Rɔmɛ̀n-anmàn-bɔ̀ 13:12 - Ɛmɛẅi ankà ankrànkràn 2003

¹² Ɛnnyran gɔ̀n bru ɛmɛ̀n, ɛcɛ̀n bá ɛtɛ̀sɛ̀n. Bɔ́ teze zɛtɛn eci-hán-ci hɔ̀n léyi yɛ hán ɛyri-yɔwɔ mɛ̀n nɔn, ô bɔ̀ bɩ́ anhà-kɔ́n-ci léyi yɛ wá edomɛ̀n ɛcɛ̀n yrikan mɛ̀n nɔn.

Rɔmɛ̀n-anmàn-bɔ̀ 13:12 Iomraidhean Croise

Rɔmɛ̀n-anmàn-bɔ̀ 13:14

Nyɛ́n ẅɛn edomɛ̀n, eci lɔ fɛn léyi Zhezü Krisì Ɛẅɛnwrɔn tán bɔ̀ nɔn, ô nyɛ́n bɩ́ vru teze ny'edomɛ̀n nyɛ́n tán nyɛ́n dukú ny'eci-gbàngbàn léyi nyɛ́n cüɛn n'ɛhán nɔn.

1 Korɛntɛ̀n anmàn-bɔ̀ 10:11

Muzhie ndɔ hɔ̀n lɔ cɔ́ yɔ, ô kɛ̀ tán anwrɔn ndɔ hɔ̀n sɛnpò; ye merɛ́n yɔ yɛ hɛ́n, ô kɛ̀ tán bɔ̀ ankà-bi-dɔ̀, ɔmuhi bɔ́ dú ɛnvra trɔ mùan mɛ̀n tɛ̀sɛ̀n nɔn.

1 Korɛntɛ̀n anmàn-bɔ̀ 7:29

Anwrɔn-nɛ́n-muan-ẅì hɔ̀n, nyàn ankà léyi me ji mɛ̀n dɔ̀ nɔn: wɔrɔ ɛnvra jan; zɛtɛ̀ lɔ bɔ́ dú ɛmɛ̀n nɔn, ke ji le wúcɔ̀ hɔ̀n léyi yiri wúyɔ̀ nɔn, kɛ̀ ẅɛn ewúvà kɛ̀ hán le yɔ sɩ̀ yirì wúyɔ̀,

2 Korɛntɛ̀n anmàn-bɔ̀ 10:4

B'anhà-kɔ́n mɛ̀n lɔ, bɔ́ sɩ́ bɩ́ anwrɔnẅìemɛ̀n anhà-kɔ́n-ci: Ɔwɔ kɔrɛ̀-srɔn anhà-kɔ́n-ci hɔ̀n léyi kɛ jrɛ́ ɛbùdrɛn ɛvrivri hɔ̀n nɔn, de bɔ́ bɩ nɔn. Bɔ́ jrɛ́ ɛyɔ̀n-ankà-tro hɔ̀n,

2 Korɛntɛ̀n anmàn-bɔ̀ 6:7

bɔ́ annanwɔrɛ ankà-dɔ́ mɛ̀n mán Ɔwɔ kɔrɛ̀-srɔn mɛ̀n. B'anhà-kɔ́n-ci mán bɔ́ edùvra-ci dú hɩ le, ke ji le yɛ hán eci léyi nyrɔn Ɔwɔ zìwú nɔn.

Efɛzɛ̀n anmàn-bɔ̀ 4:22

Zɛtɛn ke ji le ny'esùnan gbànvri teze lɔ, nyɛ́n tecüe ny'eci-gbànvri-gbàngbàn-hán léyi y'ɛfrɛ́n-ankà-tro hɔ̀n ke sɩ́ ezrɛ́n mɛ̀n nɔn.

Efɛzɛ̀n anmàn-bɔ̀ 5:11

Nyɛ́n bɩ́ ẅɛn eci zriɛmɛ́n ke dú eci-hán-ci woro hɔ̀n léyi yɛ hán ɛyri-yɔwɔ mɛ̀n nɔn; nyɛ́n sɩ́ yɔ ɛntrɛ kpràkprà.

Efɛzɛ̀n anmàn-bɔ̀ 5:8

Ɛnbiɛhɛ́n lɔ nyɛ́n dú ɛyri-yɔwɔ mɛ̀n; tɛ́n zɛtɛ̀ lɔ, nyɛ́n mán Ɛẅɛnwrɔn mɛhi ny'ɔbɔ̀sɔ̀ lɔ mɛ̀n, nyɛ́n dú ɛyri-kán mɛ̀n. Hɩ le kruhú de ke ji le, nyɛ́n nán esù kɛ̀ hán anwrɔn hɔ̀n léyi dú ɛyri-kán kɔrɛ̀-levri wú,

Ebre-bɔ̀ 10:25

Bɔ́ bɩ́ teze bɔ́ fɛcüè krubɔrɛ hɔ̀n lɔ kɛ hán ɔmu le, anwrɔn ndɔ hɔ̀n dú y'edùci nɔn hɔ́. Tɛ́n, bɔ̀ tán bɔ́ edomɛ̀n edùyì, kɩ ndɔ lɔ kè dú bɔ́ eci-hán, ɔmuhi nyɛ kàn le Ɛẅɛnwrɔn vá bì lɔ kɛ́n eburi nɔn.

Ebre-bɔ̀ 12:1

Bɔ tɛn, fɛcüè vri ndɔ léyi dú bɔ́ dalɛfùɛ-di-bɔ̀ nɔn, de gbrɛnkɛn bɔ̀ ɔmùan nɔn. Bɔ̀ ẅɛn eci lɔ fɛn léyi kɛ hán bɔ́ esùnan lɔ kɛ srɔn nɔn bɔ̀ sɔhɔ́, annànnàn le ɛgbàn léyi kɛ brɛ́ bɔ̀ edomɛ̀n hɩ ke sɩ́ tán bɔ̀ esù anvrɛnvrɛn nán yri, ô bɔ̀ bɩ́ ɛnbɔrɛ zriemɛ̀n ɛsrɛ́ léyi yɛ wá tán bɔ̀ nɔn ô bɔ̀ hán n'eci.

Zhakɛ̀n 1:21

Hɩ le kruhú de ke ji le, nyɛ́n kɔ́n ɛci hɔ̀n lɔ fɛn léyi kɛ wá ɛnbrá edomɛ̀n, hɩ kɛ tán eci-gbàngbàn-hán nɔn, nyɛ́n cüe. Nyɛ́n shrì nyɛ́n sɩ́ ny'edomɛ̀n ɛnhi, ô nyɛ́n bɩ́ Ɔwɔ ankà léyi tɛ́ ny'ɛnbɔrɛ lɔ mɛ̀n nɔn, ɔmuhi ne le bɩ́ nyɛ̀n nɛ̀n die tɛ̀ nɔn.

Zhakɛ̀n 5:8

Nyɛ́n mán nyɛ́n ẅɛn ɛnbɔrɛ nyɛ́n hɛ́n, nyɛ́n bɩ́ edùyì, ɔmuhi Ɛẅɛnwrɔn vá bì lɔ bá ɛtɛ̀sɛ̀n nɔn.

1 Piɛrɛ̀n 2:1

Zɛtɛn eci lɔ fɛn léyi dú ɛgbàndì, ɛyɔ̀n, amùan-anhyrɛ̀-dì, ecüì-hi-kɔ̀n mán ɔwrɔn ankà-gbangbàn-dɔ̀, ndɔ lɔ fɛn nyɛ́n kɔ̀n cüe.

1 Piɛrɛ̀n 4:7

Ɛci hɔ̀n lɔ fɛn y'ɔtrɔ vra bá ɛtɛ̀sɛ̀n: Zɛtɛn nyɛ́n dú ɛnkruemɛ̀n-ẅɛ̀n wúvà mɛ̀n, ɛnhɛ́n kè dú nyɛ̀n ɛvɛ̀ kpriemɛ̀n, ô nyɛ́n cɔ́ Ɔwɔ-sɛ́n yri.

2 Piɛrɛ̀n 3:11

Ɔmuhi eci lɔ fɛn kɛ lɛ zrɛ́n eci-hán-ci ndɔ lɔ mɛ̀n nɔn, nyɛ́n nyri anvrɛnvrɛn, eci léyi ke ji le nyɛ́n hán nɔn! Ke ji le ny'esùnàn kè dú prɔnprɔn, ô kè yé ny'Ɔwɔ tɛ̀sɛ̀n sɔ̀nba.

2 Piɛrɛ̀n 3:9

Ɛẅɛnwrɔn ke sɩ́ mɔɛn n'ɔmùan-wá ci-hán mɛ̀n, hán ɔmu le anwrɔn janbɔ̀ ke tro nɔn. Tɛ́n nɛ ẅɛn ɛnbɔrɛ hɛ́n n'eci-hán mɛ̀n ny'ɛwú, ɔmuhi nɛ́n sɩ́ ji le ɔwrɔn totɔtɔ̀n léyi dú mɛ́n nɔn, ɛ̀ hɔ́n v'ɛzrɛ́n mɛ̀n; tɛ́n ne ji le yɔ lɛ fɛn yɔ cɔ́ ɛkɔrɛ̀levri yɔ crɛ ejüì yɔ sɔ́n ɛgbàn.

1 Zhan 2:18

M'ɛẅì hɔ̀n, ɛnvra trɔ mùan bá ɛtɛsɛn! Nyɛ́n yá yɛ dɔ̀ le Krisì Gbri-wrɔn kɛ lɛ và; tɛ́n zɛtɛ̀ lɔ Krisì gbri-bɔ̀ bobrebe srɔ, kɩ ɔmu lɔ bó nyrì le, ɛnvra trɔ mùan bá ɛtɛsɛ̀n.

Ɔwɔ-mɛ̀n-yrikàn 1:3

Ɛnbɔrɛbru dú ɔwrɔn léyi kɛ krɛ́ owrú ndɔ lɔ nɔn tɛn, ɛnbɔrɛbru dú anwrɔn hɔ̀n léyi ke díe Ɔwɔ-mùanwú-ankà-dɔ̀ ndɔ lɔ nukùɛ, kɩ kɛ ẅɛn eci léyi ye merɛ́n nɔn n'ankà ɛshishiemɛ̀n kɛ hɛ́n nɔn tɛn! Ɔmuhi ɛnvra léyi yɛ wá ô ɛci hɔ̀n lɔ kɛ̀ hán nɔn, kɛ́n eburiɛ.

Ɔwɔ-mɛ̀n-yrikàn 22:10

Zɛtɛn nɛ dɔ́ mɛ̀n le: “E bɩ́ tɛhɛ́n ɛbánmɛ̀n Ɔwɔ-mùan-wú-ankà-dɔ̀ hɔ̀n léyi dú owrú ndɔ lɔ mɛ̀n nɔn, ɔmuhi ɛci ndɔ hɔ̀n lɔ, y'ɛnvra léyi yɛ wá nɔn, kɛ́n eburi.