Rɔmɛ̀n-anmàn-bɔ̀ 13:7 - Ɛmɛẅi ankà ankrànkràn 2003

⁷ Nyɛ́n di ɔwrɔnwrɔn ɔwɔ̀ɛn léyi nyɛ́n ẅɛn nɛ̀n nɔn: nyɛ́n di anmàn-wɔ̀ɛn nyɛ́n tán ɔwrɔn léyi nyɛ́n ẅɛn ɔwɔ̀ɛn nɔn, ô nyɛ́n di ɔkɔ̀hɔ̀n-hán wɔ̀ɛn nyɛ́n tán ɔwrɔn léyi nyɛ́n ẅɛn ɔẅɔɛ̀n nɔn; ɔwrɔn léyi ẅɛn ɛwá nɔn, nyɛ́n tán nɛ̀n ɛwá, ô ɔwrɔn léyi ɛmrɛ́n dú nɛ tɛn nɔn, nyɛ́n tán nɛ̀n ɛmrɛ́n.

Rɔmɛ̀n-anmàn-bɔ̀ 13:7 Iomraidhean Croise

Matie 17:25

Piɛrɛ̀n mrɛ́n nɛ̀n ɔmùan le: “Hɛ̀ɛ̀, ne dì.” Ɛnvra léyi Piɛrɛ̀n kɛ vá anwɔn mɛ̀n bru-yri nɔn, Zhezü gɔ́ bɩ́ ankà-dɔ̀ kɩ kɛ dɔ̀ le: “Simɔn anhɔntan ɛ hán tro hɛ̀? Antɔn de ke ji le ke di anwɔɛ̀n hɔ̀n léyi ye dì tán ɛnhibù ndɔ lɔ wú nɛ̀ncüì hɔ̀n nɛ́n? Anmàn-bɔ̀ kàle nɛ̀nnyàn-bɔ̀ hà?”

Matie 22:21

Yɔ mrɛ́n nɛ̀n ɔmùan le: “Govràn tɛn.” Zɛtɛn Zhezü kɛ dɔ́ yɔ le: “Nyɛ́n di govràn wɔɛ̀n léyi dú nɛ tɛn nɔn, kɩ Ɔwɔ mán nyɛ́n tán eci léyi dú nɛ tɛn nɔn.”

Markɛ̀n 12:17

Zɛtɛn Zhezü kɛ dɔ́ yɔ le: “Eci léyi dú Sezarɛ̀n tɛn nɔn, nyɛ́n bɩ nyɛ́n tán Sezarɛ̀n, ô eci léyi dú Ɔwɔ tɛn nɔn, nyɛ́n bɩ nyɛ́n tán Ɔwɔ.” Zhezü ankà-dɔ̀ lɔ frɛ́n yɔ anvɛmɛ̀n.

Lükɛ̀n 20:22

Zɛtɛn, ɛ̀ dɔ́ bɔ̀, bɔ́ ɛnyanmàn lɔ kɛ wá tán le ye di govran-anmàn-wɔɛ̀n, ye dì kale ye bɩ́ diɛ?”

Lükɛ̀n 20:25

Zɛtɛn Zhezü kɛ dɔ́ yɔ le: “Nyɛ́n tán govran eci léyi dú nɛ tɛn, ô nyɛ́n tán Ɔwɔ mán eci léyi dú nɛ tɛn nɔn.”

Lükɛ̀n 23:2

Nanvrɛn lɔ, yɔ bukru yɔ ku nɛ̀n ankà ɛwú kɩ yɔ dɔ̀ le: “Bɔ̀ cɔ́ ɔwrɔn ndɔ lɔ dú fɛcüè zrɛ́n mɛ̀n: nɛ dɔ́ yɔ, ye bɩ́ di anmàn-wɔɛ̀n, kɩ ne bú n'edomɛ̀n nɛ hán ebɩ̀die-wrɔn, ɛnnɛ̀ncüì tɔ̀n.”

Rɔmɛ̀n-anmàn-bɔ̀ 12:10

Nyɛ́n cüɛn ny'edomɛ̀n kɛ̀ hán anwrɔn-nɛ́n-muan-ẅì hɔ̀n léyi kɛ cüɛn y'edomɛ̀n nɔn; nyɛ́n wá ny'edomɛ̀n ecüɛn mɛ̀n.

Rɔmɛ̀n-anmàn-bɔ̀ 13:6

Hɩ le kruhú mán de nye di anmàn-wɔ̀ɛn, ɔmuhi anwrɔn hɔ̀n léyi ke yrɛ anmàn-wɔ̀ɛn nɔn, yɔ dú Ɔwɔ-ci-bɩ̀tan-bɔ̀, ô yɔ hán ɔkɔ̀hɔ̀n ndɔ lɔ anvrɛnvrɛn mɛ̀n nɔn.

Efɛzɛ̀n anmàn-bɔ̀ 5:33

Tɛ́n kɛ crɛ nyán nyɛ́n mán: ke ji le ɛncɔnwrɔn kɛ̀ cüɛn nɛ́n hi kɛ hán nɛ́n dùku hɔ́, ô ɛnnyɔnwrɔn mán kɛ wá nɛ́n cüì.

Efɛzɛ̀n anmàn-bɔ̀ 6:5

Anwɔ̀n-bɔ̀, nyɛ́n wá ny'ɛẅɛn-bɔ̀ léyi dú ɛnu ɛnhi nɔn, edomɛ̀n ɛnhisɩemɛ̀n, ɛwá mɛ̀n, ɛnbɔrɛ zri anvrɛnvrɛn mɛ̀n, kè dù kɛ̀ hán ɔmu le nyɛ́n dú Krisì ci-bɩ̀tan-bɔ̀ nɔn.

Kpàkpà timote 5:13

Kɩ ɛnvra léyi yɔ sɩ̀ vrù ẅɛ̀n eci zriɛmɛ́n hán nɔn, yɔ ẅɛn eci-hán wrù kɩ yɔ ci ebɩ́-bɩ́; tɛ́n eci léyi zeze krɛgbàn nɔn, yɔ srɔ ɛdrɛ́ wúyɔ̀ kɩ yɔ dɔ́ ankà lɔ fɛn, yɔ dɔ́ ankà léyi ke sɩ́ crɛ nyan yɔ nɔn.

Kpàkpà timote 5:17

Ɛcüìcüì-bɔ̀ léyi kɛ nyrɔn Ɔwɔ-fɛcüè lɔ nɔn, zrɔ tán le y'ɔwɔ̀ɛn-dì lɔ kɛ̀ hɔ́n ɛwú, anannan le yɔ hɔ̀n léyi kɛ dɔ̀, kɩ ke yé Ɔwɔ ankà nɔn.

Kpàkpà timote 6:1

Anwrɔn hɔ̀n léyi dú anwɔ̀n-bɔ̀ nɔn, ke ji le yɔ tán y'ankà-yé-bɔ̀ lɔ ɛwá lɔ fɛn léyi dú yɔ tɛn nɔn, ô ɔwrɔn zriɛmɛ́n ke bɩ́ dɔ́ ɔwɔra-ankà kɛ̀ tán Ɔwɔ bi lɔ mán b'ankà-yé lɔ.

1 Piɛrɛ̀n 3:7

Nyɛ́n mán, wúcɔ̀, nyɛ́n yɛ́ nyɛ́n mán nyɛ́n hi hɔ̀n mɛhi, ô nyɛ́n nyri ɔmu le y'edùwru lɔ dú ɔbɔ̀sɔ-ci; nyɛ́n hán yɔ eci ɔwá mɛ̀n, ɔmuhi yɔ mán nyɛ́n mɛhi nyɛ lɛ cɔ́ ɛkɔrɛwá léyi dú annanwɔrɛ wúvà léyi Ɔwɔ kɛ tán nɔn mɛ̀n. Nyɛ́n hán ɔmu lɔ, ô eci zriɛmɛ́n ke bɩ́ wá ny'Ɔwɔ-sɛ̀n hɔ̀n lɔ ejüe.