Rɔmɛ̀n-anmàn-bɔ̀ 12:5 - Ɛmɛẅi ankà ankrànkràn 2003

⁵ Ɔmu zri léyi bɔ̀ cüɛ́n nɔn, bɔ̀ ẅɛn edùwrú zri, bɔ mán Krisì mɛhi b'ɔbɔ̀sɔ̀ lɔ mɛ̀n, kɩ bɔ̀ dú ɔbɔ̀sɔmɛ̀n hán edùwrú ẅia léyi grɔ anmɛ̀ntɛ mɛ̀ntɛ nɔn hɔ́!

Rɔmɛ̀n-anmàn-bɔ̀ 12:5 Iomraidhean Croise

Zhan 17:11

Mɛ̀n sɩ̀ vrù dù ɛnhibù wúɛ, tɛ́n yɔ tɛn yɔ dú ɛnhibù wú; mɛ̀n, mɛ hɔ́n v'eyri. Dade Prɔnprɔn, ɛ̀ nyan yɔ v'ebɩ́ kɔrɛ̀srɔn mɛ̀n, ɛkorɛ̀srɔn léyi ɛ̀ tán mɛ̀n nɔn, ô yɔ dú eci zri kɛ̀ hán vɛ́n mán mɛ̀n mɛhi léyi bɔ̀ dú eci zri nɔn hɔ́.

Rɔmɛ̀n-anmàn-bɔ̀ 12:4

Bɔ̀ ẅɛn edùwrú ẅia zri, tɛ́n bɔ́ edùwrú lɔ grɔ n'edomɛ̀n anmɛ̀ntɛ mɛ̀ntɛ kɩ ɔwrɔnwrɔn ẅɛn n'ɔkɔ̀hɔ̀n.

1 Korɛntɛ̀n anmàn-bɔ̀ 10:17

Ɛci-zî zri kɩ dù; tɛ́n, anwrɔn bobrebe hɔ̀n léyi dú bɔ̀ nɔn, bɔ́ dú edùwrú zri, ɔmuhi, bɔ́ lɛ fɛn bɔ̀ ẅɛn ɛci-zî zri kɩ nɔn.

1 Korɛntɛ̀n anmàn-bɔ̀ 10:33

Nyɛ́n hán eci kɛ̀ hán mɛ̀n hɔ́: mɛ hán kèkrèmɛ̀n mɛ̀n cüɛn anwrɔn lɔ fɛn ɛvɛ̀ eci lɔ fɛn hán mɛ̀n; mɛ́n sɩ́ ji mɛ́n dùku m'anvrɛn, tɛ́n anwrɔn bobrebe hɔ̀n tɛn, ô yɔ cɔ́ ebɩdie.

1 Korɛntɛ̀n anmàn-bɔ̀ 12:20

Annanwɔrɛ mɛ̀n lɔ, edùwrú yri bobrebe hɔ̀n de dù nɔn, kɩ edùwrú zri kɩ dù.

1 Korɛntɛ̀n anmàn-bɔ̀ 6:15

Nyɛ́n nyri ɔmu le ny'edùwrú hɔ̀n lɔ dú Krisì dùwrú cá tɔ̀n. Kɛ, me le bɩ́ Krisì dúwrú cá lɔ ɔtɔ̀n mɛ̀n srɔ wowie-nyɔnwrɔn dùwrú hɛ̀? Annanwɔrɛ mɛ̀n lɔ hɔ̂!

Efɛzɛ̀n anmàn-bɔ̀ 1:23

Ɔwɔ-fɛcüè dú Krisi dùwrú; n'ɛmɛ̀n de Krisì dú annanwɔrɛ mɛ̀n, nɛ́n léyi nɛ̀n yɩ́ ɛnhibù mumù lɔ fɛn mɛ̀n nɔn.

Efɛzɛ̀n anmàn-bɔ̀ 4:12

Ɔmu lɔ de nɛ̀n hán Ɔwɔ-fɛcüè lɔ krɔn kpehɛ́n kè dú n'eci-bɩ̀tan-kɔ̀hɔ́n mɛ̀n, ô kɛ̀ hán Krisì dùwrú-ẅia lɔ kè dú evrisɩemɛ̀n nɔn.

Efɛzɛ̀n anmàn-bɔ̀ 4:25

Hɩ kruhú, nyɛ́n kɔ́n ɛyɔ̀n-ankà nyɛ́n cüe! Ke ji le ɔwrɔnwrɔn kɛ̀ dɔ́ nɛ́n nyran ankà annanwɔrɛ, ɔmuhi bɔ́ lɛ fɛn bɔ̀ dú edùwrú zri mɛ̀n-bɔ̀ nɔn.

Efɛzɛ̀n anmàn-bɔ̀ 5:23

Ɔmuhi ɛncɔnwrɔn dú nɛ́n hi fra-wrɔn, hán ɔmu le Krisì dú Ɔwɔ-fɛcüe-bɔ̀ fra-wrɔn hɔ́ nɔn. Krisì dú annanwɔrɛ mɛ̀n lɔ, Ɔwɔ-fɛcüè léyi dú n'edùwrú nɔn, n'ebɩ̀die-wrɔn.

Efɛzɛ̀n anmàn-bɔ̀ 5:30

n'edùwrú léyi bɔ́ lɛ fɛn bɔ́ dú nɛ̀n ɛmɛ̀n nɔn.

Kɔlɔsèn anmàn-bɔ̀ 1:24

Zɛtɛ̀ lɔ, ɛgbànkàn hɔ̀n léyi mɛ cɔ́ ny'ɛkruhú nɔn, hɩ pɔpüɛ̀ kɛ brá mɛ̀n. Ɔmuhi, mɛ tán m'edùwrú-ẅia lɔ, ɛgbànkàn léyi dú Krisi dùwrú-ẅia lɔ mɛ̀n, ɛgbànkàn léyi kɛ vá dú n'Ɔwɔ-fɛcüè lɔ mɛ̀n nɔn.

Kɔlɔsèn anmàn-bɔ̀ 2:19

yɔ sɩ́ cɔ́ Krisì mɛhi yɔ yɛ́a, nɛ́n léyi nɛ̀n dú ɛnkru nɔn. Kɩ ndɔ lɔ mán Krisì kɔrɛ̀levriemɛ̀n de antà-dùwrú mumù lɔ fɛn kɛ cɔ́ ɛci-zî, kɩ ke dú ɔbɔ̀sɔ mɛ̀n nɛ́n mán esruyri hɔ̀n léyi dú anẅia mɛ̀n nɔn, kɩ nɛ sɔ́ kɛ hán ɔmu le Ɔwɔ ke ji nɔn.