Rɔmɛ̀n-anmàn-bɔ̀ 13:4 - Ɛmɛẅi ankà ankrànkràn 2003

⁴ ɔmuhi ɛkɔrɛ̀-levri-wrɔn dú Ɔwɔ-ci-bɩ̀tan-wrɔn léyi ke le yɩ́ mɛ́n edù, ô ɛ̀ hán eci ankrankran nɔn. Tɛ́n ke dú kɛ ɛ hán eci gbàngbàn hô, è sú nɛ̀n! Ɔmuhi kè sɩ̀ dù ankora de nɛ̀n ẅɛ̀n ɛgbàn-hán kɔrɛ̀-levri nɔn: nɛ̀n dú Ɔwɔ-ci-bɩtan kɔ̀hɔ́n mɛ̀n, ô nɛ̀n yé Ɔwɔ mɛ̀nhyì-bɩ̀ léyi ke ku Ɔwrɔn léyi kɛ hán eci-gbangbàn nɔn ɛwú.

Rɔmɛ̀n-anmàn-bɔ̀ 13:4 Iomraidhean Croise

Rɔmɛ̀n-anmàn-bɔ̀ 12:19

Annyran-anvrɛn-hɔ̀n, nyɛ́n bɩ́ hán ny'edomɛ̀n ɛwɔrɛ̀-tán-ci, tɛ́n nyɛ́n teze Ɔwɔ mɛ̀nhyì ke ci nyɛ̀n ɛmrɛ̀n, ɔmuhi Owrú kɛ dɔ̀ le: “Mɛ̀n de mɛ̀n dú ɛwɔrɛ̀-tán-wrɔn nɔn, mɛ̀n de me le di ɛwɔrɛ̀-tán-wɔ̀ɛn nɔn”, ɔmu de Ɛẅɛnwrɔn kɛ dɔ̀ nɔn.

Rɔmɛ̀n-anmàn-bɔ̀ 13:6

Hɩ le kruhú mán de nye di anmàn-wɔ̀ɛn, ɔmuhi anwrɔn hɔ̀n léyi ke yrɛ anmàn-wɔ̀ɛn nɔn, yɔ dú Ɔwɔ-ci-bɩ̀tan-bɔ̀, ô yɔ hán ɔkɔ̀hɔ̀n ndɔ lɔ anvrɛnvrɛn mɛ̀n nɔn.

1 Tesalonikɛ̀n anmàn-bɔ̀ 4:6

Ankà ndɔ lɔ mɛ̀n, ke sɩ́ ji le ɔwrɔn kè hán nɛ́n muanẅì eci gbàngbàn, ô kɛ̀ jrɛ́ n'ɛkɔrɛ̀levri-ci. Bɔ́ gɔ̀ dɔ́ nyɛ̀n ankà ndɔ lɔ, kɩ bɔ́ bi-dɔ́ nyɛ̀n ɛshishiemɛ̀n: Ɛẅɛnwrɔn kɛ lɛ hán anwrɔn hɔ̀n léyi kɛ hán ɛci ndɔ hɔ̀n lɔ nɔn ɛgbàn.

1 Piɛrɛ̀n 2:14

mán govràn hɔ̀n léyi nɛ wá ɔkɔ̀hɔ̀n kɛ hán anwrɔn gbàngbàn ɛgbàn, ô kɛ̀ mrɛ́n yɔ hɔ̀n léyi kɛ hán anvrɛn nɔn.