrú-wɔn-mɛ̀n-ẅì kè dù kɛ̀ hán n'ankà-yé-wrɔn hɔ́, ô ɛci-bɩtan-wrɔn kè dù kɛ̀ hán n'ɛẅɛnwrɔn hɔ́. Ke dú kɛ ye bi ebɩ́-nɛ́n-zi Bɛlzebülɛ̀n (anhɛ́n gbàngbàn-bɔ̀ wrɔn cüìcüì) hô, yɛ lɛ tán n'ɛmɛ̀n-bɔ̀ ebi kɛ lɛ sàn krɛ́ ɛfɔ́n!”

Matie 26:39

Zhezü sɔnba ɔhɔnán jan kɩ bore, kɛ́n ezì ɛnhi kɛ sɛ́n Ɔwɔ kɛ dɔ̀ le: “Dade, ke dú kɛ kɛ lɛ krɔn tɛ̀ hô, è sɩ́ ɛgbànkàn grashɛ̀n ndɔ lɔ ɔhɔnán. Ɛnvra lɔ fɛn kè sɩ̀ dù hɩ le me ji nɔn, tɛ́n hɩ le ɛ cüɛ̀n nɔn de kɛ̀ hán nɔn.”

Matie 26:42

Zhezü vru sɔnba ɔhɔnán anhyrɛmɛ̀n kɩ kɛ sɛ́n Ɔwɔ kɛ dɔ̀ le: “Dade, ke dú kɛ grashɛ̀n ndɔ lɔ ke sɩ̀ cɔhɔ́ mɛ̀n ezìwú, kɩ ke ji le mɛ̀n mi nɛ̀n tɛ̀ hô, ke ji le eci léyi ɛ cüɛ̀n nɔn kɛ̀ hán!”

Matie 27:44

Kɩ eci gbàngbàn-hán-bɔ̀ léyi yɛ gɔ́n brɛ́ ɛgbàn-hán-tɛ̀ domɛ̀n n'ɛtɛ̀sɛ̀n nɔn, kɛ hán nɛ̀n ɛnhyürɛ̀ ɔmu zri lɔ.

Zhan 15:10

Ke dú kɛ nyɛ ẅɛn m'ɛnyànmàn hɔ̀n lɔ nyɛ hɛ́n hô, nyɛ lɛ yɛ́ m'ɛcüɛ̀n lɔ mɛ̀n, ke le dù kɛ lɛ hán mɛ̀n léyi mɛ̀n ẅɛn Dade nyànmàn hɔ̀n lɔ mɛ̀n hɛ́n kɩ mɛ̀n yɛ́ n'ɛcƐɛ̀n lɔ mɛ̀n nɔn.”

Zhan 15:24

Yɔ sɩ̀ cɔ́ ɛgbàn ke dú kɛ mɛ̀n sɩ̀ hán y'anwanzi lɔ ɛci hɔ̀n léyi ɔwrɔn zriɛmɛ́n kɛ vá hán nɔn. Tɛ́n zɛtɛ̀ lɔ, yɔ kán m'ɔkɔ̀hɔ̀n-hán-kɔ̀hɔ̀n, kɩ yɔ gbri mɛ̀n, mɛ̀n mán Dade mɛhi.

Zhan 4:34

Zhezü kɛ dɔ́ yɔ le: “M'ɛci-zî dú hɩ le mɛ lɛ hán ɔwrɔn léyi wá mɛ̀n ɔkɔhɔ̀n nɔn n'ɛkɔrɛzì-ci, ô ɔkɔhɔ̀n léyi nɛ̀n tán mɛ̀n nɔn, mɛ̀n trɔ n'ɛhán.

Zhan 5:30

“Mɛ́n sɩ̀ hán eci zriɛmɛ́n rɔ́ m'ɛkɔrɛ̀levriemɛ̀n. Me ci ɛmrɛ̀n ankà léyi Ɔwɔ kɛ dɔ́ mɛ̀n nɔn yi wú kɩ m'ɛmrɛ̀ncì lɔ nyrɔn, ɔmuhi mɛ́n sɩ́ hán eci léyi me ji nɔn, tɛ́n, mɛ hán eci léyi ɔwrɔn léyi wá mɛ̀n ɔkɔ̀hɔ̀n, ke ji nɔn.

Zhan 6:38

ɔmuhi mɛ̀n dú anhobɩ́ mɛ́n kàkɛ, ô mɛ̀n hán ɔwrɔn léyi wá mɛ̀n ɔkɔhɔ̀n mɛ́n và nɔn, n'ɛkɔrɛzì-ci, tɛ́n kè sɩ̀ dù mɛ tɛn léyi me ji nɔn.

Zhan 8:29

Ɔwrɔn léyi wá mɛ̀n ɔkɔhɔ̀n nɔn mɛhi bɔ́ dù; nɛ̀n sɩ̀ teze mɛ́n zriɛ, ɔmuhi mɛ hán ɛnvra lɔ fɛn eci léyi nɛ cüɛ̀n nɔn.”

2 Korɛntɛ̀n anmàn-bɔ̀ 8:9

Ɔmuhi nyɛ́n nyri bɔ́ Ɛẅɛnwrɔn Zhezü Krisì boafɔ̀n lɔ nɔn: nɛ́n léyi nɛ̀n di ɛnnɛ̀ncüì, nɛ̀n srɔ n'edomɛ̀n ɛmian-wrɔn ny'edùzhrɛ kruhú, ô nɛ̀n wá nyɛ̀n ɛnnɛ̀ncüì n'ɛmìan lɔ mɛ̀n nɔn.

Filipɛ̀n anmàn-bɔ̀ 2:5

Nyɛ́n ẅɛn ny'edomɛ̀n kɛ̀ hán ɔmu le yɛ hán ɛnvra léyi ye nyri Zhezü Krisì nɔn hɔ́:

Filipɛ̀n anmàn-bɔ̀ 2:8

nɛ̀n shri edomɛ̀n ɛnhi-sɩ́ wúvà nɛ̀n bɩ̀, kɩ nɛ̀n vru nɛ̀n shri owù ɛgbàn-hán-tɛ̀ wú.