Rɔmɛ̀n-anmàn-bɔ̀ 10:3 - Ɛmɛẅi ankà ankrànkràn 2003

³ Annanwɔrɛ mɛ̀n lɔ, yɔ sɩ̀ nyrì ɔmu le Ɔwɔ kɛ srɔ anwrɔnẅì ɛnyrɔnnan-bɔ̀ n'ezìwú, kɩ yɔ ji, ô yɔ wá yɔ mumù eci léyi kɛ lɛ srɔ yɔ ɛnyrɔnnan-bɔ̀ nɔn. Ɔmu lɔ de yɔ sɩ̀ sɩ̀ y'edomɛ̀n ɛnhi ɛnkru-kɔrɛ̀-nyànmàn léyi Ɔwɔ tán nɔn zìwú.

Rɔmɛ̀n-anmàn-bɔ̀ 10:3 Iomraidhean Croise

Lükɛ̀n 10:29

Tɛ́n, ɛnyanmàn-gbànvri-ankà-yé-wrɔn lɔ, ke ji kè nyrì ke dú kɛ nɛ̀n sɩ̀ zɛ̀n ɛnyanmàn wú. Kɩ ne yrɛ Zhezü le: “Antɔn dú annyran-wrɔnẅìɛ?”

Lükɛ̀n 16:15

Zhezü kɛ dɔ́ yɔ le: “Nyɛ́n dú anwrɔn hɔ̀n léyi ke bú y'edomɛ̀n kɛ hán ɛnyrɔn-nan-bɔ̀ anwrɔnẅì zìwú, tɛ́n Ɔwɔ nyrí ny'ɛnbɔrɛ hɔ̀n lɔ. Ɔmuhi, eci léyi anwrɔnẅì ke bɩ kɛ hán eci vri nɔn, Ɔwɔ zìwú lɔ dú eci-gbri-ci.

Rɔmɛ̀n-anmàn-bɔ̀ 1:17

Annanwɔrɛ mɛ̀n lɔ, Ɛmɛẅi ankà Ankrankran lɔ ke yé ɔmu le Ɔwɔ kɛ tán anwrɔnẅì ɛnyrɔnnan n'ezìwú nɔn; ankaẅì-bùtan zriemɛ̀n kɩ, dú ɛnkrubɔmɛ̀n mán ɔtrɔmɛ̀n, hán ɔmu le Owrú Prɔnprɔn kɛ dɔ̀ nɔn hɔ́: “Ɔwrɔn léyi dú ɛnyrɔnnan mɛ̀n ankaẅì-bùtan-ẅɛn mɛ̀n nɔn, nɛ lɛ cɔ́ ɛwúvà.”

Rɔmɛ̀n-anmàn-bɔ̀ 10:2

Annanwɔrɛ mɛ̀n lɔ, me le di yɔ dalɛfue tɛ̀ le, edùyì yɩ́ y'ɛnbɔrɛ lɔ Ɔwɔ kɔ̀hɔ̀n-hán mɛ̀n, tɛ́n y'edùyì lɔ kè sɩ̀ dù ankà-nyrì yri-kàn mɛ̀n.

Rɔmɛ̀n-anmàn-bɔ̀ 10:20

Ezàhi kɛ sɔ́n ɛkɔrɛ̀ angbà kɛ dɔ̀ le: “Ɔwɔ kɛ dɔ̀ le, anwrɔn hɔ̀n léyi kè sɩ̀ dù m'ejiemɛ̀n nɔn de cɔ́ mɛ̀n nɔn, mɛ̀n bɩ́ m'edomɛ̀n mɛ̀n yé anwrɔn hɔ̀n léyi kè sɩ̀ sán mɛ̀n eci zriɛmɛ́n nɔn.”

Rɔmɛ̀n-anmàn-bɔ̀ 11:7

Ecitan de yɛ cɔ́ n'ɛmɛ̀n lɔ nɛ́n? Izraɛlɛ̀n fɛcüè kè sɩ̀ cɔ̀ eci léyi nɛ̀n dú ejiemɛ̀n nɔn; yɔ zri léyi Ɔwɔ mrɛ́n yɔ nbɩ nɔn kɩ yɔ cɔ́ eci lɔ. Anwrɔn ndɔ hɔ̀n tɛn, yɔ srɔ eci woro ankà-yá mɛ̀n,

Rɔmɛ̀n-anmàn-bɔ̀ 3:22

Ɔwɔ kɛ srɔ anwrɔnẅì ɛnnyrɔnnan-bɔ̀ n'ezìwú y'ankaẅì-bùtan léyi yɔ ẅɛn Zhezü Krisì mɛ̀n nɔn hɩ wú. Nɛ hán ndɔ lɔ tán anwrɔn hɔ̀n lɔ fɛn léyi ẅɛn ankaẅì-bùtan Krisì mɛ̀n nɔn, ɔmuhi yɔ lɔ fɛn nzriɛmɛ́n kè sɩ̀ vɛ̀n hàn nɔn:

Rɔmɛ̀n-anmàn-bɔ̀ 5:19

Ɔwrɔn zri fɔndɔ̀n hán anwrɔn bobrebe bore ɛgbàn mɛ̀n; ɔmu zri lɔ de ɔwrɔn zri anhyɛyì léyi ẅɛn Ɔwɔ tɛ̀sɛ̀n nɔn, anwrɔn bobrebe hɔ̀n cɔ́ ɛnyrɔnnan Ɔwɔ zìwú.

2 Korɛntɛ̀n anmàn-bɔ̀ 5:21

Krisì dú prɔnprɔn mɛ̀n, tɛ́n Ɔwɔ bɩ́ bɔ́ ɛgbàn hɔ̀n lɔ worɔ nɛ̀n, ô n'ɛmɛ̀n lɔ, bɔ̀ cɔ́ ɛwúvà-kɔrɛ̀ léyi Ɔwɔ tán n'ɔkɔ̀hɔ̀n lɔ mɛ̀n nɔn.

Filipɛ̀n anmàn-bɔ̀ 3:9

ô nɛ́n mɛhi bɔ́ dú ɔbɔ̀sɔ mɛ̀n kokroho. Mɛ́n sɩ́ vru ẅɛn ankà-tro le mɛ̀n dú ɛnyrɔnnan-wrɔn m'ɛnyànmàn ci-hán mɛ̀n. Krisì ankaẅì-bùtan-ẅɛn mɛ̀n de mɛ̀n dú ɛnyrɔnnan-wrɔn, ɛkɔrɛ̀levri ci-hán ndɔ lɛ́yi, Ɔwɔ hán kè dú ankàẅì-bùtan-ẅɛ̀n ci-tán nɔn.

2 Piɛrɛ̀n 1:1

Ebinyan ndɔ lɔ dú Simɔn Piɛrɛ̀n yri kɛ và, nɛ́n léyi nɛ̀n dú Zhezü Krisì ci-bɩtan-wrɔn mán n'ɔkɔ̀hɔ̀n-wá-wrɔn nɔn. Ebinyan ndɔ lɔ dú anwrɔn léyi b'Ɔwɔ mán b'ebɩdie-wrɔn Zhezü Krisì krukɔrɛ̀ kɔrɛ̀wá mɛ̀n, ncɔ́ ankaẅìbùtan léyi ẅɛn anhàn hán bɔ́ tɛn lɔ hɔ́ nɔn: