Rɔmɛ̀n-anmàn-bɔ̀ 12:8 - Ɛmɛẅi ankà ankrànkràn 2003

⁸ Ɔwrɔn léyi nyri edùyì ci-hán nɔn, ke ji le nɛ̀n tán nɛ́n nyran hɔ̀n edùyì. Ke ji le ɔwrɔn léyi ẅɛn n'ɛci kɛ tán nɔn, kɛ̀ tán ɛnbɔrɛ ankrankran mɛ̀n. Ɔwrɔn léyi kɛ nyrɔn nɔn, kɛ̀ nyrɔn anvrɛnvrɛn. Ɔwrɔn léyi kɛ wá ɛmian-bɔ̀ ɛkɔrɛ̀ nɔn, nɛ̀n hán yi pɔpüɛ̀-brá mɛ̀n.

Rɔmɛ̀n-anmàn-bɔ̀ 12:8 Iomraidhean Croise

Matie 25:40

Ɛnnɛ̀ncüì lɔ kɛ lɛ mrɛ́n yɔ ɔmùan le: ‘Mɛ dɔ́ nyɛ̀n annànwɔrɛ mɛ̀n le: ɛnvra totɔtɔ̀n léyi nyɛ́n hán eci ndɔ lɔ nyɛ́n tán ɛẅì hɔ̀n léyi dú nmàn ẅì hɔ̀n, ke dú ɛnzri mán, mɛ̀n de nyɛ́n hán nyɛ́n tán mɛ̀n nɔn.’

Ɔkɔ̀hɔ̀n-wá-bɔ̀ kɔ̀hɔ̀n hán 11:23

Ɛnvra léyi nɛ̀n cɔ́ nanvrɛn, hɩ nɛ̀n kán ɔmu le Ɔwɔ fú ankaẅì-bùtan-ẅɛn-bɔ̀ lɔ ɛnshi nɔn, nɛ̀n dú pɔpüɛ̀ mɛ̀n kɩ ne yɩ́ yɔ lɔ fɛn edù, ô yɔ di ɔmùan zri Ɛẅɛnwrɔn tɛ̀sɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 13:12

Ɛnvra léyi govràn kán eci léyi wɔɛ̀n nɔn, nɛ̀n srɔ ankaẅì-bùtan-ẅɛn-wrɔn; Ɛẅɛnwrɔn ankà-yé lɔ bru n'ɛnbɔrɛ lɔ mɛ̀n anvrɛnvrɛn.

Ɔkɔ̀hɔ̀n-wá-bɔ̀ kɔ̀hɔ̀n hán 13:15

Ɛnvra léyi yɛ krɛ́ Ɔwɔ-nyanmàn mán Ɔwɔ-mùanwú-ankà-dɔ́-bɔ̀ wrú hɔ̀n lɔ trɔ nɔn, Ɔwɔ-sɛ́n-wɔn-cüìcüì-bɔ̀ wá anwrɔn ɔkɔ̀hɔ̀n kɛ̀ dɔ́ yɔ le: “Anwrɔn-nɛ́n-muan-ẅì hɔ̀n ke dú kɛ nyɛ́n ẅɛn edùyi-ankà nyɛ lɛ dɔ́ fɛcüè hô, zɛtɛn nyɛ́n dɔ̀.”

Ɔkɔ̀hɔ̀n-wá-bɔ̀ kɔ̀hɔ̀n hán 15:32

Zhüdɛ̀n mán Silasɛ̀n mumù léyi dú Ɔwɔ-mùanwú-ankà-dɔ́-bɔ̀ nɔn dɔ́ anwrɔn-nɛ́n-muan-ẅì hɔ̀n lɔ ankà sheshe, ô kɛ̀ tán yɔ edùyi mán ecüì ankàẅì-bùtan mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 20:2

Nɛ̀n ci nanvrɛn anmàn kpɔsɔ lɔ wú kɩ ne yɩ́ ɔmùan-zri-di-bɔ̀ edù n'ankà bobrebe dɔ́ mɛ̀n yɔ mɛhi. Zɛtɛn nɛ̀n vru nɛ̀n hɔ́n Grɛsɛ̀n anmàn,

Ɔkɔ̀hɔ̀n-wá-bɔ̀ kɔ̀hɔ̀n hán 20:28

Nyɛ́n nán ny'edomɛ̀n mán anwrɔn kà léyi Ɛnhɛ́n Prɔnprɔn wá ny'antamɛ̀n nɔn. Ɔwɔ-fɛcüè léyi Ɔwɔ bɩ́ n'ɛnẅì wù, wɔ́ tán nyɛ̀n nɔn, nyɛ́n wá nɛ̀n esùva.

Ɔkɔ̀hɔ̀n-wá-bɔ̀ kɔ̀hɔ̀n hán 4:36

Nyàn sɛnpò tɔ̀n; ɔwrɔn tɔ̀n léyi ye bi Zhozɛfɛ̀n, nɛ̀n dú Ɔwɔ-cɔ̀-krɛ́-wrɔn, ye bî nɛ̀n Shiprɛ̀n anmàn, nɛ́n de ɔkɔ̀hɔ̀n-wá-bɔ̀ ke bi nɛ̀n Barnabasɛ̀n (hɩ mɛ̀n kɛ dɔ̀ le “ɔwrɔn léyi ke yɩ́ anwrɔn edù nɔn”),

Rɔmɛ̀n-anmàn-bɔ̀ 12:13

Nyɛ́n wá nyɛ́n muan-ẅì hɔ̀n ɛkɔrɛ̀ y'ɛmìan lɔ mɛ̀n, ô nyɛ́n nyrì ẅɛn nɛ̀nnyàn-bɔ̀ ɛnvra lɔ fɛn.

Rɔmɛ̀n-anmàn-bɔ̀ 13:6

Hɩ le kruhú mán de nye di anmàn-wɔ̀ɛn, ɔmuhi anwrɔn hɔ̀n léyi ke yrɛ anmàn-wɔ̀ɛn nɔn, yɔ dú Ɔwɔ-ci-bɩ̀tan-bɔ̀, ô yɔ hán ɔkɔ̀hɔ̀n ndɔ lɔ anvrɛnvrɛn mɛ̀n nɔn.

1 Korɛntɛ̀n anmàn-bɔ̀ 12:28

Ɔmu lɔ de, Ɔwɔ-fɛcüè mɛ̀n lɔ, Ɔwɔ wá ɔkɔ̀hɔ̀n-wá-bɔ̀ kpàkpà-bɔ̀, anhyrɛmɛ̀n dú Ɔwɔ-mùanwú-ankà-dɔ́-bɔ̀, kɩ eci-yé-bɔ̀ dú anhɔnmɛ̀n; kɩ zɛtɛn yɛ wá anwrɔn hɔ̀n léyi kɛ hán anvɛmɛ̀n-frɛ́n-ci, anwrɔn hɔ̀n léyi kɛ korɛ ɛnlɔẅiɛ-bɔ̀, anwrɔn hɔ̀n léyi ẅɛn ɛkɔrɛwá cice, kɩ kɛ nyrɔn anwrɔn janbɔ̀, kɩ yɔ vru yɔ vrá ɛnbrɛ̀ vɛnvɛn nyàntɛn hɔ̀n nɔn.

1 Korɛntɛ̀n anmàn-bɔ̀ 14:3

Tɛ́n ɔwrɔn léyi kɛ dɔ́ Ɔwɔ mɛẅi ankà nɔn, nɛ dɔ́ nɛ́n nyran hɔ̀n ankà, ô y'ankaẅì-bùtan kè nán esù kɛ̀ hɔ́n ezì, ô nɛ̀n yɩ́ yɔ edù, nɛ̀n bi ɛnbɔrɛ nɛ̀n wá yɔ.

2 Korɛntɛ̀n anmàn-bɔ̀ 1:12

Nyàn eci le kruhú léyi ke ji le bɔ̀ gbú ɔmùan nɔn: hán ɔmu le bɔ́ wàwúyɛ lɔ ke yé nɔn, bɔ́ nyrɔn bɔ́ edomɛ̀n ɛnhibù wú, annannan le ny'ɛtɛ̀sɛ̀n, sɔ̀hɔ̀ mɛ̀n mán annanwɔrɛ léyi dú Ɔwɔ yri kɛ và nɔn mɛ̀n, kɩ bɔ́ dú ɛnyrɔn mɛ̀n Ɔwɔ boafɔ̀n mɛ̀n, kɩ kè sɩ̀ dù ɔwrɔnẅì ankà-nyriemɛ̀n.

2 Korɛntɛ̀n anmàn-bɔ̀ 11:3

Tɛ́n, hán ɔmu le Ɛvɛ̀n teze n'edomɛ̀n bru ɛnlɛbrì tanwrɔn lɔ mɛ̀n nɔn, mɛ ẅɛn ɛnjansù le, ny'ɛnkruemɛ̀n-ẅɛ̀n ke bɩ́ jrɛ́a, ô ke sɩ́ nyɛ̀n esù she Krisì cüɛ̀n-mùan-zri-dì fifi lɔ tɛ̀sɛ̀n.

2 Korɛntɛ̀n anmàn-bɔ̀ 8:12

Ɔmuhi ke dú kɛ ye bɩ́ ɛnbɔrɛ anvrɛnvrɛn eci-tán mɛ̀n, Ɔwɔ ke bɩ́ ecice lɔ, kɩ kɛ crɛnyan eci léyi yɛ ẅɛ̀n nɔn, kɩ kè sɩ̀ dù hɩ le ye sɩ̀ ẅɛ̀n hàn nɔn.

2 Korɛntɛ̀n anmàn-bɔ̀ 9:11

Nɛ lɛ srɔ nyɛ̀n ɛnnɛ̀ncüì hɔ̀n anvrɛnvrɛn ɛnvra lɔ fɛn mɛ̀n, ô nyɛ́n cɔ́ ɛnvra lɔ fɛn ny'ɛkɔrɛ̀-wá ci-hán yri; ɔmu lɔ bobrebe kɛ lɛ tán Ɔwɔ ɔkùɛn ecice léyi bɔ́ lɛ hɔ̀n sɩ́ yɔ ny'ebɩmɛ̀n nɔn.

2 Korɛntɛ̀n anmàn-bɔ̀ 9:13

Vɔ̀nshɛ́ ci-bɩ̀tan kɔ̀hɔ̀n ndɔ lɔ, kɛ lɛ tán anwrɔn bobrebe Ɔwɔ ci-zrɔ kè dú ɔwá léyi nye di nɛ́n dalɛfuɛ ny'ɔmùan-zri-diemɛ̀n Krisì Mɛẅi ankà Ankrankran lɔ wú; yɔ lɛ vru yɔ zrɔ nɛ̀n eci kè dú ny'ɛkɔrɛ̀-wá léyi kɛ tán nyɛ̀n ny'anvrɛn-ci dɛ̀, nyɛ́n mán anwrɔn ndɔ hɔ̀n mɛhi.

2 Korɛntɛ̀n anmàn-bɔ̀ 9:7

Ke ji le ɔwrɔnwrɔn kɛ̀ tán, hán ɔmu le nɛ̀n wá nɔn, edomɛ̀n-bru ke bɩ́ dú ɛmɛ̀n, kɩ kè sɩ̀ dù kèkrèmɛ̀n. Ɔmuhi Ɔwɔ kɛ cüɛn ɔwrɔn léyi kɛ tán eci pɔpüɛ̀ mɛ̀n nɔn.

Efɛzɛ̀n anmàn-bɔ̀ 6:5

Anwɔ̀n-bɔ̀, nyɛ́n wá ny'ɛẅɛn-bɔ̀ léyi dú ɛnu ɛnhi nɔn, edomɛ̀n ɛnhisɩemɛ̀n, ɛwá mɛ̀n, ɛnbɔrɛ zri anvrɛnvrɛn mɛ̀n, kè dù kɛ̀ hán ɔmu le nyɛ́n dú Krisì ci-bɩ̀tan-bɔ̀ nɔn.

Kɔlɔsèn anmàn-bɔ̀ 3:22

Anwɔ̀n-bɔ̀, eci lɔ fɛn mɛ̀n, nyɛ́n wá ny'ankà-yé-bɔ̀ léyi dú ɛnu ɛnhibù wú nɔn. Nyɛ́n bɩ́ hán eci lɔ ɛnvra léyi yɛ nán nyɛ̀n nɔn kɩ, ô yɔ cüɛn nyɛ̀n; tɛ́n nyɛ́n hán nɛ̀n ɛnbɔrɛ zri mɛ̀n anvrɛnvrɛn mɛ̀n, ɛwá léyi nyɛ́n ẅɛn Ɛẅɛnwrɔn wú nɔn, hɩ kruhú.

1 Tesalonikɛ̀n anmàn-bɔ̀ 2:3

Annanwɔrɛ mɛ̀n lɔ, ebi léyi bɔ́ bi anwrɔn lɔ fɛn nɔn, kè sɩ̀ dù ɛzɛ̀n mán ɛnbrá mɛ̀n ci-hán kruhú, kɩ bɔ́ sɩ́ ji bɔ̀ frɛ́n ɔwrɔn zriɛmɛ́n.

1 Tesalonikɛ̀n anmàn-bɔ̀ 2:8

Bɔ̀ ẅɛn ny'ɛcüɛ̀n vri anvrɛnvrɛn kɩ bɔ̀ krɔn kpehɛ́n ô bɔ̀ dɔ́ nyɛ̀n Ɔwɔ Mɛẅi ankà Ankrànkràn lɔ, tɛ́n bɔ̀ vru bɔ̀ tán nyɛ̀n bɔ́ ɛwúvà mumù lɔ fɛn. Nyɛ́n srɔ bɔ́ edù-yɔ-ci!

Kpàkpà timote 4:13

È bɩ́ edùyì ɛ̀ krɛ́ anwrɔn lɔ fɛn zìwú, Owrú Prɔnprɔn lɔ, yakɛ kɛ̀ cɔ́ m'ɛvá bì, è yɩ́ anwrɔn edù, ô è yé Ɔwɔ ankà.

Kpàkpà timote 5:17

Ɛcüìcüì-bɔ̀ léyi kɛ nyrɔn Ɔwɔ-fɛcüè lɔ nɔn, zrɔ tán le y'ɔwɔ̀ɛn-dì lɔ kɛ̀ hɔ́n ɛwú, anannan le yɔ hɔ̀n léyi kɛ dɔ̀, kɩ ke yé Ɔwɔ ankà nɔn.

Kpàkpà timote 6:18

Ɛ̀ wá tán yɔ hán anvrɛn, yɔ di ɛnnɛ̀ncüì eci ankrankran hán mɛ̀n, yɔ bɩ́ hán kɔtɛ́ ci, ô ɛci léyi yɔ ẅɛ̀n nɔn, yɔ mán yɔ nyran hɔ̀n mɛhi yɔ dɛ̀.

Ebre-bɔ̀ 10:25

Bɔ́ bɩ́ teze bɔ́ fɛcüè krubɔrɛ hɔ̀n lɔ kɛ hán ɔmu le, anwrɔn ndɔ hɔ̀n dú y'edùci nɔn hɔ́. Tɛ́n, bɔ̀ tán bɔ́ edomɛ̀n edùyì, kɩ ndɔ lɔ kè dú bɔ́ eci-hán, ɔmuhi nyɛ kàn le Ɛẅɛnwrɔn vá bì lɔ kɛ́n eburi nɔn.

Ebre-bɔ̀ 13:17

Nyɛ́n die ny'ɛnyrɔnnan-bɔ̀ nukùɛ, ô nyɛ́n sɩ́ ny'edomɛ̀n ɛnhi nyɛ́n tán yɔ. Annanwɔrɛ mɛ̀n lɔ, yɔ dú bɔ́ ɛnán mɛ̀n ɛnbì lɔ fɛn, ɔmuhi yɔ ẅɛn eci-krɛ̀ yɔ mán Ɔwɔ mɛhi nɔn. Nyɛ́n hán tán, ô yɔ cɔ́ y'ɔkɔ̀hɔ̀n lɔ n'ɛhán-yri pɔpüɛ̀ mɛ̀n, kɩ ke bɩ́ dú obòto mɛ̀n, eci-hán ndɔ lɔ ke sɩ̀ sɩ́ nyɛ̀n vɔ̀nshɛ́ zriɛmɛ́n.

Ebre-bɔ̀ 13:22

Anwrɔn-nɛ́n-muanẅi hɔ̀n, mɛ wá tán nyɛ̀n le: nyɛ́n die nukù ɛnbɔrɛ-ẅɛ̀n-hɛ́n mɛ̀n, edùyi ankà-dɔ̀ ndɔ hɔ̀n lɔ mɛ̀n. Ɔmuhi owrú léyi mɛ̀n merɛ́n nyɛ̀n nɔn ke sɩ̀ zeze kɛ̀ gbɔ̀a nɔn.

Ebre-bɔ̀ 13:24

Ny'ɛnyrɔn-bɔ̀ lɔ fɛn mán anwrɔn hɔ̀n léyi dú Ɔwɔ-fɛcüè-bɔ̀ nɔn, nyɛ́n tán yɔ ebinyan. Anwrɔn-nɛ́n-muan-ẅì hɔ̀n léyi dú Itali kpɔsɔ wú nɔn, ke bi nyɛ̀n nyan.

Ebre-bɔ̀ 13:7

Ɛcüìcüì-bɔ̀ léyi kɛ nyrɔn nyɛ̀n, kɩ dɔ́ nyɛ̀n Ɔwɔ mùan-ankà nɔn, y'ankà kè bru nyɛ̀n. Nyɛ́n tro y'ɛwúvà léyi yɔ ẅɛ̀n kɩ yɔ wù nɔn yi ankà, ô nyɛ́n ván y'ankaẅìbùtan lɔ.