Rɔmɛ̀n-anmàn-bɔ̀ 14:3 - Ɛmɛẅi ankà ankrànkràn 2003

³ Ɔwrɔn léyi ke zî ɛci lɔ fɛn nɔn, ke sɩ́ ji le nɛ̀n gbri ɔwrɔn léyi ke sɩ́ rá ɔnɔ̀n nɔn, kɩ ɔwrɔn léyi ke sɩ́ rá ɔnɔ̀n nɔn, ke sɩ́ ji le nɛ̀n ci ɔwrɔn léyi ke zî ɛci lɔ fɛn nɔn ɛmrɛ̀n, ɔmuhi nɛ́n mán Ɔwɔ bɩ́ nɛ̀n nɔn.

Rɔmɛ̀n-anmàn-bɔ̀ 14:3 Iomraidhean Croise

Matie 18:10

“Nyɛ́n wá esùva, nyɛ́n bɩ́ ẅɛn ɛẅì hɔ̀n ndɔ hɔ̀n lɔ ɛnzri mán egbrì; mɛ dɔ́ nyɛ̀n le, y'ɛnan-bɔ̀ léyi dú Ɔwɔ-kùyüre-bɔ̀ nɔn, dú ɛnvra lɔ fɛn Dade léyi dú anhobɩ́ nɔn zìwú. [

Matie 9:14

Zhan Batisì sɛ̀nkɛn-bɔ̀ sɔnba Zhezü ɛtɛ̀sɛ̀n, zɛtɛn ke yrɛ nɛ̀n le: “Cɛci kruhú kɛ bɔ́ mán Ɔwɔ-nyànmàn-sùva-wá-bɔ̀ mɛhi bɔ̀ bɩ́ kìshe frɛfrɛ, kɩ v'ɛsɛ̀nkɛn-bɔ̀ tɛn ke sɩ́ bɩ́ kìshe hɛ̀?”

Lükɛ̀n 18:9

Zhezü kɛ dɔ́ nyandrɛn ndɔ lɔ mɛ̀n ankà tán yɔ léyi yɔ bú y'edomɛ̀n yɔ hán anwrɔn anvrɛnvrɛn Ɔwɔ zìwú, kɩ yɔ gbri yɔ nyran hɔ̀n nɔn:

Ɔkɔ̀hɔ̀n-wá-bɔ̀ kɔ̀hɔ̀n hán 10:34

Zɛtɛn Piɛrɛ̀n bɩ́ ankà-dɔ̀ kɩ dɔ̀ le: “Zɛtɛ̀ lɔ, me nyri annanwɔrɛ le Ɔwɔ ke sɩ́ hán eci kɛ vɛ́n ɔwrɔn zriɛmɛ́n tɛ̀sɛ̀n:

Ɔkɔ̀hɔ̀n-wá-bɔ̀ kɔ̀hɔ̀n hán 10:44

Ɛnvra léyi Piɛrɛ̀n dú ankà-dɔ́ mɛ̀n nɔn, Ɛnhɛ́n Prɔnprɔn kakɛ anwrɔn lɔ fɛn léyi ke die nɛ̀n nukùɛ nɔn ɛwú.

Ɔkɔ̀hɔ̀n-wá-bɔ̀ kɔ̀hɔ̀n hán 28:2

Nanvrɛn anmàn-bɔ̀ lɔ ẅɛn bɔ̀ anvrɛnvrɛn: ɔmuhi ɛnshi bukru kɛ nàn, kɩ ɔwrɔ̀ mán ke cüe nɔn, yɔ kɛ́n ɛnhyà vri tɔ̀n kɩ bɔ́ gbrɛnkɛn ɛnhyà lɔ ɔmùan.

Rɔmɛ̀n-anmàn-bɔ̀ 11:15

Annanwɔrɛ mɛ̀n lɔ, ɛnvra léyi yɛ kɛ́n yɔ sɩ́ ɔhɔ́nan nɔn, ɛnhibù mán Ɔwɔ mɛhi angranmɛ̀n nwɔ̀. Zɛtɛn ecitan de kɛ lɛ wɔɛ̀n ɛnvra léyi Ɔwɔ ke le vru ke bɩ́ yɔ nɛ́n? Ke le dú owú-bɔ̀ mɛ̀n mɛẅi vru và annanwɔrɛ ɔkɔrɛ-bɔ̀ mɛ̀n!

Rɔmɛ̀n-anmàn-bɔ̀ 14:1

Nyɛ́n ẅɛn ɔwrɔn léyi ankaẅì-bùtan cɛcɛ nɔn anvrɛnvrɛn, kɩ ke sɩ́ ji le nyɛ́n kɛ́n n'ankà-tro ankà ezì.

Rɔmɛ̀n-anmàn-bɔ̀ 14:10

Tɛ́n vɛ́n, cɛci kruhú kɛ e ci ɔmuan-ẅì ɛmrɛ̀n hàn? Kɩ vɛ́n mán, cɛci kruhú kɛ e gbri ɔmuan-ẅìɛ? Bɔ lɛ fɛn lɔ, bɔ́ lɛ srɔ Ɔwɔ zìwú, ô nɛ̀n ci bɔ̀ ɛmrɛ̀n.

Rɔmɛ̀n-anmàn-bɔ̀ 14:13

Ke ji le bɔ̀ teze bɔ́ edomɛ̀n mrɛ̀ncì-ci-hán. Nyɛ́n bɔ̀sɔ́ ny'edomɛ̀n anvrɛnvrɛn, ô ny'eci-hán-ci zriɛmɛ́n ke bɩ́ sɩ́ nyɛ́n muan-ẅì ɛzɛ́n mɛ̀n.

Rɔmɛ̀n-anmàn-bɔ̀ 14:15

Ke dú kɛ ɛ hán ɔmuan-ẅì kɛ ẅɛn edomɛ̀n bru ankà, ɛci léyi e zî nɔn kruhú, e sɩ́ vru nán esù ɛcüɛ̀n nyànmàn wúɛ. E bɩ́ hán ɔwrɔn léyi Krisì wú n'ɛkruhú nɔn, kɛ hɔ́n ɛzrɛ́n mɛ̀n, ɛci-zî ankà kruhú!

Rɔmɛ̀n-anmàn-bɔ̀ 14:21

Hɩ le zrɔ nɔn, dú hɩ le ke sɩ́ ji le yɛ rá ɔnɔn, ye bɩ́ mi ɛntàn wɔnsɛn, ye teze ɛci hɔ̀n lɔ fɛn léyi kɛ lɛ hán ɔwrɔn-nɛ́n-muan-ẅì ke bore ɛgbàn mɛ̀n nɔn.

Rɔmɛ̀n-anmàn-bɔ̀ 15:7

Ɔmu lɔ, nyɛ́n bɩ́ ny'edomɛ̀n, hán ɔmu le Krisì mán bɩ́ nyɛ̀n Ɔwɔ ci-zrɔ mɛ̀n nɔn.