Rɔmɛ̀n-anmàn-bɔ̀ 13:2 - Ɛmɛẅi ankà ankrànkràn 2003

² Ɔmu lɔ, ɔwrɔn léyi kɛ kɛ́n ɛkɔrɛ̀-levri-wrɔn ezì nɔn, nɛ kɛ́n ɛnyànmàn léyi Ɔwɔ wá nɔn ezì. Anwrɔn hɔ̀n léyi kɛ kɛ́n ɛnyànmàn ezì nɔn kɛ lɛ wán ɛmrɛ̀ncì sɩ́ yɔ dùku y'edomɛ̀n.

Rɔmɛ̀n-anmàn-bɔ̀ 13:2 Iomraidhean Croise

Matie 23:13

“Muzhie dú nyɛ tɛn, ɛnyànmàn-gbànvri-ankà-yé-bɔ̀ mán nyɛ́n, Ɔwɔ-nyànmàn-sùva-wá-bɔ̀, anmùan-anhyrɛ̀-bɔ̀! Nyɛ sɛ́n Anhobɩ́ nɛ̀ncüì-dúyri sù-gbàtà anwrɔnẅì zìwú; nyɛ́n mumù nyɛ́n sɩ́ bruɛ, kɩ nyɛ́n sɩ́ teze anwrɔn hɔ̀n léyi ke ji kè bru nɔn, kè bru. [

Markɛ̀n 12:40

Yɔ bɩ́ ɛngrɔn-wúyɔ ɛci lɔ fɛn edomɛ̀n yɔ sɔhɔ́, kɩ ɛnvra zri lɔ yɔ sɛ́n ɛfrɛ́n Wɔ-sɛ̀n sheshe, ô kɛ̀ hán tán le yɔ dú anwrɔn ankrànkràn hɔ̀n. Yɔ lɛ cɔ́ ɛgbàn-wɔɛ̀n-dì ke le sevri kɛ lɛ hán yɔ ɛgbàn hɔ̀n lɔ hɔ́!”

Lükɛ̀n 20:47

Yɔ bɩ́ ɛngrɔn-wúyɔ̀ hɔ̀n ɛci edomɛ̀n, kɩ yɔ hán ɛfrɛ́n Wɔ-sɛ̀n sheshe ô, yɔ yé le yɔ dú anwrɔn ankrànkràn. Yɔ lɛ cɔ́ ɛgbàn-wɔ̀ɛn-dì ke le sevri kɛ lɛ hán y'ɛgbàn hɔ̀n lɔ hɔ́.”

Rɔmɛ̀n-anmàn-bɔ̀ 13:1

Ɔwrɔnwrɔn kè die govràn-kɔ̀hɔ̀n-hán-bɔ̀-cüìcüì hɔ̀n léyi ẅɛn ɛkɔrɛ̀-levri nɔn nukùɛ. Ɔmuhi ɛkɔrɛ̀-levri lɔ fɛn dú Ɔwɔ yri và nɔn; yɔ hɔ̀n léyi dù nɔn, nɛ́n de nɛ̀n wá yɔ nɔn.

Rɔmɛ̀n-anmàn-bɔ̀ 13:3

Annanwɔrɛ mɛ̀n lɔ, anwrɔn hɔ̀n léyi kɛ hán anvrɛn nɔn ke sɩ́ sú ɛmrɛ̀nci-bɔ̀, tɛ́n yɔ hɔ̀n léyi kɛ hán ɛgbàn nɔn de ke sú yɔ nɔn. E sɩ́ ji le è sú ɛkɔrɛ̀-levri-wrɔn hán? Zɛtɛn, ɛ̀ hán anvrɛn kɩ ɛ lɛ cɔ́ ɛmrɛ́n,

Rɔmɛ̀n-anmàn-bɔ̀ 13:5

Hɩ le kruhú de zrɔ tán le ye die ɛkɔrɛ̀-levri-bɔ̀ nukùɛ, kɩ kè sɩ̀ dù hɩ le y'a cɔ́ Ɔwɔ mɛ̀nhyɩ̀-bɩ̀, tɛ́n vru dú ankà-nyrì ci-hán nɔn.

Rɔmɛ̀n-anmàn-bɔ̀ 9:19

Me bú tán le yɛ lɛ dɔ́ mɛ̀n le: “Zɛtɛn cɛci kruhú kɛ Ɔwɔ ke le vru ke fe bɔ̀a? Ɔmuhi antɔnwrɔn de kɛ lɛ kɛ́n n'ɛkɔrɛ̀zì-ci-hán ezì tɛ̀ nɛ́n?”

Titɛ̀n 3:1

È kro ɔmùan-zri-di-bɔ̀ le, ke ji le yɔ die ɛcüìcüì-bɔ̀ mán ɛkɔrɛ̀levri-bɔ̀ nukùɛ, ô yɔ krɔn kpehɛ́n yɔ hán eci ankrànkràn.

Zhakɛ̀n 3:1

Anwrɔn-nɛ́n-muan-ẅì hɔ̀n, ke sɩ́ ji le bɔ̀ dú anwrɔn bobrebe bɔ̀ yé eci, ɔmuhi nyɛ́n nyri ɔmu le, bɔ́, eci-yé-bɔ̀ lɔ, ye le ci bɔ̀ ɛmrɛ̀n ɛshishiemɛ̀n kɛ lɛ vrán anwrɔn ndɔ hɔ̀n nɔn.

1 Piɛrɛ̀n 2:13

Nyɛ́n sɩ́ ny'edomɛ̀n ɛnhi nyɛ́n tán ɛkɔrɛ̀levri-bɔ̀ lɔ fɛn, Ɛẅɛnwrɔn kruhú: ɛnhi wú nɛ̀ncüì léyi ẅɛn ɛkɔrɛ̀srɔn ɔwrɔnẅì wú