Rɔmɛ̀n-anmàn-bɔ̀ 15:2 - Ɛmɛẅi ankà ankrànkràn 2003

² Ke ji le ɔwrɔnwrɔn ke ji ɛyri, ô kɛ̀ cɔ́ nɛ́n nyran cüɛ̀n, kè dú n'anvrɛn, ô kɛ̀ hán nɛ̀n, nɛ̀n hɔ́n ezì ankaẅì-bùtan mɛ̀n.

Rɔmɛ̀n-anmàn-bɔ̀ 15:2 Iomraidhean Croise

Rɔmɛ̀n-anmàn-bɔ̀ 14:19

Bɔ̀ ji eci léyi kɛ tán anwɔwɔ, hɩ kɛ tán bɔ̀ ɛkɔrɛ̀-levri bɔ̀ sɔ̀nba ankaẅì-bùtan tɛ̀sɛ̀n nɔn.

1 Korɛntɛ̀n anmàn-bɔ̀ 10:23

Nyɛ dɔ̀ le, “Ɛkɔrɛ̀-levri dú eci lɔ fɛn hán mɛ̀n.” Hɛ̀ɛ̀, tɛ́n eci lɔ fɛn kè sɩ̀ zrɔ̀a. “Ɛkɔrɛ̀-levri dú eci lɔ fɛn hán mɛ̀n”, tɛ́n eci lɔ fɛn ke sɩ̀ zrɔ̀ tàn fɛcüè.

1 Korɛntɛ̀n anmàn-bɔ̀ 10:24

Ɔwrɔn zriɛmɛ́n ke bɩ́ ji nɛ́n dùku nɛ́n vɔ̀nshɛ́, tɛ́n nɛ̀n ji anwrɔn nyàntɛn hɔ̀n tɛn.

1 Korɛntɛ̀n anmàn-bɔ̀ 10:33

Nyɛ́n hán eci kɛ̀ hán mɛ̀n hɔ́: mɛ hán kèkrèmɛ̀n mɛ̀n cüɛn anwrɔn lɔ fɛn ɛvɛ̀ eci lɔ fɛn hán mɛ̀n; mɛ́n sɩ́ ji mɛ́n dùku m'anvrɛn, tɛ́n anwrɔn bobrebe hɔ̀n tɛn, ô yɔ cɔ́ ebɩdie.

1 Korɛntɛ̀n anmàn-bɔ̀ 13:5

Ɔwrɔn léyi ẅɛn ɛcüɛ̀n nɔn, nɛ́n sɩ́ hán anvɛvrà-ci, nɛ̀n sɩ̀ ẅɛ̀n kɔtɛ̀, nɛ́n sɩ́ bɩ́ ɛmɛ̀nhyì kɩ nɛ́n sɩ́ wá ankà ɛmɛ̀ntɛ̀ mɛ̀n;

1 Korɛntɛ̀n anmàn-bɔ̀ 14:26

Onwrɔn-nɛ́n-muan-ẅì hɔ̀n, ankà tán de yɛ lɛ dɔ̀ nɛ́n? Ɛnvra léyi nyɛ sá ny'edomɛ̀n ɛkru, ô nyɛ́n dú Ɔwɔ-sɛ̀n-ci-hán mɛ̀n nɔn, ny'ɛmɛ̀n lɔ ɔtɔ̀n kɛ lɛ krɛ́ ɔcɔ̀ tɔ̀n, ɔwrɔn tɔ̀n ke le sɩ́ ankà-yé tɔ̀n, ɔwrɔn nyàntɛn tɔ̀n ankà-bán-ankà tɔ̀n, ɔwrɔn nyàntɛn tɔ̀n ɛmɛẅi ankà-dɔ̀ ɛnbrɛ̀ nyàntɛn hɔ̀n mɛ̀n kɩ ɔwrɔn nyàntɛn tɔ̀n, kɛ lɛ dɔ́ ɛmɛẅi ankà léyi yɛ dɔ́ ɛnbrɛ̀ nyàntɛn hɔ̀n mɛ̀n nɔn y'ɛwú ankà: ndɔ lɔ fɛn de ke ji le kɛ wá Ɔwɔ-fɛcüè ɛkɔrɛ̀ kɛ̀ nán esù kɛ̀ hɔ́n ezì nɔn.

1 Korɛntɛ̀n anmàn-bɔ̀ 14:3

Tɛ́n ɔwrɔn léyi kɛ dɔ́ Ɔwɔ mɛẅi ankà nɔn, nɛ dɔ́ nɛ́n nyran hɔ̀n ankà, ô y'ankaẅì-bùtan kè nán esù kɛ̀ hɔ́n ezì, ô nɛ̀n yɩ́ yɔ edù, nɛ̀n bi ɛnbɔrɛ nɛ̀n wá yɔ.

2 Korɛntɛ̀n anmàn-bɔ̀ 12:19

Kale nyɛ́n tro ɛnvra sheshemɛ̀n le, bɔ́ ji ɛyri bɔ̀ cɔ́ ankà-zrɔ ny'ezìwuɛ? Hɔ̂! Bɔ́ mán Krisì mɛhi bɔ́ dɔ́ ankà, ɔbɔ̀sɔ mɛ̀n Ɔwɔ zìwú, kɩ bɔ̀ dɔ́ nyɛ̀n ankà ndɔ lɔ fɛn, anwrɔn-nɛ́n-muan-ẅì hɔ̀n, ô nyɛ́n nán esù nyɛ́n hɔ́n ezì ankaẅì-bùtan-ẅɛn mɛ̀n.

2 Korɛntɛ̀n anmàn-bɔ̀ 13:9

Bɔ́ brá pɔpüɛ̀ ɛnvra léyi bɔ́ dú ɛjɛ mɛ̀n nɔn, tɛ́n nyɛ́n dú ecüì-ẅɛn mɛ̀n. Hɩ le kruhú de bɔ́ sán b'Ɔwɔ-sɛ̀n lɔ mɛ̀n, ô nyɛ́n krɔn kpehɛ́n.

Efɛzɛ̀n anmàn-bɔ̀ 4:12

Ɔmu lɔ de nɛ̀n hán Ɔwɔ-fɛcüè lɔ krɔn kpehɛ́n kè dú n'eci-bɩ̀tan-kɔ̀hɔ́n mɛ̀n, ô kɛ̀ hán Krisì dùwrú-ẅia lɔ kè dú evrisɩemɛ̀n nɔn.

Efɛzɛ̀n anmàn-bɔ̀ 4:29

Ankà-dɔ̀ gbàngbàn zriɛmɛ́n ke bɩ́ dú ny'ɔmùan lɔ mɛ̀n kɛ srɔa; nyɛ́n dɔ́ ankà ankrànkràn léyi kɛ wá ɛkɔrɛ̀ hɩ ke yɩ́ ɔwrɔn edù, ô ɔmu lɔ anwrɔn hɔ̀n léyi ke die nyɛ̀n nukùɛ nɔn, nyɛ́n hán yɔ anvrɛn.