Rɔmɛ̀n-anmàn-bɔ̀ 13:8 - Ɛmɛẅi ankà ankrànkràn 2003

⁸ Nyɛ́n bɩ́ ẅɛn ɔwrɔn zriɛmɛ́n ɔwɔ̀ɛn, ke dú kɛ kè sɩ̀ dù ɛcüɛ̀n léyi ke ji le nyɛ́n ẅɛ̀n nyɛ́n tán ny'edomɛ̀n nɔn. Ɔwrɔn léyi kɛ cüɛn nɛ́n nyran hɔ̀n nɔn, nɛ hán ɛnyànmàn ci léyi ke ji nɔn.

Rɔmɛ̀n-anmàn-bɔ̀ 13:8 Iomraidhean Croise

Matie 7:12

Eci léyi nye ji le yɛ hán yɛ tán nyɛ̀n nɔn, nyɛ́n mán nyɛ́n hán nyɛ́n tán nyɛ́n nyran hɔ̀n: ndɔ lɔ de Mohizì mán Ɔwɔ-mùanwú-ankà-dɔ́-bɔ̀ wrú hɔ̀n lɔ kɛ wá tán le yɛ hán nɔn.”

Zhan 13:34

Mɛ tán nyɛ̀n ɛnyanmàn wrù tɔ̀n: nyɛ́n cüɛn ny'edomɛ̀n. Ke ji le nyɛ́n cüɛn ny'edomɛ̀n hán ɔmu le mɛ cüɛn nyɛ̀n nɔn.

Rɔmɛ̀n-anmàn-bɔ̀ 13:10

Ɔwrɔn léyi ẅɛn ɛcüɛ̀n nɔn, ke sɩ́ hán nɛ́n nyran-wrɔnẅì ɛgbàn zriɛmɛ́n. Ɛcüɛn mɛ̀n de yɛ hán ɛnyànmàn kɔrɛ̀-zì-ci kɛ sá nmù nɔn.

Rɔmɛ̀n-anmàn-bɔ̀ 13:7

Nyɛ́n di ɔwrɔnwrɔn ɔwɔ̀ɛn léyi nyɛ́n ẅɛn nɛ̀n nɔn: nyɛ́n di anmàn-wɔ̀ɛn nyɛ́n tán ɔwrɔn léyi nyɛ́n ẅɛn ɔwɔ̀ɛn nɔn, ô nyɛ́n di ɔkɔ̀hɔ̀n-hán wɔ̀ɛn nyɛ́n tán ɔwrɔn léyi nyɛ́n ẅɛn ɔẅɔɛ̀n nɔn; ɔwrɔn léyi ẅɛn ɛwá nɔn, nyɛ́n tán nɛ̀n ɛwá, ô ɔwrɔn léyi ɛmrɛ́n dú nɛ tɛn nɔn, nyɛ́n tán nɛ̀n ɛmrɛ́n.

Galasi anmàn-bɔ̀ 5:14

Ɔmuhi ɛnyànmàn totɔtɔ̀n lɔ fɛn bɔ́sɔ ɛnyànmàn zri ndɔ lɔ mɛ̀n: “Ke ji le ɛ̀ cüɛn ɛnyran-wrɔnẅì kɛ̀ hán vɛ́n mumù hɔ́.”

Kɔlɔsèn anmàn-bɔ̀ 3:14

Kɩ eci lɔ fɛn wú, nyɛ́n bɩ́ ɛcüɛ̀n nyɛ́n hɛ́n, ɛhɛ́ ndɔ léyi kɛ lɛ tán nyɛ̀n ɔbɔ̀sɔ kɔrɛ̀levri kokroho nɔn.

Kpàkpà timote 1:5

Eci wá tán ndɔ lɔ, kɛ tán ɛcüɛ̀n léyi ke dú ɛnbɔrɛ fifiemɛ̀n, wàwúyɛ anvrɛnvrɛn mɛ̀n mán ankaẅìbùtan annanwɔrɛ mɛ̀n kɛ̀ và nɔn.

Zhakɛ̀n 2:8

Ankaẅì, nyɛ hán eci anvrɛnvrɛn, ke dú kɛ nyɛ ẅɛn Anhobɩ́ Nɛ̀ncüì-dúyri nyanmàn kɔrɛ̀zì-ci nyɛ hɛ́n, hán ɔmu le Owrú Prɔnprɔn yé nɔn: “Ɛ̀ cüɛ́n ɛnyran-wrɔnẅì kɛ̀ hán vɛ́n mumù hɔ́.”

1 Zhan 3:10

Nyàn eci léyi kɛ hán ye nyri Ɔwɔ ẅì hɔ̀n mán anwawrɔn ẅì hɔ̀n nɔn: ɔwrɔn totɔtɔ̀n léyi ke sɩ́ hán eci léyi nyrɔn nɔn, hɩ ke sɩ́ cüɛn nɛ́n muan-ẅì nɔn, nɛ̀n sɩ̀ dù Ɔwɔ ẅì.