Rɔmɛ̀n-anmàn-bɔ̀ 12:9 - Ɛmɛẅi ankà ankrànkràn 2003

⁹ Ke ji le ɛcüɛ̀n kè dú annanwɔrɛ. Nyɛ́n sú ɛgbàn, nyɛ́n hán anvrɛn kɔ̀hɔ̀n.

Rɔmɛ̀n-anmàn-bɔ̀ 12:9 Iomraidhean Croise

Matie 26:49

Ɛnvra zri lɔ Zhüda sɔnba Zhezü ɛtɛ̀sɛ̀n kɩ kɛ dɔ́ nɛ̀n le: “Me bi mɛ́n nyan Ankà-yé-wrɔn!” Zɛtɛn nɛ̀n wá yi angbàmɛ̀n.

Zhan 12:6

Kè sɩ̀ dù ɛmian-bɔ̀ kruhú de nɛ dɔ́ ankà ndɔ lɔ nɔn, tɛ́n ɔmuhi nɛ̀n dú ɛci-yerɛ-wrɔn nɔn; ɔkùa léyi yɛ tán nɛ̀n nɛ̀n hɛ́n nɔn, ne bɩ́ srɔ nɛ tɛn.

Ɔkɔ̀hɔ̀n-wá-bɔ̀ kɔ̀hɔ̀n hán 11:23

Ɛnvra léyi nɛ̀n cɔ́ nanvrɛn, hɩ nɛ̀n kán ɔmu le Ɔwɔ fú ankaẅì-bùtan-ẅɛn-bɔ̀ lɔ ɛnshi nɔn, nɛ̀n dú pɔpüɛ̀ mɛ̀n kɩ ne yɩ́ yɔ lɔ fɛn edù, ô yɔ di ɔmùan zri Ɛẅɛnwrɔn tɛ̀sɛ̀n.

2 Korɛntɛ̀n anmàn-bɔ̀ 6:6

Bɔ́ yé bɔ́ edomɛ̀n Ɔwɔ ci-bìtan-bɔ̀ fifi hɔ̀n, bɔ́ enyri-cùɛn-tan mɛ̀n, bɔ́ ɛnbɔrɛ-ẅɛ̀n-hɛ́n mán bɔ́ ɛnbɔrɛ-wɔwɔ mɛ̀n, Ɛnhɛ́n Prɔnprɔn cüìemɛ̀n, bɔ́ ɛcüɛn-bɔrɛ annanwɔrɛ mɛ̀n,

2 Korɛntɛ̀n anmàn-bɔ̀ 8:8

Kè sɩ̀ dù ɛnyànmàn de mɛ́n wá tán nyɛ̀n nɔn: tɛ́n ke dú kɛ mɛ dɔ́ nyɛ̀n anwrɔn janbɔ̀ dùyí ankà hô, mɛ tán nyɛ̀n ɛkɔrɛ̀-levri nyɛ́n yé ny'ɛcüɛ̀n annanwɔrɛ lɔ.

1 Tesalonikɛ̀n anmàn-bɔ̀ 2:3

Annanwɔrɛ mɛ̀n lɔ, ebi léyi bɔ́ bi anwrɔn lɔ fɛn nɔn, kè sɩ̀ dù ɛzɛ̀n mán ɛnbrá mɛ̀n ci-hán kruhú, kɩ bɔ́ sɩ́ ji bɔ̀ frɛ́n ɔwrɔn zriɛmɛ́n.

1 Tesalonikɛ̀n anmàn-bɔ̀ 5:15

Nyɛ́n wá esùva ô ɔwrɔn zriɛmɛ́n ke bɩ́ bɩ́ ɛgbàn ke dí ɛgbàn-wɔ̀ɛn, tɛ́n nyɛ́n ji ɛnvra lɔ fɛn anvrɛn-hán ny'edomɛ̀n mán anwrɔn lɔ fɛn tɛ̀sɛ̀n.

1 Tesalonikɛ̀n anmàn-bɔ̀ 5:21

Tɛ́n nyɛ́n crɛn eci lɔ fɛn mɛ̀n anvrɛnvrɛn: nyɛ́n bɩ́ hɩ léyi zrɔ nɔn,

Kpàkpà timote 1:5

Eci wá tán ndɔ lɔ, kɛ tán ɛcüɛ̀n léyi ke dú ɛnbɔrɛ fifiemɛ̀n, wàwúyɛ anvrɛnvrɛn mɛ̀n mán ankaẅìbùtan annanwɔrɛ mɛ̀n kɛ̀ và nɔn.

Ebre-bɔ̀ 1:9

Ɛ cüɛn eci léyi nyrɔn nɔn, e sɩ́ ji eci gbàngbàn, hɩ le kruhú de Ɔwɔ, v'Ɔwɔ, mrɛ́n mɛ́n nbɩ, kɩ nɛ̀n wá mɛ́n ɔkoran zhì ɛnkru, kɩ nɛ̀n mrɛ́n mɛ́n nɛ̀n bɩ́ ɛnyran hɔ̀n wanzi.”

Ebre-bɔ̀ 12:14

Nyɛ́n hán kèkrèmɛ̀n, ô nyɛ́n mán anwrɔn hɔ̀n lɔ fɛn mɛhi nyɛ́n dú anwɔwɔ mɛ̀n, ô nyɛ́n ẅɛn ɛwúvà prɔnprɔn; ɔmuhi, kè sɩ̀ dù ɔmu lɔ hô, ɔwrɔn zriɛmɛ́n ny'ɛmɛ̀n lɔ ke sɩ̀ kán Ɛẅɛnwrɔn lɔ rɔ́.

Zhakɛ̀n 3:17

Tɛ́n ankà-nyrì léyi dú ɛwú và nɔn, nfì, kɩ zɛtɛn dú anwɔwɔ, sɔhɔ̀ mán ɔwrɔn ɛnhyɔ̀bɔ̀-nyriemɛ̀n; ɛcüɛ̀n yɩ́ nɛ̀n ɛmɛ̀n kɩ nɛ hán eci ankrankran mán ankà-nyrì; nɛ̀n di ɛnnɛ̀ncüì ɛzrɔ mɛ̀n mán eci-hán ankrànkràn mɛ̀n: nɛ̀n sɩ̀ ẅɛ̀n ɛmɛ̀n-grɔ mán anbrá-dì.

1 Piɛrɛ̀n 1:22

Ankà annanwɔrɛ anhyɛyì de fi nyɛ̀n edòmɛ̀n nɔn, ô nyɛ́n cüɛn ny'edomɛ̀n kɛ̀ hán anwrɔn-nɛ́n-muan-ẅì hɔ̀n hɔ́. Zɛtɛn nyɛ́n cüɛn ny'edomɛ̀n anvrɛnvrɛn mɛ̀n, ɛnbɔrɛ fifiemɛ̀n.

1 Piɛrɛ̀n 4:8

Eci lɔ fɛn mɛ̀n lɔ, nyɛ́n cüɛn ny'edomɛ̀n edùyiemɛ̀n, ɔmuhi ɛcüɛ̀n kɛ cɔ́ ɛgbàn bobrebe gbànbɩce nɔn.