Rɔmɛ̀n-anmàn-bɔ̀ 12:3 - Ɛmɛẅi ankà ankrànkràn 2003

³ Ecice-ci léyi Ɔwɔ tán mɛ̀n n'ɛcüɛ̀n lɔ mɛ̀n nɔn, hɩ kruhú de mɛ dɔ́ tán nyɛ lɛ fɛn le: nyɛ́n bɩ́ ẅɛn ankà-tro ke sevri kɛ vrán nyɛ́n mumù. Tɛ́n nyɛ́n ẅɛn ankà-tro hɔ̀n léyi vɛ́n nyɛ̀n, ɔwrɔnwrɔn n'ankaẅì-bùtan léyi Ɔwɔ tán nɛ̀n nɔn hɩ wú.

Rɔmɛ̀n-anmàn-bɔ̀ 12:3 Iomraidhean Croise

Lükɛ̀n 18:11

Ɔwɔ-nyanmàn-sùva-wá-wrɔn lɔ nyɔn ɔhɔnán, kɩ kɛ sɛ́n Ɔwɔ kɛ dɔ̀ le: ‘Ô Ɔwɔ, mɛ tán mɛ́n ɔkuɛ̀n, ɔmuhi mɛ̀n sɩ̀ dù kɛ̀ hàn anwrɔn ndɔ hɔ̀n léyi dú ɛci-yerɛ-bɔ̀, ɛci-gbangbàn-hán-bɔ̀ mán wúcɔ̀-hi-bi-bɔ̀; mɛ tán mɛ́n ɔkuɛ̀n, ɔmuhi mɛ̀n sɩ̀ dù kɛ̀ hàn anmàn-wɔɛ̀n-yrɛ-wrɔn ndɔ lɔ nɔn.

Zhan 3:34

Ɔwrɔn léyi Ɔwɔ wá ɔkɔhɔ̀n nɔn kɛ dɔ́ Ɔwɔ-mùanwú-ankà, ɔmuhi Ɔwɔ kɛ tán nɛ̀n kokroho n'Ɛnhɛ́n lɔ nɔn.

Rɔmɛ̀n-anmàn-bɔ̀ 1:5

N'ɛmɛ̀n lɔ, Ɔwɔ tán mɛ̀n n'ɛcüɛ̀n, ô mɛ̀n dú ɔkɔ̀hɔ̀n-wá-wrɔn Krisì ci-zrɔ mɛ̀n, ô mɛ̀n hán anwrɔn hɔ̀n lɔ fɛn léyi dú ɛnhi wú nɔn kè bú n'ankà kɛ̀ tán ankaẅì, ô kɛ̀ hán n'ɛkɔrɛ̀zì-ci.

Rɔmɛ̀n-anmàn-bɔ̀ 11:20

Dú annanwɔrɛ. Yɛ voyan yɔ ɔmuhi ankaẅì-bùtan trɔ yɔ ɛmɛ̀n, kɩ è bɩ́ y'ɛyri lɔ, ankaẅì-bùtan léyi ɛ ẅɛ̀n nɔn hɩ kruhú. Tɛ́n e bɩ́ di tùtre hɩ wú lɔ! Kɩ ke ji le ɛ̀ wá esùva anvrɛnvrɛn.

Rɔmɛ̀n-anmàn-bɔ̀ 11:25

Anwrɔn-nɛ́n-muan-ẅì hɔ̀n, me ji mɛ̀n hán nyɛ̀n nyɛ́n nyri Ɔwɔ ankɔ́nda-ci-hán ankà-bán-ankà lɔ, ô nyɛ́n bɩ́ bú ny'edomɛ̀n nyɛ́n hán ankà-nyri-bɔ̀: Izraɛlɛ̀n fɛcüè cá ke le dú ɔbrɔsa mɛ̀n hàn kɩ kɛ lɛ cɔ́ ɛnvra léyi ɛnhibù fɛcüè nyantɛn kɛ lɛ cɔ́ ɛnkru-kɔrɛ̀ nɔn.

Rɔmɛ̀n-anmàn-bɔ̀ 12:16

Ny'ɛwúvà kè dú ɔmùan-krɔn mɛ̀n nyɛ́n mán nyɛ́n nyran hɔ̀n mɛhi. Nyɛ́n bɩ́ ji nmù-ci ɛvrivri hán, tɛ́n nyɛ́n cüɛn eci-hán léyi vɛ́n nyɛ̀n nɔn. Nyɛ́n bɩ́ bɩ́ ny'edomɛ̀n nyɛ́n hán ankà-nyri-bɔ̀.

1 Korɛntɛ̀n anmàn-bɔ̀ 15:10

Tɛ́n Ɔwɔ boafɔ̀n mɛ̀n lɔ, mɛ̀n dú eci léyi dú mɛ̀n nɔn, kɩ nboafɔ̀n léyi Ɔwɔ tán mɛ̀n nɔn kè sɩ̀ srɔ̀ eci woro: tɛ́n, mɛ̀n hán ɔkɔ̀hɔ̀n vrán ɔkɔ̀hɔ̀n-wá-bɔ̀ lɔ fɛn; annanwɔrɛ mɛ̀n lɔ kè sɩ̀ dù mɛ̀n, tɛ́n Ɔwɔ boafɔ̀n de hán ɔkɔ̀hɔ̀n m'ɛmɛ̀n nɔn.

1 Korɛntɛ̀n anmàn-bɔ̀ 3:10

M'ankà-nyrì léyi Ɔwɔ tán mɛ̀n nɔn, mɛ́n bɩ mɛ̀n hán ɔkɔhɔ̀n hán ɔwɔn-kú-wrɔn anvrɛnvrɛn tɔ̀n hɔ́, kɩ mɛ̀n wá ɔwɔn-bù ɛnhibɩ́. Zɛtɛ̀ lɔ, ɔwrɔn tɔ̀n ke ku ɔwɔn ɔwɔn-hi-nan lɔ ɛwú. Tɛ́n ke ji le ɔwrɔnwrɔn kɛ̀ wá esùva n'ɔwɔnkuemɛ̀n.

1 Korɛntɛ̀n anmàn-bɔ̀ 7:17

Ankà ndɔ lɔ dú ɔhɔnan, kɩ ke ji le ɔwrɔnwrɔn kè dú ɛwúvà léyi Ɛẅɛnwrɔn tán nɛ̀n ecüì nɛ̀n dú ɛmɛ̀n nɔn, ô nɛ̀n dù kɛ̀ hán ɔmu le nɛ̀n dú ɛnvra léyi Ɔwɔ bi nɛ̀n nɔn. Ndɔ lɔ de dú ɛnyànmàn léyi mɛ wá tán Ɔwɔ-fɛcüè-bɔ̀ lɔ fɛn nɔn.

2 Korɛntɛ̀n anmàn-bɔ̀ 10:13

Bɔ́ tɛn tɛ́n, bɔ́ sɩ̀ gbú ɔmùan ke fɛ ɛwú; bɔ́ lɛ hán nɛ̀n bɔ̀ cɔ́ ɛkɛ̀tɛ̀ vɔ̀n léyi Ɔwɔ wá ɔkɔ̀hɔ̀n tán bɔ̀, ô kɛ̀ tán bɔ̀ ɛkɔrɛ̀-levri bɔ̀ cɔ́ ny'edúyri nɔn.

2 Korɛntɛ̀n anmàn-bɔ̀ 12:13

Ecitan mɛ̀n de ye sɩ̀ nyrì wá nyɛ̀n esùva kɛ̀ hàn Ɔwɔ-fɛcüè ndɔ hɔ̀n lɔ, ke dú kɛ, kè sɩ̀ dù mɛ̀n léyi mɛ̀n sɩ̀ srɔ ɛnlòwrú mɛ̀n tán nyɛ̀n nɛ́n? Nyɛ́n bɩ́ eci-hán ndɔ léyi kè sɩ̀ nyrɔ̀n hàn nɔn nyɛ́n ce mɛ̀n!

2 Korɛntɛ̀n anmàn-bɔ̀ 12:7

Tɛ́n, ô tùtre ke bɩ́ yí mɛ̀n edomɛ̀n ankà-bán-ankà-yé léyi mɛ́n cɔ̀ nɔn wú, yɛ tán mɛ̀n ɛgbànkàn vri m'edùwrú-ẅia mɛ̀n hán le Anwa-wrɔn mɛẅi ankà-dɔ́-wrɔn tɔ̀n léyi yɛ wá tán ke gorɛ mɛ̀n, ô ke bɩ́ tán mɛ̀n tùtre ci-hán.

Galasi anmàn-bɔ̀ 6:3

Ke dú kɛ ɔwrɔn tɔ̀n ke tro le nɛ̀n ẅɛn vɔ̀nshɛ́, tɛ́n nɛ̀n sɩ̀ dù eci zriɛmɛ́n, nɛ frɛ́n n'edomɛ̀n.

Efɛzɛ̀n anmàn-bɔ̀ 3:2

Nyɛ́n yá annanwɔrɛ mɛ̀n yɛ dɔ́ ɔkɔhɔ̀n léyi Ɔwɔ tán mɛ̀n n'ɛzrɔ lɔ mɛ̀n, kè dú nyɛ́n vɔ̀nshɛ́-ci nɔn.

Efɛzɛ̀n anmàn-bɔ̀ 3:4

kɩ owrú krɛmɛ̀n lɔ, nye le nyri ɔmu le mɛ̀n hán mɛ̀n cɔ́ Krisì ankà-bán-ankà lɔ mɛ́n nyrì nɔn.

Efɛzɛ̀n anmàn-bɔ̀ 4:16

N'ɛkɔrɛ̀-levriemɛ̀n de edùwrú-ẅia dú eci léyi edù sɔ́, hɩ dú ɔbɔ̀sɔmɛ̀n anvrɛnvrɛn nɛ́n mán edùwrú mumù lɔ fɛn mɛhi. Ɔmu lɔ de, ɛnvra léyi edùwrú ci-hɔ̀n lɔ fɛn ke dú esùnanmɛ̀n anvrɛnvrɛn kɛ hán ɔmu le ke ji nɔn, edùwrú-ẅia lɔ fɛn ke dú ɛsɔ́ mɛ̀n kɩ kɛ cɔ́ ecüì ɛcüɛn mɛ̀n.

Filipɛ̀n anmàn-bɔ̀ 2:13

ɔmuhi Ɔwɔ kɛ hán ɔkɔ̀hɔ̀n ny'ɛmɛ̀n, nɛ tán nyɛ̀n ecüì, nyɛ́n ji, ô nyɛ́n hán eci léyi dú nɛ́n dùku n'ankɔnda ci-hán nɔn.

Kɔlɔsèn anmàn-bɔ̀ 1:29

Ɔkɔ̀hɔ̀n ndɔ lɔ, n'ɛhán mɛ̀n lɔ, mɛ hán ɔkɔ̀hɔ̀n kɩ mɛ̀n dú ecüìwrɔn mɛ̀n, Krisì cüì léyi kɛ tán mɛ̀n nɔn, n'ɛkɔrɛ̀-srɔn mɛ̀n.

Kɔlɔsèn anmàn-bɔ̀ 2:13

Ɛnbiɛhɛ́n vra lɔ, nyɛ́n wú ɛnhɛ́n mɛ̀n ny'ɛgbàn hɔ̀n lɔ kruhú, ɔmuhi nyɛ́n dú anwrɔn hɔ̀n léyi kè sɩ̀ nyrì Ɔwɔ nɔn. Tɛ́n zɛtɛ̀ lɔ, Ɔwɔ tán nyɛ̀n ɛwúvà wrù Krisì mɛ̀n. Nɛ̀n bɩ́ bɔ́ ɛgbàn hɔ̀n lɔ fɛn nɛ̀n ce bɔ̀.

Kpàkpà timote 1:14

Bɔ́ Ɛẅɛnwrɔn ku mɛ̀n nɛ́n nboafɔ̀n bobrebe ɛwú, nɛ̀n tán mɛ̀n ankaẅìbùtan mán ɛcüɛ̀n léyi dú Zhezü Krisì mɛhi b'ɔbɔ̀sɔ̀ lɔ mɛ̀n nvà nɔn.

Kpàkpà timote 2:15

Tɛ́n ɛnnyɔnwrɔn kɛ lɛ cɔ́ ebɩdie n'ɛẅì bîemɛn, ke dú kɛ ne dú ankaẅìbùtan ẅɛn mɛ̀n, ɛcüɛ̀n mán prɔnprɔn mɛ̀n, edomɛ̀n ɛnhi-sɩemɛ̀n.

Kpàkpà timote 2:9

Me ji le wúyɔ̀ mán kɛ ẅɛn ɛci edomɛ̀n anvrɛnvrɛn, ɔwá mán edomɛ̀n ɛnhi-sɩ́ kè dú ɛmɛ̀n; yɔ bɩ́ há ɛnkru vɛnvɛn, yɔ bɩ́ wá ansìkɛ mán ɛbrɛci brobebe edomɛ̀n, kɩ edomɛ̀n ẅɛn-ci mán ke bɩ́ dú eci-gbrɛ́n-ci,

Titɛ̀n 2:12

Nboafɔ̀n ndɔ lɔ kɛ wá tán bɔ̀, bɔ́ teze bɔ́ ɛwúvà gbàngbàn mán bɔ́ ɛnhibù wú ankà-tro hɔ̀n lɔ, ô bɔ̀ ẅɛn ankà-nyrì wúvà, bɔ̀ dú ɛnyrɔnnanmɛ̀n, ô bɔ̀ di ɔmùan-zri Ɔwɔ tɛ̀sɛ̀n.

Titɛ̀n 2:2

Ɛ̀ dɔ́ nɛ̀ngbànvri-bɔ̀ le, yɔ bɩ́ zî ɛci bobrebe, yɔ ẅɛn ɔwá, yɔ hán ankà-nyri-ci, yɔ nyɔn ɛshishiemɛ̀n ankàẅì-bùtan-ẅɛ̀n annànwɔrɛ mɛ̀n, ɛcüɛn mɛ̀n, mán ɛnbɔrɛ-ẅɛ̀n hɛ́n mɛ̀n.

Titɛ̀n 2:4

ô kɛ̀ hán tán sùgban-wúyɔ̀ kɛ cüɛn yɔ cüì hɔ̀n mán y'ɛẅì hɔ̀n,

Titɛ̀n 2:6

Ɔmu zri lɔ, ɛ̀ dɔ́ sùgban-ẅì hɔ̀n kɛ̀ wɛn ankà-nyrì eci lɔ fɛn mɛ̀n.

Zhakɛ̀n 4:6

Ɔmu tɛ̀kɩ ɛboafɔ̀n léyi Ɔwɔ kɛ tán bɔ̀ nɔn sevri, ɔmuhi Owrú Prɔnprɔn ndɔ̀ le: “Ɔwɔ kɛ kɛ́n tùtre-bɔ̀ ezì, kɩ nɛ cüɛ́n ɛnhyɔ̀bɔ̀-di-bɔ̀.”

1 Piɛrɛ̀n 1:13

Hɩ le kruhú de ke ji le nyɛ́n krɔn kpehɛ́n eci-hán mɛ̀n, ny'ɛnhɛ́n lɔ kè dú ɛvɛ̀ kpriemɛ̀n. Nyɛ́n bɩ́ ny'esɛ́ lɔ fɛn nyɛ́n wá ɛkɔrɛ̀wá léyi yɛ lɛ tán nyɛ̀n ɛnvra léyi Krisì kɛ lɛ và nɔn mɛ̀n.

1 Piɛrɛ̀n 4:11

Ɔwrɔn léyi kɛ dɔ́ ankà anvrɛnvrɛn nɔn, ke ji le nɛ̀n dɔ́ Ɔwɔ ankà; ɔwrɔn léyi ẅɛn eci-bɩtan kɔrɛ̀-wá nɔn, kè bɩ́ nɛ̀n kɛ̀ hán eci Ɔwɔ kɔrɛ̀-wá cüìemɛ̀n: ke ji le eci lɔ fɛn mɛ̀n lɔ, Ɔwɔ kɛ̀ cɔ́ eci-zrɔ Zhezü Krisì bɩmɛ̀n, nɛ́n léyi ɛkɔrɛ̀srɔn mán eci-zrɔ dú nɛ tɛn ɛnvra lɔ fɛn! Kè dú ɔmu lɔ.

1 Piɛrɛ̀n 4:7

Ɛci hɔ̀n lɔ fɛn y'ɔtrɔ vra bá ɛtɛ̀sɛ̀n: Zɛtɛn nyɛ́n dú ɛnkruemɛ̀n-ẅɛ̀n wúvà mɛ̀n, ɛnhɛ́n kè dú nyɛ̀n ɛvɛ̀ kpriemɛ̀n, ô nyɛ́n cɔ́ Ɔwɔ-sɛ́n yri.

1 Piɛrɛ̀n 5:5

Ɔmu zri lɔ, sùgban-bɔ̀, nyɛ́n sɩ́ ny'edomɛ̀n ɛnhi nyɛ́n tán anwrɔn hɔ̀n léyi dú nyɛ̀n ɛcüìcüì nɔn. Kɩ nyɛ lɛ fɛn lɔ nyɛ́n ẅɛn edomɛ̀n-hi-sɩ́ ci edomɛ̀n nyɛ́n mán nyɛ́n nyran hɔ̀n mɛhi ny'ankà-dɔ́ mɛ̀n, ɔmuhi Owrú Prɔnprɔn kɛ dɔ̀ le: “Ɔwɔ kɛ kɛ́n tùtre-bɔ̀ ezì, tɛ́n nɛ̀n ẅɛn ɛnbɔrɛ wɔwɔ edomɛ̀n-hi-sɩ́-bɔ̀ tɛsɛ̀n.”

1 Piɛrɛ̀n 5:8

Anvɛ̀ kè kpri nyɛ̀n, anvɛmɛ̀n kè bi nyɛ̀n! Ɔmuhi ny'egbriwrɔn anwawrɔn, kɛ gbrɛnkɛn ɔmùan kɛ hán gɔ̀ngɔ̀sɔvɛ̀ léyi esùvamɛ̀n ke shrì ke ji ɔwrɔn tɔ̀n kɛ̀ rá nɔn.

3 Zhan 1:9

Mɛ̀n merɛ́n ny'Ɔwɔ fɛcüe owrú kpò tɔ̀n; tɛ́n Diotrɛfɛ̀n léyi ke ji kɛ nyrɔn eci lɔ fɛn, ke sɩ́ bú ankà léyi mɛ dɔ̀ nɔn, kɛ hán ankà.