Rɔmɛ̀n-anmàn-bɔ̀ 14:2 - Ɛmɛẅi ankà ankrànkràn 2003

² Nyɛ́n nyan ankà ndɔ lɔ: ɔwrɔn tɔ̀n ke tro le ne le zî ɛci lɔ fɛn tɛ̀, kɩ ɔwrɔn nyantɛn tɔ̀n léyi ankaẅì-bùtan cɛcɛ nɔn, ɛẅi-ci kɩ ke zî.

Rɔmɛ̀n-anmàn-bɔ̀ 14:2 Iomraidhean Croise

Rɔmɛ̀n-anmàn-bɔ̀ 14:1

Nyɛ́n ẅɛn ɔwrɔn léyi ankaẅì-bùtan cɛcɛ nɔn anvrɛnvrɛn, kɩ ke sɩ́ ji le nyɛ́n kɛ́n n'ankà-tro ankà ezì.

Rɔmɛ̀n-anmàn-bɔ̀ 14:14

Ɛẅɛnwrɔn Zhezü bɩmɛ̀n lɔ, mɛ̀n nyri annanwɔrɛ mɛ̀n le, ɛnbrá-ci zriɛmɛ́n bàdà ɔwrɔn edomɛ̀n. Tɛ́n ke dú kɛ ɔwrɔn tɔ̀n kɛ ẅɛn ankà-tro le eci tɔ̀n dú ɛnbrámɛ̀n-ci, eci lɔ dú ɛnbrá-ci tán nɛ̀n.

Rɔmɛ̀n-anmàn-bɔ̀ 14:20

E bɩ́ jrɛ́ Ɔwɔ kɔ̀hɔ̀n ɛci-zî kruhú. Annanwɔrɛ mɛ̀n lɔ, ɛci-zî lɔ fɛn dú ɛci-zî-ci, tɛ́n dú eci-gbangbàn, ɛci léyi ye zî hɩ yɛ hán ɔwrɔn-nɛ́n-muan-ẅì tɔ̀n ke bru ɛzɛ́n mɛ̀n nɔn.

Rɔmɛ̀n-anmàn-bɔ̀ 15:1

Bɔ́ léyi ankaẅì-bùtan ẅɛn bɔ̀ ecüì nɔn, ke ji le bɔ̀ bɩ́ ɛnbɔrɛ wɔwɔ mɛ̀n, anwrɔn hɔ̀n léyi ankaẅì-bùtan kè sɩ̀ ẅɛ̀n ecüì nɔn, y'ɛzɛ̀n-ci-hán lɔ. Ke sɩ́ ji le bɔ́ ji eci léyi dú bɔ́ ɛcüɛn-ci nɔn.

1 Korɛntɛ̀n anmàn-bɔ̀ 10:25

Nyɛ́n ẅɛn ɛkɔrɛ̀-levri nyɛ lɛ rá eci lɔ fɛn léyi yɛ hɛ́ dúgbetrɛ hɩ dú ɔnɔ̀n-ẅia, kɩ nyɛ́n sɩ̀ ẅɛ̀n ankà zriɛmɛ́n ny'á yrɛ hɩ wú nɔn;

1 Korɛntɛ̀n anmàn-bɔ̀ 8:9

Tɛ́n, nyɛ́n wá esùva, ô ɛkɔrɛ̀-levri léyi nyɛ́n ẅɛ̀n nyɛ hán eci ɔmu lɔ nɔn, ke bɩ́ sɩ́ ɛzrɛ́n mɛ̀n, anwrɔn hɔ̀n léyi y'ankaẅì-bùtan ẅɛn ɛjɛ̀ nɔn.

1 Korɛntɛ̀n anmàn-bɔ̀ 9:22

Ɛnvra léyi mɛ̀n mán anwrɔn hɔ̀n léyi ẅɛn ɛjɛ̀ ankaẅì-bùtan mɛ̀n mɛhi bɔ́ dù nɔn, mɛ́n mumù mán mɛ ẅɛn ɛjɛ̀ m'ɛwúvà lɔ mɛ̀n, ô mɛ̀n cɔ́ yɔ. Ɔmu lɔ, mɛ srɔ yɔ lɔ fɛn, yɔ tɛn, ô mɛ̀n cɔ́ ɛyri mɛ̀n bɩ́ ɛnjanbɔ̀ mɛ̀n die.

Galasi anmàn-bɔ̀ 2:12

Annanwɔrɛ mɛ̀n lɔ, ɛnvra léyi Zhakɛ̀n kɔhɔ̀n-wá-bɔ̀ lɔ kɛ vá hɔ́n Antiɔshɛ̀n anmàn nɔn, Piɛrɛ̀n mán anwrɔn-nɛ́n-muan-ẅì hɔ̀n léyi kè sɩ̀ dù Zhüifɛ̀n-bɔ̀ nɔn ke zî ɛci ɛyri zri. Tɛ́n, ɛnvra léyi ɔkɔ̀hɔ̀n-wá-bɔ̀ lɔ nvà nɔn, Piɛrɛ̀n mrɛ́n n'edomɛ̀n sɔhɔ́ y'ɛmɛ̀n kɩ nɛ́n mán anwrɔn-nɛ́n-muan-ẅì hɔ̀n léyi kè sɩ̀ dù Zhüifɛ̀n-bɔ̀ nɔn, yɔ sɩ́ vru zî ɛciɛ, ɔmuhi ne sú anwrɔn hɔ̀n léyi ke bɩ́ wúcɔ̀-domɛ̀n-ẅi ankà lɔ ɛshishiemɛ̀n nɔn.

Kpàkpà timote 4:4

Ɛci lɔ fɛn léyi Ɔwɔ hán nɔn zrɔ; nzriɛmɛ́n kè sɩ̀ dù ɛkɔ̀nze-ci, tɛ́n ke ji le ye bɩ́ eci lɔ fɛn Ɔwɔ kùɛn tán mɛ̀n,

Titɛ̀n 1:15

Eci lɔ fɛn nfi tán anwrɔn hɔ̀n léyi nfì nɔn; tɛ́n efì bàdà anwrɔn hɔ̀n léyi ɛnbrá dú edomɛ̀n, hɩ kè sɩ̀ ẅɛ̀n ankàẅì-bùtan, ɔmuhi y'ɛnkruemɛ̀n-ẅɛ̀n mán yɔ wàwúyɛ dú ɛnbrá mɛ̀n nɔn.

Ebre-bɔ̀ 13:9

Nyɛ́n bɩ́ teze ny'edomɛ̀n nyɛ́n tán Ɔwɔ ankà-dɔ̀ mɛ̀ntɛ mɛ̀ntɛ hɔ̀n léyi dú ɛyri nyantɛn nvà nɔn kɛ zrɛ́n nyɛ̀n. Zrɔ tán le bɔ̀ cɔ́ Ɛnhɛ́n mɛ̀n cüì Ɔwɔ nboafɔn mɛ̀n, kɩ kè sɩ̀ dù ɛcizî nyànmàn ci-hán; anwrɔn hɔ́n léyi kɛ ẅɛn ɛcizî nyanmàn ndɔ hɔ̀n lɔ kɛ hɛ́n nɔn, ɛnbì zriɛmɛ́n yɔ vá cɔ́ nɛ́n vɔ̀nshɛ́ tɔ̀n.

Ebre-bɔ̀ 9:10

Ndɔ lɔ fɛn dú edùwrú-ẅiamɛ̀n nyànmàn léyi dú ɛcizî, ɛntàn-mì mán edomɛ̀n fì ci-hán mɛ̀ntɛ mɛ̀ntɛ. Ndɔ lɔ dú eci-hán nyànmàn hɔ̀n léyi ẅɛn vɔ̀nshɛ́ hàn mán cɔ́ ɛnvra léyi Ɔwɔ crɔn eci lɔ fɛn nɔn.