Rɔmɛ̀n-anmàn-bɔ̀ 13:1 - Ɛmɛẅi ankà ankrànkràn 2003

¹ Ɔwrɔnwrɔn kè die govràn-kɔ̀hɔ̀n-hán-bɔ̀-cüìcüì hɔ̀n léyi ẅɛn ɛkɔrɛ̀-levri nɔn nukùɛ. Ɔmuhi ɛkɔrɛ̀-levri lɔ fɛn dú Ɔwɔ yri và nɔn; yɔ hɔ̀n léyi dù nɔn, nɛ́n de nɛ̀n wá yɔ nɔn.

Rɔmɛ̀n-anmàn-bɔ̀ 13:1 Iomraidhean Croise

Matie 6:13

E bɩ́ teze bɔ̀ ɔwɔɛ̀nnyan mɛ̀n, tɛ́n ɛ̀ mrɛ́n bɔ̀ ɛgbàn mɛ̀n ɛ̀ sɔhɔ́. [Ɔmuhi ɛyri-ẅɛ̀n, ɛkɔrɛ̀srɔn mán eci-zrɔ, dú vɛ tɛn ɛnvra lɔ fɛn. Ke dú ɔmu lɔ.]’

Zhan 19:11

Zhezü mrɛ́n nɛ̀n ɔmùan le: “È sɩ̀ ẅɛ̀n ɛkɔrɛ̀srɔn zriɛmɛ́n m'ɛwú, ke dú kɛ kè sì dù hɩ le Ɔwɔ tán mɛ́n nɔn. Hɩ le kruhú de ɔwrɔn léyi ẅɛn mɛ̀n tán mɛ́n nɔn dú ɛgbàn mɛ̀n vrán vɛ́n.”

Ɔkɔ̀hɔ̀n-wá-bɔ̀ kɔ̀hɔ̀n hán 2:41

Bobrebe y'ɛmɛ̀n lɔ shri Piɛrɛ̀n ankà-dɔ̀ lɔ bɩ kɩ yɛ wá yɔ ɛnshi ɛnkru. Ɛnbì ndɔ lɔ, anwrɔn tɛ̀bru kru anhɔ̀n de ku ankaẅì-bùtan-ẅɛn-bɔ̀ fɛcüè lɔ mɛ̀n nɔn.

Rɔmɛ̀n-anmàn-bɔ̀ 12:21

E bɩ́ tán ɛgbàn kɛ kɔ́n ká mɛ́n. Tɛ́n è dú ɛgbàn kɔ̀nkámɛ̀n anvrɛn-hán mɛ̀n.

Rɔmɛ̀n-anmàn-bɔ̀ 13:2

Ɔmu lɔ, ɔwrɔn léyi kɛ kɛ́n ɛkɔrɛ̀-levri-wrɔn ezì nɔn, nɛ kɛ́n ɛnyànmàn léyi Ɔwɔ wá nɔn ezì. Anwrɔn hɔ̀n léyi kɛ kɛ́n ɛnyànmàn ezì nɔn kɛ lɛ wán ɛmrɛ̀ncì sɩ́ yɔ dùku y'edomɛ̀n.

Efɛzɛ̀n anmàn-bɔ̀ 5:21

Nyɛ́n sɩ́ ny'edomɛ̀n ɛnhi nyɛ́n tán ny'edomɛ̀n, Krisì wá léyi nyɛ́n ẅɛ̀n nɔn hɩ kruhú.

Kpàkpà timote 2:2

Ke ji le yɛ sɛ̀n tán ɛnnɛncüì hɔ̀n mán ɛyri-ẅɛn-bɔ̀, ô bɔ̀ ẅɛn ɛwúvà wɔwɔ léyi ɛwá dú ɛmɛ̀n, b'Ɔwɔ tɛ̀sɛ̀n và anvrɛnvrɛn mɛ̀n.

Titɛ̀n 3:1

È kro ɔmùan-zri-di-bɔ̀ le, ke ji le yɔ die ɛcüìcüì-bɔ̀ mán ɛkɔrɛ̀levri-bɔ̀ nukùɛ, ô yɔ krɔn kpehɛ́n yɔ hán eci ankrànkràn.

Zhüdɛ̀n 1:8

Annanwɔrɛ mɛ̀n, anwrɔn ndɔ hɔ̀n lɔ kɛ hán eci zri lɔ: y'ɛẅià-kɔ̀n kɛ kɛ́n yɔ wá, yɔ hán ɛgbàn ku yɔ dùku y'edùwrú wú, yɔ gbri Ɔwɔ kɔrɛ̀levri-ci, yɔ wora eci-zrɔ hɛ́n hɔ̀n léyi dú anhobɩ́ nɔn.

Ɔwɔ-mɛ̀n-yrikàn 1:5

kè dú Zhezü Krisì léyi dú ɔmùan-zri dì dalɛfuɛ-wrɔn, ezì-hɛ́ ẅì, kpàpkà-wrɔn léyi ye bɩ́ owú-bɔ̀ mɛ̀n ye sɩ́ ɔkɔrɛ-bɔ̀ mɛ̀n nɔn, mán ɛnhibù wú nɛ̀ncüì hɔ̀n nɛ̀ncüì, yri kɛ̀ và cɔ́ nyɛ̀n. Krisì kɛ cüɛn bɔ̀, kɩ n'eci ce mɛ̀n lɔ, nɛ̀n mrɛ́n bɔ̀ ɛgbàn mɛ̀n nɛ̀n sɔhɔ́,

Ɔwɔ-mɛ̀n-yrikàn 17:14

Yɔ lɛ kɔ́n Ɔwɔ-Kɔ̀kɔ̀sɛ̀-ẅì lɔ anhà, tɛ́n Ɔwɔ-Kɔ̀kɔ̀sɛ̀-ẅì kɛ lɛ kɔ̀nká yɔ, ɔmuhi nɛ̀n dú ɛẅɛn-bɔ̀ Ẅɛnwrɔn mán ɛnnɛncüi hɔ̀n Nɛncüì nɔn; nɛ lɛ kɔ̀nká yɔ, nɛ́n mán anwrɔn hɔ̀n léyi nɛ̀n bí, kɩ nɛ̀n mrɛ́n nɛ́n bɩ dú, n'ɔmùan-zri-dí-bɔ̀ nɔn.”

Ɔwɔ-mɛ̀n-yrikàn 19:16

N'ɛceci she lɔ wú mán n'annan-bɔ̀n-mɛ̀n ye merɛ́n ebi ndɔ lɔ: “Ɛnnɛncüì hɔ̀n Nɛ̀ncüì mán ɛẅɛn-bɔ̀ Ẅɛnwrɔn”.