Rɔmɛ̀n-anmàn-bɔ̀ 10:9 - Ɛmɛẅi ankà ankrànkràn 2003

⁹ Ke dú kɛ, e ci v'anmùan mɛ̀n, ɛ dɔ́ anwrɔn lɔ fɛn zìwú le Zhezü dú Ɛẅɛnwrɔn kɩ v'ɛnborɛ mumù lɔ fɛn mɛ̀n, ɛ ẅɛn ankaẅì-bùtan le Ɔwɔ bɩ́ Zhezü owú-bɔ̀ mɛ̀n vá ɛkɔrɛ-bɔ̀ mɛ̀n hô, ɛ lɛ cɔ́ ebɩ̀die.

Rɔmɛ̀n-anmàn-bɔ̀ 10:9 Iomraidhean Croise

Lükɛ̀n 12:8

“Mɛ dɔ́ nyɛ̀n: ke dú kɛ ɔwrɔn totɔtɔ̀n kɛ hán tán anwrɔn ke nyrì le nɛ́n mɛhi bɔ́ dù, ɔwrɔnẅì Ẅì mán kɛ lɛ hán Ɔwɔ kùyüre-bɔ̀ ke nyrì le mɛ̀n mán nɛ́n mɛhi bɔ́ dù.

Zhan 9:22

N'ɛmɛ̀n-bɔ̀ lɔ kɛ dɔ́ ɔmu lɔ ɔmuhi, yɔ sú Zhüifɛ̀n-bɔ̀ cüìcüì hɔ̀n lɔ nɔn. Annànwɔrɛ mɛ̀n lɔ ɛcüìcüì-bɔ̀ ɔmùan krɔn, ô yɔ wrɔ́ Ɔwɔ-sɛ́n-wɔn lɔ mɛ̀n, ɔwrɔn totɔtɔ̀n léyi kɛ lɛ dɔ̀ le Zhezü dú ebɩ̀die-wrɔn nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 16:31

Yɔ mrɛ́n ɔmùan le: “È bú Ɛẅɛnwrɔn Zhezü ankà ɛ̀ tán ankaẅì kɩ ɛ lɛ cɔ́ ebɩ̀die, vɛ́n mán v'ɛmɛ̀n-bɔ̀ mɛhi.”

Ɔkɔ̀hɔ̀n-wá-bɔ̀ kɔ̀hɔ̀n hán 2:24

Tɛ́n Ɔwɔ frɔ́ nɛ̀n, mrɛ́n nɛ̀n sɔhɔ́ owù gbànkan mɛ̀n, ɔmuhi ke sɩ̀ wá tán le owù kɛ̀ ẅɛn nɛ̀n kɛ̀ hɛ́n n'ɛkɔrɛ̀srɔn lɔ mɛ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 2:32

Zhezü ndɔ léyi mɛ dɔ́ n'ankà nɔn, Ɔwɔ frɔ́ nɛ̀n kɩ bɔ́ lɔ fɛn bɔ́ dú nɛ́n dalɛfuɛ-di-bɔ̀.

Ɔkɔ̀hɔ̀n-wá-bɔ̀ kɔ̀hɔ̀n hán 8:36

Yɔ dú ɛnlevri yɔ hɔ̀n kɩ yɔ cɔ́ ɛyri tɔ̀n léyi ɛnshi ndù nɔn. Zɛtɛn govràn-kɔ̀hɔ̀n-hán-wrɔn lɔ kɛ dɔ̀ le: “Nyàn ɛnshi; ecitan de kɛ lɛ kɛ́n m'ɛnshi-kru-wá lɔ kɛ̀ hɛ́n nɛ́n?” [

Rɔmɛ̀n-anmàn-bɔ̀ 10:10

Annanwɔrɛ mɛ̀n lɔ, ɛnbɔrɛ mɛ̀n de ankaẅì-bùtan ke dù kɛ srɔ, kɩ ɔwrɔn léyi kɛ ẅɛn ankaẅì-bùtan nɔn, Ɔwɔ kɛ srɔ nɛ̀n ɛnyrɔnnan-wrɔn; anmùan mɛ̀n de yɛ dɔ́ ankaẅì-bùtan ankà nɔn, kɩ Ɔwɔ kɛ tán ɔwrɔn léyi kɛ dɔ́ ankaẅì-bùtan ankà nɔn, ebɩ̀die.

Rɔmɛ̀n-anmàn-bɔ̀ 14:11

Ɔmuhi Owrú dɔ̀ le: “Mɛ̀n, Ɛẅɛnwrɔn kɔrɛkɔrɛ, mɛ dɔ́ annanwɔrɛ mɛ̀n le: anwrɔnẅì lɔ fɛn kɛ lɛ shran mɛ̀n annankru ezìwúɛ, kɩ yɔ lɔ fɛn yɔ lɛ brá pɔpüɛ̀ tán Ɔwɔ.”

Rɔmɛ̀n-anmàn-bɔ̀ 14:9

Ɔmuhi Krisì nwù kɩ vru vá ɔkɔrɛ-bɔ̀ mɛ̀n, ô kè dú owú-bɔ̀ mán ɔkɔrɛ-bɔ̀ Ẅɛnwrɔn nɔn.

Rɔmɛ̀n-anmàn-bɔ̀ 4:24

Ye merɛ́n, dú bɔ́ mán bɔ́ tɛn, bɔ́ léyi yɛ lɛ srɔ bɔ̀ ɛnyrɔnnan-bɔ̀, kɩ bɔ́ bú Ɔwɔ léyi bɩ́ Zhezü bɔ́ Ɛẅɛnwrɔn sɩ́ ɔkɔrɛ-bɔ̀ mɛ̀n nɔn, n'ankà bɔ̀ tán ankaẅì.

Rɔmɛ̀n-anmàn-bɔ̀ 8:34

Zɛtɛn antɔnwrɔn de kɛ lɛ bɔ́ yɔ nwù tɛ̀ nɛ́n? Ɔwrɔnẅì zriɛmɛ́n, ɔmuhi Zhezü Krisì dú ɔwrɔn léyi wù nɔn, n'ɛshishi lɔ, nɛ̀n dú owúemɛ̀n nɛ̀n frɔ́, nɛ̀n yɛ́ Ɔwɔ zì-kɔrɛ̀ kɔrɛ̀ kɩ nɛ sɛ́n tán bɔ̀.

1 Korɛntɛ̀n anmàn-bɔ̀ 12:3

Hɩ le kruhú de mɛ wá mɛ̀n dɔ́ nyɛ̀n le: Ɔwrɔn zriɛmɛ́n bàdà nɛ́n léyi Ɔwɔ Hɛ́n kɛ nyrɔn nɔn, nɛ̀n sɩ́ ɔmùan ɛwú nɛ̀n dɔ̀ le: “Muzhie dú Zhezü tɛn!” kɩ ɔwrɔn zriɛmɛ́n ke sɩ̀ dɔ̀ rɔ́ le: “Zhezü dú Ɛẅɛnwrɔn!” ke dú kɛ Ɛnhɛ́n Prɔnprɔn kè sɩ̀ nyrɔn nɛ̀n.

Filipɛ̀n anmàn-bɔ̀ 2:11

ô yɔ lɔ fɛn yɔ dɔ́ Ɔwɔ Zi ci-zrɔ lɔ mɛ̀n le: “Zhezü dú Ɛẅɛnwrɔn!”

1 Piɛrɛ̀n 1:21

N'ɛmɛ̀n de nye bú Ɔwɔ ankà nyɛ tán ankàẅì, nɛ́n léyi nɛ̀n bɩ́ n'ɛnẅì nɛ̀n sɔhɔ́ owú-bɔ̀ mɛ̀n kɩ nɛ̀n tán yi eci-zrɔ; ɔmu lɔ de nyɛ́n bɩ́ ny'ankaẅìbùtan mán ny'esɛ́ nyɛ́n wá Ɔwɔ mɛ̀n nɔn.

1 Zhan 4:15

Ke dú kɛ ɔwrɔn tɔ̀n kɛ dɔ̀ le Zhezü dú Ɔwɔ ẅì, Ɔwɔ dú nɛ̀n ɛmɛ̀n, kɩ nɛ̀n dú Ɔwɔ mɛ̀n.

2 Zhan 1:7

Anhyɔ̀n-bɔ̀ bobrebe bonyi ɛnhibù wú; yɔ sɩ́ ji yɔ nyri ɔmu le Zhezü Krisì srɔ ɔwrɔnẅì annanwɔrɛ. Ndɔ lɔ mɛ̀n de ɛyɔ̀n-wrɔn lɔ ke yé n'edomɛ̀n, Krisì Gbri-wrɔn.